DBS Myanmar

သမိုင်းကိုပြန်ကြည့်ရမယ်ဆိုရင် ဈေးကွက်တွေမတည်ငြိမ်တဲ့အခါတိုင်း ရွှေဟာအားကိုးရတဲ့ ရင်းနှီးမြှုပ်နှံမှုတစ်ခုအဖြစ်လူသိများခဲ့သလို နည်းပညာတွေတိုးတက်လာတဲ့နောက်ပိုင်းမှာ Bitcoin ဟာလည်း ခေတ်မီတဲ့အခြားရွေးချယ်စရာတစ်ခုအနေနဲ့ နေရာရလာလျက်ရှိနေပါတယ်။

Bitcoin နဲ့ ရွှေနှစ်ခုစလုံးက တန်ဖိုးကိုထိန်းသိမ်းဖို့ရည်ရွယ်တာချင်းတူပေမယ့် ဒီပိုင်ဆိုင်မှုနှစ်ခုကိုနှိုင်းယှဉ်တဲ့နေရာမှာ အဓိကသိထားရမှာက Bitcoin ဟာ မတည်ငြိမ်မှုများပြီး အကျိုးအမြတ်များနိုင်တဲ့ Digital Assets တစ်ခုဖြစ်တဲ့အလျောက် စီးပွားရေးအခြေအနေ၊ ငွေလည်ပတ်မှုနဲ့ အကန့်အသတ်ရှိတဲ့ supply တွေကြောင့်ဈေးအတက်အကျကြမ်းနိုင်ပြီး ရွှေကတော့ မတည်ငြိမ်မှုနည်းကာ physical commodity အရ တန်ဖိုးထိန်းသိမ်းတဲ့ပိုင်ဆိုင်မှုတစ်ခုဖြစ်တာနဲ့အညီ ငွေကြေးဖောင်းပွမှု ဒါမှမဟုတ် နိုင်ငံရေးမတည်ငြိမ်မှုတွေဖြစ်လာတဲ့အခြေအနေမျိုးတွေမှာ အများရဲ့ယုံကြည်အားထားမှုကိုခံရလေ့ရှိပါတယ်။

Bitcoin ဆိုတာက ဗဟိုချုပ်ကိုင်မှုမရှိတဲ့ Digital Assets တစ်ခုဖြစ်ပြီးတော့ blockchain နည်းပညာပေါ်မှာအခြေခံထားတဲ့အတွက် ရုပ်ပိုင်းဆိုင်ရာပစ္စည်းတွေနဲ့ အစိုးရတွေက အာမခံထားတာမျိုးမရှိပါဘူး။ ဒါကြောင့်သူ့ရဲ့တန်ဖိုးက ရင်းနှီးမြှုပ်နှံသူတွေရဲ့ယုံကြည်မှု၊ ကွန်ရက်ကိုအသုံးပြုမှုနဲ့ အကန့်အသတ်ရှိတဲ့ supply တွေအပေါ်မှာမူတည်နေတဲ့အတွက် ရင်းနှီးမြှုပ်နှံသူတွေအနေနဲ့ ဝင်ငွေရဖို့ဆိုရင်တော့ ဈေးတက်လာမှသာ အကျိုးအမြတ်ရရှိနိုင်မှာဖြစ်ပါတယ်။ 

ဒါပေမယ့် ရွှေကတော့ သမိုင်းနှစ်ထောင်ပေါင်းများစွာကတည်းက ငွေကြေးနဲ့လက်ဝတ်ရတနာအဖြစ်အသုံးပြုခဲ့တဲ့ ရုပ်ပိုင်းဆိုင်ရာပစ္စည်းတစ်ခုဖြစ်တဲ့အတွက် Liability မရှိသလို လူအများကလည်း store of value အဖြစ်ရှုမြင်ကြတာကြောင့် ရွှေရဲ့တန်ဖိုးကို သူ့ရဲ့ထိတွေ့ကိုင်တွယ်နိုင်တဲ့သဘာဝနဲ့ ဂုဏ်သတ္တိတွေကအာမခံပေးထားပါတယ်။ ဗဟိုဘဏ်တွေ‌အနေနဲ့လည်း များသောအားဖြင့် ရွှေကို reserve asset အဖြစ်သိမ်းဆည်းထားတတ်ကြသလို မကြာသေးခင်နှစ်တွေမှာဆိုရင် လူတွေက အမေရိကန်ဒေါ်လာကို အားမထားချင်ကြတဲ့အတွက် ရွှေကိုအများအပြားဝယ်ယူခဲ့တာတွေလည်းရှိခဲ့ဖူးပါတယ်။ Bitcoin နဲ့မတူတာက ရွှေမှာ လက်တွေ့အသုံးပြုနိုင်တဲ့အရာတွေ (လက်ဝတ်ရတနာတွေ၊ electronic ပစ္စည်းတွေ) ရှိပေမယ့် စက်မှုလုပ်ငန်းသုံးထက် ရင်းနှီးမြှုပ်နှံမှုနဲ့ ကြွယ်ဝမှုကိုသိုလှောင်တဲ့နေရာမှာအသုံးပြုတာကပိုပြီးများပါတယ်။

2024 နဲ့ 2025 ခုနှစ်အစောပိုင်းမှာတော့ Bitcoin နဲ့ ရွှေ နှစ်ခုစလုံး ဈေးနှုန်းအပြောင်းအလဲကြီးတွေနဲ့ကြုံတွေ့ခဲ့ရပြီး Bitcoin ဆိုရင် ဒေါ်လာ 100,000 ကျော်အထိ ဈေးတွေတက်သွားခဲ့ပါတယ်။ ဒီလိုဈေးတက်လာမှုရဲ့ အဓိကအကြောင်းအရင်းတွေက ငွေလည်ပတ်မှုအခြေအနေတွေတိုးတက်လာတာ၊ အဖွဲ့အစည်းဆိုင်ရာရင်းနှီးမြှုပ်နှံမှုတွေ ပိုများလာတာနဲ့ အမေရိကန်မှာ Spot Bitcoin ETFs တွေကို အတည်ပြုလိုက်တာတွေကြောင့်ဖြစ်ပြီး ဈေးကွက်က Bitcoin ကို high-growth asset တစ်ခုအဖြစ်ရော၊ ငွေကြေးမတည်ငြိမ်မှုကိုကာကွယ်နိုင်တဲ့ နည်းလမ်းတစ်ခုအဖြစ်ပါရှုမြင်ခဲ့ကြတဲ့အတွက် Bitcoin ဈေးတက်ခဲ့တာဖြစ်ပါတယ်။

Bitcoin ဈေးမတက်ခင် 2025 ခုနှစ် အစောပိုင်းကာလမှာတော့ Bitcoin ဈေးနှုန်းအနေနဲ့ ဒေါ်လာ 88,000 နီးပါးအထိ မြင့်တက်ခဲ့ပေမယ့် အမေရိကန်သမ္မတ Donald Trump ရဲ့ ကမ္ဘာလုံးဆိုင်ရာ သွင်းကုန်အခွန်စည်းကြပ်မှုကြေညာချက်ကြောင့် 24 နာရီအတွင်း ဒေါ်လာ 81,000 ဝန်းကျင်အထိပြန်လည်ရောက်ရှိသွားခဲ့တဲ့အတွက် ကမ္ဘာ့ဘဏ္ဍာရေးဈေးကွက်တွေမှာ ထိတ်လန့်မှုတွေဖြစ်ခဲ့ပြီး ရှယ်ယာဈေးကွက်တွေလည်းကျဆင်းခဲ့ရပါတယ်။ အစပိုင်းမှာ crypto ဈေးကွက်တွေက Stock ဈေးကွက်တွေနဲ့အတူအပြိုင်ဈေးကျခဲ့တယ်ဆိုပေမယ့် စျေးကျပြီးသိပ်မကြာခင်ရက်ပိုင်းအတွင်းမှာပဲ Bitcoin ဈေးနှုန်းဟာ ဒေါ်လာ 81,000 အထက်မှာတည်ငြိမ်သွားခဲ့တဲ့အပြင် အနည်းငယ်မြင့်တက်ခဲ့တာကိုတောင်တွေ့ရတဲ့အတွက် crypto ဈေးကွက်ဟာ အခြားဈေးကွက်တွေနဲ့မတူတော့ဘူးဆိုတဲ့ ဆွေးနွေးမှုတွေကို စတင်စေခဲ့ပါတယ်။

လေ့လာသုံးသပ်သူတွေအဆိုအရ Bitcoin ETFs အချို့ဆီကို ငွေတွေပြန်ဝင်လာတာအပါအဝင် cold wallet တွေထဲ ငွေတွေပိုမိုစုဆောင်းလာတာတွေကြောင့် Bitcoin ဟာ အန္တရာယ်များတဲ့ Asset တစ်ခုလိုပြုမူနေတာကနေ စီးပွားရေးကျဆင်းမှု‌တွေက‌နေကာကွယ်ပေးမယ့် Assert တစ်ခုရဲ့ လက္ခဏာတွေကို စတင်ပြသလာနေပြီဆိုပြီး လူအများကပြောဆိုလာခဲ့ကြပါတယ်။ ဒါဟာ Bitcoin ကို အခြားသော Assets တွေနဲ့လုံးဝကွဲပြားသွားပြီလို့ ဆိုလိုတာမဟုတ်ပေမယ့် ဒီလမ်းကြောင်းအတိုင်းသာ ဆက်သွားမယ်ဆိုရင် Bitcoin အနေနဲ့ ရှယ်ယာဈေးကွက်ကျဆင်းနေတဲ့အချိန်မှာတောင်မှ ရင်းနှီးမြှုပ်နှံသူတွေအတွက် ရွေးချယ်စရာ Asset တစ်ခုဖြစ်လာနိုင်ပြီး အကယ်၍ ဒီလမ်းကြောင်းသာ တည်တံ့သွားမယ်ဆိုရင် Bitcoin ဟာ ရှယ်ယာဈေးကွက်ရဲ့ အတက်အကျကိုအခြေခံတဲ့ Asset တစ်ခုမဟုတ်‌တော့ဘဲ သီးခြားရပ်တည်နိုင်တဲ့ Asset တစ်ခုအဖြစ် နေရာတစ်ခုရရှိသွားနိုင်မှာဖြစ်ပါတယ်။

လက်ရှိအထိတော့ Bitcoin က မတည်ငြိမ်မှုတွေရှိနေပေမယ့် သူ့ရဲ့supply အကန့်အသတ်ရှိ‌တာတွေ၊ 24 နာရီပတ်လုံးအရောင်းအဝယ်ပြုလုပ်နိုင်တာတွေ၊ အချုပ်အခြာအာဏာပိုင်ငွေကြေးစနစ်တွေနဲ့ မပတ်သက်တဲ့သဘောသဘာဝတွေကြောင့် ပုံမှန်ပိုင်ဆိုင်မှုတွေအစား အခြားရွေးချယ်စရာတွေကိုရှာဖွေနေတဲ့ တစ်ဦးချင်းရင်းနှီးမြှုပ်နှံသူတွေနဲ့ အဖွဲ့အစည်းဆိုင်ရာရင်းနှီးမြှုပ်နှံသူတွေအတွက်တော့ ဆွဲဆောင်မှုတစ်ခုအနေနဲ့တည်ရှိနေပါတယ်။

တစ်ဖက်မှာလည်း ရွှေရဲ့ဈေးနှုန်းက 2025 မတ်လမှာတင် ဒေါ်လာ 3,000 ကျော်အထိ ပထမဆုံးအကြိမ် သမိုင်းဝင်စံချိန်တင်မြင့်တက်ခဲ့တာကိုကြည့်ခြင်းအားဖြင့် စိုးရိမ်မှုတွေနဲ့ စီးပွားရေးတင်းမာမှုတွေကြောင့် ရွှေကိုအားကိုးလိုသူတွေများလာတာကိုတွေ့မြင်ရမှာဖြစ်ပြီး မျှော်လင့်ထားတဲ့အတိုင်း အမေရိကန်သမ္မတ Donald Trump ရဲ့ အခွန်စည်းကြပ်မှုကြေညာချက်ကြောင့်ပဲ ကမ္ဘာလုံးဆိုင်ရာ ကုန်သွယ်ရေးစစ်ပွဲဖြစ်လာမှာကို ကြောက်ရွံ့နေကြတဲ့အတွက် ရွှေကိုအကာအကွယ်ပစ္စည်းတစ်ခုအနေနဲ့ ရင်းနှီးမြှုပ်နှံသူတွေကပိုမိုဝယ်ယူခဲ့ကြတာဖြစ်ပါတယ်။ နောက်ပြီး ဒီသတင်းကြောင့်ပဲ အမေရိကန်ဒေါ်လာတန်ဖိုးကျဆင်းခဲ့ရတဲ့အတွက် ရွှေဈေးတက်ဖို့ နောက်ထပ်အားတစ်ခုဖြစ်လာစေခဲ့သလို ကုန်သွယ်ရေးကန့်သတ်ချက်ကြောင့် ငွေကြေးဖောင်းပွမှုကိုမြင့်တက်စေမယ်ဆိုတဲ့ စိုးရိမ်မှုတွေကလည်း ရွှေဈေးတက်ဖို့ ပိုမိုအားဖြည့်ပေးနိုင်ခဲ့ပါတယ်။

2025 ခုနှစ် ဧပြီလနောက်ပိုင်းမှာ ရွှေဈေးခဏတာ ပြန်လည်ကျဆင်းသွားခဲ့ပေမယ့် လက်ရှိအချိန်မှာတော့ ဒေါ်လာ 3,300 ဝန်းကျင်နဲ့ အရောင်းအဝယ်ဖြစ်နေတာကိုကြည့်ချင်းအားဖြင့် ရွှေအနေနဲ့ ရေတိုဈေးတက်နှုန်းနှေးသွားလည်း ရေရှည်အခြေခံအချက်တွေကတော့ အားကောင်းနေဆဲဆိုတာကိုတွေ့ရမှာဖြစ်ပါတယ်။ နောက်ပြီး ဗဟိုဘဏ်တွေအနေနဲ့လည်း 2025 ခုနှစ်တစ်လျှောက်လုံး ရွှေတွေကို အရန်ငွေအဖြစ် ဆက်လက်ဝယ်ယူဖို့မျှော်လင့်ထားကြပြီးတော့ အထူးသဖြင့် အမေရိကန်ဒေါ်လာကိုအားမထားချင်ကြတဲ့ ဖွံ့ဖြိုးဆဲနိုင်ငံတွေမှာ ရွှေဝယ်လိုအား‌တွေပိုများလေ့ရှိနေတတ်ပါတယ်။ ဈေးကွက်လေ့လာသူတွေအဆိုအရ Federal ဘဏ်ဘက်ကသာ ငွေကြေးမူဝါဒကိုလျှော့ပေးတဲ့လက္ခဏာသာပြခဲ့ရင် ရွှေဈေးအနေနဲ့ ဒီ့ထက်မကတက်သွားနိုင်တယ်လို့ မှတ်ချက်တွေပေးနေကြပြီး အဖွဲ့အစည်းဆိုင်ရာ ETFs တွေမှာလည်း ငွေဝင်လာနေတာကြောင့် ရင်းနှီးမြှုပ်နှံသူအမျိုးအစားပေါင်းစုံရဲ့ ဝယ်လိုအားတွေမြင့်တက်လာနေတာကိုတွေ့ရမှာဖြစ်ပါတယ်။

အခုလို စျေးနှုန်းအပြောင်းအလဲနဲ့ ကြုံတွေ့ခဲ့ကြရပြီးတဲ့နောက် တွေ့ရှိလာရတဲ့တွေ့ရှိချက်တွေအရ Bitcoin ဟာ ရေရှည်မှာအကျိုးအမြတ်အများကြီးရနိုင်တဲ့ အလားအလာရှိတဲ့ Asset တစ်ခုဖြစ်တဲ့အတွက် ကမ္ဘာ့ဘဏ္ဍာရေးစနစ်ထဲကို ပိုမိုရောက်ရှိလာနေပြီးတော့ နိုင်ငံတကာအဖွဲ့အစည်းကြီးတွေရဲ့ရင်းနှီးမြှုပ်နှံမှုစာရင်းထဲမှာလည်း ပါဝင်လာနိုင်နေပြီဖြစ်တဲ့အပြင် Lightning Network လို second-layer solutions တွေက လုပ်ဆောင်မှုတွေကိုပိုမိုမြန်ဆန်စေနိုင်ပြီး BTC ETFs လို စည်းမျဉ်းနဲ့အညီထိန်းချုပ်ထားတဲ့ ရင်းနှီးမြှုပ်နှံမှုနည်းလမ်းတွေကြောင့်လည်း ဝယ်ယူရောင်းချရာမှာပိုမိုအဆင်ပြေစေမှာဖြစ်ပါတယ်။ နောက်ပြီး ငွေကြေးတန်ဖိုးကျဆင်းတဲ့အခြေအနေတွေမှာတောင် Bitcoin က Digital ရွှေအဖြစ် ပိုပြီးအရေးပါလာနိုင်တဲ့အတွက် ငွေကြေးမတည်ငြိမ်တဲ့ နိုင်ငံတွေအတွက် အသုံးဝင်တဲ့ Asset တစ်ခုဖြစ်လာနိုင်တဲ့အပြင် ရေရှည်မှာ Bitcoin အနေနဲ့ ရွှေရဲ့ဈေးကွက်တန်ဖိုးကိုယှဉ်လာနိုင်သည်ဖြစ်စေ ဒါမှမဟုတ် နိုင်ငံအများအပြားက Bitcoin ကို reserve asset အဖြစ် ပိုပြီးလက်ခံလာသည်ဖြစ်စေ Bitcoin ဈေးနှုန်းက အခုထက်အဆပေါင်းများစွာပိုပြီးမြင့်တက်သွားနိုင်ချေရှိနေတာဖြစ်ပါတယ်။

ဒါပေမယ့်လည်း လက်ရှိအချိန်အထိတော့ Bitcoin ဟာ ရင်းနှီးမြှုပ်နှံမှုစာရင်းထဲမှာ အန္တရာယ်အများဆုံး Asset တစ်ခုအဖြစ် ဆက်လက်တည်ရှိနေတဲ့အပြင် ပတ်ဝန်းကျင်ဆိုင်ရာ စိုးရိမ်မှုတွေက ရေရှည်မှာစိန်ခေါ်မှုတစ်ရပ်အဖြစ်ရှိနေပြီး Bitcoin ရဲ့ စွမ်းအင်သုံးစွဲမှုနဲ့ပတ်သက်လို့လည်း ဝေဖန်မှုတွေနဲ့ရင်ဆိုင်ရလျက်ရှိနေပါတယ်။ နောက်ပြီး Bitcoin ဈေးကွက်တန်ဖိုးမြင့်တက်လာတာနဲ့အမျှ အရင်ကလိုအဆမတန်များပြားတဲ့အမြတ်အစွန်းတွေ ရရှိဖို့ခက်ခဲလာနိုင်ပြီး မတည်ငြိမ်မှုတွေလျော့နည်းသွားတာက ရေရှည်ကိုင်ထားလိုသူတွေအတွက် သတင်းကောင်းဖြစ်ပေမယ့် အမြတ်အစွန်းရရှိတဲ့နှုန်းကတော့ အတော်လေးလျော့နည်းလာပါလိမ့်မယ်။

Binance Account ဖွင့်ရန်

Cryptocurrency ဈေးကွက်တဖြည်းဖြည်းကြီးထွားလာတာနဲ့အမျှ ဒီ Digital ငွေကြေးလောကထဲကိုဝင်ရောက်ဖို့ စိတ်ဝင်စားသူတွေပိုများလာတယ်ဆိုပေမယ့် အတွေ့အကြုံမရှိသေးတဲ့ Beginner တွေအတွက် ရွေးချယ်စရာ Exchange တွေအများကြီးရှိနေတာကြောင့် ဘယ်တစ်ခုကိုရွေးရမလဲဆိုပြီး ရွေးချယ်ရခက်နေစေတတ်ပါတယ်။ နောက်ပြီး ဒီလိုရွေးချယ်တဲ့အခါမှာလည်း လုံခြုံမှုရှိပြီးတော့ ငွေကုန်ကြေးကျသက်သာကာ ကောင်းမွန်တဲ့အရောင်းအဝယ်အတွေ့အကြုံရဖို့သင့်တော်တဲ့ Exchange တစ်ခုကိုရှာတွေ့ဖို့ကလည်းအလွန်အရေးကြီးပြန်ပါသေးတယ်။ ဒါကြောင့် Cryptocurrency အရောင်းအဝယ်စတင်မယ့်သူတွေအနေနဲ့ Exchange တစ်ခုကိုရွေးချယ်တော့မယ်ဆိုရင် အခြေခံကျတဲ့ Security, Fees, Ease of Use တွေနဲ့ Liquidity, Fiat Support, Staking Options တို့လို အဓိကအချက်တွေကိုထည့်သွင်းစဥ်းစားပြီးတော့ ကိုယ်နဲ့ကိုက်မယ့် အဆင်ပြေမယ့် Exchange တစ်ခုကိုရွေးချယ်တတ်ဖို့လိုအပ်ပါတယ်။

Security ပိုင်းရဲ့ အရေးကြီးမှု
Cryptocurrency တွေဆိုတာ Digital Assets တွေဖြစ်တဲ့အတွက် Hackers တွေနဲ့ လိမ်လည်သူတွေရဲ့ပစ်မှတ်ထားတာကိုခံရနိုင်တာကြောင့် Beginner တွေအနေနဲ့ Exchange တစ်ခုရွေးချယ်တော့မယ်ဆိုရင် မိမိအကောင့်ထဲကို ခွင့်ပြုချက်မရှိဘဲဝင်ရောက်တာကနေကာကွယ်ပေးနိုင်တဲ့ Two-Factor Authentication (2FA) ရှိမရှိ၊ Digital Assets အများစုကို အင်တာနက်နဲ့ချိတ်ဆက်မှုမရှိတဲ့နေရာ (Cold Storage) မှာ သိမ်းဆည်းထားမထား၊ သုံးစွဲသူတွေကို ဆုံးရှုံးမှုအမျိုးအစားအချို့ကနေ ကာကွယ်ပေးထားတဲ့အာမခံ (Insurance) ပါမပါ နဲ့ Exchange တစ်ခုရဲ့ယုံကြည်စိတ်ချရမှုကိုသိရှိနိုင်တဲ့လုံခြုံရေးဖြစ်စဥ်မှတ်တမ်း (Security Breach History) ကောင်းမကောင်းအပါအဝင် အဆင့်မြင့်လုံခြုံရေးစနစ်တွေရှိတဲ့ Exchange တွေကို ဦးစားပေးရွေးချယ်ဖို့လိုအပ်ပါတယ်။

Fees တွေရော အရမ်းကြိတ်လား

တစ်ဆက်တည်းမှာပဲ ဝန်ဆောင်ခ (Fees) တွေကလည်း Beginner တွေရဲ့အမြတ်အစွန်း၊ အထူးသဖြင့် ပမာဏနည်းနည်းနဲ့ စတင်အရောင်းအဝယ်လုပ်သူတွေအပေါ်သက်ရောက်မှုရှိနိုင်တာကြောင့် ဝယ်ရောင်းပြုလုပ်ရာမှာပေးဆောင်ရတဲ့ အရောင်းအဝယ်ဝန်ဆောင်ခ (Trading Fees)၊ Exchange ထဲကို ငွေထည့်တာနဲ့ထုတ်ယူတာမှာ‌ပေးရတဲ့ ငွေသွင်းငွေထုတ်ဝန်ဆောင်ခ (Deposit/Withdrawal Fees) စတာတွေအပြင် အချို့ Exchange တွေရဲ့ကိုယ်ပိုင် Token (ဥပမာ- Binance ရဲ့ BNB) ကြောင့် ဝန်ဆောင်ခလျှော့စျေးပေးတာတွေကိုပါ ထည့်သွင်းစဥ်းစားရမှာပဲဖြစ်ပါတယ်။

UI နဲ့ Educational Resources တွေ

နောက်ပြီး Beginner တွေဆိုတာ အခုမှ Digital ငွေကြေးလောကထဲစတင်ဝင်ရောက်လာသူတွေဖြစ်တဲ့အတွက် ရှုပ်ထွေးမှုမရှိဘဲလွယ်ကူစွာအသုံးပြုနိုင်မယ့် ရိုးရှင်းပြီးအလိုလိုနားလည်စေနိုင်တဲ့ User Interface (UI) ရှိဖို့ အရေးကြီးတဲ့အပြင် Platform အကြောင်းနဲ့ Trading အခြေခံတွေကိုနားလည်အောင်ကူညီပေးနိုင်မယ့် ပညာရပ်ဆိုင်ရာအထောက်အကူပြုသင်ခန်းစာ (Educational Resources) တွေနဲ့ အချိန်မရွေး နေရာမရွေး Trading ပြုလုပ်နိုင်မယ့် Mobile App ပါရှိတာကလည်းပဲ Beginner တွေအတွက် အရေးပါတဲ့အချက်တွေဖြစ်ပါတယ်။

Liquidity နဲ့ Support
အဆိုပါအချက်တွေအပြင် Cryptocurrency တွေကို ဈေးနှုန်းသိသိသာသာအပြောင်းအလဲမရှိဘဲ အလွယ်တကူဝယ်ရောင်းလုပ်နိုင်မယ့် Liquidity၊ Exchange ထဲကို အလွယ်တကူငွေထည့်သွင်းတာနဲ့ ထုတ်ယူတာတွေပြုလုပ်နိုင်မယ့် Fiat Support အပါအဝင် Cryptocurrency တွေကိုင်ထားရုံနဲ့ အမြတ်ငွေရရှိနိုင်မယ့် Passive Income ရှာလိုတဲ့ Beginner တွေအတွက် Staking Options ကလည်း Exchange တစ်ခုရွေးချယ်ရာမှာထည့်သွင်းစဥ်းစားရမယ့်အဓိကအချက်တွေထဲမှာပါဝင်နေပါတယ်။

တစ်ဖက်မှာလည်း ဆန့်ကျင်ဘက်အနေနဲ့ Exchange တစ်ခုကိုရွေးချယ်တဲ့အခါမှာ Hidden Fees လို မရှင်းလင်းတဲ့အခွန်တွေကြောင့် မိမိရဲ့အမြတ်အစွန်းမလျှော့သွားရလေအောင် ဝန်ဆောင်ခစာရင်းကိုသေချာစွာစစ်ဆေးဖို့လိုအပ်သလို Usersတွေရဲ့ငွေကြေးကိုအန္တရာယ်ဖြစ်စေနိုင်မယ့် လုံခြုံရေးမှတ်တမ်းမကောင်းတဲ့ ဒါမှမဟုတ် အကြီးအကျယ်ချိုးဖောက်ခံရမှုတွေရှိခဲ့တဲ့ Exchange တွေကိုလည်း အထူးသတိထားရှောင်ရှားသင့်ပါတယ်။ ဒါ့အပြင် Customer Support၊ Platform ရဲ့ယုံကြည်စိတ်ချရမှုနဲ့ ငွေထုတ်ယူလွယ်ကူမှု အစရှိတဲ့ပြဿနာတွေကိုပါ ကြိုတင်သိရှိနိုင်ဖို့အတွက် User Reviews and Complaints ကိုလည်း သေချာဖတ်ရှုထားဖို့လိုအပ်ပြီး Customer ဝန်ဆောင်မှုနှေးကွေးတာ ဒါမှမဟုတ် အကြောင်းမပြန်တာမျိုးက Beginner တွေအတွက် အခက်အခဲအများကြီးဖြစ်စေနိုင်တဲ့အတွက် ဒီအချက်တွေကိုလည်း အထူးအလေးထားသတိပြုဖို့လိုအပ်ပါတယ်။

အခုလို Cryptocurrency လောကကိုစတင်ခြေချမယ့် Beginner တွေအတွက် စိတ်ချယုံကြည်ရပြီးအသုံးပြုရလွယ်ကူတဲ့ Exchange ကိုရှာနေတယ်ဆိုရင်တော့ ကမ္ဘာ့ထိပ်တန်း Cryptocurrency Exchange တစ်ခုဖြစ်တဲ့ Binance က Beginner တွေရော ကျွမ်းကျင်သူတွေပါအသုံးပြုနိုင်မယ့် ပြည့်စုံတဲ့ Feature တွေပါရှိတဲ့အတွက် အကောင်းဆုံးရွေးချယ်မှုတစ်ခုဖြစ်ပါလိမ့်မယ်။ နောက်ပြီး Binance ရဲ့လုံခြုံရေးစနစ်ထဲမှာ SAFU (Secure Asset Fund for Users) လို့ခေါ်တဲ့ အရေးပေါ်ရန်ပုံငွေ၊ စကားဝှက်အပြင်ကိုမှ ဒုတိယအတည်ပြုချက်ထည့်သွင်းရတဲ့ Two-Factor Authentication (2FA)၊Cryptocurrency အများစုကို Hackers တိုက်ခိုက်မှုတွေကနေကာကွယ်ဖို့ အင်တာနက်နဲ့မချိတ်ဆက်ဘဲသိမ်းဆည်းထားတဲ့ Cold Storage နဲ့ လုံခြုံရေးခြိမ်းခြောက်မှုတွေကို ချက်ချင်းတုံ့ပြန်နိုင်ဖို့ 24 နာရီပတ်လုံး စဥ်ဆက်မပြတ်စောင့်ကြည့်စစ်ဆေးနေတဲ့ Real-time Monitoring စတဲ့ လုံခြုံရေးစနစ်တွေပါဝင်တဲ့အတွက် လုံခြုံရေးနဲ့ပတ်သက်လို့အတော်လေးခိုင်မာတယ်လို့ဆိုရမှာဖြစ်ပါတယ်။ ဒါ့အပြင် Binance မှာ သူ့ရဲ့ BNB Token ကိုအသုံးပြုပြီးတော့ ဝန်ဆောင်ခလျှော့စျေးတွေရရှိနိုင်သလို သုံးစွဲသူအမျိုးမျိုးအတွက် အသုံးပြုရလွယ်ကူအောင်ပြုလုပ်ထားတဲ့ Design ကြောင့် Beginner တွေအတွက် ရှုပ်ထွေးမှုရှိမှာမဟုတ်ဘဲ Binance Academy လို သင်ခန်းစာတွေကလည်း Beginner တွေကို ကူညီပေးနိုင်ပါလိမ့်မယ်။

Binance ဟာ ကမ္ဘာ့အကြီးဆုံး Exchange တွေထဲကတစ်ခုဖြစ်တာနဲ့အညီ Liquidity အလွန်မြင့်မားတဲ့အတွက် အရောင်းအဝယ်တွေကို မြန်ဆန်ချောမွေ့စွာပြုလုပ်နိုင်တဲ့အပြင် P2P (Peer-to-Peer) Marketplace နဲ့ Credit/Debit Card ကနေတစ်ဆင့် ငွေသွင်းငွေထုတ်တာတွေအပါအဝင် Fiat ငွေကြေးအမျိုးမျိုးကိုလည်း ကျယ်ကျယ်ပြန့်ပြန့်ထောက်ပံ့ပေးထားပြီးတော့ Passive Income ရှာလိုတဲ့ Beginner တွေအတွက်လည်း မတူညီတဲ့ APY နဲ့ Lock-up Staking Options တို့လို အားသာချက်တွေအများကြီးရှိနေတာကို တွေ့ရမှာဖြစ်ပါတယ်။ အခုလို Binance မှာ ဝန်ဆောင်ခနည်းပါးတာ၊ Cryptocurrency အမျိုးအစားများစွာရှိတာ၊ Liquidity မြင့်မားတာ၊ လုံခြုံရေး Feature တွေကောင်းမွန်တာနဲ့ ဝင်ငွေရှာဖွေနိုင်တဲ့နည်းလမ်းမျိုးစုံရှိတာအစရှိသဖြင့် အားသာချက်တွေ အများကြီးရှိပေမယ့် Beginner တွေအနေနဲ့ အချို့ဒေသတွေမှာ ဥပဒေစည်းမျဥ်းနဲ့ပတ်သက်တဲ့ အခက်အခဲတွေရှိနိုင်ပြီးတော့ တဖက်မှာလည်း Binance ရဲ့ Feature တွေကများပြားလွန်းလှတဲ့အတွက် Platform ကရှုပ်ထွေးနိုင်တာကိုတော့ သတိပြုသင့်ပါတယ်။
နိဂုံးချုပ်အနေနဲ့ပြောရရင် Beginner တွေအတွက် အကောင်းဆုံး Cryptocurrency Exchange ကို ရွေးချယ်ဖို့ဆိုရင် လုံခြုံရေး၊ ဝန်ဆောင်ခ၊ အသုံးပြုရလွယ်ကူမှု၊ Liquidity၊ Fiat Support နဲ့ Staking Options စတဲ့အချက်တွေကို သေချာထည့်သွင်းစဉ်းစားဖို့လိုအပ်ပြီးတော့ ခိုင်မာတဲ့လုံခြုံရေးစနစ်နဲ့ ပွင့်လင်းမြင်သာတဲ့ဝန်ဆောင်ခစနစ်တွေရှိတဲ့ Platform တွေကို ဦးစားပေးရွေးချယ်သင့်ပါတယ်။ အခြား Exchange တွေမှာ ကိုယ်ပိုင်အားသာချက်တွေရှိကြပေမယ့် Binance ကတော့ သူ့ရဲ့ပြည့်စုံတဲ့ Feature တွေ၊ သက်သာတဲ့ဝန်ဆောင်ခတွေနဲ့ Liquidity မြင့်မားမှုတွေကြောင့် အကောင်းဆုံးရွေးချယ်မှုတစ်ခုလို့ဆိုနိုင်သော်ငြားလည်း ကိုယ့်ရဲ့လိုအပ်ချက်နဲ့ နှစ်သက်မှုပေါ်မူတည်ပြီး Beginner တွေအနေနဲ့ သေချာလေ့လာ research လုပ်တာ၊ Exchange အများအပြားကိုနှိုင်းယှဉ်တာနဲ့ နည်းနည်းချင်းစီစတင်ပြီး အရောင်းအဝယ်လုပ်တာတွေကိုပြုလုပ်သင့်ပါတယ်။ ဒါမှသာ သတိထားရမယ့်အချက်တွေကိုသိရှိပြီးတော့ Cryptocurrency ရင်းနှီးမြှုပ်နှံမှုလောကထဲကို ပိုမိုယုံကြည်စိတ်ချစွာဝင်ရောက်လာနိုင်ကာ ကိုယ့်ရဲ့ငွေကြေးရည်မှန်းချက်တွေနဲ့ကိုက်ညီတဲ့ဆုံးဖြတ်ချက်တွေနဲ့ ဒီနယ်ပယ်မှာခိုင်ခိုင်မာမာရပ်တည်လာနိုင်မှာဖြစ်ပါတယ်။

Binance Account ဖွင့်ရန်

2025 ခုနှစ် April လ ရောက်ရှိလာတာနဲ့အမျှ Cryptocurrency စျေးကွက်ဟာ သိသာထင်ရှားတဲ့တိုးတက်ပြောင်းလဲမှုတွေနဲ့ကြုံတွေ့နေရပါတယ်။ ကမ္ဘာ့စီးပွားရေးအခြေအနေတွေ၊ ပြောင်းလဲလာတဲ့စည်းမျဥ်းဥပဒေတွေအပါအဝင် အဖွဲ့အစည်းကြီးတွေရဲ့ Crypto အပေါ် စိတ်ဝင်စားမှုပိုမိုမြင့်တက်လာတာတွေကြောင့် စျေးကွက်ကိုလှုပ်ခတ်စေပြီး ရင်းနှီးမြှုပ်နှံမှုအခွင့်အလမ်းသစ်တွေကိုဖန်တီးပေးလျက်ရှိနေပါတယ်။ အခုလိုအချိန်အခါ‌မျိုးမှာ ရင်းနှီးမြုပ်နှံသူတွေအနေနဲ့ ရင်းနှီးမြှုပ်နှံဖို့အလားအလာကောင်းပြီး စျေးကွက်ရဲ့မတည်ငြိမ်မှုကိုကျော်လွှားနိုင်မယ့် Cryptocurrency တွေကိုရှာ‌ဖွေလေ့ရှိကြပါတယ်။

Bitcoin ($BTC )

အဆိုပါ Cryptocurrency တွေထဲမှာ Digital Gold လို့တင်စားခေါ်ဝေါ်ကြတဲ့ Bitcoin (BTC) က Crypto စျေးကွက်ရဲ့အခြေခံအုတ်မြစ်အဖြစ် ထိပ်ဆုံးမှာခိုင်မာစွာရပ်တည်နေဆဲဖြစ်ပြီး မကြာသေးမီကဖြစ်ပွားခဲ့တဲ့ Bitcoin Halving ကြောင့် miner တွေရဲ့ rewards တန်ဖိုးကိုလျော့ကျသွားစေခဲ့တဲ့အတွက် Bitcoin ရှားပါးမှုကိုပိုမိုဖြစ်ပေါ်စေပြီးတော့ အနာဂတ် Bitcoin တန်ဖိုးမြင့်တက်လာဖို့ အားပေးလျက်ရှိနေပါတယ်။ ဒါ့အပြင် Spot Bitcoin ETF တွေကိုလည်း အမေရိကန်မှာအတည်ပြုခဲ့တာကြောင့် အဖွဲ့အစည်းကြီးတွေရဲ့ရင်းနှီးမြှုပ်နှံမှုကို ပိုမိုလွယ်ကူချောမွေ့စေခဲ့ပြီး စျေးကွက်ရဲ့ငွေဖြစ်လွယ်မှု (Liquidity) နဲ့ တည်ငြိမ်မှုကိုများစွာအထောက်အကူပြုခဲ့ပါတယ်။

ETH ($ETH )

Bitcoin ကို Digital Gold လို့တင်စားကြသလိုမျိုး Ethereum (ETH) ကိုလည်း Digital Oil အဖြစ်တင်စားကြပြီး လက်ရှိမှာ DApps နဲ့ Smart Contracts တွေအတွက် ဦးဆောင် Platform အဖြစ်ရပ်တည်နေကာ ဒုတိယ Market Cap အကြီးဆုံးအဖြစ် ဆက်လက်တည်ရှိနေပါတယ်။ ကွန်ရက်ကို Proof-of-Stake (PoS) စနစ်သို့ အောင်မြင်စွာ ကူးပြောင်းခဲ့တဲ့ Ethereum 2.0 က ကွန်ရက်ရဲ့ချဲ့ထွင်နိုင်စွမ်း (Scalability)၊ လုံခြုံရေးနဲ့ စွမ်းအင်ထိရောက်မှုကို သိသိသာသာမြှင့်တင်ပေးနိုင်ခဲ့ပြီး Pectra hard fork နဲ့ proto-danksharding တို့လို နောင်လာမယ့်အဆင့်မြှင့်တင်မှုတွေကလည်း ကွန်ရက်ရဲ့လုပ်ဆောင်နိုင်စွမ်း (Throughput) ကို ထပ်မံတိုးမြှင့်ဖို့နဲ့ အရောင်းအဝယ်ကုန်ကျစရိတ်တွေကိုလျှော့ချဖို့ရည်ရွယ်ထားတဲ့အတွက် Ethereum ဂေဟစနစ်ရဲ့ကြီးထွားမှုနဲ့တူ Ethereum ဟာလည်း ဆွဲဆောင်မှုရှိတဲ့ ရင်းနှီးမြှုပ်နှံမှုအဖြစ်တည်ရှိနေတာကိုတွေ့ရမှာဖြစ်ပါတယ်။

တစ်ဖက်မှာလည်း Bitcoin နဲ့ Ether အပြင် Binance Coin ($BNB )၊ Solana (SOL) နဲ့ Ripple (XRP) တို့ကလည်း အခြားစိတ်ဝင်စားဖို့ကောင်းတဲ့ Cryptocurrencies တွေအဖြစ် ရပ်တည်လျက်ရှိနေပါတယ်။ Binance Coin (BNB) ဆိုတာ ကမ္ဘာ့အကြီးဆုံး Binance Exchange ရဲ့ Native Token ဖြစ်ပြီးတော့ သူ့ကို Trading fee discounts တွေ၊ Token sales မှာပါဝင်နိုင်တာတွေအပါအဝင် Staking ပြုလုပ်တဲ့ ကဏ္ဍအမျိုးမျိုးမှာအသုံးပြုကြပါတယ်။ နောက်ပြီး Binance Smart Chain (BSC) ကလည်း ဗဟိုချုပ်ကိုင်မှုလျှော့ချထားတဲ့ Applications တွေကိုဆွဲဆောင်လျက်ရှိနေပြီး အခါအားလျော်စွာပြုလုပ်တဲ့ Token burn စနစ်နဲ့ Token အရေအတွက်ကိုလျှော့ချလေ့ရှိတဲ့အတွက် BNB တန်ဖိုးကိုမြင့်တက်လာစေနိုင်တဲ့ အလားအလာတွေရှိနေတာဖြစ်ပါတယ်။

Solana (SOL) ကတော့ သူ့ရဲ့မြန်နှုန်းမြင့်ပြီး ကုန်ကျစရိတ်သက်သာတဲ့ အရောင်းအဝယ်တွေကြောင့် DeFi နဲ့ Non-Fungible Tokens (NFTs) နယ်ပယ်တွေမှာနှစ်သက်ခံရတဲ့ Platform တစ်ခုဖြစ်ပြီးတော့ မကြာသေးမီကပြုလုပ်ခဲ့တဲ့ ကွန်ရက်အဆင့်မြှင့်တင်မှုတွေကြောင့် အရင်တုန်းကကြုံတွေ့ခဲ့ရတဲ့ တည်ငြိမ်မှုဆိုင်ရာပြဿနာတွေကို ဖြေရှင်းနိုင်ခဲ့တဲ့အပြင် Gaming နဲ့ Decentralized Applications ကဏ္ဍတွေမှာလည်း Projects အသစ်တွေနဲ့ သူတို့ရဲ့ဂေဟစနစ်ကို ချဲ့ထွင်လျက်ရှိနေပါတယ်။ နောက်ပြီး Solana ETF ဖြစ်ပေါ်လာနိုင်ခြေကြောင့်လည်း ရင်းနှီးမြှုပ်နှံသူတွေရဲ့ယုံကြည်မှုကို ပိုမိုမြင့်တက်လာနေစေပါတယ်။

Ripple (XRP) ကိုတော့ နိုင်ငံဖြတ်ကျော်ငွေပေးချေမှုတွေမှာ ထိရောက်မြန်ဆန်စွာပြုလုပ်နိုင်စေဖို့ ဒီဇိုင်းထုတ်ထားတဲ့အတွက် ဘဏ္ဍာရေးအဖွဲ့အစည်းတွေအကြား ပိုမိုရေပန်းစားလာတာကိုတွေ့ရပြီး ဥပဒေရေးရာအရ ပိုမိုတည်ငြိမ်တဲ့အနေအထားရရှိလာတာနှင့်အမျှ Ripple က သူတို့ရဲ့ Global Network ကိုတိုးချဲ့နေကာ လျင်မြန်ပြီးတော့ ကုန်ကျစရိတ်သက်သာတဲ့ငွေပေးချေမှုတွေကို လွယ်ကူချောမွေ့စေဖို့လုပ်ဆောင်လျက်ရှိနေပါတယ်။ ဒါ့အပြင် XRP ကိုအခြေခံတဲ့ ETF ဆွေးနွေးမှုတွေနဲ့ on-chain အရောင်းအဝယ်ပမာဏတိုးလာတာတွေကလည်း အဖွဲ့အစည်းကြီးတွေရဲ့ စိတ်ဝင်စားမှုတိုးပွားလာနေကြောင်း ညွှန်ပြနေတာကိုတွေ့ရမှာဖြစ်ပါတယ်။

အချုပ်ဆိုရရင် Bitcoin (BTC)၊ Ethereum (ETH)၊ Binance Coin (BNB)၊ Solana (SOL) နဲ့ Ripple (XRP) ဆိုတဲ့ Crypto 5 ခုစလုံးက စျေးကွက်ထဲမှာ သူ့နေရာနဲ့သူ သူတို့ရဲ့နယ်ယ်ကိုခိုင်မာစွာရယူထားနိုင်ပြီးတော့ ဆန်းသစ်တီထွင်မှုတွေကိုလည်းပြသနေတဲ့အတွက် ရင်းနှီးမြှုပ်နှံလို့ကောင်းမယ့် အခွင့်အလမ်းတွေပေးအပ်နေတာကိုတွေ့ရမှာဖြစ်ပါတယ်။ ဒါ‌ပေမယ့်လည်း ရင်းနှီးမြှုပ်နှံသူတွေအနေနဲ့ Assets တစ်ခုခုမှာ ရင်းနှီးမြှုပ်နှံတော့မယ်ဆိုရင် ရင်းနှီးမြှုပ်နှံမှုမပြုလုပ်မီ မိမိရင်းနှီးမြှုပ်နှံမယ့် Assets အကြောင်းကို သေသေချာချာကိုယ်တိုင်လေ့လာသုံးသပ်ဖို့လိုအပ်ပြီး ကြုံတွေ့လာနိုင်တဲ့အန္တရာယ်တွေကိုလည်း အမြဲတမ်းထည့်သွင်းစဥ်းစားဖို့အရေးကြီးတယ်ဆိုတာကို သတိပြုသင့်ပါတယ်။

Binance Account ဖွင့်ရန်

မတည်ငြိမ်လှတဲ့ Crypto ငွေကြေးဈေးကွက်ထဲမှာ အောင်မြင်ဖို့ဆိုရင် ဈေးကွက်ရဲ့လမ်းကြောင်းတွေကို မှန်ကန်စွာခန့်မှန်းနိုင်ဖို့နဲ့ အချက်အလက်‌ကိုအခြေခံတဲ့ ဆုံးဖြတ်ချက်တွေချနိုင်ဖို့အတွက် Support နဲ့ Resistance ဆိုတဲ့ အရေးပါတဲ့ သဘောတရားနှစ်ခုက Trader တွေအတွက် လမ်းညွှန်အလင်းရောင်ဖြစ်လာစေပါတယ်။ Support Levels ဆိုတာ ဈေးနှုန်းကျဆင်းမှုတွေရပ်တန့်ပြီး ပြန်တက်လာမယ့်အလားအလာရှိတဲ့ ဈေးနှုန်းရဲ့ 'ကြမ်းပြင်' သဖွယ်တည်ရှိနေတာကြောင့် ဝယ်လိုအားမြင့်တက်ပြီး ဈေးနှုန်းထပ်မကျအောင် တားဆီးပေးပါတယ်။ Resistance Levels ကတော့ ဈေးနှုန်းတွေအပေါ်တက်ဖို့ခက်ခဲပြီး ပြန်ကျနိုင်တဲ့ 'မျက်နှာကျက်' တစ်ခုလိုဖြစ်နေတဲ့အတွက် ရောင်းလိုအားများပြီးတော့ ဈေးနှုန်းပိုမတက်နိုင်အောင် ထိန်းချုပ်ထားပါတယ်။ ဒီ Support နဲ့ Resistance Levels တွေကို နားလည်မယ်ဆိုရင် ဈေးနှုန်းပြောင်းပြန်လှန်မှုတွေ ဒါမှမဟုတ် သိသာထင်ရှားတဲ့ ဈေးနှုန်းလှုပ်ရှားမှုတွေဖြစ်ပေါ်လာနိုင်တဲ့ အဓိကနေရာတွေကို Trader တွေအနေနဲ့ ခွဲခြားသိမြင်နိုင်ပါလိမ့်မယ်။

Support Resistance Levels တွေ ဘယ်လိုသတ်မှတ်မလဲ

Support နဲ့ Resistance Levels တွေကို ခွဲခြားသတ်မှတ်ဖို့အတွက် နည်းလမ်းအမျိုးမျိုးကို အသုံးပြုနိုင်ပါတယ်။ အခြေခံအကျဆုံးနည်းလမ်းတစ်ခုကတော့ Historical Price Levels အချက်အလက်တွေကို ပြန်ကြည့်တာဖြစ်ပြီး အတိတ်ကာလက ဈေးနှုန်းတွေရပ်တန့်ခဲ့တဲ့၊ ဦးတည်ရာပြောင်းလဲခဲ့တဲ့ ဒါမှမဟုတ် ခေတ္တနားခဲ့တဲ့ Points တွေကိုပြန်လည်ရှာဖွေမယ်ဆိုရင် ခိုင်မာတဲ့ Support နဲ့ Resistance Zone တွေကို မြင်တွေ့နိုင်မှာဖြစ်ပါတယ်။ နောက်ပြီး Price Chart ပေါ်မှာ Trend Lines တွေဆွဲတာကလည်း ထိရောက်တဲ့နည်းလမ်းတစ်ခုဖြစ်ပြီးတော့ အပေါ်ဘက်ဦးတည်နေတဲ့ Trend Lines က Support အဖြစ် လုပ်ဆောင်နိုင်သလို အောက်ဘက်ဦးတည်နေတဲ့ Trend Lines က Resistance အဖြစ် ဆောင်ရွက်နိုင်ပါတယ်။
Psychological Price Levels တွေဖြစ်တဲ့ နံပါတ်တွေ (ဥပမာ 10 EUR၊ 50 EUR) ဟာလည်း Traders တွေရဲ့ဆုံးဖြတ်ချက်အပေါ် သက်ရောက်မှုရှိတာကြောင့် အရေးပါတဲ့ Support/Resistance Levels တွေဖြစ်နိုင်ပါသေးတယ်။ ဒီ Levels တွေရဲ့ ခိုင်မာမှုကိုအတည်ပြုဖို့အတွက် အရောင်းအဝယ်ပမာဏ (Volume) ကိုလည်း ထည့်သွင်းစဉ်းစားဖို့လိုအပ်ပြီး အရောင်းအဝယ်ပမာဏများပြားတာဟာ Support/Resistance Levels တစ်ခုရဲ့အရေးပါမှုကိုမီးမောင်းထိုးပြနေတဲ့အတွက် မူလ Levels မှာ ဆက်ရှိနေမလား ဒါမှမဟုတ် ဖောက်ထွက်သွားမလားဆိုတာကို အတည်ပြုပေးနိုင်ပါတယ်။

ဘယ်လိုအဝယ်အရောင်း လုပ်ရမလဲ

ဒါ့အပြင် Support နဲ့ Resistance Levels တွေကိုအခြေခံပြီး အမျိုးမျိုးသော အရောင်းအဝယ်ဗျူဟာတွေကို ချမှတ်နိုင်တဲ့အတွက် ဈေးနှုန်းဟာ Support Levels နီးပါးကိုရောက်လာပြီး ဈေးနှုန်းတည်ငြိမ်လာတဲ့လက္ခဏာတွေ (ဥပမာ-ဝယ်အားပြန်ကောင်းလာတာမျိုး) မြင်တွေ့ရရင် ဒါဟာဝယ်ယူဖို့ကောင်းတဲ့ အခိုက်အတန့်ဖြစ်နိုင်သလို ဆန့်ကျင်ဘက်အနေနဲ့ ဈေးနှုန်းဟာ Resistance Levels နီးပါးကိုရောက်လာပြီး ဈေးနှုန်းကျဆင်းနိုင်တဲ့လက္ခဏာတွေ (ဥပမာ ရောင်းအားပြန်ကောင်းလာတာမျိုး) မြင်တွေ့ရရင် ဒါဟာရောင်းချဖို့စဉ်းစားသင့်တဲ့ အချိန်ဖြစ်နိုင်ပါတယ်။ တစ်ဖက်မှာလည်း Support ဒါမှမဟုတ် Resistance Levels တွေဟာ အမြဲတမ်းခိုင်မာနေတာမဟုတ်ဘဲ ကျိုးပေါက်နိုင်တယ်ဆိုတာကို သတိပြုသင့်ပါတယ်။
ဈေးနှုန်းက Resistance ကိုကျော်လွန်သွားရင် Breakout လို့ခေါ်ပြီး Support အောက်ကိုကျဆင်းသွားရင်တော့ Breakdown လို့ခေါ်ပါတယ်။ Breakout တွေကို အရောင်းအဝယ်လုပ်ရာမှာ Resistance ကျိုးပေါက်တဲ့အခါဝယ်ပြီး ဆက်တက်မယ်လို့မျှော်လင့်သလို Breakdown တွေကို အရောင်းအဝယ်လုပ်ရာမှာ Support ကျိုးတဲ့အခါ ရောင်းပြီး ဆက်ကျမယ်လို့မျှော်လင့်ကြပါတယ်။ Support နဲ့ Resistance ရဲ့စိတ်ဝင်စားစရာကောင်းတဲ့အချက်က ခိုင်မာတဲ့ Resistance ဈေးနှုန်းကိုကျော်လွန်သွားရင် အရင် Resistance က Support အသစ်အဖြစ်ပြောင်းလဲသွားနိုင်သလို ခိုင်မာတဲ့ Support ဈေးနှုန်းအောက်ကိုကျဆင်းသွားရင်တော့ အရင် Support က Resistance အသစ်အဖြစ် ပြောင်းလဲသွားနိုင်ပါတယ်။

Risk & Reward Management

Crypto အရောင်းအဝယ်မှာ အရေးကြီးဆုံးဖြစ်တဲ့ Risk & Reward Management မှာ Support နဲ့ Resistance Levels တွေက အဓိကကျတဲ့အခန်းကဏ္ဍကနေပါဝင်တဲ့အတွက် အရောင်းအဝယ်တစ်ခုကိုစတင်တဲ့အခါ ဖြစ်ပေါ်လာနိုင်တဲ့အရှုံးတွေကို ကန့်သတ်နိုင်ဖို့ Stop-loss order တွေကို Support ဒါမှမဟုတ် Resistance Levels တွေအနီးမှာထားနိုင်ပါတယ် (ဝယ်ယူထားတဲ့အခြေအနေအတွက်ဆိုရင် Stop-loss ကို Support Levels ရဲ့အောက်နားလေးမှာထားပြီး ရောင်းထားတဲ့အခြေအနေအတွက်ဆိုရင် Resistance Levels ရဲ့အပေါ်နားလေးမှာထားနိုင်ပါတယ်)။ ဒါ့အပြင် ဒီ Levels တွေက မိမိ Entry စတင်ဝင်ရောက်တဲ့နေရာနဲ့ အနီးဆုံး Support ဒါမှမဟုတ် Resistance Levels ကြား အကွာအဝေးကိုကြည့်ပြီး Risk-Reward ratio ကို တွက်ချက်ရာမှာလည်း အကူအညီပေးမှာဖြစ်တဲ့အတွက် မတည်ငြိမ်တဲ့ Crypto ဈေးကွက်ထဲမှာ Traders တွေကိုလမ်းညွှန်ပေးပြီးတော့ အရောင်းအဝယ်စွမ်းဆောင်ရည်ကို မြှင့်တင်စေနိုင်မှာဖြစ်ပါတယ်။

Binance Account ဖွင့်ရန်

ဒီနေခေတ် Crypto လောကမှာ အထူးရေပန်းစားနေတဲ့ အကြောင်းအရာတစ်ခုက ETF လို့ခေါ်တဲ့ Exchange-Traded Fund တွေဖြစ်ပြီး ETF ဆိုတာ Stock Exchange တွေမှာ သာမန် Stock ရှယ်ယာတွေလို အရောင်းအဝယ်ပြုလုပ်နိုင်တဲ့ ရင်းနှီးမြှုပ်နှံမှုရန်ပုံငွေတစ်မျိုးကိုဆိုလိုတာဖြစ်ပါတယ်။ အလားတူ Crypto ETF ဆိုတာလည်း Bitcoin လို Digital Assets တွေရဲ့ ဈေးနှုန်းအတက်အကျကိုခြေရာခံတဲ့ ETF အမျိုးအစားဖြစ်ပြီးတော့ ရင်းနှီးမြှုပ်နှံသူတွေအနေနဲ့ Bitcoin ကို တိုက်ရိုက်ဝယ်ယူသိမ်းဆည်းတာတွေ လုံခြုံရေးအတွက်စိုးရိမ်ပူပန်ရတာတွေမရှိဘဲ မိမိတို့ရင်းနှီးကျွမ်းဝင်ပြီးသားဖြစ်တဲ့ ‌Stock ဈေးကွက်ကနေတဆင့် Bitcoin ရဲ့ဈေးကွက်လှုပ်ရှားမှုမှာ ပါဝင်နိုင်စေဖို့အတွက် ရည်ရွယ်ဖန်တီးထားတာဖြစ်ပါတယ်။ ဒီနည်းလမ်းက သမားရိုးကျရင်းနှီးမြှုပ်နှံသူတွေနဲ့ အဖွဲ့အစည်းကြီးတွေကို Crypto Market ထဲဝင်ရောက်ဖို့ တံခါးဖွင့်ပေးလိုက်သလိုဖြစ်နေတာကြောင့် အလွန်အရေးပါတဲ့ရင်းနှီးမြှုပ်နှံမှုရန်ပုံငွေအမျိုးအစားတစ်ခုလို့ဆိုရမှာပါ။

Crypto ETF ဘယ်လို အလုပ်လုပ်လဲ

Crypto ETF တစ်ခုအလုပ်လုပ်ပုံကရိုးရှင်းပါတယ်။ ETF ဆိုတာက ရင်းနှီးမြှုပ်နှံမှုပစ္စည်းတစ်ခု (ဥပမာ Bitcoin) ရဲ့ ဈေးနှုန်းအတက်အကျကိုကိုယ်စားပြုပြီး Stock Exchange မှာ သာမန် Stock ရှယ်ယာလို လွယ်လွယ်ကူကူဝယ်ရောင်းလုပ်နိုင်တဲ့ ရန်ပုံငွေအမျိုးအစားတစ်ခုဖြစ်ပါတယ်။ Bitcoin ETF မှာဆိုရင် ETF ကို စီမံခန့်ခွဲတဲ့ကုမ္ပဏီက Bitcoin အစစ်တွေကိုဝယ်ယူပြီး လုံခြုံအောင်သိမ်းဆည်းထားပေးပါတယ်။ ရင်းနှီးမြှုပ်နှံသူတွေအနေနဲ့ Bitcoin ကို တိုက်ရိုက်ဝယ်ယူ၊ သိမ်းဆည်း၊ စီမံစရာမလိုဘဲ အဲဒီ ETF ရဲ့ ရှယ်ယာအစုလေးတွေကို ကိုယ့်ရဲ့ Stock ပွဲစားအကောင့်ကနေဝယ်ယူလိုက်ရုံပါပဲ။ ဒီရှယ်ယာကို ပိုင်ဆိုင်ထားခြင်းအားဖြင့် Bitcoin ဈေးနှုန်းအတက်အကျရဲ့အကျိုးအမြတ်ကို ရရှိနိုင်မှာဖြစ်ပြီး Digital Wallet တို့ Private Key တို့လို ရှုပ်ထွေးတဲ့လုပ်ငန်းစဥ်တွေကိုရှောင်ရှားနိုင်စေတာကြောင့် သမားရိုးကျရင်းနှီးမြှုပ်နှံသူတွေနဲ့ Crypto နည်းပညာကိုရှုပ်ထွေးတယ်လို့ထင်မြင်တဲ့သူတွေအတွက် အဓိကဆွဲဆောင်မှုတစ်ခုဖြစ်စေနိုင်ပါတယ်။

စိတ်ဝင်စားဖို့ကောင်းတာက ဒီလို Crypto ETF တွေကနေတစ်ဆင့် ဝယ်လိုအား(Demand) အသစ်တွေ အလုံးအရင်းနဲ့ဝင်‌ရောက်လာခဲ့မယ်ဆိုရင် လက်ရှိအနှုတ်ပြနေတဲ့ Cryptocurrency တွေရဲ့ဈေးနှုန်းကို သိသိသာသာမြင့်တက်လာစေမယ့် အဓိကတွန်းအားကြီးတစ်ခုဖြစ်လာနိုင်ပါတယ်။ ဥပမာ‌ပေးရမယ်ဆိုရင် အဖွဲ့အစည်းဆိုင်ရာရင်းနှီးမြှုပ်နှံသူတွေ(အာမခံကုမ္ပဏီ၊ ရင်းနှီးမြှုပ်နှံမှုဘဏ်) နဲ့ သာမန်ရင်းနှီးမြှုပ်နှံသူတွေက Bitcoin ETF ရှယ်ယာတွေ အများအပြားဝယ်ယူလာတဲ့အခါမှာ ETF စီမံခန့်ခွဲသူတွေအနေနဲ့ အဆိုပါရှယ်ယာတွေကိုအထောက်အပံ့ဖြစ်စေဖို့အတွက် Bitcoin အစစ်တွေကို ဈေးကွက်ထဲကနေအမှန်တကယ်ဝယ်ယူပြီး စုဆောင်းရပါတယ်။ Bitcoin က အရေအတွက်ကန့်သတ်ထားတဲ့ Limited Supply ဖြစ်တဲ့အတွက် ဝယ်လိုအား(Demand) က ရောင်းလိုအား(Supply) ကို ကျော်လွန်သွားတဲ့အချိန်မှာ Bitcoin ဈေးနှုန်းကို သိသိသာသာတွန်းတင်လိုက်နိုင်မှာဖြစ်တာကြောင့် Crypto ETF တွေက Market အတွက် Game Changer တစ်ခု ဖြစ်လာနိုင်ခြေရှိတယ်လို့ဆိုနိုင်ပါတယ်။

Bitcoin ETF တွေသာ အောင်မြင်မှုရရှိလာမယ်ဆိုရင် $BTC Bitcoin တစ်ခုတည်းအတွက်သာမက အခြား Altcoins တွေနဲ့ Crypto ဂေဟစနစ်တစ်ခုလုံးအပေါ်မှာပါ အပြုသဘောဆောင်တဲ့သက်ရောက်မှုတွေရှိလာနိုင်ပါတယ် (Bitcoin ဈေးတက်ရင် ထုံးစံအတိုင်း အခြား Altcoins တွေပါ စျေးတက်လေ့ရှိတာကြောင့်ပါ)။ ဒါ့အပြင် Ethereum နဲ့ Solana လို အဓိကကျတဲ့ Altcoins တွေအတွက် သီးသန့် ETF တွေပေါ်ပေါက်လာဖို့အတွက်လည်း ဆွေးနွေးမှုတွေရှိနေပြီး အကယ်လို့အတည်ပြုချက်သာရခဲ့မယ်ဆိုရင် အဆိုပါ Altcoins တွေအတွက်လည်း အလားတူအကျိုးကျေးဇူးတွေရရှိစေမှာဖြစ်ပါတယ်။ နောက်ပြီး Bitcoin သာ Wall Street က လက်ခံတဲ့ Assets တစ်ခုဖြစ်လာခဲ့မယ်ဆိုရင် Cryptocurrency နယ်ပယ်တစ်ခုလုံးကို အရင်ကထက်ပိုမိုယုံကြည်မှုရှိလာမှာဖြစ်တာကြောင့် DeFi Project တွေ၊ Blockchain Game တွေနဲ့ အခြားမတွေးမိကြသေးတဲ့ နည်းပညာအသစ်တွေမှာပါ ရင်းနှီးမြှုပ်နှံမှုတွေပိုမိုများပြားလာနိုင်ပါလိမ့်မယ်။

အထူးသဖြင့် အမေရိကန်လို အဓိကဘဏ္ဍာရေးဈေးကွက်တွေမှာ Bitcoin ETF တွေကို တရားဝင်ခွင့်ပြုလိုက်တာဟာ လက်ရှိဘဏ္ဍာရေးစနစ်နဲ့ Cryptocurrency လုပ်ငန်းတွေအကြားဆက်သွယ်ပေးတဲ့ တံတားတစ်ခုလိုဖြစ်သွားတဲ့အတွက် ရင်းနှီးမြှုပ်နှံသူတွေအချင်းချင်း အပြန်အလှန်ကူးလူးဆက်သွယ်ဖို့ အဓိကကျတဲ့လမ်းကြောင်းတစ်ခုဖြစ်လာစေပါတယ်။ Crypto Market အနေနဲ့ အဆင့်အမျိုးမျိုး အခြေအနေအမျိုးမျိုးကိုဖြတ်သန်းခဲ့ပြီးဖြစ်ပေမယ့် အခုလို ETF တွေရောက်ရှိလာတာက အဖွဲ့အစည်းဆိုင်ရာလက်ခံမှုတွေမှာ အရင်နဲ့မတူတဲ့ကွဲပြားခြားနားမှုတွေကိုဖြစ်စေနိုင်ပြီး Crypto ကို ပင်မရေစီးကြောင်းမှာ ပိုမိုလက်ခံလာစေဖို့တွန်းအားပေးနိုင်ပါလိမ့်မယ်။ အခုလို ETF တွေရဲ့သက်ရောက်မှုကိုသာ နားလည်သဘောပေါက်မယ်ဆိုရင် နောင်လာမယ့် Crypto လောကရဲ့အနာဂတ်ကိုခန့်မှန်းတဲ့နေရာမှာ အလွန်အရေးပါတဲ့ရှုထောင့်တစ်ခုကိုထည့်သွင်းစဉ်းစားနိုင်မှာဖြစ်တဲ့အတွက် ပိုမိုပြည့်စုံတဲ့သုံးသပ်ချက်တွေကို ပြုလုပ်လာနိုင်စေမှာပဲဖြစ်ပါတယ်။

Binance Account ဖွင့်ရန်

Crypto Market အနေနဲ့ 2025 ခုနှစ်ထဲမှာတင် သိသာထင်ရှားတဲ့ ဈေးနှုန်းအပြောင်းအလဲတွေကိုကြုံတွေ့ခဲ့ရပြီး Total Market Capitalization အနေနဲ့ ဒေါ်လာ 3 Trillion နဲ့ 3.73 Trillion ကြားမှာ တက်လိုက်ကျလိုက်ဖြစ်နေခဲ့ပါတယ်။ အခုလိုမတည်ငြိမ်ရတဲ့ အဓိကအကြောင်းအရင်းက Trump ဖြစ်ပြီးတော့ Trump ရာထူးစတင်ချိန်တုန်းက Bitcoin ဟာ All Time High အသစ်ဖြစ်တဲ့ ဒေါ်လာ 109,200 ကို ရောက်ရှိခဲ့တယ်ဆိုပေမယ့် မကြာသေးခင်က ကုန်သွယ်ရေးစစ်ပွဲကြောင့် Market မှာ ဆန့်ကျင်ဘက်အကျိုးသက်ရောက်မှုတွေ ဖြစ်ပေါ်စေခဲ့ပါတယ်။

အခွန်ကောက်ခံမှုကြောင့် ဈေးကွက်ပြောင်းလဲမှုဖြစ်

2025 ခုနှစ် February လ 1 ရက်နေ့မှာ Trump က ကနေဒါနဲ့ မက္ကဆီကိုရဲ့တင်သွင်းကုန်အပေါ် 25% နဲ့ တရုတ်ရဲ့ကုန်ပစ္စည်းအပေါ် 10% ဆိုပြီး အခွန်တိုးမြှင့်ကောက်ခံခဲ့တာကြောင့် Global Markets အပါအဝင် Crypto Markets တွေကို အတော်လေးတုန်လှုပ်သွားစေခဲ့ပါတယ်။ နောက်ပိုင်းမှာ အဆိုပါအခွန်တွေကို ရက် 30 ကြာ ယာယီရပ်ဆိုင်းလိုက်တဲ့အတွက် အနည်းငယ်သက်သာရာရခဲ့ပြီး Bitcoin ကို ဒေါ်လာ 100,000 အထက်ပြန်လည်ရောက်ရှိစေခဲ့ပေမယ့်လည်း နောက်ဆက်တွဲလုပ်ဆောင်ချက်အဖြစ် သံနဲ့ အလူမီနီယမ်အပေါ် 25% အခွန်ထပ်တိုးကောက်ခံခဲ့တာကြောင့် ဒီအခွန်တွေဟာ Crypto Market အပေါ် ဘယ်လိုအကျိုးသက်ရောက်စေမလဲဆိုတာ ရင်းနှီးမြှုပ်နှံသူတွေကြားမှာ မေးခွန်းထုတ်လာစေခဲ့ပါတယ်။ Trump အစိုးရလက်ထက်မှာ Crypto စည်းမျဉ်းပြုပြင်ပြောင်းလဲမှုတွေနဲ့ Bitcoin Strategic Reserve လို မူဝါဒတွေကြောင့် Crypto ဈေးနှုန်းတွေ သိသိသာသာမြင့်တက်လာလိမ့်မယ်လို့ မျှော်လင့်ခဲ့ကြပေမယ့် Crypto Markets ကတော့ မျှော်လင့်ထားတဲ့အတိုင်းဖြစ်မလာခဲ့ပါဘူး။ 

အခုလို အခွန်‌တွေကောက်ခံရတာရဲ့အဓိကရည်ရွယ်ချက်က တရားမဝင်ရွှေ့ပြောင်းနေထိုင်မှု‌တွေကိုတားဆီးဖို့နဲ့ တားမြစ်ထားတဲ့ပစ္စည်းတွေဝင်ရောက်တာကို ကာကွယ်ဖို့လို့ဆိုပေမယ့် လူအများစုကတော့ ဒီလုပ်ရပ်ဟာ အမေရိကန်အနေနဲ့ Major Economies တွေမှာ သူတို့ရဲ့လွှမ်းမိုးမှုကိုပြသတဲ့ ဗျူဟာမြောက်အချက်ပြမှုတစ်ခုအဖြစ် အဓိပ္ပာယ်ဖွင့်ဆိုကြပါတယ်။ အခွန်တိုးကောက်တဲ့ကိစ္စကြောင့် ကနေဒါနဲ့မက္ကဆီကိုတို့ဘက်က အမေရိကန်နဲ့ သဘောတူညီမှုရအောင် အလျင်အမြန်လုပ်ဆောင်ခဲ့တဲ့အတွက် အခွန်တိုးမြှင့်ကောက်ခံမှုတွေကို ယာယီရပ်ဆိုင်းခဲ့တယ်ဆိုပေမယ့်လည်း သံနဲ့ အလူမီနီယမ်အပေါ် 25% အခွန်ထပ်တိုးကောက်ခံလိုက်တာကိုကြည့်ခြင်းအားဖြင့် အမေရိကန်ရဲ့နက်ရှိုင်းတဲ့ဗျူဟာမြောက်ရည်ရွယ်ချက်ကိုတွေ့ရှိရမှာဖြစ်ပါတယ်။ အမေရိကန်ရဲ့ လုပ်ဆောင်ချက်တွေကိုကြည့်မယ်ဆိုရင် သူ့အနေနဲ့ အဓိကစက်မှုကဏ္ဍတွေအပေါ် ဖိအားပေးတာကို ဆက်လက်ထိန်းသိမ်းဖို့ စိတ်ပိုင်းဖြတ်ထားပုံရတဲ့အတွက် ကုန်သွယ်ရေးစစ်ပွဲကတော့ ပြီးဆုံးမှာမဟုတ်သေးပါဘူး။

တဖက်မှာလည်း Trump ရဲ့ အခွန်သတင်းတွေကို Crypto Market က ချက်ချင်းတုံ့ပြန်ခဲ့တဲ့အတွက် Bitcoin ဈေးနှုန်းတွေကျဆင်းသွားခဲ့သလို အခြား Altcoins တွေရဲ့ဈေးနှုန်းတွေလည်း အမြတ်ထုတ်ရောင်းချမှုကြောင့် ကျဆင်းသွားခဲ့ရပါတယ်။ ဒါ့အပြင် အခွန်တွေကြောင့် ငွေကြေးဖောင်းပွမှုတွေဖြစ်လာနိုင်တယ်ဆိုတဲ့ စိုးရိမ်မှုတွေနဲ့ အမေရိကန်ဗဟိုဘဏ်အနေနဲ့ အတိုးနှုန်းကိုဘယ်လို ပြောင်းလဲမလဲဆိုတဲ့ စိုးရိမ်မှုတွေကြောင့် ရင်းနှီးမြှုပ်နှံသူတွေဟာ ပိုပြီးလုံခြုံတယ်လို့ယူဆတဲ့ ရွှေ (သို့) အစိုးရငွေချေးစာချုပ်တွေဘက်ကို အာရုံစိုက်လာနိုင်သလို အန္တရာယ်များတယ်လို့ ယူဆတဲ့ Crypto လို Assets တွေကို ရှောင်ရှားလာနိုင်ပါတယ်။ နောက်ဆက်တွဲအနေနဲ့ ငွေကြေးဖောင်းပွမှုမြင့်တက်လာတဲ့အခါ ဗဟိုဘဏ်အနေနဲ့ ဈေးနှုန်းတွေကိုထိန်းချုပ်ဖို့အတွက် အတိုးနှုန်းမြှင့်တင်ဖို့ ဖိအားပေးခံရလာနိုင်ပြီး အတိုးနှုန်းမြင့်တက်လာရင်တော့ စီးပွားရေးလုပ်ငန်းတွေအတွက် ရင်းနှီးမြှုပ်နှံမှုတွေလုပ်ဖို့ ပိုပြီးကုန်ကျစရိတ်များလာတဲ့အတွက် ဈေးကွက်ကို ထိခိုက်စေပါလိမ့်မယ်။

Crypto အတွက် ရေရှည်ကောင်းနိုင်

အခြားတစ်ဖက်ကတွေးကြည့်မယ်ဆိုရင် အခွန်ကြောင့်ဖြစ်ပေါ်လာတဲ့မတည်ငြိမ်မှုတွေက ရေတိုမှာ ဈေးနှုန်းတွေအတက်အကျရှိနိုင်ပေမယ့် ရေရှည်မှာတော့ Crypto Market အတွက် အခွင့်အလမ်းကောင်းတွေဖြစ်လာနိုင်ပါတယ်။ ဥပမာအနေနဲ့ အမေရိကန်ဟာ အိမ်နီးချင်းနိုင်ငံတွေဆီက ဒေါ်လာ Billion နဲ့ချီတဲ့ ဆောက်လုပ်ရေးပစ္စည်းတွေကို နိုင်ငံထဲတင်သွင်းတာဖြစ်တဲ့အတွက် ဒီလိုအခြေခံလိုအပ်တဲ့ပစ္စည်းတွေအပေါ် အခွန်တွေတိုးမြှင့်တာဟာ ကုန်ကျစရိတ်တွေကို မြင့်တက်စေပြီး ငွေကြေးဖောင်းပွမှုကိုဖြစ်ပေါ်စေကာ ဒေါ်လာတန်ဖိုးကိုလျော့ကျစေနိုင်ပါတယ်။ အဲ့ဒီလို အခြေအနေတွေမှာ ရွှေအပါအဝင် Bitcoin လို Assets တွေကို ရင်းနှီးမြှုပ်နှံသူတွေက တန်ဖိုးကျဆင်းတာကနေကာကွယ်ဖို့ ရှာဖွေတတ်တဲ့အတွက် ပိုမိုအာရုံစိုက်ခံရလေ့ရှိပါတယ်။ ရွှေလိုမျိုး Bitcoin ကို Digital Gold လို့ သတ်မှတ်ကြတာဟာ ဗဟိုအာဏာပိုင်ရဲ့ထိန်းချုပ်မှုမရှိဘဲ ပမာဏအကန့်အသတ်နဲ့တည်ရှိနေလို့ဖြစ်ပြီး နိုင်ငံရေးနဲ့ စီးပွားရေးမတည်ငြိမ်မှုတွေကြားမှာ တန်ဖိုးကိုထိန်းသိမ်းနိုင်တဲ့ သမိုင်းကြောင်းလည်းရှိနေတာကြောင့် ရင်းနှီးမြှုပ်နှံသူတွေအနေနဲ့ ငွေကြေးဖောင်းပွမှုနဲ့ တခြားစီးပွားရေးအန္တရာယ်တွေကနေ ကာကွယ်ဖို့အတွက် $BTC Bitcoin ကို ရွှေလိုပဲစိတ်ချယုံကြည်စွာ ရွေးချယ်လာနိုင်ပါတယ်။ မကြာသေးခင်က CPI အချက်အလက်တွေမှာ 0.5% ငွေကြေးဖောင်းပွမှုမြင့်တက်လာတာဟာ အခွန်စစ်ပွဲရဲ့အစောပိုင်းလက္ခဏာဖြစ်ပြီး အကယ်၍ အခွန်စစ်ပွဲသာဆက်လက်ဖြစ်ပွားမယ်ဆိုရင် တိုးတက်လာတဲ့စည်းမျဉ်းရှင်းလင်းမှုအပါအဝင် တိုးပွားလာတဲ့အဖွဲ့အစည်းဆိုင်ရာ စိတ်ဝင်စားမှုတို့ကြောင့် ငွေကြေးဖောင်းပွမှုကိုကာကွယ်ဖို့အတွက် ရေရှည်မှာ Crypto ကို ပိုမိုကျယ်ပြန့်စွာ လက်ခံလာစေနိုင်ပါလိမ့်မယ်။

အခုလို Trump ရဲ့ ကုန်သွယ်ရေးစစ်ပွဲကြောင့် ဖြစ်ပေါ်လာတဲ့ ရေတိုမတည်ငြိမ်မှုတွေဟာ Crypto Market အတွက် အားသာချက်နှစ်ခုကို ပေးစွမ်းနိုင်ပါတယ်။ ပထမတစ်ခုက Crypto ဈေးတွေကျဆင်းသွားတာကြောင့် ဈေးနှုန်းတွေပြန်တက်လာမယ်လို့မျှော်လင့်တဲ့ ရင်းနှီးမြှုပ်နှံသူတွေအတွက် ဈေးသက်သာတဲ့အချိန်မှာ ဝင်ရောက်ဝယ်ယူနိုင်တဲ့ အခွင့်အရေးကောင်းကိုရရှိပြီး ဒုတိယတစ်ခုက ကုန်သွယ်ရေးစစ်ပွဲနဲ့ဆက်စပ်တဲ့ စီးပွားရေးအခြေအနေတွေ‌ (ဥပမာ ငွေကြေးဖောင်းပွစိုးရိမ်မှု) ကြောင့် ရေရှည်မှာ Crypto ကဏ္ဍကို တိုးတက်အားပေးမယ့် ပတ်ဝန်းကျင်ကို ဖန်တီးပေးနိုင်ပါလိမ့်မယ်။ ဒီလို အခြေအနေတွေက Bitcoin နဲ့ တခြား Digital Assets တွေကို တိုးတက်မယ့်လမ်းကြောင်းပေါ်ရောက်စေပေမယ့် သတင်းကြောင့်ဖြစ်ပေါ်လာတဲ့ မတည်ငြိမ်မှုတွေကိုကျော်လွှားနိုင်ဖို့အတွက် ရင်းနှီးမြှုပ်နှံသူတွေအနေနဲ့ ကုန်သွယ်ရေးတိုးတက်မှုတွေကို အနီးကပ်စောင့်ကြည့်ပြီး သတိရှိနေဖို့လိုအပ်ပါတယ်။ ဒါကြောင့် မိမိအနေနဲ့ ကုန်သွယ်ရေးတိုးတက်မှုတွေအပါအဝင် ရင်းနှီးမြှုပ်နှံထားတဲ့ငွေကြေးတွေကိုထိန်းသိမ်းပြီး မိမိရဲ့ရင်းနှီးမြှုပ်နှံမှုနည်းဗျူဟာတွေအတိုင်းသာ စနစ်တကျလိုက်နာမယ်ဆိုရင် အနာဂတ်မှာပေါ်ပေါက်လာမယ့် တိုးတက်မှုအခွင့်အလမ်းတွေမှာ အကောင်းဆုံးအသုံးချနိုင်မှာပဲဖြစ်ပါတယ်။

Binance Account ဖွင့်ရန်

Crypto day trading ဆိုတာကတော့ BTC လို digital assets တွေကို ရေတို price ရွေ့လျားမှုကို လိုက်ပြီး တစ်နေ့အတွင်းမှာ အပြီး trade ပြီး အမြတ်ရှာတာကို ခေါ်တာဖြစ်ပါတယ်
Crypto market ဟာ ၂၄ နာရီ ၇ ရက်လုံးဖွင့်ပြီး market movement ကလဲ အရမ်းမြန်တာကြောင့် day trading နဲ့ short-term trade ပြီး ငွေရှာဖို့ ကောင်းတဲ့ market ဖြစ်ပါတယ်
ဒါပေမယ့် အမှန်တကယ် အမြတ်ရဖို့ကတော့ strategy ကောင်းကောင်း၊ discipline နဲ့ risk ကို သေချာ manage လုပ်နိုင်စွမ်းတွေ လိုအပ်ပါတယ်
ဒီဆောင်းပါးမှာ Beginner တွေအတွက် Crypto Day Trading ဘယ်လို စလုပ်ရမလဲဆိုတာ ပြောပြထားပါတယ်

အရင်ဆုံး Crypto Day Trading ဆိုတာ ဘာလဲ အရင်ရှင်းပြရပါမယ်

Crypto Day Trading ဆိုတာက Cryptocurrency တွေကို တစ်နေ့အတွင်း ရေတိုခန့်မှန်းပြီး Buy/Sell လုပ်ရင်း အမြတ်ရှာတာကို ခေါ်တာပါ
တစ်နေ့အတွင်းဖြစ်တဲ့အတွက် ရေတို trend နဲ့ ရေတို analysis လုပ်လို့ ရပါတယ်
Technical Indicators တွေ၊ သတင်းတွေ၊ analysis တွေ သုံးကြပါတယ်
ဒီ strategy က passive တော့မဟုတ်ဘူး၊ ဆိုလိုတာက ထိုင်ပြီးလုပ်နေဖို့ လုပ်တယ်၊ analyze လုပ်ဖို့ trade အဝင်အထွက်လုပ်ဖို့ focus ရှိဖို့ လိုပါတယ်

2025 မှာ Crypto Day Trading စလုပ်ဖို့အတွက် ဘာတွေလိုမလဲဆိုတော့

Crypto Exchange တစ်ခုလိုပါမယ်။ ကျနော်ကတော့ Binance ကိုပဲ recommend ပေးပါတယ်။ ကမ္ဘာ့အကြီးဆုံး exchange ဖြစ်ပြီး စိတ်လဲ ချရလို့ပါ။
Account တစ်ခုဖွင့်ဖို့ လိုပါမယ်။ Binance မှာပဲ ဖွင့်ပါ။ ပြီးရင် KYC တင်ပါ။ ပြီးရင်တော့ account ထဲကို USDT ထည့်ဖို့ လိုပါမယ်။ P2P ကနေ ဝယ်ပြီး ထည့်နိုင်ပါတယ်။
Binance Account ဖွင့်ရန်

Trading Platform တစ်ခုလိုပါမယ်။ TradingView သုံးလို့ရသလို Binance ရဲ့ interface မှာလဲ charting လုပ်ဖို့ analysis လုပ်ဖို့ အဆင်ပြေပါတယ်။
Beginners တွေအတွက် Crypto Day Trading စလုပ်ိဖု့ strategies တွေကို ပြောပါဆိုရင်

1. Scalping
ဈေးနှုန်းအရွေ့ သေးသေးလေးတွေကို လိုက်ပြီး trade အများကြီး ဝင်ခြင်း
Timeframe: 1 min သို့မဟုတ် 5 min charts
Assets: Volume များတဲ့ coin တွေဖြစ်တဲ့ ဉပမာ BTC, ETH, SOL
Requires: အမြန်ဝင် အမြန်ထွက်ဖို့လို၊ စိတ်အာရုံနှစ်ထားဖို့လို

2. Breakout Trading
Key levels တွေဖြစ်တဲ့ support resistance levels တွေကို ဖောက်ရင် ရောင်းခြင်း ဝယ်ခြင်း
Timeframe: 15-minute သို့မဟုတ်1-hour charts
Look for: Volume ထိုးတက်လာခြင်း၊ သတင်းထွက်ခြင်း
Tools: RSI, MACD, trendlines

3. Range Trading
ဘေးတိုက်သွားနေတဲ့အချိန်မှာ အောက်မှာဝယ် အပေါ်မှာ ရောင်းတဲ့ စနစ်
Ideal in: trending မဟုတ်ဘဲ ဘေးတိုက်သွားနေချိန်
Indicators: Bollinger Bands, RSI

4. News-Based Trading
သတင်းနဲ့ social media ပေါ်မှာ အခြေခံပြီး trade ခြင်း
Track: Coin အသစ် Listings, partnerships လုပ်ခြင်း, hack ခံရခြင်း, သို့မဟုတ် ဉပဒေဆိုင်ရာ သတင်းတွေ
Tools: Twitter, Telegram, crypto သတင်းစာတိုက်များ

Crypto Day Trading မှာ Risk ကို ဘယ်လို လျှော့ချမလဲ

Day Trading ဟာ Risk များတဲ့အလုပ်ဖြစ်တဲ့အတွက် အောက်ပါ အချက်တွေကို လိုက်နာပြီး Risk လျှော့ချဖို့လဲ လိုပါတယ်
အမြဲတမ်း Stop loss မဖြစ်မနေ ထားပါကိုယ့် capital ရဲ့ 1%-2% ထက်ကျော်ပြီး ဘယ်တော့မှ trade တစ်ခုကို မဝင်ပါနဲ့Leverage ကို အများကြီးမထားပါနဲ့၊ Beginner တွေဆိုရင် spot သို့မဟုတ် futures မှာဆိုရင် 5 ထက်နည်းတဲ့ leverage ကိုသာ သုံးပါEmotional Trading ကိုရှောင်ပါ၊ ကိုယ့် plan အတိုင်းသာ သွားပါ၊ ရှုံးတာကို ပြန်လိုက်တာမျိုး မလုပ်ပါနဲ့၊ trade တွေ အများကြီးလဲ မဝင်ပါနဲ့သတင်းတွေကို နားစွင့်ပါ၊ Binance Square လိုမျိုးကနေ သတင်းတွေ ဖတ်လို့ ရပါတယ်တကယ့် ပိုက်ဆံအစစ်နဲ့ မ trade ခင် paper trading နဲ့စမ်းပါ၊ လေ့ကျင့်ပြီးမှသာ trade သင့်ပါတယ်

ဒါဆိုရင်တော့ 2025 မှာ Crypto Day Trading စလုပ်ဖို့အတွက် အခြေခံ idea ရလောက်ပြီထင်ပါတယ်။ Binance Account မရှိသေးရင် ခုပဲ ပေးထားတဲ့ လင့်ကနေ ဖွင့်လိုက်ပါ။ နောက်ထပ်ဆောင်းပါးတွေ ဖတ်လို့ရအောင် follow လေး လုပ်ထားပေးပါဦး။

Binance Account ဖွင့်ရန်

Cryptocurrency စျေးကွက်ဟာ အလွန်အတက်အကျမြန်တာကြောင့် စျေးနှုန်းတွေမြင့်တက်တဲ့အခါ စိတ်လှုပ်ရှားစရာကောင်းသလို ရုတ်တရက်ကျဆင်းတဲ့အခါမှာလည်း စိတ်ပျက်စရာကောင်းလှပါတယ်။ Crypto လောကမှာပုံမှန်ဖြစ်လေ့ရှိတဲ့ စျေးကွက်ကျဆင်းမှုတွေကြောင့် ရင်းနှီးမြှုပ်နှံသူတွေကြားမှာ ကြောက်ရွံ့မှုနဲ့ အခွင့်အရေးဆိုတဲ့ စိတ်ခံစားချက်နှစ်ခုရောထွေးနေတတ်ပြီး ဒီလိုအချိန်တွေမှာ မကြာခဏမေးလေ့ရှိတာကတော့ စျေးကျတဲ့အချိန် Crypto ဝယ်တာကောင်းလားဆိုတဲ့မေးခွန်းပဲဖြစ်ပါတယ်။

Crypto အရောင်းအဝယ်တွေမှာတွေ့ရလေ့ရှိတဲ့ Market Dip (စျေးကွက်ကျဆင်းခြင်း) ဆိုတာ Digital Assets တွေရဲ့ဈေးနှုန်းတွေ အချိန်တိုအတွင်း သိသိသာသာကျဆင်းသွားတဲ့ အခြေအနေကိုဆိုလိုတာဖြစ်ပြီး ဒီဖြစ်ရပ်ဟာ ဈေးနှုန်းတွေ အနည်းငယ်အတက်အကျဖြစ်တာထက် ဈေးကွက်တစ်ခုလုံးရဲ့အာရုံစိုက်မှုကို ဖမ်းစားနိုင်လောက်တဲ့အထိ သိသိသာသာကျဆင်းသွားတဲ့ အခြေအနေမှာဖြစ်ပေါ်လာတာဖြစ်ပါတယ်။

စျေးကွက်ကျဆင်းမှုကိုဖြစ်စေနိုင်တဲ့ အချက်တွေအများကြီးရှိပြီး အဓိကအားဖြင့် အမြတ်ထုတ်တာတွေ၊ စျေးကွက်ရဲ့စိတ်ခံစားချက်သက်ရောက်မှုတွေနဲ့ ပြင်ပဖြစ်ရပ်လိုကိစ္စမျိုးတွေ ပါဝင်နေတတ်ပါတယ်။

အမြတ်ထုတ် (Profit-taking) တဲ့အခြေအနေဆိုတာ ရင်းနှီးမြှုပ်နှံသူတွေက Market ဈေးနှုန်းသိသိသာသာမြင့်တက်လာတဲ့အချိန် သူတို့အမြတ်ရဖို့အတွက် ရုတ်တရက်ရောင်းချလိုက်ကြတာကြောင့် ဈေးနှုန်းတွေကျဆင်းသွားတဲ့အခြေအနေကိုဆိုလိုတာဖြစ်ပါတယ်။ တစ်ဆက်တည်းမှာပဲ ရင်းနှီးမြှုပ်နှံသူတွေရဲ့စိတ်ခံစားချက် (Market Sentiment) ကလည်း Market မှာ အရေးကြီးတဲ့အခန်းကဏ္ဍကနေပါဝင်ပြီး မကောင်းတဲ့သတင်းတွေ၊ Market ရဲ့အခြေအနေတွေနဲ့ စည်းမျဉ်းစည်းကမ်းဆိုင်ရာစိုးရိမ်ပူပန်မှုတွေ အစရှိတဲ့ အမျိုးမျိုးသော အကြောင်းအရင်းတွေကြောင့် ဖြစ်ပေါ်လာတဲ့ စိတ်ခံစားချက်တွေပေါ်လိုက်ပြီး ရောင်းချမှုတွေဖြစ်ပေါ်စေနိုင်တဲ့အတွက် ဈေးနှုန်းတွေကျဆင်းစေနိုင်ပါတယ်။

နောက်ပြီး Crypto လောကရဲ့အပြင်ဘက်ကဖြစ်ရပ်တွေ (External Events) ကြောင့်လည်း စျေးနှုန်းတွေကျဆင်းတတ်ပြီးတော့ ကျဆင်းရတဲ့အကြောင်းရင်းတွေထဲမှာ စီးပွားရေးဆိုင်ရာကိစ္စတွေ၊ နိုင်ငံရေးဆိုင်ရာဖြစ်ရပ်တွေ ဒါမှမဟုတ် ဘဏ္ဍာရေးစျေးကွက်တွေရဲ့သိသာထင်ရှားတဲ့ပြောင်းလဲမှုတွေ ပါဝင်နေတတ်ပါတယ်။

အခုလိုမသေချာမှုတွေနဲ့ အန္တရာယ်များနေတဲ့အချိန်မှာ အချို့သောရင်းနှီးမြှုပ်နှံသူတွေက ဈေးကျတဲ့အချိန်ဝယ်ပြီးအမြတ်ထုတ်ဖို့ ကြိုးစားတတ်ကြပါတယ်။ ဒီလိုအချိန်မျိုးမှာ ရင်းနှီးမြှုပ်နှံတာဟာ လွယ်ကူတဲ့ဆုံးဖြတ်ချက်မဟုတ်တဲ့အပြင် ဈေးနှုန်းတွေ ဆက်လက်ကျဆင်းနိုင်တဲ့ အန္တရာယ်လည်းရှိသလို ပြန်တက်လာခဲ့ရင်လည်း ကြီးမားတဲ့အမြတ်အစွန်းကိုရနိုင်တဲ့ အခွင့်အရေးလည်းရှိနေတာကြောင့် အသွားနှစ်ဖက်ပါတဲ့ဓားကိုကိုင်ထားသလိုဖြစ်နေပါလိမ့်မယ်။ အထူးသဖြင့် DCA လိုမျိုး ရေရှည်ရင်းနှီးမြှုပ်နှံမှုဗျူဟာအတွက် စျေးကျချိန်တွေဟာအားသာချက်လို့ဆိုရမှာဖြစ်ပေမယ့် လေ့လာမှုနဲ့စွန့်စားနိုင်မှုအပေါ် မိမိရဲ့ခံနိုင်ရည်ကိုထည့်သွင်းစဉ်းစားပြီးတော့ ဈေးနှုန်းတွေဆက်လက်ကျဆင်းနေခဲ့မယ်ဆိုရင် ဘယ်လောက်အထိ အဆုံးရှုံးခံနိုင်မလဲဆိုတာကိုလည်း တွက်ချက်ထားရမှာဖြစ်တာကြောင့် အတော်လေးအန္တရာယ်များတယ်လို့ဆိုရမှာပါ။

စျေးကွက်ကျဆင်းချိန်တွေမှာ ဝယ်ယူဖို့စဉ်းစားတဲ့အခါ စျေးကွက်ရဲ့ခံစားချက်နဲ့ ခွဲခြမ်းစိတ်ဖြာမှုနည်းလမ်းတွေက ရင်းနှီးမြှုပ်နှံမှုမှာ အရေးကြီးတဲ့အခန်းကဏ္ဍကနေပါဝင်တဲ့အတွက် ဒီအချက်တွေကိုနားလည်ထားမယ်ဆိုရင် ရင်းနှီးမြှုပ်နှံသူတွေအနေနဲ့ မှန်ကန်တဲ့ဆုံးဖြတ်ချက်တွေချမှတ်နိုင်ဖို့ လမ်းညွှန်ပေးနိုင်ပါလိမ့်မယ်။

စျေးကျနေချိန်မှာ Crypto တွေကို ဝယ်ယူလို့ရပေမယ့် အန္တရာယ်တွေနဲ့ ထည့်သွင်းစဉ်းစားရမယ့် အချက်တွေကိုသိဖို့ အရေးကြီးပါတယ်။ အဓိကအန္တရာယ်အနေနဲ့ စျေးကျတာဟာ ယာယီကျဆင်းတာမျိုးမဟုတ်ဘဲ ရေရှည်ကျဆင်းတဲ့လမ်းကြောင်းရဲ့အစဖြစ်နိုင်တဲ့အတွက် ဈေးကျတဲ့အချိန် အောက်မှာဝယ်ပြီးတာတောင် မိမိရဲ့ပိုင်ဆိုင်မှုတန်ဖိုးတွေဆက်ပြီးကျနေနိုင်ပါတယ်။ အဆိုပါအန္တရာယ်ကို ထိထိရောက်ရောက် စီမံခန့်ခွဲဖို့အတွက် မတူညီတဲ့ Crypto တွေမှာ မိမိရဲ့ ရင်းနှီးမြှုပ်နှံမှုကို Portfolio ခွဲထားတာမျိုးတွေ၊ ရင်းနှီးမြှုပ်နှံဖို့ ဆန္ဒရှိတဲ့ပမာဏကို ကြိုတင်ဆုံးဖြတ်ပြီး ဈေးကွက်လှုပ်ရှားမှုတွေကြောင့် ဖြစ်ပေါ်လာတတ်တဲ့ အလျင်စလိုဆုံးဖြတ်ချက်တွေကို ရှောင်ရှားတာမျိုးတွေနဲ့ DCA (Dollar-Cost Averaging) နည်းလမ်းကိုအသုံးပြုပြီး ဈေးနှုန်းအတက်အကျကိုဂရုမစိုက်ဘဲ သတ်မှတ်ထားတဲ့ ငွေပမာဏကို ပုံမှန်ရင်းနှီးမြှုပ်နှံတာမျိုးတွေ အစရှိတဲ့ ဗျူဟာတွေကိုအသုံးပြုပြီးတော့ ကာကွယ်နိုင်ပါတယ်။

သမိုင်းကြောင်းအရ ကမ္ဘာ့စျေးကွက်ဟာ 2020 ခုနှစ်အစောပိုင်းမှာ ကပ်ရောဂါကြောင့် မသေချာမရေရာမှုတွေနဲ့ရင်ဆိုင်နေရချိန် Bitcoin ရဲ့ဈေးနှုန်းဟာလည်း 3700 EUR လောက်အထိကို သိသိသာသာကျဆင်းသွားခဲ့ဖူးပါတယ်။ ဒါပေမယ့် Bitcoin ပြန်လည်ကောင်းမွန်လာနိုင်တဲ့ အလားအလာကို သိရှိတဲ့ ရင်းနှီးမြှုပ်နှံသူတစ်ယောက်က ဒီလိုဈေးကျနေတဲ့အချိန်မှာ Bitcoin ကို ဝယ်ယူခဲ့ပါတယ်။ ဝယ်ယူပြီး နောက်တစ်နှစ်အကြာမှာ Bitcoin ဈေးနှုန်းဟာ 60,000 EUR နီးပါးအထိမြင့်တက်သွားခဲ့တာကြောင့် သူ့ရဲ့ရင်းနှီးမြှုပ်နှံမှုကနေ အတော်လေးကြီးမားတဲ့အကျိုးအမြတ်ကို ရရှိသွားခဲ့ဖူးပါတယ်။ ဒါ‌ပေမယ့် Bitcoin ဈေးနှုန်းသာ ပြန်ပြီးမတက်လာခဲ့ဘူးဆိုရင် သူ့ရဲ့ဆုံးရှုံးမှုဟာ အတော်လေး ကြီးမားနိုင်ကြောင်းကိုလည်း သတိပြုသင့်ပါတယ်။
စျေးကျချိန်မှာ Crypto ဝယ်သင့်လားဆိုတဲ့မေးခွန်းဟာ ရင်းနှီးမြှုပ်နှံသူရဲ့စွန့်စားနိုင်စွမ်း၊ ရင်းနှီးမြှုပ်နှံရတဲ့ရည်မှန်းချက်နဲ့ စျေးကွက်ကျဆင်းမှုရဲ့ အခြေအနေတွေအပေါ် မူတည်နေတာကြောင့် အမြတ်ရနိုင်တဲ့အခွင့်အရေးတွေရှိပေမယ့်လည်း ရင်းနှီးမြှုပ်နှံမှုနဲ့ဆက်စပ်နေတဲ့ အန္တရာယ်တွေက ကြီးမားတဲ့အတွက်ကြောင့် ပေါ့ပေါ့တန်တန် သဘောထားလို့တော့မရပါဘူး။

ဒါကြောင့် ရင်းနှီးမြှုပ်နှံသူတွေအနေနဲ့ ဈေးကွက်ကျဆင်းရတဲ့အကြောင်းအရင်း၊ မိမိတို့ရဲ့ ရင်းနှီးမြှုပ်နှံမယ့်ဗျူဟာသက်ရောက်မှုနဲ့ အတွေ့အကြုံရှိတဲ့ ရင်းနှီးမြှုပ်နှံသူတွေရဲ့ချဉ်းကပ်ပုံတွေကိုလေ့လာပြီးမှသာ ကိုယ်ပိုင်ဆုံးဖြတ်ချက်နဲ့ ဈေးကျတဲ့ဒဏ်ခံနိုင်မယ့် မိမိရဲ့ရင်းနှီးမြှုပ်နှံမှုပုံစံကို DYOR (Do Your Own Research) လုပ်ပြီး သေသေချာချာရွေးချယ်သင့်ပါတယ်။

Crypto တွေကို စိတ်ချမ်းသာစွာ နဲ့ အဆင်ပြေပြေရောင်းဝယ်ချင်တယ်ဆိုရင်တော့ ကမ္ဘာ့အကြီးဆုံး Crypto Exchange ဖြစ်တဲ့ Binance ကိုပဲ Recommend ပေးပါရစေ။

Binance Account ဖွင့်ရန်

၂၀၂၅ ခုနှစ် ဖေဖော်ဝါရီလမှာ၊ cryptocurrency လောကမှာ ယခုအချိန်အထိ အကြီးမားဆုံး Hack တစ်ခုကို ကြုံတွေ့ခဲ့ရပါတယ်။ Bybit ဆိုတဲ့ crypto exchange တစ်ခုကနေ Ethereum တန်ဖိုး ၁.၅ ဘီလီယံကို ခိုးယူခံလိုက်ရပါတယ်။ ဒီဖြစ်ရပ်က သင့် crypto ရင်းနှီးမြှုပ်နှံမှုတွေကို လုံခြုံအောင် ထိန်းသိမ်းဖို့ဟာ ဘယ်လောက်အရေးကြီးလဲဆိုတာကို ပြသနေပါတယ်။ ဒီတော့ ဒီဆောင်းပါးမှာ သင့်ရဲ့ crypto ပိုင်ဆိုင်မှုတွေကို ကာကွယ်ဖို့ အဓိက အကြံပြုချက် ၅ ချက်ကို ဖော်ပြပေးလိုက်ပါတယ်။

၁။ Secure ဖြစ်တဲ့ Wallets တွေကို အသုံးပြုပါ
သင့် cryptocurrencies တွေကို ကာကွယ်ဖို့ မှန်ကန်တဲ့ wallet ကို ရွေးချယ်တာက အခြေခံအကျဆုံးပါ။
- Hardware Wallets: Ledger နဲ့ Trezor လို devices တွေက သင့်ရဲ့ private keys တွေကို offline သိမ်းဆည်းပေးတာကြောင့်၊ online hacks တွေကနေ ပိုမိုလုံခြုံစေပါတယ်။
- Cold Storage: သင့်ရဲ့ assets တွေကို cold storage မှာ သိမ်းထားတာက internet နဲ့ မချိတ်ဆက်ထားတာကြောင့် ပိုကောင်းပါတယ်
- Reputable Software Wallets: Software wallets ကို ပိုကြိုက်တယ်ဆိုရင်၊ လုံခြုံရေးစနစ်တွေ ကောင်းမွန်ပြီး အသုံးပြုသူတွေရဲ့ Good Reviews တွေရှိတဲ့ wallets တွေကို ရွေးချယ်ပါ။ ဉပမာ Trust Wallet ကို အသုံးပြုလို့ ရပါတယ်

၂။ Two-Factor Authentication (2FA) ကို ဖွင့်ထားပါ
အကောင့်လုံခြုံရေးကို ပိုမိုမြှင့်တင်ဖို့ 2FA ကို မဖြစ်မနေ ဖွင့်ထားသင့်ပါတယ်
- Authenticator Apps: SMS-based 2FA ထက် Google Authenticator သို့မဟုတ် Authy လို apps တွေကို အသုံးပြုပါ၊ ဘာလို့လဲဆိုတော့ ဒါတွေက SIM-swapping attacks တွေကနေ ပိုမိုလုံခြုံမှု ရှိလို့ပါ
- Regular Updates: သင့်ရဲ့ 2FA methods တွေကို update လုပ်ထားပြီး၊ မကြာခဏ စစ်ဆေးပေးပါ

၃။ အချက်အလက်တွေ တောင်းဆိုတဲ့အခါ မပေးမိပါစေနဲ့
Scammers တွေက သင့်ရဲ့ အရေးကြီးအချက်အလက်တွေကို ခိုးယူဖို့ phishing tactics တွေကို အသုံးပြုတတ်ပါတယ်။
- Emails and Calls: ကိုယ်ရေးကိုယ်တာ သို့မဟုတ် ငွေကြေးဆိုင်ရာ အချက်အလက်တွေကို တောင်းဆိုတဲ့ အခါ ဘယ်တော့မှ မပေးပါနဲ့
- Verify Sources: link တွေကို နှိပ်ခြင်း သို့မဟုတ် အချက်အလက်တွေကို ပေးခြင်းမပြုခင် အစစ်ဟုတ်မဟုတ်ကို အမြဲစစ်ဆေးပါ
- Awareness of Scams: “pig butchering” လို လိမ်လည်မှုတွေအကြောင်း သတိထားပါ၊ ဒီလိုလိမ်လည်မှုတွေမှာ scammers တွေက လူတွေကို ဆွဲဆောင်ပြီး၊ အတုအယောင် crypto platforms တွေမှာ ရင်းနှီးမြှုပ်နှံဖို့ လှည့်စားတတ်ကြပါတယ်

၄။ ယုံကြည်စိတ်ချရတဲ့ Crypto Exchange တစ်ခုကို ရွေးချယ်ပါ
Exchange တိုင်းက တူညီတဲ့ လုံခြုံရေးအဆင့်ကို မပေးနိုင်ပါဘူး။ ဂုဏ်သတင်းရှိပြီး စည်းမျဉ်းစည်းကမ်းတွေနဲ့ ကိုက်ညီတဲ့ exchange တစ်ခုကို ရွေးချယ်ခြင်းက Risk ကိုလျှော့ချပေးပါတယ်။
- Binance : ကမ္ဘာ့အကြီးဆုံး cryptocurrency exchange ဖြစ်တဲ့ Binance ဟာ multi-signature wallets၊ SAFU (Secure Asset Fund for Users) နဲ့ real-time risk monitoring တွေလို ထိပ်တန်းလုံခြုံရေးစနစ်တွေကို အသုံးပြုထားပါတယ်။ ဒါကြောင့် Binance ဟာ cryptocurrencies တွေကို ဝယ်ယူခြင်း၊ ရောင်းချခြင်းနဲ့ သိမ်းဆည်းခြင်းအတွက် ယုံကြည်စိတ်ချရဆုံး platform တစ်ခုဖြစ်ပါတယ်။
- Security Features: Exchange ရဲ့ လုံခြုံရေးစနစ်တွေကို စစ်ဆေးပါ၊ ဥပမာ cold storage အသုံးပြုမှု၊ multi-factor authentication နဲ့ withdrawal whitelists တွေလိုမျိုး။
- Regulatory Compliance: Exchange က ကမ္ဘာလုံးဆိုင်ရာ ငွေကြေးစည်းမျဉ်းတွေနဲ့ ကိုက်ညီတာကို သေချာပါစေ၊ ဒါမှ ရုတ်တရက် ပိတ်သိမ်းခံရခြင်း သို့မဟုတ် hacks ခံရနိုင်ချေ Risk ကနေ သက်သာစေမှာ ဖြစ်ပါတယ်

၅။ Cyber Threats နဲ့ Security Practices တွေအကြောင်း အမြဲနားစွင့်နေပါ
Crypto လောကဟာ စဉ်ဆက်မပြတ် တိုးတက်ပြောင်းလဲနေပြီး၊ cybercriminals တွေရဲ့ နည်းဗျူဟာတွေကလည်း အမြဲပြောင်းလဲနေပါတယ်။
- Follow Reputable News Sources: Crypto လုံခြုံရေးချိုးဖောက်မှုတွေနဲ့ ခြိမ်းခြောက်မှုတွေအကြောင်း နောက်ဆုံးရသတင်းတွေကို လိုက်လံဖတ်ရှုပါ။
- Participate in Community Forums: Crypto အသိုင်းအဝိုင်းနဲ့ အဆက်အသွယ်မပြတ်စေဘဲ၊ ဗဟုသုတတွေကို မျှဝေကာ အသစ်ထွက်လာတဲ့ Security ပိုင်းတွေကို လေ့လာပါ။
- Continuous Learning: အကောင်းဆုံး Security ပိုင်းတွေကို အမြဲလေ့လာနေပြီး၊ စနစ်တကျ လိုက်နာပါ။

ဒီနည်းဗျူဟာတွေကို အသုံးပြုခြင်းဖြင့်၊ hacks နဲ့ scams တွေကနေ သင့်ရဲ့ crypto ရင်းနှီးမြှုပ်နှံမှုတွေကို ကာကွယ်နိုင်မှာ ဖြစ်ပါတယ်။

📌 လုံခြုံတဲ့ crypto trading နဲ့ ရင်းနှီးမြှုပ်နှံမှုအတွက် ယုံကြည်စိတ်ချရဆုံးဖြစ်တဲ့ Binance ကို အသုံးပြုဖို့ စဉ်းစားပါ။

Binance Account ဖွင့်ရန်

၂၀၂၅ ခုနှစ် ဖေဖော်ဝါရီ ၂၀ ရက်နေ့မှာ mainnet launch ပြီးနောက်၊ cryptocurrency ဈေးကွက်ထဲမှာ စိတ်ဝင်စားမှု ပိုရလာခဲ့တာက Pi Coin ပါ။ ၂၀၂၅ ခုနှစ် မတ်လ ၉ ရက်နေ့ Data အရ Pi Coin က CoinMarketCap မှာ အဆင့် ၁၁ နေရာမှာ ရပ်တည်နေပြီး၊ လူစိတ်ဝင်စားမှု များလာတာကို ပြနေပါတယ်

US Crypto Reserve ထဲ ပါဝင်နိုင်မှုနဲ့ ပတ်သက်တဲ့ မှန်းဆချက်တွေ
၂၀၂၅ ခုနှစ် မတ်လ ၂ ရက်နေ့မှာ၊ သမ္မတ Donald Trump က Bitcoin (BTC), Ethereum (ETH), XRP, Solana (SOL) နဲ့ Cardano (ADA) လို cryptocurrencies တွေပါဝင်တဲ့ ဗျူဟာမြောက် Crypto Reserve ထူထောင်မယ်လို့ ကြေညာခဲ့ပါတယ်။ Pi Coin ကို ထည့်သွင်းဖော်ပြခြင်းမရှိပေမယ့်၊ Pi ရဲ့ လျင်မြန်စွာ ကြီးထွားလာမှု နဲ့ လူစိတ်ဝင်စားမှုက အနာဂတ်မှာ Crypto Reserve ထဲ ပါဝင်နိုင်မှုနဲ့ ပတ်သက်တဲ့ မှန်းဆချက်တွေထွက်လာခဲ့ပါတယ်။ ၂၀၂၅ ခုနှစ် မတ်လ ၇ ရက်နေ့မှာ ကျင်းပခဲ့တဲ့ Crypto Summit ကလည်း ဒီဆွေးနွေးမှုတွေကို ပိုမိုမြှင့်တင်ပေးခဲ့ပေမယ့်၊ Pi Coin ရဲ့ ပါဝင်နိုင်မှုနဲ့ ပတ်သက်ပြီး တရားဝင်အတည်ပြုချက်တွေတော့ မရှိသေးပါဘူး။

Exchange Listings အတွက် Community-Driven Campaigns
Pi Network ကတော့ Pi Coin ကို Binance လို cryptocurrency exchanges တွေမှာ စာရင်းသွင်းဖို့ တက်ကြွစွာ လှုပ်ရှားနေကြပါတယ်။ #ListPiOnBinanceNow ဆိုတဲ့ hashtag နဲ့ လူသိများတဲ့ campaign တစ်ခုက social platforms တွေမှာ Trending ဖြစ်လာနေခဲ့တာပါ။ ဒီအခြေအနေကို တုံ့ပြန်တဲ့အနေနဲ့၊ Binance က ၂၀၂၅ ခုနှစ် ဖေဖော်ဝါရီ ၁၇ ရက်ကနေ ၂၇ ရက်အထိ Pi Coin ကို List ဖို့ စိတ်ဝင်စားမှုကို အကဲဖြတ်ဖို့ စစ်တမ်းတစ်ခု ပြုလုပ်ခဲ့ပြီး၊ List ဖို့ ထောက်ခံမှုများစွာနဲ့ မဲပေးသူ ၂၃၂,၆၇၆ ဦး ရှိခဲ့ပါတယ်။ ဒါပေမယ့်၊ Binance က Pi Coin ကို မ list သေးတာကြောင့်၊ Community ထဲမှာ မကျေမနပ် ဖြစ်နေခဲ့ပြီး app stores တွေမှာ Binance အတွက် 1 star ပေးမှုတွေ မြင့်တက်လာခဲ့ပါတယ်။

Main Exchange Listings တွေရဲ့ ဖြစ်နိုင်ခြေရှိတဲ့ သက်ရောက်မှုတွေ
Binance လို Main exchanges တွေမှာ List ခြင်းက Pi Coin ရဲ့ Market ကို တကယ်ကို သက်ရောက်မှု ရှိစေမှာဖြစ်ပါတယ်
- Access : main platforms တွေမှာ List ခြင်းက Pi Coin ကို ကမ္ဘာလုံးဆိုင်ရာ trader တွေအတွက် ပိုမိုလက်လှမ်းမီလာစေပြီး၊ Trading Volume ကို မြင့်တက်စေနိုင်ပါတယ်။
- Trust : နာမည်ကြီး exchanges တွေနဲ့ ဆက်စပ်မှုက ရင်းနှီးမြှုပ်နှံသူတွေရဲ့ ယုံကြည်မှုကို မြှင့်တင်ပေးပြီး၊ စိတ်ဝင်စားမှုကို ဆွဲဆောင်နိုင်ပါတယ်။
- Price Increasing : Analysis တွေအဆိုအရ Binance မှာ List ခြင်းက Pi Coin ရဲ့ ဈေးနှုန်းကို $10 အထိ မြင့်တက်စေနိုင်တယ်လို့ မှန်းဆထားကြပါတယ်။

ဈေးနှုန်း ခန့်မှန်းချက်တွေနဲ့ ဈေးကွက်အမြင်
Anslysis တွေက Pi Coin ရဲ့ ဈေးနှုန်းအတွက် အမျိုးမျိုးသော ခန့်မှန်းချက်တွေထုတ်ထားကြတာ ရှိပါတယ်
- Short-term : လက်ရှိ အတိုင်း ဈေးဆက်တက်နေမယ်ဆိုရင် ၊ Pi Coin ဟာ ၂၀၂၅ ခုနှစ် ဧပြီလလောက်မှာ $5 ထိ ရောက်ရှိနိုင်ပါတယ်။
- Exchange Listings တွေရဲ့ သက်ရောက်မှု: Main exchanges တွေမှာ List နိုင်ခြင်းအားဖြင့် ဈေးနှုန်းကို ပိုမိုမြင့်တက်စေနိုင်ပြီး၊ အချို့တွေက $8–$10 အထိ မြင့်တက်နိုင်တယ်လို့ ခန့်မှန်းထားပါတယ်။
- Long-term : အပြင်မှာ အသုံးတကယ်ဝင်လာမှုလိုမျိုး အချက်တွေကိုပါ ထည့်သွင်းစဉ်းစားရင်တော့၊ Pi Coin ဟာ ဒီထက်ပိုမြင့်တဲ့ ဈေးတန်းကို ရောက်နိုင်မယ်လို့ မှန်းထားကြပါတယ်

Pi Coin ရဲ့ mainnet launch ပြီးနောက် လူစိတ်ဝင်စားမှုနဲ့ market ထဲမှာ နေရာရလာမှုက cryptocurrency လောကထဲမှာ Potential ရှိကြောင်း ပြနေပါတယ်။ US Crypto Reserve ထဲ ပါဝင်နိုင်ချေက မသေချာပေမယ့်၊ main exchange listings အတွက် community ရဲ့ activites တွေက ကောင်းကောင်း push နေတာကို တွေ့ရပါတယ် ။ Investor တွေအနေနဲ့ သေချာစောင့်ကြည့်ပြီး invest လုပ်ဖို့ ဆုံးဖြတ်ချက်ချတာ ပိုကောင်းမယ်လို့ အကြံပေးပါရစေ။

Binance Account ဖွင့်ရန်

Ethereum ၏ Pectra Upgrade သည် ၂၀၂၅ ခုနှစ် မတ်လတွင် စတင်မည့် အရေးကြီးသော အဆင့်မြှင့်တင်မှုတစ်ခုဖြစ်ပြီး၊ network ၏ scalability (စွမ်းဆောင်ရည်)၊ usability (အသုံးပြုနိုင်မှု) နှင့် security (လုံခြုံရေး) တို့ကို မြှင့်တင်ရန် ရည်ရွယ်ထားပါသည်။ ယခင်က စီစဉ်ထားသည့် Prague နှင့် Electra upgrades များကို ပေါင်းစပ်ကာ တစ်ခုတည်းသော package အဖြစ် ပြုလုပ်ထားပြီး၊ Ethereum Improvement Proposals (EIPs) များကို မိတ်ဆက်ကာ လက်ရှိစိန်ခေါ်မှုများကို ဖြေရှင်းရန် နှင့် အနာဂတ်လိုအပ်ချက်များအတွက် network ကို ပြင်ဆင်ဖို့ ရည်ရွယ်ထားပါသည်။

Pectra Upgrade ၏ အဓိက Features များ
Account Abstraction (EIP-7702):
ဤ Feature သည် wallet များ၏ အသုံးပြုနိုင်မှုကို မြှင့်တင်ရန် ရည်ရွယ်ပြီး၊ wallets များကို smart contracts ကဲ့သို့ လုပ်ဆောင်နိုင်စေမည်။ အသုံးပြုသူများသည် gas fees များကို ERC-20 tokens များဖြင့် ပေးချေနိုင်မည် (ဥပမာ - stablecoins များဖြစ်သည့် USDC နှင့် DAI)။ အနာဂတ်တွင် Shiba Inu (SHIB) ကဲ့သို့သော tokens များဖြင့်လည်း ပေးချေနိုင်ဖွယ်ရှိသည်။ ဤပြောင်းလဲမှုသည် ငွေကြေးလွှဲပြောင်းမှုများကို ပိုမိုလွယ်ကူစေပြီး အသုံးပြုသူများအတွက် ပိုမိုသက်သာစေမည်။Increased Staking Limits (EIP-7251):
ဤအဆင့်မြှင့်တင်မှုတွင် validators များအတွက် staking limit ကို 32 ETH မှ 2,048 ETH အထိ တိုးမြှင့်မည်ဖြစ်သည်။ ဤပြောင်းလဲမှုသည် staking process ကို ပိုမိုလွယ်ကူစေပြီး၊ network overhead ကို လျှော့ချကာ validators များ၏ ပါဝင်မှုကို အားပေးနိုင်လိမ့်မည်။ ထို့ကြောင့် network ၏ လုံခြုံရေးနှင့် စွမ်းဆောင်ရည်ကို မြှင့်တင်ပေးနိုင်မည်ဖြစ်သည်။Blobspace Expansion and PeerDAS Integration:
Pectra Upgrade တွင် ‘Blob Spaces’ ကို မိတ်ဆက်ကာ data storage ကုန်ကျစရိတ်များကို လျှော့ချပြီး၊ Layer-2 solutions များ၏ စွမ်းဆောင်ရည်ကို မြှင့်တင်လာမည်။ PeerDAS technology ကို ပေါင်းစပ်ကာ rollup scalability ကို မြှင့်တင်ပြီး၊ Ethereum သည် လုပ်ဆောင်နိုင်သည့် ငွေကြေးလွှဲပြောင်းမှုပမာဏကို ပိုမိုမြှင့်တင်နိုင်မည်ဖြစ်သည်။

ETH ၏ ဈေးနှုန်းအပေါ် သက်ရောက်မှု
Pectra Upgrade သည် Ethereum ၏ ဈေးနှုန်းကို အပြုသဘောဆောင်သော သက်ရောက်မှုရှိစေနိုင်သည့် အကြောင်းရင်းများမှာ -
Scalability နှင့် Usability မြှင့်တင်မှု: ငွေကြေးလွှဲပြောင်းမှုများ ပိုမိုမြန်ဆန်လာခြင်းနှင့် အသုံးပြုသူအတွေ့အကြုံ ပိုမိုကောင်းမွန်လာခြင်းတို့ကြောင့်၊ platform သို့ အသုံးပြုသူနှင့် developer များ ပိုမိုရောက်ရှိလာနိုင်ပြီး၊ ETH အတွက် ဝယ်လိုအား မြင့်တက်လာနိုင်သည်။Staking Incentives: Staking limits တိုးမြှင့်ခြင်းကြောင့်၊ ETH များကို staking အတွက် ပိုမိုသုံးစွဲလာနိုင်ပြီး၊ လည်ပတ်နေသော ပမာဏကို လျှော့ချကာ ဈေးနှုန်းကို မြင့်တက်စေနိုင်သည်။Market Sentiment: Upgrade ၏ အောင်မြင်မှုသည် ရင်းနှီးမြှုပ်နှံသူများ၏ ယုံကြည်မှုကို မြှင့်တင်ပေးပြီး၊ ဈေးနှုန်းကို အပြုသဘောဆောင်သော လှုပ်ရှားမှုများ ဖြစ်ပေါ်စေနိုင်သည်။
သို့သော်၊ ဤခန့်မှန်းချက်များကို သတိထားစွာ ချဉ်းကပ်ရန် လိုအပ်သည်။ ဈေးတက်ရန် ခန့်မှန်းမှုများသည် စီးပွားရေးအခြေအနေများ၊ ဉပဒေရေးရာများ နှင့် နည်းပညာဆိုင်ရာ တိုးတက်မှုများကဲ့သို့သော အချက်များပေါ်တွင်လည်း မူတည်နေသည်။ Pectra Upgrade သည် Ethereum ၏ လက်ရှိစိန်ခေါ်မှုများကို ဖြေရှင်းပေးသော်လည်း၊ ၎င်း၏ ဈေးနှုန်းအပေါ် သက်ရောက်မှုသည် အသုံးပြုသူများ၏ လက်ခံမှုနှင့် ဈေးကွက်အခြေအနေပေါ်တွင် မူတည်နေသည်။
၂၀၂၅ ခုနှစ် ဖေဖော်ဝါရီ ၂၈ ရက်နေ့တွင်၊ Ethereum (ETH) ၏ ဈေးနှုန်းသည် 2,094.70 ဖြစ်ပြီး ယခင်နေ့ထက် 255.34 (-10.87%) ကျဆင်းခဲ့သည်။ Intraday high သည် 2,380.48ဖြစ်ပြီး၊ intradaylow သည် 2,380.48ဖြစ်သည်။
အကျဉ်းချုပ်အားဖြင့်၊ Pectra Upgrade သည် Ethereum အတွက် အရေးပါသော ခြေလှမ်းတစ်ခုဖြစ်ပြီး၊ network ၏ စွမ်းဆောင်ရည်နှင့် အသုံးပြုသူအတွေ့အကြုံကို မြှင့်တင်ရန် ရည်ရွယ်သည်။ ဤအဆင့်မြှင့်တင်မှုများသည် ETH ၏ ဈေးနှုန်းကို အပြုသဘောဆောင်သော သက်ရောက်မှုရှိနိုင်သော်လည်း၊ ရင်းနှီးမြှုပ်နှံသူများသည် စျေးကွက်အခြေအနေများကို သေချာလေ့လာပြီး ဆုံးဖြတ်ချက်ချရန် လိုအပ်ပါသည်။

Binance Account ဖွင့်ရန်

Trump က February 1 ရက်နေ့မှာ ကနေဒါနဲ့ မက္ကဆီကိုမှ သွင်းကုန်များအပေါ် 25% ကုန်သွယ်ခွန် (ကနေဒါစွမ်းအင်ကို 10% ခွန်) နဲ့ တရုတ်သွင်းကုန်တွေကို 10% အခွန်ကောက်ခံမယ်လို့ ကြေညာခဲ့ပြီးနောက်ပိုင်း Bitcoin နဲ့ Ether အပါအဝင် အခြား Crypto Assets တွေအကုန် ဈေးတွေကျဆင်းခဲ့ကာ Market ကြီးတစ်ခုလုံးနီရဲနေခဲ့ပါတယ်။ 

February 3 ရက်နေ့မှာတော့ ကနေဒါ၊ မက္ကဆီကိုနှစ်နိုင်ငံနဲ့ နယ်စပ်ကာကွယ်ရေးမြှင့်တင်ဖို့ Trump က သဘောတူခဲ့တဲ့အတွက် ကုန်သွယ်ခွန်တွေကို ရက် 30 ကြာရွှေ့ဆိုင်းခဲ့ပေမယ့်လည်း အခု ဖေဖော်ဝါရီလကုန်ပိုင်းမှာ အဆိုပါအခွန်တွေကို ပြန်လည်ကောက်ခံမယ်လို့ Trump က ပြင်သစ်သမ္မတ Emmanuel Macron နဲ့ February 24 ရက်‌နေ့ သတင်းစာရှင်းလင်းပွဲမှာ ပြောကြားခဲ့ပါတယ်။

အဲ့ဒီအချိန်ကစလို့ Crypto စျေးကွက်ဟာ ကြောက်ရွံ့မှုတွေနဲ့အတူ အောက်အထိထိုးဆင်းခဲ့ကာ Crypto Fear & Greed Index အရ စျေးကွက်စိတ်ခံစားမှုက 25 Point အထိရောက်ရှိနေပြီး Extreme Fear ကို ညွှန်းဆိုလျက်ရှိနေပါတယ်။

အဆိုပါသတင်းကြောင့် လွန်ခဲ့တဲ့၂၄ နာရီအတွင်းမှာ Bitcoin ဟာ 4.5% ထိကျဆင်းခဲ့ပြီး $92,000 အောက်ကို ရောက်ရှိသွားခဲ့ကာ CoinGecko အရ စုစုပေါင်း Crypto စျေးကွက်တန်ဖိုးဟာလည်း $3.31 Trillion ကနေ $3.09 Trillion အထိ 8% ခန့်ကျဆင်းသွားခဲ့ပါတယ်။

Trump ရဲ့ကုန်သွယ်ခွန်ခြိမ်းခြောက်မှုတွေနဲ့အတူ Crypto စျေးကွက်ရဲ့ ပြင်းထန်တဲ့တုံ့ပြန်မှုတွေက ကုန်သွယ်ရေးစစ်ပွဲအရိပ်အယောင်ကို ထင်ဟပ်နေပြီး February လအတွင်း ကြေညာချက်များ၊ ရွှေ့ဆိုင်းမှုများ၊ ပြန်လည်စတင်မယ့် ခြိမ်းခြောက်သံတွေကြားမှာ စျေးကွက်ဟာ မရေရာမှုကို ကြောက်ရွံ့လျက်ရှိနေပါတယ်။ ဒီလိုအရှိန်အဟုန်တွေက ကုန်သွယ်ရေးစစ်ပွဲကို ဦးတည်နေတာလား ဒါမှမဟုတ် ညှိနှိုင်းမှုတွေနဲ့ပဲပြေလည်သွားနိုင်မလားဆိုတဲ့အခြေအနေဟာ လာမယ့်လတွေရဲ့ စီးပွားရေးနဲ့ Crypto စျေးကွက်အရှိန်အဟုန်ကို ဆုံးဖြတ်ပေးမယ့် အဓိကသော့ချက်ဖြစ်လာမှာပါ။

Binance Account ဖွင့်ရန်

Cryptocurrency trading ဟာ အမြတ်အစွန်းရနိုင်တဲ့ အခွင့်အလမ်းတစ်ခုဖြစ်ပေမယ့်၊ Risk လည်း များပါတယ်။ အထူးသဖြင့် ခုမှ စတင်မယ့် Beginner များအတွက် အောက်ပါအချက်များကို သိထားဖို့ အရေးကြီးပါတယ်။ ဒီဆောင်းပါးမှာ သင့်ကို အောင်မြင်တဲ့ trader တစ်ယောက်ဖြစ်လာစေဖို့ သိထားသင့်တဲ့ အချက် (၅) ချက်ကို မျှဝေပေးသွားမှာ ဖြစ်ပါတယ်။

၁။ Risk Management
Crypto trading မှာ Risk တွေကို ကောင်းစွာစီမံခန့်ခွဲဖို့ အရေးကြီးပါတယ်။ ကိုယ့်ရဲ့ ရင်းနှီးမြှုပ်နှံမှုပမာဏကို သတ်မှတ်ပြီး၊ ဆုံးရှုံးနိုင်တဲ့ ပမာဏထက် ပိုမရင်းနှီးမိအောင် ဂရုပြုပါ။
- ဘတ်ဂျက်သတ်မှတ်ခြင်း: ကိုယ့်ရဲ့ လစာ(ဝင်ငွေ) ရဲ့ ဘယ်လောက် % အထိကို trading/investing အတွက် အသုံးပြုမလဲဆိုတာ ကြိုတင်သတ်မှတ်ထားပါ။
- ဆုံးရှုံးခံနိုင်တဲ့ ပမာဏ: ကိုယ်ဆုံးရှုံးခံနိုင်တဲ့ ပမာဏထက် ပိုမရင်းနှီးမိအောင် သတိထားပါ။ ဥပမာ၊ ကိုယ့်ရဲ့ စုဆောင်းငွေရဲ့ ၁၀% ထက် ပိုမလုပ်မိပါစေနဲ့။
- အရေးပေါ်စုငွေ: မမျှော်လင့်ထားတဲ့ ဈေးကွက်အခြေအနေတွေအတွက် အရေးပေါ် အရန်ငွေကို သီးသန့်ထားပါ။

၂။ FOMO (Fear of Missing Out) ကို ရှောင်ပါ
FOMO ဆိုတာက လူတွေကို အလျင်စလို ဆုံးဖြတ်ချက်တွေ ချမိစေတဲ့ စိတ်ခံစားချက်တစ်မျိုးပါ။ Crypto ဈေးကွက်မှာ ဈေးတက်နေတဲ့ Coin တစ်ခုကို လွတ်သွားမှာစိုးလို့ အလျင်စလိုဝယ်မိတာမျိုး မဖြစ်အောင် သတိထားပါ။
- စိတ်ရှည်ပါ: ဈေးကွက်မှာ အမြဲတမ်း အခွင့်အလမ်းတွေ ရှိနေပါတယ်။ အလျင်စလို မလုပ်ပါနဲ့။
- သုတေသနလုပ်ပါ: ကိုယ်ဝယ်မယ့် Coin ရဲ့ နောက်ခံအချက်အလက်တွေကို သေချာလေ့လာပါ။
- ဗျူဟာသတ်မှတ်ပါ: ကိုယ့်ရဲ့ trading plan ကို ကြိုတင်သတ်မှတ်ထားပြီး၊ စိတ်ခံစားချက်တွေနဲ့ မဆုံးဖြတ်မိပါစေနဲ့။

၃။ Stop-Loss ကို အသုံးပြုပါ
Stop-Loss ဆိုတာက ကိုယ့်ရဲ့ ရင်းနှီးမြှုပ်နှံမှုကို အကာအကွယ်ပေးတဲ့ နည်းလမ်းတစ်ခုပါ။ ဈေးနှုန်းက ကိုယ်သတ်မှတ်ထားတဲ့ ပမာဏထိ ကျဆင်းသွားရင် အလိုအလျောက် ရောင်းချပေးမှာဖြစ်ပြီး၊ ဤနည်းအားဖြင့် အရမ်းကျဆင်းတဲ့အတွက် အရမ်းရှုံးသွားနိုင်ချေကို ကာကွယ်ပေးပါတယ်။
- ဘယ်လိုအလုပ်လုပ်လဲ? ကိုယ်ဝယ်ထားတဲ့ Coin ရဲ့ ဈေးနှုန်းက ကိုယ်သတ်မှတ်ထားတဲ့ level ထက် ကျဆင်းသွားရင်၊ အလိုအလျောက် ရောင်းချပေးမှာဖြစ်ပါတယ်။
- ဘာကြောင့်အရေးကြီးလဲ? ဈေးကွက်မှာ မမျှော်လင့်ထားတဲ့ ပြောင်းလဲမှုတွေကြောင့် ဆုံးရှုံးမှုတွေကို ကာကွယ်ပေးပါတယ်။

၄။ Technical Analysis (နည်းပညာပိုင်းဆိုင်ရာ ခွဲခြမ်းစိတ်ဖြာမှု)
Technical Analysis ကို သေချာလေ့လာပါ။ ဈေးကွက်ရဲ့ လမ်းကြောင်းကို ခန့်မှန်းနိုင်ဖို့ chart တွေ၊ indicators တွေကို အသုံးပြုပါ။
Chart များကို လေ့လာပါ: Candlestick charts, line charts, နဲ့ bar charts တွေကို သေချာလေ့လာပါ။
Indicators အသုံးပြုပါ: Moving Averages, RSI, MACD လို indicators တွေကို အသုံးပြုပြီး၊ ဈေးကွက်ရဲ့ လမ်းကြောင်းကို ခန့်မှန်းပါ။
ဗျူဟာသတ်မှတ်ပါ: Technical analysis ကို အသုံးပြုပြီး၊ ကိုယ့်ရဲ့ trading plan ကို သတ်မှတ်ပါ။

၅။ Portfolio Diversification (ရင်းနှီးမြှုပ်နှံမှုကို ဖြန့်ထားခြင်း)
တစ်ခုတည်းသော Coin မှာ ရင်းနှီးမြှုပ်နှံမှုအားလုံးကို မစုစည်းမိပါစေနဲ့။ မတူညီတဲ့ Cryptocurrencies တွေကို ဖြန့်ဝေရင်းနှီးမြှုပ်နှံပြီး၊ Risk ကို လျှော့ချပါ။
- မတူညီတဲ့ Coin များ: Bitcoin, Ethereum, BNB နဲ့ တခြား altcoins တွေကို ဖြန့်ဝေရင်းနှီးမြှုပ်နှံပါ။
- မတူညီတဲ့ Sectors: DeFi, NFT, နဲ့ Metaverse လို မတူညီတဲ့ sectors တွေမှာ ဖြန့်ဝေရင်းနှီးမြှုပ်နှံပါ။

အခုပဲ Binance မှာ အကောင့်ဖွင့်ပြီး Trading စတင်ပါ!
Crypto trading ကို စတင်ဖို့ အကောင်းဆုံးနေရာက Binance ပါ။ ဈေးနှုန်းသက်သာပြီး၊ လုံခြုံစိတ်ချရတဲ့ Trading experience ကို Binance နဲ့ စတင်နိုင်ပါတယ်။

👉 Binance Account ဖွင့်ရန်

Tether အနေနဲ့ Europe မှာ MICA စည်းမျဉ်းကြောင့် Delist လုပ်ခံရတော့မယ့်နောက်ပိုင်း လုပ်ငန်းတိုးချဲ့မှုတွေကိုပိုမိုလုပ်ဆောင်လာနေပြီး USDT ရဲ့အသုံးဝင်မှုကို ပိုမိုတိုးမြှင့်နိုင်ဖို့အတွက် ကြိုးစားလျက်ရှိနေပါတယ်။

February 17 ရက်နေ့မှာ ထုတ်ပြန်တဲ့ Blog Post အရ Tether က အာဖရိကအနောက်ပိုင်းမှာရှိတဲ့ Guinea နိုင်ငံမှာ Blockchain နဲ့ P2P နည်းပညာတွေ စတင်အသုံးပြုနိုင်ဖို့ Memorandum Of Understanding (MOU) သဘောတူညီချက်စာချုပ်ကို ချုပ်ဆိုခဲ့ပါတယ်။

အရင်နှစ် March လကလည်း Uzbekistan နိုင်ငံရဲ့ Blockchain, Stablecoin နဲ့ Tokenization စတဲ့နည်းပညာတွေကို စမ်းသပ်ရှာဖွေဖို့ရည်ရွယ်တဲ့ သဘောတူညီချက်စာချုပ်ကို ချုပ်ဆိုခဲ့ပါသေးတယ်။

အဆိုပါ MOU သဘောတူညီချက်က Guinea နိုင်ငံကို Blockchain နည်းပညာတိုးတက်စေဖို့နဲ့ ပညာရေးအစီအစဉ်တွေပြုလုပ်ပြီး အတွေ့အကြုံတွေမျှဝေကာ Guinea ရဲ့နည်းပညာတိုးတက်အောင် ကူညီပေးဖို့ရည်ရွယ်ထားတယ်လို့ Tether ကဆိုပါတယ်။

နောက်ပြီး Guinea ရဲ့ Innovation City စီမံကိန်းကိုလည်း Tether က ပံ့ပိုးသွားမှာဖြစ်ပြီး အဆိုပါစီမံကိန်းက နည်းပညာသုတေသနနဲ့ ကုမ္ပဏီတွေအတွက် နေရာဖန်တီးဖို့ ရည်ရွယ်ထားတာဖြစ်ပါတယ်။

Consensys ရဲ့ 2023 စစ်တမ်းအရ အာဖရိကနိုင်ငံတွေမှာ Crypto အသုံးပြုမှုမြင့်မားနေပြီး အထူးသဖြင့် Nigeria ရဲ့ 84% သော နိုင်ငံသားတွေမှာ Crypto Wallet ပိုင်ဆိုင်ထားကြောင်းတွေ့ရှိရပါတယ်။

Guinea နိုင်ငံက အာဖရိကတိုက်မှာ Digital ပြောင်းလဲမှုကို အရှိန်မြှင့်လုပ်ဆောင်နေတဲ့ နိုင်ငံတစ်ခုဖြစ်တာကြောင့် Tether အနေနဲ့ အခုလိုပူးပေါင်းမှုကနေတစ်ဆင့် ဒေသတွင်းစီးပွားရေးတွေမှာ USDT ကို ပိုမိုကျယ်ပြန့်စွာအသုံးပြုလာပြီး ဈေးကွက်မှာဦးဆောင်နေမယ့် Stablecoin အဖြစ် ရပ်တည်နိုင်အောင်ကြိုးစားလုပ်ဆောင်လျက်ရှိနေပါတယ်။

Binance Account ဖွင့်ရန်

February 15 ရက်နေ့မှာ ဘဏ္ဍာရေးသတင်းအယ်ဒီတာ Seán Murray က X မှာ စာတန်းရှည်ကြီးတစ်ခုတင်ပြီး Twitter Co-Founder Jack Dorsey နဲ့ Bitcoin ဖန်တီးသူ Satoshi Nakamoto ဟာ တစ်ယောက်တည်းလားဆိုပြီး ဆက်စပ်နိုင်တဲ့ အထောက်အထားတွေကို စုစည်းဖော်ပြခဲ့ပါတယ်။ 

Murray ရဲ့ သီအိုရီက Dorsey ရဲ့ဘဝနဲ့ Bitcoin ရဲ့ အစောပိုင်းဖွံ့ဖြိုးမှုကြား ဆင်တူမှုတွေကို အခြေခံထားတာဖြစ်ပြီး သူ့ရဲ့စုံစမ်းချက်အရ ပထမဆုံး Bitcoin Transaction လုပ်တဲ့နေ့အဖြစ်မှတ်တမ်းတင်ခဲ့တဲ့ January 11 ရက်နေ့ဟာ Dorsey ရဲ့မိခင်မွေးနေ့ဖြစ်ပြီး Satoshi ရဲ့ နောက်ဆုံး Block Mined လုပ်ချိန် 2010 March 5 ရက်နေ့က‌ Dorsey ရဲ့ဖခင်မွေးနေ့ဖြစ်ပါတယ်။

ဒါ့အပြင် Satoshi က Bitcoin Forum မှာ November 19 ရက်နေ့က စာရင်းသွင်းခဲ့ပြီး အဆိုပါနေ့ဟာ Jack Dorsey ရဲ့မွေးနေ့ဖြစ်နေပါတယ်။ နောက်ပြီး Bitcoin ရဲ့ Original Source Code မှာ မနက် 4 နာရီကို အမြဲဖော်ပြထားတဲ့ အချိန်မှတ်တမ်းကို Dorsey ရဲ့ Twitter Profile မှာ အရင်က ဖော်ပြခဲ့ဖူးတယ်လို့ Murray က ထောက်ပြခဲ့ပါတယ်။

အခုလို Bitcoin ရဲ့ ပထမဆုံးသမိုင်းနဲ့ Dorsey ရဲ့ ကိုယ်ရေးရာဇဝင်က ဆက်စပ်မှုရှိနေပြီး အတော်လေးလည်းတိုက်ဆိုင်နေပါတယ်။

ဇာတ်လမ်းကို နောက်ထပ်ဆက်စပ်မှုတွေနဲ့ ပိုပြီးစိတ်ဝင်စားစေတဲ့အချက်တစ်ခုက ဒေသဆိုင်ရာ ချိတ်ဆက်မှုတွေဖြစ်ပြီး 2014 ခုနှစ်က Satoshi ရဲ့ Email ကို Hack လုပ်ထားခဲ့တဲ့ Hacker က St. Louis, Missouri (Dorsey ရဲ့ မွေးရပ်မြေ) နဲ့ဆက်စပ်တဲ့ အချက်အလက်တွေကို ဖော်ထုတ်ကာ Bitcoin ဖန်တီးသူကို ခြိမ်းခြောက်ငွေညှစ်ဖို့ ကြိုးပမ်းခဲ့ဖူးပါတယ်။

ပြီးတော့ 2009 ခုနှစ် January 10 ရက်နေ့မှာ Satoshi က IRC (Internet Relay Chat) ကိုမတော်တဆဝင်ရောက်ခဲ့ရာ California မှာရှိတဲ့ IP Address တစ်ခုကို ဖော်ထုတ်ခံခဲ့ရပြီး အဆိုပါ ဒေသက Dorsey ရဲ့ Twitter ဌာနချုပ်တည်ရှိရာ နေရာဖြစ်နေပါတယ်။
-
ဒါပေမယ့် သီအိုရီကို လက်မခံတဲ့သူတွေကတော့ Murray ရဲ့ သီအိုရီမှာ ချို့ယွင်းချက်များစွာရှိနေကြောင်း ထောက်ပြထားကြပြီး Censorship-Resistant Money ကို ဖန်တီးခဲ့တဲ့ Satoshi က ဘာလို့ Content Moderation Policies အောက်က Twitter ကို တည်ထောင်မှာလဲလို့ ဝေဖန်သူတွေကဆိုပါတယ်။ (Satoshi သာ Jack Dorsey ဖြစ်ခဲ့မယ်ဆိုရင် သူ့ရဲ့ Bitcoin ဖန်တီးတဲ့ရည်ရွယ်ချက်နဲ့ ဆန့်ကျင်နေတယ်လို့ဆိုလိုတာပါ)

Blockchain researcher Jameson Lopp ကတော့ တစ်စုံတစ်ယောက်ကို Satoshi လို့ခန့်မှန်းကာ လူအများသိအောင် ပြုလုပ်နေတာဟာ ခန့်မှန်းခံရသူနဲ့ သူ့မိသားစုအတွက် အန္တရာယ်ဖြစ်စေနိုင်တယ်ဆိုပြီး Murray ရဲ့ သီအိုရီကို ပြင်းပြင်းထန်ထန်ကို ဝေဖန်နေခဲ့ပါတယ်။

အဆိုပါ သီအိုရီက အရင် Satoshi အဖြစ် ခန့်မှန်းခံရတဲ့ Hal Finney, Adam Back, Nick Szabo တို့အဖြစ်နဲ့ဆင်တူပြီး Satoshi ဖြစ်ကြောင်း သက်သေအထောက်အထားမရှိတာကြောင့် အတည်ပြုနိုင်ခြင်းတော့မရှိသေးပါဘူး။

Satoshi ရဲ့ Bitcoin ပိုင်ဆိုင်မှုက BTC 1 Million (လက်ရှိဈေးအရ $96 Billion ကျော်) အထိ ရှိနိုင်တယ်လို့ ခန့်မှန်းထားတာကြောင့် Satoshi ဘယ်သူလဲဆိုတဲ့ ပဟေဠိရဲ့အရေးပါမှုက အလွန်မြင့်မားပြီး Crypto လောကမှာ ရေရှည်တည်တံ့နေမယ့် ဒီပြဿနာက သီအိုရီအသစ်ထွက်လာတိုင်း နည်းပညာကဏ္ဍရဲ့ အဆက်မပြတ်မေးခွန်းတစ်ခုအဖြစ်ရှိနေဦးမှာပဲဖြစ်ပါတယ်။

Binance Account ဖွင့်ရန်

Binance ဟာ Trading Volume အရ ကမ္ဘာ့အကြီးဆုံး Cryptocurrency Exchange တစ်ခုဖြစ်တာကြောင့် Regulators နဲ့ Market Analysts တွေရဲ့ အမြဲတမ်းစောင့်ကြည့်တာကို ခံနေရတာပါ။

Binance ရောင်းတော့မယ်ဆိုတဲ့ Rumor က Industry မှာ ပြန့်နှံ့နေပြီး အဆိုပါ Rumor က အထူးသဖြင့် X ပေါ်က Crypto ကဏ္ဍဝင်တွေနဲ့ အရောင်းအဝယ်လုပ်ငန်းတွေကြားမှာ ပြန့်နေခဲ့တာဖြစ်ပါတယ်။

ဒါပေမယ့် February 17 ရက်နေ့မှာ Former CEO Zhao က Stock ရှယ်ယာရှင်တစ်ဦးအနေနဲ့ Binance ကို ရောင်းချမှာမဟုတ်ဘူးလို့ပြောခဲ့ပြီး Co-founder Yi He ကလည်း တူညီတဲ့စကားဆိုခဲ့ကာ အဆိုပါ Rumor ဟာ ပြိုင်ဘက်တွေရဲ့ PR Strategy ကနေ စတင်ပေါ်‌ပေါက်လာတာဖြစ်ပြီးတော့ Binance အနေနဲ့ Exchange ကို ရောင်းချမှာမဟုတ်ဘဲ အခြား Exchange လုပ်ငန်းတွေက သူတို့ကိုရောင်းချဖို့ စဉ်းစားမိခဲ့ရင် Binance ဘက်က ဝယ်ယူဖို့ အဆင်သင့်ဖြစ်နေတယ်လို့ ဖြည့်စွက်ပြောကြားခဲ့ပါတယ်။

အဆိုပါ Rumor အပြင် February 11 ရက်နေ့က Bitcoin အပါအဝင် Binance ရဲ့ ငွေကြေးအရင်းအနှီးတွေ အတော်များများလျှော့ချလိုက်တာကြောင့်လည်း ကုမ္ပဏီရဲ့ဘဏ္ဍာရေးအနေအထားကို သံသယဖြစ်စေခဲ့တာဖြစ်ပြီး Binance ဘက်ကတော့ ဒါဟာ သူတို့ရဲ့ Treasury’s Accounting Process ပြင်ဆင်မှုသာဖြစ်တယ်လို့ ငြင်းဆိုခဲ့ပါတယ်။

Binance အနေနဲ့ စည်းမျဉ်းစည်းကမ်းဆိုင်ရာ စိန်ခေါ်မှုတွေကို ဖြတ်သန်းရင်း နည်းပညာနဲ့ ဈေးကွက်ဦးဆောင်မှုကို အပြိုင်အဆိုင်မြှင့်တင်လျက်ရှိနေတာကြောင့် Binance ရောင်းတော့မယ်ဆိုတဲ့ Rumor တွေဟာ ယာယီသာဖြစ်ပြီး 2025 ခုနှစ်မှာလည်း Binance ရဲ့ ဈေးကွက်ဦးဆောင်မှုက‌တော့ ဆက်လက်တည်ရှိနေမှာပါ။

Binance Account ဖွင့်ရန်

Hong Kong ရဲ့ Stablecoin ဥပဒေကြမ်းကို 2024 ခုနှစ် December 6 ရက်နေ့မှာ ဥပဒေပြုကောင်စီကိုတင်သွင်းခဲ့ပြီး December 18 ရက်နေ့မှာ ပထမအကြိမ်ဖတ်ကြားခြင်းကို ပြုလုပ်ခဲ့ပါတယ်။ အကယ်၍ Stablecoin ဥပဒေသာ အတည်ပြုသွားမယ်ဆိုရင် Stablecoin Issuers တွေအနေနဲ့ HKMA (Hong Kong Monetary Authority) လိုင်စင်ရယူဖို့လိုအပ်မှာဖြစ်ပြီး အာမခံငွေနဲ့ ဈေးနှုန်းတည်ငြိမ်မှုလိုအပ်ချက်တွေကို လိုက်နာရမှာဖြစ်ပါတယ်။

-
2024 July လက Hong Kong ရဲ့ Stablecoin Sandbox မှာပါဝင်ခဲ့ကြတဲ့ Standard Chartered Bank, Animoca Brands နဲ့ HKT (Hong Kong Telecommunications) တို့ပူးပေါင်းကာ Hong Kong Dollar ကိုအခြေခံထားတဲ့ Stablecoin (HKD Stablecoin) ထုတ်လုပ်ဖို့ ကြိုးစားနေကြပြီး Hong Kong ရဲ့ လာမယ့် Stablecoin ဥပဒေအောက်မှာ လိုင်စင်ရယူဖို့လုပ်ဆောင်နေကြပါတယ်။ 

-
Standard Chartered က HKMA ရဲ့ ကြီးကြပ်မှုအောက်မှာ Hong Kong Dollar ထုတ်လုပ်တဲ့ ဘဏ် 3 ခုထဲက တစ်ခုဖြစ်ပြီး ယခင်က Stablecoin Issuers တွေနဲ့ HKMA ရဲ့ Tokenized Money လုပ်ငန်းတွေမှာ ပါဝင်ခဲ့ပါတယ်။
Animoca Brands က Blockchain နည်းပညာကဏ္ဍမှာ အဓိကပါဝင်တဲ့သူဖြစ်ပြီး HKT ကတော့ Hong Kong မှာ Telecommunications ဝန်ဆောင်မှုတွေနဲ့ Mobile Payment Systems တွေမှာအထူးပြုထားတဲ့ ကုမ္ပဏီဖြစ်ပါတယ်။
-
HKD Stablecoin ထုတ်လုပ်မှုစနစ်က ဘဏ်လုပ်ငန်းရဲ့အခြေခံအင်အား၊ Blockchain နည်းပညာရဲ့တိကျမှုနဲ့ Digital Payment Systems ရဲ့ မြန်ဆန်မှုတို့ ပေါင်းစပ်ကာ နိုင်ငံအတွင်း နဲ့ နိုင်ငံအပြင်ငွေလွှဲပြောင်းမှုတွေမှာ ပိုမိုလျင်မြန်စရိတ်သက်သာစေနိုင်ပြီး လုံခြုံရေးလည်းတိုးတက်လာမှာဖြစ်တာကြောင့် Digital Assets စနစ်ဗဟိုချက်ဖြစ်လာဖို့ကြိုးစားနေတဲ့ Hong Kong အတွက်ကတော့ Stablecoin ဥပဒေသာ အတည်ပြုသွားခဲ့ရင် ငွေကြေးစနစ်၊ စီးပွားရေးနဲ့ Fintech နယ်ပယ်တွေမှာ ပြောင်းလဲမှုတွေဖြစ်ပေါ်လာနိုင်ပါတယ်။

Binance Account ဖွင့်ရန်

Cryptocurrency Trading ဟာ မြန်မာနိုင်ငံမှာ တဖြည်းဖြည်း ရေပန်းစားလာပြီး၊ Trading အတွက် ဈေးနှုန်းသက်သာတဲ့ Exchange တစ်ခုကို ရွေးချယ်ဖို့ကလည်း အရေးကြီးလာပါတယ်။ ၂၀၂၅ ခုနှစ်အတွက် မြန်မာနိုင်ငံသားများ အသုံးပြုရန် အကောင်းဆုံး ဈေးနှုန်းသက်သာသော Crypto Exchange များ ကို တတ်နိုင်သလောက် စာရင်းပြုစုဖော်ပြပေးလိုက်ပါတယ်။
---
ဈေးနှုန်းအသက်သာဆုံး Crypto Exchange များ (Top 3)
1. Binance
- Trading Fees : 0.1% (spot trading), BNB အသုံးပြုပါက ပိုမိုသက်သာသည်။
- Withdrawal Fees : Cryptocurrency အလိုက် ကွဲပြားမှုရှိသည် (ဥပမာ - Bitcoin အတွက် 0.0005 BTC)။
- ဘာကြောင့် Binance ကို ရွေးချယ်သင့်လဲ? Binance ဟာ ကမ္ဘာ့အကြီးဆုံး Cryptocurrency Exchange ဖြစ်ပြီး၊ ဈေးနှုန်းသက်သာ၊ Cryptocurrency အမျိုးအစားစုံလင်သော၊ ယုံကြည်မှု အကောင်းဆုံး Exchange ဖြစ်ကာ Advanced Features များလဲ ပါဝင်တဲ့ Exchange ဖြစ်ပါတယ်။ မြန်မာနိုင်ငံသားများအတွက် အဆင်ပြေစွာ အသုံးပြုနိုင်ပါတယ်။

2. Bybit
- Trading Fees: 0.1%
- Withdrawal Fees : Bitcoin အတွက် 0.0005 BTC

3. Kraken
- Trading Fees : 0.16% (makers), 0.26% (takers)။
- Withdrawal Fees : Bitcoin အတွက် 0.00015 BTC

မြန်မာနိုင်ငံသားများအတွက် Binance ကို ဘာကြောင့် ရွေးချယ်သင့်လဲ?
Binance ဟာ မြန်မာနိုင်ငံသားများအတွက် အကောင်းဆုံး ရွေးချယ်မှုတစ်ခုဖြစ်ပါတယ်။ အကြောင်းရင်းများမှာ -
- ဈေးနှုန်းသက်သာခြင်း: Trading Fees နှင့် Withdrawal Fees များ သက်သာသည်။
- Cryptocurrency အမျိုးအစားစုံလင်ခြင်း: Cryptocurrency ရာနှင့်ချီ ကုန်သွယ်နိုင်သည်။
- အသုံးပြုရလွယ်ကူခြင်း: Beginners များအတွက် ရိုးရှင်းသော interface နှင့် Advanced Features များ အသုံးပြုနိုင်သည်။
- BNB Discounts : Binance Coin (BNB) ကို အသုံးပြုပါက ပိုသက်သာသည်။

---
အခုပဲ Binance အကောင့်ဖွင့်ပါ
ကမ္ဘာ့အကြီးဆုံး Crypto Exchange ဖြစ်တဲ့ Binance မှာ Account ဖွင့်ပြီး Trading စလုပ်ချင်တယ်ဆိုရင်တော့ အောက်ပါလင့်ကနေ ဖွင့်လို့ရပါတယ်။

👉 Binance Account ဖွင့်ရန်

အမေရိကန် SEC ရဲ့ Crypto Task Force က February လအစောပိုင်းမှာ Cryptocurrency နဲ့ ဘဏ္ဍာရေးကဏ္ဍများမှ ကိုယ်စားလှယ်များနဲ့ တွေ့ဆုံကာ Digital Assets အပေါ်  သက်ရောက်နေတဲ့ စည်းမျဥ်းစည်းကမ်းဆိုင်ရာ ပြဿနာများကို ဆွေးနွေးခဲ့ပါတယ်။

အဆိုပါဆွေးနွေးပွဲတွေမှာ အဓိကအကြောင်းအရာတွေဖြစ်တဲ့ Digital Assets နဲ့ သက်ဆိုင်တဲ့ စည်းမျဉ်းစည်းကမ်းများ၊ Staking ရဲ့သဘောသဘာဝ၊ ETPs အတွက် ရှင်းလင်းတဲ့လမ်းညွှန်ချက်များ စတဲ့အကြောင်းအရာတွေ ပါဝင်ခဲ့ပါတယ်။
-
SEC Website ရဲ့မှတ်တမ်းတွေအရ Crypto Task Force က February 4 ရက်နေ့မှာ Industry Lobby Group တစ်ခုဖြစ်တဲ့ Blockchain Association နဲ့တွေ့ဆုံခဲ့ပြီး အဆိုပါ Lobby အဖွဲ့က Crpto Task Force အား Digital Asset Industry ကို သက်ရောက်နေတဲ့ပြဿနာတွေကို ဖြေရှင်းဖို့ ဦးစားပေးအချက် 6 ချက်ကို အကြံပြုခဲ့ပါတယ်။

အဆိုပါအကြံပြုချက်ထဲမှာ စည်းမျဉ်းစည်းကမ်းအခြေခံမူဝါဒများချမှတ်ခြင်းအပြင် ETP စံနှုန်းများကို တူညီအောင်သတ်မှတ်ဖို့နဲ့ Protocol Staking ကို Security အဖြစ်မသတ်မှတ်ဖို့ စတဲ့အချက်တွေပါဝင်ပြီး အထူးသဖြင့် အရင်အုပ်ချုပ်ရေးလက်ထက်က ဥပဒေအယူအဆအမှားတွေကို ပြန်လည်သုံးသပ်ဖို့ တောင်းဆိုခဲ့ပါတယ်။

နောက်ပြီး February 5 ရက်နေ့မှာ Jito Labs နဲ့ Multicoin Capital မှ ကိုယ်စားလှယ်တွေက Crypto Task Force နဲ့တွေ့ဆုံကာ ETPs မှာ Staking ထည့်သွင်းနိုင်ခြင်းရှိမရှိကို ဆွေးနွေးခဲ့ကြပြီး Staking ဟာ Proof-of-Stake Token တွေရဲ့True Nature ဖြစ်တာကြောင့် ETH နဲ့ SOL ETPs အတွက် Staking ကို ပြန်လည်စဉ်းစားပေးဖို့ SEC ကိုတိုက်တွန်းခဲ့ပါတယ်။

ပြီးတော့ February 5 ရက်နေ့မှာပဲ Task Force က Andreessen Horowitz ရဲ့ ငွေကြေးစီမံခန့်ခွဲမှုအဖွဲ့ AH Capital Management နဲ့ တွေ့ဆုံကာ Token အမျိုးအစားခွဲခြင်း၊ ထုတ်ဝေမှုနဲ့ စျေးကွက်အပေါ် ဆွေးနွေးမှုတွေပြုလုပ်ခဲ့ကြပါတယ်။
-
SEC ရဲ့ သီးခြားမှတ်တမ်းစာ‌စောင်အရ Crypto Task Force က February 6 ရက်နေ့မှာ Nasdaq ကိုယ်စားလှယ်များနဲ့တွေ့ဆုံခဲ့ကာ Digital Assets တွေကို ရှယ်ယာဈေးကွက်တွေနဲ့အတူရောင်းဝယ်ခွင့်ပြုဖို့တောင်းဆိုခဲ့ပြီး Nasdaq ကိုယ်စားလှယ်‌တွေအဆိုအရ Securities မဟုတ်သော Digital Assets များကို ရှယ်ယာများနဲ့ ရောပြီးရောင်းဝယ်ခြင်းအားဖြင့် စည်းမျဉ်းတွေကို ပိုမိုတည်ငြိမ်စေမယ်လို့ဆိုပါတယ်။

နောက်ဆုံးအနေနဲ့ February 7 ရက်နေ့မှာ Sullivan & Cromwell ကုမ္ပဏီက Colin D. Lloyd နဲ့ Task Force တွေ့ဆုံကာ Blockchain နည်းပညာနဲ့ Securities ဥပဒေဆိုင်ရာ အကြောင်းအရာများကိုဆွေးနွှေးခဲ့ပါတယ်။

အခုလို SEC ရဲ့ Crypto Task Force ဆွေးနွေးပွဲတွေက Digital Assets စျေးကွက်အတွက် ပိုမိုရှင်းလင်းတဲ့စည်းမျဉ်းများ ပေါ်ထွက်လာနိုင်မယ့် အလားအလာကိုဖော်ပြနေပြီး Staking, ETPs နဲ့ ဈေးကွက်စည်းမျဉ်းဆိုင်ရာ ဆွေးနွေးမှုတွေကြောင့် လာမယ့်လတွေမှာ တိကျတဲ့မူဝါဒတွေ ထွက်ပေါ်လာလိမ့်မယ်လို့ မျှော်လင့်ပါတယ်။

Binance Account ဖွင့်ရန်

National Economic Council ဥက္ကဌ Kevin Hassett က Federal Reserve ခေါင်းဆောင် Jerome Powell နဲ့ ပုံမှန်အစည်းအဝေးပွဲတွေ ပြုလုပ်နေတာကြောင့် လူထုကြားမှာ အဆိုပါတွေ့ဆုံမှုတွေဟာ အတိုးနှုန်းအပေါ် သက်ရောက်မှုရှိနိုင်မှာလားဆိုတဲ့ မေးခွန်းတွေနဲ့ပြည့်နေခဲ့ပါတယ်။

Kevin Hassett အဆိုအရ Jerome Powell နဲ့ တွေ့ဆုံမှုတွေဟာ အတိုးနှုန်းပြောင်းလဲဖို့ရည်ရွယ်ထားတာမဟုတ်ပဲ စီးပွားရေးအခြေအနေတွေ ဈေးကွက်သဘောထားနဲ့အကြံဉာဏ်တွေကို ဖလှယ်တာသာဖြစ်ပြီး အတိုးနှုန်းဆုံးဖြတ်ချက်ကိုတော့ အစဉ်အလာအတိုင်း Fed ကပဲ ဆောင်ရွက်သွားမှာပါ။

Trump အုပ်ချုပ်ရေးစတင်တဲ့အချိန်ကစလို့ Long-term Rates (ရေရှည်အတိုးနှုန်း) တွေကျဆင်းလာတာကြောင့် ငွေကြေးဖောင်းပွမှုတွေ လျော့နည်းလာလိမ့်မယ်လို့ Hassett က ဆိုခဲ့ပေမယ့် Federal Reserve ဥက္ကဌ Powell က February 11 ရက်နေ့မှာ အတိုးနှုန်းတွေကို ချက်ချင်းပြင်ဆင်ဖို့မလိုသေးဘူးလို့ အမေရိကန် Senate Banking Committee ကို ပြောခဲ့တာကြောင့် Federal Reserve အနေနဲ့ အနာဂတ်မှာ အတိုးနှုန်းကို လျော့ချမှာလားဆိုတာကတော့ မသေချာသေးတဲ့အခြေအနေတစ်ခုဖြစ်ပါတယ်။

နောက်ပြီး US Bureau of Labor Statistics ရဲ့ February 12 ရက်နေ့ထုတ်ပြန်ခဲ့တဲ့ January 2024 CPI (Consumer Price Index) အစီရင်ခံစာအရ Annual Inflation မှာ 3% အထိရောက်ရှိခဲ့ပြီး မျှော်လင့်ထားတာထက် 0.1% တိုးလာတဲ့အတွက် ရင်းနှီးမြှုပ်နှံသူတွေက လာမယ့်လအနည်းငယ်မှာ အတိုးနှုန်းမြင့်မားလာနိုင်တယ်လို့ခန့်မှန်းခဲ့ကြပါတယ်။

အခုလို အတိုးနှုန်းမူဝါဒပြောင်းလဲနိုင်ခြေဟာ ငွေကြေးဖောင်းပွမှု၊ ကမ္ဘာ့စီးပွားရေးအခြေအနေနဲ့ နိုင်ငံတကာပဋိပက္ခတွေအပေါ် မူတည်နေတာကြောင့် Investers တွေအနေနဲ့ Crypto လို Risk-on Asset တွေအပေါ်မှာရင်းနှီးမြှုပ်နှံဖို့သတိထားနေကြပါတယ်။

Binance Account ဖွင့်ရန်