DBS Myanmar

2025 ခုနှစ် ဩဂုတ်လထဲမှာတော့ Crypto လောကတစ်ခုလုံးအနေနဲ့ အားကောင်းတဲ့ Bull Run ရဲ့ အရှိန်အဟုန်ထဲမှာ ရောက်ရှိလျက်ရှိနေပါတယ်။ ဒီ Bull Run ကို Bitcoin ရဲ့ Halving ဖြစ်စဉ်နဲ့ သမိုင်းဝင် ETF အောင်မြင်မှုတွေက မီးထိုးလောင်ကျွမ်းစေခဲ့တာဖြစ်ပြီး BTC ဈေးနှုန်းကို ဒေါ်လာ 1 သိန်းအထက် စံချိန်သစ်တွေဆီကို တွန်းပို့ခဲ့တာမှန်ပေမယ့်၊ အခုအခါမှာတော့ ဈေးကွက်ရဲ့အာရုံစိုက်မှုက ဒုတိယခေါင်းဆောင်ဖြစ်တဲ့ 'Ethereum (ETH)' ဆီကို သိသိသာသာ ပြောင်းရွှေ့လာနေပါပြီ။ နည်းပညာပိုင်းဆိုင်ရာ အကြီးစားအဆင့်မြှင့်တင်မှုတွေ၊ အဖွဲ့အစည်းကြီးတွေရဲ့ ဝင်ရောက်လာမှုတွေနဲ့ အရေးပါတဲ့ ဥပဒေရေးရာရှင်းလင်းမှုတွေကြောင့် Ethereum ဟာ ဒီ Bull Run ရဲ့ ဒုတိယပိုင်းမှာ Bitcoin ကိုကျော်လွန်ပြီး ဦးဆောင်သွားဖို့ အကောင်းဆုံးအနေအထားမှာရှိနေပြီလို့ သုံးသပ်သူအများအပြားက ဆိုနေကြပါတယ်။ ဒါကြောင့် ဒီဆောင်းပါးမှာတော့ Ethereum အနေနဲ့ Bitcoin ကိုကျော်လွန်ပြီး 2025 Bull Run ကို ဦးဆောင်နိုင်မလားဆိုတာ အချက်ကျကျ လေ့လာသုံးသပ်ကြည့်ကြပါမယ်။

1.The Game Changer: Dencun Upgrade နဲ့ Layer-2 များ

Ethereum ရဲ့ အကြီးမားဆုံးပြဿနာက အမြဲတမ်းလိုလို ဈေးကြီးပြီး နှေးကွေးတဲ့ ငွေလွှဲခ (Gas Fee) တွေပါပဲ။ ဒါပေမဲ့ 2024 ခုနှစ် မတ်လမှာ အကောင်အထည်ဖော်ခဲ့တဲ့ 'Dencun Upgrade (EIP-4844)' က ဒီပြဿနာကို တစ်ချက်တည်းနဲ့ ဖြေရှင်းပေးခဲ့ပါတယ်။ ဒီ Upgrade ကြောင့် Arbitrum, Optimism, Base တို့လို Ethereum ရဲ့ Layer-2 network တွေပေါ်က ငွေလွှဲခတွေအနေနဲ့ 90-95% အထိ အံ့မခန်းကျဆင်းသွားခဲ့ပြီး ငွေလွှဲခအနေနဲ့ တစ်ပြားအောက်တောင် ရောက်ရှိသွားခဲ့ပါတယ်။ ဒါဟာ Ethereum ကို ပိတ်ဆို့နေတဲ့ သွေးကြောတစ်ချောင်းကို ဖွင့်ပေးလိုက်သလိုဖြစ်တဲ့အတွက် အခုအချိန်မှာတော့ သာမန်လူတွေပါ ဈေးနှုန်းသက်သက်သာသာနဲ့ အသုံးပြုနိုင်ပြီဖြစ်လို့ Ethereum ဟာ World Computer ဆိုတဲ့ သူ့ရဲ့ရည်မှန်းချက်ကို လက်တွေ့အကောင်အထည်ဖော်ဖို့ အသင့်ဖြစ်လျက်ရှိနေပါပြီ။

2. Stablecoin အားသာချက်နဲ့ Regulatory Greenlight

Ethereum ရဲ့ အကြီးမားဆုံး လျှို့ဝှက်လက်နက်တစ်ခုကတော့ ကမ္ဘာ့အကြီးဆုံး Stablecoin တွေဖြစ်တဲ့ USDC နဲ့ USDT တို့က သူ့ရဲ့ Blockchain ပေါ်မှာ တည်ရှိနေတာပါပဲ။ လတ်တလောက အမေရိကန်မှာ အတည်ပြုလိုက်တဲ့ 'GENIUS Act' လို ဥပဒေတွေက ဒီ Stablecoin တွေကို တရားဝင်အသိအမှတ်ပြုမှုနဲ့ ဥပဒေဆိုင်ရာရှင်းလင်းမှုကို ပေးအပ်လိုက်တဲ့အတွက် ဒီ Regulatory Greenlight (ဥပဒေဆိုင်ရာ ခွင့်ပြုချက်) ကြောင့် အဖွဲ့အစည်းကြီးတွေနဲ့ ဘဏ်တွေဟာ အခုအခါမှာ Compliant ဖြစ်တဲ့ Stablecoin တွေကို ယုံကြည်စိတ်ချစွာနဲ့ ငွေပေးချေမှုတွေ၊ Settlement တွေအတွက် အသုံးပြုလာနိုင်တော့မှာပါ။ ဒီလိုအသုံးပြုမှုတွေများပြားလာတာနဲ့အမျှ Ethereum ရဲ့ Layer-1 နဲ့ Layer-2 network တွေပေါ်က အရောင်းအဝယ်ပမာဏ (On-chain Volume) နဲ့ DeFi လုပ်ဆောင်ချက်တွေဟာလည်း အလိုအလျောက် တိုးတက်လာမှာဖြစ်ပါတယ်။

3. အဖွဲ့အစည်းကြီးတွေရဲ့ ငွေကြေးစီးဝင်မှု

Bitcoin ETF တွေက ဈေးကွက်ထဲကို အဖွဲ့အစည်းကြီးတွေရဲ့ငွေတွေ အရင်ဆုံးယူဆောင်လာပေးခဲ့တာမှန်ပေမယ့် အခုအချိန်မှာတော့ Ethereum ETF တွေက အရှိန်အဟုန်ပိုကောင်းတဲ့ လက္ခဏာတွေပြသလာလျက်ရှိနေပါပြီ။ ETH ETF တွေအနေနဲ့ စတင်ပြီး တစ်ပတ်အတွင်းမှာပဲ ဒေါ်လာ သန်း 850 စီးဝင်ခဲ့သလို တစ်ရက်တည်းမှာတင် စံချိန်တင် ဒေါ်လာ 2.12 billion အထိဝင်ရောက်ခဲ့တာကြောင့် Bitcoin ETF စီးဝင်မှုထက်တောင် ကျော်လွန်သွားခဲ့တာကို တွေ့ခဲ့ရပါတယ်။ ဒါ့အပြင် 'Real-World Assets (RWA)' လို့ခေါ်တဲ့ တကယ့်ကမ္ဘာပေါ်က ပိုင်ဆိုင်မှုတွေကို Token အဖြစ်ပြောင်းလဲတဲ့နေရာမှာလည်း BlackRock ရဲ့ BUIDL Fund လိုမျိုး အဖွဲ့အစည်းကြီးတွေက Ethereum ကို သူတို့ရဲ့အဓိက Platform အဖြစ် ရွေးချယ်လာကြတာကို တွေ့ရှိရတဲ့အတွက် ဒါဟာ အဖွဲ့အစည်းကြီးတွေအနေနဲ့ Bitcoin ကို 'Digital Gold' အဖြစ် တန်ဖိုးသိုလှောင်ဖို့ ရွေးချယ်ကြသလို Ethereum ကို အနာဂတ်ဘဏ္ဍာရေးဆိုင်ရာ ဆန်းသစ်တီထွင်မှုတွေမှာ တကယ်လက်တွေ့အကောင်အထည်ဖော်ရမယ့် 'World Computer' အဖြစ် အသိအမှတ်ပြုလာကြပြီဆိုတဲ့ ကွာခြားချက်ကို တွေ့မြင်ရမှာဖြစ်ပါတယ်။

4. Ultrasound Money နဲ့ ဆွဲဆောင်မှုရှိသော Tokenomics

Ethereum ရဲ့ Tokenomics ကလည်း ရင်းနှီးမြှုပ်နှံသူတွေအတွက် အလွန်ဆွဲဆောင်မှုရှိနေပြန်ပြီး 'Proof-of-Stake (PoS)' စနစ်ကြောင့် ETH ကိုင်ဆောင်သူတွေအနေနဲ့ တစ်နှစ်ကို 3-4% ကြား အတိုး (Staking Rewards) ရရှိနိုင်တာကြောင့် ရောင်းထုတ်မယ့်အစား ကိုင်ဆောင်ထားဖို့ကို ပိုပြီးအားပေးလျက်ရှိနေပါတယ်။ အရေးကြီးဆုံးကတော့ EIP-1559 Fee Burn ယန္တရားဖြစ်ပါတယ်။ ဒါက Network ပေါ်မှာ ငွေလွှဲပြောင်းမှုတွေများပြားလာတဲ့အခါ ငွေလွှဲခရဲ့တစ်စိတ်တစ်ပိုင်းကို လောင်ကျွမ်းစေပြီး လည်ပတ်နေတဲ့ ETH အရေအတွက်ထဲကနေ အပြီးတိုင်ဖယ်ရှားလိုက်တာကြောင့် ETH ဟာ အချိန်ကြာလာတာနဲ့အမျှ Bitcoin ထက်တောင် ပိုပြီးရှားပါးသွားနိုင်တဲ့ Deflationary Asset (ငွေကြေးကျုံ့နိုင်တဲ့ ပိုင်ဆိုင်မှု) တစ်ခုဖြစ်လာနိုင်ခြေရှိတဲ့အတွက် ETH ကို Ultrasound Money လို့တောင်မှ တင်စားခေါ်ဝေါ်ကြပါတယ်။

5. ငွေကြေးစီးဆင်းမှုက သက်သေပြနေခြင်း

နောက်ပြီး ကိန်းဂဏန်းတွေအရလည်း လက်ရှိဈေးကွက်ထဲက ငွေကြေးစီးဆင်းမှုကိုကြည့်မယ်ဆိုရင် ခေါင်းဆောင်မှုအပြောင်းအလဲဖြစ်နေတာကို ရှင်းရှင်းလင်းလင်းမြင်နိုင်ပါတယ်။

Bitcoin Dominance: BTC ရဲ့ ဈေးကွက်လွှမ်းမိုးမှုဟာ 2025 ခုနှစ် ဇွန်လမှာ 65% အထိ အမြင့်ဆုံးရောက်ရှိခဲ့ရာကနေ၊ အခု ဩဂုတ်လမှာတော့ 60% ဝန်းကျင်အထိ ပြန်လည်ကျဆင်းလာခဲ့ပါတယ်။
Ethereum Dominance: တစ်ချိန်တည်းမှာပဲ ETH ရဲ့ လွှမ်းမိုးမှုက 11.4% ကနေ 13.6% ကျော်အထိ သိသိသာသာပြန်လည်မြင့်တက်လာခဲ့ပါတယ်။
ဒီအချက်အရ ရင်းနှီးမြှုပ်နှံသူတွေဟာ Bitcoin ရဲ့ လုံခြုံမှုကနေ Ethereum နဲ့ တခြား Altcoin တွေရဲ့ ပိုမိုမြင့်မားတဲ့ တိုးတက်မှုအလားအလာတွေဆီ အရင်းအနှီးတွေ စတင်ရွှေ့ပြောင်းနေပြီဆိုတာကို သက်သေပြနေတာတွေ့ရမှာပဲဖြစ်ပါတယ်။

6. Bitcoin ရဲ့ အခန်းကဏ္ဍနဲ့ Ethereum ရဲ့ အလားအလာ

Bitcoin အနေနဲ့ တန်ဖိုးသိုလှောင်မှု (Store of Value) တစ်ခုအဖြစ် ခိုင်မာတဲ့အခြေခံကို တည်ဆောက်ပြီးဖြစ်တဲ့အတွက် "Digital Gold" ဆိုတဲ့ အခန်းကဏ္ဍကတော့ ဘယ်တော့မှပျောက်ကွယ်သွားမှာမဟုတ်ပါဘူး။ ဒါပေမဲ့ ရာခိုင်နှုန်းတိုးတက်မှု (Percentage Gain) အရကြည့်မယ်ဆိုရင်တော့ ဒေါ်လာ 2 trillion ကျော် Market Cap ရှိနေပြီဖြစ်တဲ့ Bitcoin အတွက် နောက်ထပ် 2x, 3x တိုးတက်ဖို့က ခက်ခဲနိုင်ပေမယ့်၊ သူ့ထက် Market Cap ထက်ဝက်ငယ်တဲ့ Ethereum မှာတော့ ကြီးထွားဖို့နေရာအများကြီးကျန်ရှိနေပါသေးတယ်။ နောက်ပြီး Bitcoin အနေနဲ့က 'Bitcoin-Fi' ဆိုပြီး dApp လောကထဲကို ဝင်ရောက်ဖို့ကြိုးစားနေတယ်ဆိုပေမယ့်၊ ဒီနယ်ပယ်မှာတော့ Ethereum က နှစ်ပေါင်းများစွာတည်ဆောက်ထားတဲ့ ဂေဟစနစ်ကြီးတစ်ခုနဲ့ အပြတ်အသတ်ဦးဆောင်နေတဲ့ကွာခြားချက်ကိုလည်း တွေ့ရမှာဖြစ်ပါတယ်။

2025 Bull Run ကို ဘယ်သူဦးဆောင်မလဲ?

အထက်ကအချက်အလက်အားလုံးကို ပေါင်းစပ်သုံးသပ်ကြည့်မယ်ဆိုရင် 2025 Bull Run ကို Bitcoin က အောင်မြင်စွာစတင်ပေးခဲ့တာမှန်ပေမယ့် Bull Run ရဲ့ ဒုတိယပိုင်းနဲ့ ကျန်ရှိနေသေးတဲ့ကာလအတွက် ခေါင်းဆောင်မှုကတော့ Ethereum ဘက်ကို သိသိသာသာရောက်ရှိနေပြီလို့ ကောက်ချက်ချနိုင်ပါတယ်။ Dencun Upgrade ကြောင့်ရရှိလာတဲ့ နည်းပညာပိုင်းဆိုင်ရာ ကောင်းမွန်လာမှုတွေ၊ Stablecoin တွေနဲ့ RWA တွေကနေတစ်ဆင့်ရရှိလာမယ့် အဖွဲ့အစည်းကြီးတွေရဲ့ ယုံကြည်မှုတွေနဲ့ သူ့ရဲ့ဆွဲဆောင်မှုရှိတဲ့ 'Ultrasound Money' ဆိုတဲ့ ဇာတ်လမ်းတွေကြောင့် Ethereum ဟာ ရာခိုင်နှုန်းတိုးတက်မှုအရ Bitcoin ကို ကျော်တက်သွားရုံသာမက ဒီ Bull Run ရဲ့ ကျန်ရှိနေတဲ့ကာလအတွက် ဈေးကွက်ရဲ့ဦးဆောင်သူအဖြစ် ရပ်တည်သွားနိုင်ခြေအလွန်များနေတာဖြစ်ပါတယ်။ ဒါကြောင့် ရင်းနှီးမြှုပ်နှံသူတွေအနေနဲ့ ETH/BTC Chart နဲ့ Layer-2 တွေရဲ့ တိုးတက်မှုကို အနီးကပ်စောင့်ကြည့်လေ့လာပြီး၊ ဒီသမိုင်းဝင်ခေါင်းဆောင်မှုအပြောင်းအလဲမှာ မှန်ကန်စွာရပ်တည်နိုင်ဖို့ ပြင်ဆင်ထားသင့်ပါကြောင်း ဒီဆောင်းပါးကနေတဆင့် သုံးသပ်တင်ပြလိုက်ရပါတယ်။

Binance Account ဖွင့်ရန်

" Bitcoin ဈေးနှုန်းခန့်မှန်းချက်(2025, 2026 - 2030): BTC အနေနဲ့ ဒေါ်လာ 125,000 ကို မကြာခင်ကျော်လွန်နိုင်မလား? "

2025 ခုနှစ် ဩဂုတ်လ 10 ရက်နေ့မှာတော့ Crypto လောကရဲ့ဘုရင်တစ်ဆူဖြစ်တဲ့ Bitcoin (BTC) ဟာဆိုရင် သတင်းကောင်းတွေကြောင့် လက်ရှိ ဒေါ်လာ 118,000 ဝန်းကျင်မှာ အရောင်းအဝယ်ဖြစ်နေတဲ့အတွက် အရေးကြီးတဲ့ စိတ်ပိုင်းဆိုင်ရာဈေးနှုန်းဖြစ်တဲ့ ဒေါ်လာ 125,000 ကို မကြာခင်ကျော်ဖြတ်နိုင်မလားဆိုတဲ့မေးခွန်းက ရင်းနှီးမြှုပ်နှံသူတွေကြားမှာ အဓိကမေးတဲ့ မေးခွန်းတစ်ခုဖြစ်လျက်ရှိနေပါတယ်။ ဒါကြောင့် ဒီဆောင်းပါးမှာတော့ အတက်ဘက်ကို တွန်းအားပေးနေတဲ့ သတင်းကောင်းတွေ၊ အဖွဲ့အစည်းကြီးတွေရဲ့ ဝင်ရောက်လာမှုတွေနဲ့ နည်းပညာပိုင်းဆိုင်ရာ အချက်ပြမှုတွေကြားထဲမှာ Bitcoin ရဲ့ ရှေ့ခရီးက ဘယ်လိုဆက်ဖြစ်နိုင်မလဲဆိုတာကို  အချက်ကျကျ လေ့လာသုံးသပ်ကြည့်ကြပါမယ်။

လက်ရှိဈေးကွက်ကို တွန်းအားပေးနေတဲ့ အဓိကအချက်များ

လတ်တလော Bitcoin ဈေးနှုန်းကို အဓိကတွန်းအားပေးနေတဲ့ အချက် 3 ချက်ရှိပါတယ်။ ပထမအချက်ကတော့ အမေရိကန်ဗဟိုဘဏ် (Fed) က လာမယ့် စက်တင်ဘာလမှာ အတိုးနှုန်းလျှော့ချဖို့ 92.7% သေချာနေပြီဆိုတဲ့ ခန့်မှန်းချက်ဖြစ်ပြီးတော့ အတိုးနှုန်းလျှော့ချခြင်းက ရင်းနှီးမြှုပ်နှံသူတွေကို Bitcoin လိုမျိုး အန္တရာယ်ပိုများ၊ အကျိုးအမြတ်ပိုကောင်းနိုင်တဲ့ Assets တွေဆီ ငွေတွေရွှေ့ပြောင်းလာစေနိုင်ပါတယ်။ ဒုတိယအချက်ကတော့ အမေရိကန်သမ္မတ Trump ရဲ့ Crypto အပေါ်ထားရှိတဲ့ မူဝါဒကောင်းတွေကြောင့် အငြိမ်းစားပင်စင်ရန်ပုံငွေတွေထဲကနေ ဒေါ်လာ 9 Trillion လောက် Crypto ဈေးကွက်ထဲကို စီးဝင်လာနိုင်တယ်ဆိုတဲ့ မျှော်လင့်ချက်တွေ မြင့်တက်နေသလို နောက်ဆုံးအချက်အနေနဲ့ ဈေးကျမယ်ထင်ပြီး Short Position ဖွင့်ထားတဲ့သူတွေရဲ့ ဒေါ်လာ 53.8 သန်းဖိုး Short Squeeze ဖြစ်ခဲ့တာကလည်း ဈေးနှုန်းကို အပေါ်တက်ဖို့ ပိုမိုတွန်းတင်ပေးနိုင်ခဲ့တာဖြစ်ပါတယ်။

အဖွဲ့အစည်းကြီးတွေရဲ့ ဝင်ရောက်လာမှု (Institutional Adoption)

Bitcoin ရဲ့ ရေရှည်တန်ဖိုးကို အခိုင်မာဆုံးသက်သေပြနေတာကတော့ ကမ္ဘာ့ထိပ်တန်းအဖွဲ့အစည်းကြီးတွေရဲ့ ဝင်ရောက်လာမှုပါပဲ။ ကမ္ဘာ့အကြီးဆုံး Asset Management ကုမ္ပဏီကြီးဖြစ်တဲ့ BlackRock ရဲ့ iShares Bitcoin ETF (IBIT) ဟာ လက်ရှိမှာ စီမံခန့်ခွဲနေတဲ့ ပိုင်ဆိုင်မှုတန်ဖိုး (AUM) ဒေါ်လာ 86 Billion ကို ကျော်လွန်သွားခဲ့ပြီဖြစ်တဲ့အတွက် ဒါဟာ အဖွဲ့အစည်းကြီးတွေက Bitcoin ကို ဘယ်လောက်တောင်ယုံကြည်စိတ်ချစွာ ရင်းနှီးမြှုပ်နှံနေကြသလဲဆိုတာကို ပြသနေတဲ့ အခိုင်မာဆုံးသက်သေတစ်ခုလို့ဆိုနိုင်ပါတယ္။ ဒါ့အပြင် ဂျပန်ကုမ္ပဏီကြီးတစ်ခုဖြစ်တဲ့ Metaplanet ကလည်း ဩဂုတ်လထဲမှာ နောက်ထပ် BTC 463 ခုကို ထပ်မံဝယ်ယူခဲ့တာကြောင့် သူတို့ရဲ့ Bitcoin ဘဏ္ဍာတိုက်အနေနဲ့ 17,500 BTC ကျော်အထိ ရှိလာခဲ့ပြီဖြစ်တာကြောင့် ဒီလို အင်အားကြီးကုမ္ပဏီတွေရဲ့ ဝယ်ယူမှုတွေက Bitcoin ဈေးနှုန်းအတွက် ခိုင်မာတဲ့အောက်ခြေခံတစ်ခုကို တည်ဆောက်ပေးလျက်ရှိနေတာပဲဖြစ်ပါတယ်။

နည်းပညာပိုင်းဆိုင်ရာ သုံးသပ်ချက် (Technical Analysis)

နည်းပညာပိုင်းဆိုင်ရာအရ Bitcoin ဟာ လက်ရှိမှာ အရေးကြီးတဲ့ Support Level တွေအပေါ်မှာ ရပ်တည်နေပြီးတော့ အဓိကအားဖြင့် EMA 20 နဲ့ EMA 50 တွေဖြစ်တဲ့ ဒေါ်လာ 115,929 နဲ့ ဒေါ်လာ 113,456 အပေါ်မှာ ဈေးနှုန်းရှိနေတာကြောင့် ရေတိုမှာ အကျဘက်ကို သိပ်မသွားနိုင်သေးဘူးလို့ ဆိုနိုင်ပါတယ်။ MACD လို့ခေါ်တဲ့ Indicator ကလည်း ရောင်းလိုအားတွေ တဖြည်းဖြည်းအားနည်းလာပြီး အဝယ်ဘက်ကို ဦးတည်မယ့် လက္ခဏာ (Bullish Crossover) ကို စတင်ပြသနေတာကြောင့် Bitcoin ဈေးနှုန်းအနေနဲ့ ဒေါ်လာ 115,900 အထက်မှာသာ ဆက်လက်ရပ်တည်နိုင်ခဲ့မယ်ဆိုရင် အတက်ဘက်ကိုဆက်သွားဖို့ အားအလွန်ကောင်းနေတဲ့ အခြေအနေတစ်ခုလို့တောင် ဆိုလို့ရနိုင်ပါတယ်။

ရေတိုဈေးနှုန်းခန့်မှန်းချက် (ဩဂုတ်လ 2025)

အပေါ်က အချက်အလက်တွေအရ Bitcoin အနေနဲ့ ဒေါ်လာ 115,900 support ကို မကျိုးဘဲဆက်ထိန်းထားနိုင်ခဲ့မယ်ဆိုရင် ဩဂုတ်လ 12 ရက်နေ့လောက်မှာ ဒေါ်လာ 118,000 ကနေ ဒေါ်လာ 122,000 ကြားကို ပြန်လည် retest နိုင်ခြေရှိတဲ့အတွက် အကယ်လို့သာ ဝယ်လိုအားကောင်းကောင်းနဲ့ ဒေါ်လာ 120,000 အမှတ်ကို အားနဲ့ကျော်ဖြတ်နိုင်ခဲ့မယ်ဆိုရင်တော့ ရင်းနှီးမြှုပ်နှံသူတွေ အားလုံးစောင့်မျှော်နေတဲ့ ဒေါ်လာ 125,000 - 128,000 ဇုန်ကို ဩဂုတ်လလယ်လောက်မှာ မြင်တွေ့ရနိုင်ပါတယ်။ ဒါပေမဲ့ တစ်ဖက်မှာလည်း ဒေါ်လာ 115,900 အောက်ကို ဈေးနှုန်းပြန်ကျသွားခဲ့မယ်ဆိုရင်တော့ ဒေါ်လာ 112,000 - 114,000 ကြားကို ခဏတာပြန်လည်ဆုတ်ခွာသွားနိုင်တဲ့အခြေအနေရှိနေပြန်ပါတယ်။

လာမည့်လအလားအလာ (စက်တင်ဘာလ 2025)

စက်တင်ဘာလကို ဦးတည်ကြည့်မယ်ဆိုရင် Bitcoin ရဲ့ အတက်လမ်းကြောင်းကတော့ မပျက်စီးသေးပါဘူး။ ဒါပေမဲ့လည်း ဈေးနှုန်းက ဒေါ်လာ 116,000 အထက်မှာ တာရှည်ရပ်တည်နိုင်ခြင်းမရှိသေးတာကြောင့် ရေတိုမှာ အားအနည်းငယ်နည်းနေသေးတယ်လို့ သုံးသပ်နိုင်ပါတယ်။ ETF တွေကနေ ငွေကြေးစီးဝင်မှု ဒါမှမဟုတ် တခြားစီးပွားရေးဆိုင်ရာ သတင်းကောင်းတွေထွက်ပေါ်လာခဲ့ရင်တော့ စက်တင်ဘာလအစောပိုင်းမှာ ဒေါ်လာ 118,000 - 120,000 ကို ပြန်လည်ရောက်ရှိနိုင်တယ်ဆိုပေမယ့် ဒီလိုမှမဟုတ်ရင်တော့ ဈေးနှုန်းက ဒေါ်လာ 111,000 နဲ့ 118,500 ကြားမှာပဲ အချိန်တစ်ခုကြာအောင် ရွေ့လျားနေနိုင်ကာ အတက်ဘက် ဒါမှမဟုတ် အောက်ဘက်ကို သိသိသာသာဖောက်ထွက်မှုတစ်ခု ဖြစ်မလာမချင်း Range-bound ဈေးကွက်တစ်ခုအဖြစ် ဆက်ရှိနေနိုင်ပါတယ်။

2026 ခုနှစ်အတွက် အလားအလာ

2026 ခုနှစ်ကို ဝင်ရောက်လာမယ့်အခါမှာဆိုရင်တော့ လက်ရှိသုံးသပ်ချက်တွေအရ Bitcoin ရဲ့ ဖွဲ့စည်းပုံက အတက်ဘက်မှာပဲ ဆက်လက်ရှိနေနိုင်ပြီး BTC အနေနဲ့ကလည်း ဒေါ်လာ 121,000 ကို ကျော်ဖြတ်ပြီးတဲ့နောက်မှာ‌ေတာ့ နောက်ထပ်အမြင့်ဈေးတန်းတွေဖြစ်တဲ့ ဒေါ်လာ 125,000 - 130,000 ကြားကို စိန်ခေါ်မယ့် လမ်းကြောင်းပေါ်ကိုရောက်လျက်ရှိနေပါပြီ။ ဒါပေမဲ့ ကမ္ဘာ့နိုင်ငံရေးအခြေအနေတွေနဲ့ မူဝါဒအပြောင်းအလဲတွေလို မခန့်မှန်းနိုင်တဲ့အန္တရာယ်တွေကြောင့် ဈေးနှုန်းအနေနဲ့ ဒေါ်လာ 100,000 - 110,000 ကြားကို ခဏတာပြန်လည်ကျသွားနိုင်တာကိုတော့ ထည့်သွင်းစဉ်းစားဖို့လိုအပ်ပါမယ်။ သို့ပေမယ့်လည်း ရေရှည်မှာ Bitcoin အနေနဲ့ ဒေါ်လာ 95,000 အထက်မှာရှိနေသရွေ့ အတက်လမ်းကြောင်းကတော့ ခိုင်မာနေဦးမှာဖြစ်ပြီး 2026 ခုနှစ်အတွင်းမှာ ဒေါ်လာ 105,000 ကနေ ဒေါ်လာ 135,000 ကြား ကျယ်ပြန့်တဲ့ဈေးနှုန်းတစ်ခုအတွင်းမှာ အရောင်းအဝယ်ဖြစ်နိုင်ဖွယ်ရှိနေတာပဲဖြစ်ပါတယ်။

2030 သို့ ချီတက်ရာလမ်း

အချုပ်အားဖြင့်ဆိုရရင် Bitcoin ရဲ့ ရေတိုအလားအလာကတော့ သတိကြီးစွာနဲ့ အကောင်းမြင်နိုင်ပြီး အတက်ဘက်ကိုသွားဖို့အတွက် ခိုင်မာတဲ့အတည်ပြုချက်တစ်ခုကို စောင့်ဆိုင်းနေရတဲ့အခြေအနေတစ်ခုလို့ဆိုရမှာပါ။ နောက်ပြီး ရေရှည်မှာလည်း အဖွဲ့အစည်းကြီးတွေရဲ့ဝင်ရောက်လာမှုနဲ့ အမေရိကန်က GENIUS Act လိုမျိုး ဥပဒေရေးရာရှင်းလင်းမှုတွေက Bitcoin အတွက် ခိုင်မာတဲ့အခြေခံအုတ်မြစ်ကို ချပေးနေတာဖြစ်တဲ့အတွက် ဒီလိုအရှိန်အဟုန်နဲ့သာ ဆက်သွားမယ်ဆိုရင်တော့ ‌ေဒါ်လာ 125,000 ကို ကျော်ဖြတ်ဖို့ဆိုတာက မခဲယဉ်းတဲ့ကိစ္စတစ်ခုဖြစ်လာနိုင်ပါတယ်။

ဒါကြောင့် အခြေအနေတွေကိုသုံးသပ်ပြီး ထင်မြင်ချက်ကိုပြောရမယ်ဆိုရင် 2030 ခုနှစ်ကိုရောက်တဲ့အခါမှာတော့ Bitcoin အနေနဲ့ လက်ရှိကြုံတွေ့နေရတဲ့ အတားအဆီးတွေကို ကျော်လွှားပြီး အဖွဲ့အစည်းကြီးတွေရဲ့ငွေကြေးစီးဝင်မှုနဲ့ Halving Event တွေရဲ့အကျိုးသက်ရောက်မှုတွေကြောင့် ဒေါ်လာ 150,000 ကို ကျော်လွန်ကာ အမြင့်ဆုံးစံချိန်သစ်တွေတင်နိုင်ဖို့အတွက် အလားအလာတွေကောင်းမွန်နေတယ်လို့ ဆိုလို့ရနိုင်ပါတယ်။ ဒါပေမဲ့လည်း ရင်းနှီးမြှုပ်နှံသူတွေအနေနဲ့ကတော့ Crypto ဈေးကွက်ရဲ့ မတည်ငြိမ်မှုတွေကို အမြဲသတိပြုပြီး နောက်ဆုံးရသတင်းအချက်အလက်တွေကို အဆက်မပြတ်လေ့လာစောင့်ကြည့်နေဖို့က အထူးလိုအပ်နေမှာဖြစ်သလို ဒီနယ်ပယ်မှာ ကြံ့ကြံ့ခံနိုင်ဖို့အတွက်ဆိုတာက ဈေးကွက်ရဲ့ နေ့စဉ်အတက်အကျတိုင်းကို စိတ်လှုပ်ရှားမှုနဲ့တုံ့ပြန်နေခြင်းထက် မိမိယုံကြည်တဲ့ ရေရှည်ရည်မှန်းချက်အပေါ်မှာပဲ စိတ်ရှည်သည်းခံမှု၊ စည်းကမ်းရှိမှုတို့နဲ့အတူ တည်တည်ငြိမ်ငြိမ်နဲ့ ရပ်တည်သွားကြဖို့ လိုအပ်မှာပဲဖြစ်ပါတယ်။

Binance Account ဖွင့်ရန်

2025 ခုနှစ်ရဲ့ Crypto လောကမှာ လူပြောအများဆုံးနဲ့ အငြင်းပွားဖွယ်ရာအကောင်းဆုံး Project တစ်ခုကိုပြပါဆိုရင်တော့ Pi Network ကို ချန်ထားခဲ့လို့ရမှာမဟုတ်ပါဘူး။ Bitcoin လိုမျိုး အစောပိုင်း Cryptocurrency တွေရဲ့ စွမ်းအင်သုံးစွဲမှုကြီးမားတာတွေနဲ့ ချမ်းသာကြွယ်ဝမှုတွေက လူနည်းစုလက်ထဲမှာတင်စုပုံနေတဲ့ အားနည်းချက်တွေကို ဖြေရှင်းဖို့အတွက် 2019 ခုနှစ်မှာ Stanford တက္ကသိုလ်က PhD ပညာရှင်တွေက သာမန်လူတိုင်းသုံးစွဲနိုင်တဲ့ ဗဟိုချုပ်ကိုင်မှုမဲ့ Digital ငွေကြေးတစ်ခုကိုဖန်တီးဖို့ရည်မှန်းချက်နဲ့ Pi Network က ပွဲထွက်လာခဲ့သလို ဖုန်းနဲ့ 'Mining' လုပ်နိုင်တယ်ဆိုတဲ့ သူ့ရဲ့ဆန်းသစ်တဲ့ Token ဖြန့်ဝေမှုစနစ်ကြောင့်လည်း ကမ္ဘာတစ်ဝှမ်းက သုံးစွဲသူ သန်း 60 ကျော် (Pioneers) ကို စုစည်းနိုင်ခဲ့တာကြောင့် Crypto လောကမှာ အကြီးမားဆုံးနဲ့ အားအကောင်းဆုံး Community တွေထဲက တစ်ခုဖြစ်လာခဲ့ပါတယ်။

Pi Network ရဲ့ အခြေခံအုတ်မြစ်နဲ့ နည်းပညာ

Pi Network ရဲ့ အဓိကရည်မှန်းချက်ကတော့ သာမန်လူတွေအတွက် ငွေကြေးစနစ်တစ်ခုဖန်တီးပေးဖို့ပါပဲ။ သူတို့ရဲ့ Whitepaper မှာဆိုရင် ဘဏ်တွေလို ကြားခံအဖွဲ့အစည်းတွေက တန်ဖိုးအများစု ဘယ်လိုရယူထားသလဲဆိုတာကို ဝေဖန်ထားသလို Bitcoin ရဲ့ အားနည်းချက်တွေကိုပါ ထောက်ပြထားကိုတွေ့ရှိရမှာပါ။ Pi ရဲ့ အဓိကနည်းပညာကတော့ 'Mobile Mining' ပါ။ ဒါပေမဲ့ ဒီ 'Mining' ဆိုတာ Bitcoin လို ကွန်ပျူတာစွမ်းအားအများကြီးသုံးပြီး တွက်ချက်ရတဲ့ Proof-of-Work (PoW) လိုမျိုးမဟုတ်ဘဲ သုံးစွဲသူတွေအနေနဲ့ 24 နာရီတစ်ခါ App ထဲက ခလုတ်တစ်ခုကိုနှိပ်ပြီး Network မှာ သူတို့အသက်ဝင်နေကြောင်း သက်သေပြရုံနဲ့ Pi Coin တွေရရှိနိုင်တဲ့ Token ဖြန့်ဝေမှုစနစ်တစ်ခုသာဖြစ်ပါတယ်။ နောက်ကွယ်မှာတော့ စွမ်းအင်အသုံးနည်းတဲ့ 'Stellar Consensus Protocol (SCP)' ကို အခြေခံထားတာကြောင့် battery စားသက်သာပြီး လူတိုင်းပါဝင်နိုင်အောင် ဒီဇိုင်းဆွဲထားတာပါ။

ကမ္ဘာနှစ်ခုအကြားက ပဋိပက္ခ- Enclosed Mainnet နဲ့ IOU ဈေးကွက်

Pi Network ရဲ့ အရှုပ်ထွေးဆုံးအချက်ကတော့ သူ့ရဲ့လက်ရှိအခြေအနေပါပဲ။ Pi Core Team ရဲ့ တရားဝင်ကြေညာချက်အရ Pi Network ဟာ 'Enclosed Mainnet' အဆင့်မှာပဲရှိနေသေးတဲ့အတွက် ဒါဟာ အပြင်လောကနဲ့ အဆက်အသွယ်ဖြတ်တောက်ထားတဲ့ 'တံတိုင်းခတ်ထားတဲ့ဥယျာဉ် (Walled Garden)' တစ်ခုဖြစ်နေတယ်လို့ဆိုရမှာဖြစ်ပါတယ်။ ဒီအဆင့်မှာ တကယ့် Pi Coin အစစ်တွေကို တခြား Crypto တွေ ဒါမှမဟုတ် ဒေါ်လာလို ပိုက်ဆံအစစ်တွေနဲ့ လဲလှယ်ရောင်းဝယ်လို့ရနိုင်ဦးမှာမဟုတ်ပါဘူး။
ဒါပေမဲ့ တစ်ဖက်မှာလည်း OKX, Bitget, Gate.io တို့လို Exchange တွေမှာ 'PI' ဆိုတဲ့ Ticker နဲ့ အရောင်းအဝယ်လုပ်နေကြတာကို တွေ့နေကြရမှာပါ။ ဒါတွေက အမှန်တော့ တကယ့် Pi Coin အစစ်တွေမဟုတ်ဘဲ IOU (I Owe You) Token လို့ခေါ်တဲ့ 'အကြွေးမှတ်တမ်း' သက်သက်သာဖြစ်တဲ့အတွက် အဆိုပါ Token တွေရဲ့ ဆိုလိုရင်းအရ တကယ့် Pi Coin တွေ ဈေးကွက်ထဲရောက်လာတဲ့အခါ 'မင်းကိုငါတစ်ခုပြန်ပေးမယ်' ဆိုတဲ့ ကတိတစ်ခုအဖြစ် အပြန်အလှန်အရောင်းအဝယ် လုပ်ကိုင်နေကြတာဖြစ်ပါတယ်။ Pi Core Team က ဒီ IOU အရောင်းအဝယ်တွေကို လုံးဝတရားမဝင်ကြောင်းနဲ့ သူတို့နဲ့မသက်ဆိုင်ကြောင်း အကြိမ်ကြိမ်ကြေညာထားပေမယ့် ဒီကမ္ဘာနှစ်ခုရဲ့ကွဲလွဲမှုက သုံးစွဲသူအများအပြားကို အလွန်စိတ်ရှုပ်ထွေးစေပြီး အန္တရာယ်ဖြစ်စေနိုင်တဲ့အတွက် အထူးသတိထားဖို့လိုအပ်ပါတယ်။

Pioneer တို့ရဲ့ အကြီးမားဆုံးစိန်ခေါ်မှု - KYC Bottleneck

သုံးစွဲသူတစ်ယောက်က သူတူးထားတဲ့ Pi Coin တွေကို Mainnet ပေါ်လွှဲပြောင်းပြီး အသုံးပြုနိုင်ဖို့အတွက် မဖြစ်မနေ 'Know Your Customer (KYC)' ဆိုတဲ့ စစ်ဆေးမှုလုပ်ငန်းစဉ်ကို ပြီးမြောက်အောင်လုပ်ဆောင်ရပြီးတော့ ဒါဟာ အကောင့်တုတွေနဲ့ Pi Coin တွေ မတရားသဖြင့်စုဆောင်းတာမျိုးကို တားဆီးဖို့နဲ့ နိုင်ငံတကာစည်းမျဉ်းစည်းကမ်းတွေကို လိုက်နာဖို့အတွက် မရှိမဖြစ်လိုအပ်ပါတယ်။ ဒါပေမဲ့ လက်တွေ့မှာတော့ ဒီ KYC လုပ်ငန်းစဉ်က Project တစ်ခုလုံးရဲ့ အကြီးမားဆုံး Bottleneck တစ်ခုဖြစ်နေပြီးတော့ သုံးစွဲသူ သန်းပေါင်းများစွာရဲ့ KYC တွေအနေနဲ့ 'Review in Progress' ဆိုတဲ့အဆင့်မှာတင် လပေါင်းများစွာ တစ်ခါတစ်ရံ နှစ်ပေါင်းများစွာကြာအောင် စောင့်ဆိုင်းနေခဲ့ရတဲ့အတွက် Community ကြားမှာတော့ အလွန်ကြီးမားတဲ့ စိတ်ပျက်မှုတွေကို ဖြစ်ပေါ်စေခဲ့ပါတယ်။

Community ရဲ့ယုံကြည်မှုနဲ့ ဝေဖန်မှုများ

Pi Network ရဲ့ Community က အလွန်စိတ်ဝင်စားဖို့ကောင်းတဲ့ နေရာတစ်ခုလို့ဆိုရမှာပါ။ အကြောင်းကတော့ Project အပေါ်မှာ အလွန်အမင်းယုံကြည်သက်ဝင်သူတွေရှိနေပြီး သူတို့က Global Consensus Value (GCV) ဆိုတဲ့ တန်ဖိုးတစ်ခုအဖြစ် Pi တစ် coin ရဲ့တန်ဖိုးကို သင်္ချာကိန်းသေ π (3.14159) ကိုအခြေခံကာ ဒေါ်လာ 314,159 ဖြစ်သင့်တယ်ဆိုတဲ့ ယုံကြည်မှုကို ကိုင်စွဲထားလျက်ရှိကြပါတယ်။ ဒါဟာ စီးပွားရေးအရ လုံးဝမဖြစ်နိုင်တဲ့ တန်ဖိုးတစ်ခုဖြစ်တယ်ဆိုပေမယ့် ဒီအချက်က Community ရဲ့ မျှော်လင့်ချက်နဲ့ ယုံကြည်မှုကိုပြသနေတဲ့ အစွမ်းထက်တဲ့လက္ခဏာတစ်ခုလို့တော့ ဆိုရမှာဖြစ်ပါတယ်။

ဒါပေမယ့် တစ်ဖက်မှာလည်း Pi Network အနေနဲ့ လူသစ်ခေါ်လေလေ Mining Rate တိုးလေလေဖြစ်တဲ့အတွက် သူ့ရဲ့တိုးတက်မှုပုံစံက MLM (Multi-Level Marketing) နဲ့တူတယ်လို့ ဝေဖန်ခံနေရပြီးတော့ Project ရဲ့ တကယ့်ရည်ရွယ်ချက်က Crypto ဖန်တီးဖို့မဟုတ်ဘဲ KYC ကနေတစ်ဆင့် သုံးစွဲသူတွေရဲ့ ကိုယ်ရေးကိုယ်တာအချက်အလက်တွေကို စုဆောင်းနေတာဖြစ်သလို Decentralized လို့ကြွေးကြော်ထားပေမယ့် Network ရဲ့ အဓိက Node တွေကိုတော့ Core Team ကပဲ ထိန်းချုပ်ထားတယ်ဆိုတဲ့ စွပ်စွဲချက်တွေနဲ့ Project အပေါ်မှာ ဝေဖန်မှုတွေ ပြင်းထန်လျက်ရှိနေကြပါတယ်။

* Pi2Day 2025 က ဘာကြောင့်အရေးကြီးတာလဲ?

2025 ခုနှစ် ဇူလိုင်လကုန်ဆုံးတော့မယ့်အချိန်အခါတုန်းက ကမ္ဘာတစ်ဝှမ်းမှာရှိတဲ့ Pi Network သုံးစွဲသူ Pioneers သန်း 60 ကျော်တို့ရဲ့ မျက်လုံးတွေအားလုံးက နှစ်စဉ် ဇွန်လ 28 ရက်နေ့မှာ ကျင်းပလေ့ရှိတဲ့ 'Pi2Day' ဆိုတဲ့ အထူးအစီအစဉ် တစ်ခုတည်းကိုပဲ စုပြုံရောက်ရှိနေခဲ့ကြပါတယ်။ အဆိုပါနေ့က Pi Core Team ကနေ Project ရဲ့ အရေးကြီးတဲ့ Update တွေ၊ Feature အသစ်တွေနဲ့ အနာဂတ်အစီအစဉ်တွေကို တရားဝင်ချပြလေ့ရှိတဲ့ နေ့တစ်နေ့ဖြစ်တာကြောင့် Pi Community တစ်ခုလုံးအတွက်ကတော့ မျှော်လင့်ချက်တွေ၊ စိတ်လှုပ်ရှားမှုတွေနဲ့ ပြည့်နှက်နေတဲ့ နေ့တစ်နေ့လို့တောင်မှ ဆိုနိုင်ပါတယ်။ အတိတ်သမိုင်းကိုပြန်ကြည့်မယ်ဆိုရင်လည်း Pi Core Team အနေနဲ့ အရေးကြီးတဲ့နေ့တွေမှာ အဓိကကျတဲ့ ပြောင်းလဲမှုတွေကို ချပြလေ့ရှိခဲ့တာကြောင့် ဒီနှစ်ရဲ့ Pi2Day ကတော့ အရင်နှစ်တွေကထက်တောင်မှ ပိုပြီးအရေးပါနေခဲ့တာပဲဖြစ်ပါတယ်။

2025 Pi2Day မှာ Pioneers တွေ မျှော်လင့်ခဲ့တဲ့ အဓိကအချက် 5 ချက်

ဒီနှစ်ရဲ့ Pi2Day မှာတော့ Community က အရင်နှစ်တွေကထက် ပိုမိုကြီးမားတဲ့ မျှော်လင့်ချက်တွေထားရှိခဲ့ပြီးတော့ အထူးသဖြင့် အောက်မှာဖော်ပြထားတဲ့ အဓိကအချက် 5 ချက်က လူပြောအများဆုံးနဲ့ စောင့်ကြည့်အခံရဆုံး အကြောင်းအရာတွေ ဖြစ်ခဲ့ပါတယ်။

1. Open Mainnet အတွက် တိကျပြတ်သားတဲ့ Roadmap: လက်ရှိ 'Enclosed Mainnet' ကနေ အပြင်လောကနဲ့ချိတ်ဆက်အရောင်းအဝယ်လုပ်နိုင်မယ့် Open Mainnet ကို ဘယ်တော့ကူးပြောင်းမလဲဆိုတဲ့ တိကျတဲ့အချိန်ဇယား။

2. ဒုတိယအသုတ် KYC အတည်ပြုမှု: တရုတ်၊ အာဖရိကနဲ့ လက်တင်အမေရိကတို့လို နိုင်ငံတွေက သုံးစွဲသူ သန်းပေါင်းများစွာအတွက် KYC အခွင့်အရေးတွေဖွင့်ပေးခြင်း။

3. Exchange ကြီးတွေမှာ List လုပ်မယ့်မယ့်သတင်း: Binance ဒါမှမဟုတ် HTX တို့လို ထိပ်တန်း Exchange တွေမှာ စာရင်းဝင်နိုင်ခြေနဲ့ပတ်သက်တဲ့ သဲလွန်စများ။

4. လက်တွေ့အသုံးတည့်မယ့် dApp အသစ်များ: ဖုန်းဘေလ်ဖြည့်တာ၊ ဈေးဝယ်တာတွေလို လက်တွေ့ဘဝမှာ အသုံးဝင်တဲ့ Application အသစ်တွေ ပွဲထွက်လာခြင်း။

5. AI နည်းပညာ ပေါင်းစပ်မှု: Project ရဲ့ အနာဂတ်အတွက် အရေးပါတဲ့ Generative AI နည်းပညာကို Pi Ecosystem ထဲသို့ ထည့်သွင်းမယ့်အစီအစဉ်။

Pi2Day 2025 မှာ တကယ်ဘာတွေဖြစ်ခဲ့တာလဲ?

သုံးစွဲသူတွေ မျှော်လင့်ထားတဲ့အချက်တွေအားလုံး တစ်ပြိုင်နက်တည်းဖြစ်မလာခဲ့ပေမယ့် Pi Core Team ကတော့ အရေးကြီးတဲ့ တိုးတက်မှုအချို့ကိုချပြခဲ့ပြီး အနာဂတ်အတွက် လမ်းကြောင်းကို ပိုမိုရှင်းလင်းစေခဲ့ပါတယ်။

1. Open Mainnet Roadmap (အခြေအနေအရပ်ရပ်)

လူတွေမျှော်လင့်ထားသလို Open Mainnet ဘယ်နေ့ဖွင့်မယ်ဆိုတဲ့ တိကျတဲ့ရက်စွဲကို ကြေညာခဲ့ခြင်းမရှိခဲ့ပေမဲ့ အဲဒီအစား Open Mainnet ကို ကူးပြောင်းဖို့အတွက် မဖြစ်မနေပြည့်မီရမယ့် အဓိကအခြေအနေ (Conditions) 3 ရပ်ကို တရားဝင်ချပြခဲ့ပါတယ်-

(a) KYC နဲ့ Migration: KYC အောင်မြင်ပြီး Mainnet သို့ပြောင်းရွှေ့ပြီးသား သုံးစွဲသူအနည်းဆုံး 15 သန်းရှိရပါမယ်။

(b) Ecosystem Utility: Pi Browser ထဲမှာ အရည်အသွေးမြင့်ပြီး လက်တွေ့အသုံးတည့်တဲ့ dApp အနည်းဆုံး 100 ရှိရပါမယ်။

(c) နည်းပညာပိုင်းဆိုင်ရာ အသင့်ဖြစ်မှု: Network ရဲ့ တည်ငြိမ်မှု၊ လုံခြုံရေးနဲ့ အတိုင်းအတာချဲ့ထွင်နိုင်မှု (Scalability) တို့က ပွင့်လင်းတဲ့ဈေးကွက်အတွက် အပြည့်အဝအသင့်ဖြစ်နေရပါမယ်။

ဒီကြေညာချက်တွေကြောင့် Open Mainnet ကို စောင့်ဆိုင်းနေဆဲဖြစ်ပေမယ့် ဘယ်လိုအချက်တွေပြည့်မီမှ ဖွင့်မယ်ဆိုတာကိုတော့ သုံးစွဲသူတွေ တိတိကျကျသိရှိသွားခဲ့ရပါတယ်။

2. KYC နဲ့ AI ပေါင်းစပ်မှု

မျှော်လင့်ထားတဲ့အတိုင်း ဒုတိယအသုတ် KYC (Second KYC Wave) ကို စတင်ကြောင်းကြေညာခဲ့ပြီး အထူးသဖြင့် အာရှ၊ အာဖရိက လက်တင်အမေရိကလို ဒေသတွေက သုံးစွဲသူတွေအတွက် KYC လုပ်ငန်းစဉ်ကို ပိုမိုမြန်ဆန်စေမယ့် အစီအစဉ်တွေပါဝင်ခဲ့ပါတယ်။ အထူးခြားဆုံးကတော့ KYC စစ်ဆေးမှုတွေမှာ ပိုမိုတိကျမြန်ဆန်စေဖို့အတွက် AI နည်းပညာကို အသုံးပြုထားတဲ့ စနစ်သစ်တစ်ခုကိုပါ တစ်ပါတည်းမိတ်ဆက်ခဲ့တာဖြစ်ပါတယ်။

3. Exchange Listing နဲ့ dApp အသစ်များ

Binance တို့လို Exchange ကြီးတွေမှာ စာရင်းဝင်မယ့်အကြောင်းကို တရားဝင်ကြေညာခဲ့ခြင်းမရှိခဲ့သလို Core Team အနေနဲ့လည်း သူတို့ရဲ့မူလစည်းမျဉ်းအတိုင်း Enclosed Mainnet ကာလအတွင်းမှာ ဘယ် Exchange နဲ့မှ ပူးပေါင်းဆောင်ရွက်မှာမဟုတ်တဲ့အကြောင်း ထပ်လောင်းပြောကြားခဲ့ပါတယ်။

ဒါပေမဲ့ dApp Ecosystem အတွက်တော့ 'Pi App Studio' ကို တရားဝင်မိတ်ဆက်ခဲ့ပြီး ဒါက Developer မဟုတ်တဲ့ သာမန်သုံးစွဲသူတွေတောင် AI အကူအညီနဲ့ ကိုယ်ပိုင် App တွေ အလွယ်တကူဖန်တီးနိုင်အောင် ပြုလုပ်ပေးတဲ့ Feature တစ်ခုဖြစ်တာကြောင့် Community ကြားမှာတော့ အလွန်စိတ်ဝင်စားမှုရရှိခဲ့ပါတယ်။

Community ရဲ့တုံ့ပြန်မှု

Pi2Day အပြီးမှာတော့ Community ရဲ့တုံ့ပြန်မှုက နှစ်မျိုးကွဲထွက်သွားခဲ့ပါတယ်။

1. စိတ်အားတက်ကြသူများ: KYC စနစ်သစ်၊ AI ပေါင်းစပ်မှုနဲ့ Open Mainnet အတွက် တိကျတဲ့ Condition တွေသိရတဲ့အတွက် Project ရဲ့ အနာဂတ်ကို ပိုပြီးယုံကြည်မှုရှိလာကြပါတယ်။

2. စိတ်ပျက်ကြသူများ: တိကျတဲ့ Open Mainnet ရက်စွဲကို မရရှိတဲ့အတွက် စိတ်ပျက်မှုတွေရှိခဲ့ပြီး စောင့်ဆိုင်းရဦးမယ်ဆိုတဲ့အသိကြောင့် IOU ဈေးကွက်မှာ ဈေးနှုန်းအနည်းငယ်အတက်အကျတွေဖြစ်စေခဲ့ပါတယ်။

အချုပ်အားဖြင့်ဆိုရရင် Pi2Day 2025 ဟာ လူတွေမျှော်လင့်ထားသလို 'Big Bang' ပွဲကြီးတစ်ခုမဟုတ်ခဲ့ပေမယ့်လည်း Project ရဲ့ ရှေ့ခရီးအတွက်ကတော့ ပိုမိုရှင်းလင်းတဲ့ လမ်းပြမြေပုံတစ်ခုကိုချပြနိုင်ခဲ့တဲ့ 'အရေးပါတဲ့ခြေလှမ်းတစ်ရပ်' ဖြစ်ခဲ့တယ်လို့ သုံးသပ်နိုင်ပါတယ်။

Binance အကောင့်ဖွင့်ရန်

2025 ခုနှစ် ဇူလိုင်လမှာတော့ ကျွန်တော်တို့ မြန်မာနိုင်ငံမှာတောင် Cryptocurrency အကြောင်းကို လူတော်တော်များများ စိတ်ဝင်စားလာကြပြီး 'Bitcoin ကြောင့် သူဌေးဖြစ်သွားတယ်' ဆိုတဲ့ သတင်းတွေ၊ 'Memecoin တစ်ခုနဲ့ နေ့ချင်းညချင်းဘဝပြောင်းသွားတယ်' ဆိုတဲ့ စကားသံတွေကို မကြာခဏကြားလာနေရပါတယ်။ ဒီလိုသတင်းတွေကြောင့်ပဲ လူငယ်တွေတော်တော်များများက ဒီလောကထဲကို ခြေစုံပစ်ဝင်လာခဲ့ကြပေမယ့် စနစ်တကျလေ့လာမှုမရှိဘဲ စိတ်ခံစားချက်အတိုင်း ရင်းနှီးမြှုပ်နှံမိတာကြောင့် အရှုံးနဲ့ရင်ဆိုင်ရတာတွေဟာလည်း အများကြီးပါပဲ။ ဒါကြောင့် ဒီဆောင်းပါးမှာ Crypto လောကထဲကို အခုမှစဝင်လာမယ့်သူတွေအတွက် 'ကျွန်တော်သာ အစောကြီးထဲက ဒါတွေသိခဲ့ရင် အကောင်းသား' လို့ နောင်တမရစေမယ့် မဖြစ်မနေသိထားသင့်တဲ့ အချက် 5 ချက်ကို မျှဝေပေးသွားမှာဖြစ်ပါတယ်။

1. ဘာကြောင့် ရင်းနှီးမြှုပ်နှံချင်တာလဲ ကိုယ့်ကိုယ်ကိုယ်မေးပါ

ပထမဆုံးနဲ့ အရေးကြီးဆုံးအချက်ကတော့ 'ငါ ဘာကြောင့် Crypto မှာ ရင်းနှီးမြှုပ်နှံချင်တာလဲ?' ဆိုတဲ့မေးခွန်းကို ကိုယ့်ကိုယ်ကိုယ် ရိုးရိုးသားသားဖြေကြည့်ဖို့ပါပဲ။ Crypto ဆိုတာက အတက်အကျအလွန်ကြမ်းတမ်းပြီး အန္တရာယ်များတဲ့ ရင်းနှီးမြှုပ်နှံမှုတစ်ခုဖြစ်တဲ့အတွက် မိမိအနေနဲ့ 'လူပြောသူပြောများလို့ Trend နောက်လိုက်ချင်ရုံသက်သက်လား?' ဒါမှမဟုတ် 'တိကျတဲ့ရည်မှန်းချက်တစ်ခုခုရှိလို့လား?' ဆိုတာတွေကို ကိုယ့်ကိုယ်ကိုသေချာအောင် မေးကြည့်ဖို့လိုအပ်တဲ့အပြင် ကိုယ့်ရဲ့စိတ်ဓာတ်ခံနိုင်ရည် ဘယ်လောက်ရှိသလဲဆိုတာနဲ့ ကိုယ်ရင်းနှီးလိုက်တဲ့ ရင်းနှီးမြှုပ်နှံမှုကနေ ဘယ်လိုရလဒ်မျိုးကို မျှော်လင့်ထားလဲဆိုတာကိုပါ ကြိုတင်စဉ်းစားထားသင့်ပါတယ်။ ဒီလို ရှင်းလင်းတဲ့ရည်မှန်းချက်တွေရှိမှသာလျှင် မိမိအတွက် ဈေးကွက်အတက်အကျတိုင်းမှာ စိတ်ခံစားချက်အတိုင်းဆုံးဖြတ်တာမျိုးမဖြစ်အောင် ကာကွယ်ပေးနိုင်မှာဖြစ်ပါတယ်။

2. စနစ်တကျလေ့လာပါ၊ White Paper တွေကိုဖတ်ပါ

Crypto မှာ ရင်းနှီးမြှုပ်နှံတော့မယ်လို့ ဆုံးဖြတ်ပြီးရင်တော့ 'Do Your Own Research (DYOR)' ဆိုတဲ့စကားလုံးကို အမြဲနှလုံးသွင်းထားဖို့လိုအပ်သလို Bitcoin နဲ့ Ethereum လို နာမည်ကြီး Coin တွေအကြောင်းကို လေ့လာရုံသာမကဘဲ၊ သူတို့ရဲ့နောက်ကွယ်က Blockchain နည်းပညာဘယ်လိုအလုပ်လုပ်လဲဆိုတာကိုပါ အကြမ်းဖျင်းနားလည်အောင်လုပ်ထားသင့်ပါတယ်။ နောက်ပြီး Project တစ်ခုကို စိတ်ဝင်စားတယ်ဆိုရင်လည်း သူ့ရဲ့ Website မှာတင်ထားတဲ့ White Paper (အသေးစိတ်စီမံကိန်း) ကို သေချာဖတ်ရှုဖို့လိုအပ်ပြီးတေ့ (White Paper ဆိုတာက အဲဒီ Project ရဲ့ ရည်မှန်းချက်၊ လုပ်ဆောင်ပုံ၊ အနာဂတ်အစီအစဉ်တွေကို အသေးစိတ်ရေးသားထားတဲ့ စာတမ်းဖြစ်ပါတယ်) အကယ်လို့ Project တစ်ခုမှာ White Paper မရှိဘူး၊ ဒါမှမဟုတ် ရေးထားတာတွေက အချက်အလက်မခိုင်လုံဘဲ မဖြစ်နိုင်တာတွေချည်းပဲဆိုရင်တော့ ဒါဟာ သတိထားရမယ့် Red Flag တစ်ခုပါပဲ။

3. သင့်ရဲ့ Private Key တွေကို လုံခြုံအောင်သိမ်းပါ

Crypto လောကမှာ 'Not your keys, not your coins' (သော့မရှိရင် ပိုက်ဆံမပိုင်) ဆိုတဲ့စကားနဲ့အညီ သင့်ရဲ့ Private Key ဆိုတာက ဘဏ်အကောင့်ရဲ့ PIN နံပါတ်လိုပါပဲ။ ဒီသော့ကို မိမိတစ်ယောက်တည်းသာလျှင် သိမ်းဆည်းထားရမှာဖြစ်ပြီး တခြားသူတစ်ယောက်ယောက်သိသွားခဲ့ရင် ဒါမှမဟုတ် မိမိကိုယ်တိုင် ပျောက်ဆုံးသွားခဲ့ရင် ကိုယ့်ရဲ့ ပိုက်ဆံတွေအားလုံးကို ထာဝရဆုံးရှုံးသွားရမှာဖြစ်တာကြောင့် ဒါဟာ သေချာလေးသတိထားဖို့ လိုအပ်တဲ့အချက်တစ်ချက် ဖြစ်ပါတယ်။ ဒါကြောင့် ပမာဏများတဲ့ Crypto တွေကို Exchanges တွေပေါ်မှာ အကြာကြီးထားတာမျိုးကို ရှောင်ကြဉ်ရမှာဖြစ်သလို Exchanges တွေက မိမိရဲ့ Key တွေကို ထိန်းချုပ်ထားတာဖြစ်လို့ Exchanges တွေသာ ပျက်စီးသွားခဲ့ရင် ဒါမှမဟုတ် Hack ခံခဲ့ရရင် မိမိရဲ့ပိုင်ဆိုင်မှုတွေပါ တစ်ပါတည်းဆုံးရှုံးသွားနိုင်ပါတယ်။

4. Wallet အမျိုးအစားတွေကို နားလည်ပါ (Hot Wallet vs Cold Wallet)

မိမိအနေနဲ့ မိမိရဲ့ Crypto တွေကို လုံခြုံအောင်သိမ်းဆည်းဖို့အတွက် Wallet အမျိုးအစားနှစ်ခုကိုလည်း ကွဲကွဲပြားပြားသိထားဖို့လိုပါတယ်။

 * Hot Wallet: ဒါက အင်တာနက်နဲ့ အမြဲတမ်းချိတ်ဆက်ထားတဲ့ Wallet အမျိုးအစားတစ်ခုဖြစ်ပါတယ် (ဥပမာ - ဖုန်းထဲက Mobile Wallet တွေ၊ Exchange ပေါ်က Wallet တွေ)။ အဆိုပါ Hot Wallet တေွက နေ့စဉ်သုံး ပိုက်ဆံအိတ်လိုမျိုး အရောင်းအဝယ်လုပ်ဖို့နဲ့ ငွေလွှဲဖို့အတွက်ကတော့ အလွန်အဆင်ပြေပေမယ့် လုံခြုံရေးအရမှာတော့ အားနည်းချက်တွေရှိပါတယ်။

 * Cold Wallet: ဒါကတော့ အင်တာနက်နဲ့ လုံးဝချိတ်ဆက်မထားတဲ့ Wallet အမျိုးအစားဖြစ်ပါတယ် (ဥပမာ - Ledger, Trezor တို့လို Hardware Wallet တွေ)။ ဒီ Cold Wallet တွေက ဘဏ်ရဲ့ မီးခံသေတ္တာလိုမျိုး အလွန်လုံခြုံပေမယ့် အသုံးပြုရတာတော့ Hot Wallet လောက်မလွယ်ကူလှပါဘူး။

ဒါကြောင့် မိမိအနေနဲ့ ရေရှည်သိမ်းဆည်းထားရမယ့် ပမာဏများတဲ့ Coin တွေကို Cold Wallet ထဲမှာထည့်ထားပြီး အရောင်းအဝယ်လုပ်ဖို့ ဒါမှမဟုတ် သုံးစွဲဖို့လိုအပ်တဲ့ ပမာဏနည်းနည်းကိုပဲ Hot Wallet ထဲမှာ ထားရှိတာကတော့ အကောင်းဆုံးနည်းလမ်းတစ်ခုဖြစ်ပါတယ်။

5. ငွေမလွှဲခင် အစမ်းလွှဲကြည့်ပါ (Perform Test Transactions)

Crypto ငွေလွှဲပြောင်းမှုတွေက ဘဏ်စနစ်နဲ့မတူညီတဲ့အတွက် အကယ်၍ မိမိသာလိပ်စာမှားပြီး ငွေလွှဲမိခဲ့ရင် မိမိပိုက်ဆံတွေအနေနဲ့ ထာဝရဆုံးရှုံးသွားရမှာဖြစ်သလို ပြန်ပြင်လို့လည်းမရနိုင်ပါဘူး။ ဒါကြောင့် လိပ်စာအသစ်တစ်ခုကို ငွေပမာဏများများမလွှဲခင်မှာ Test Transaction အနေနဲ့ ပမာဏအနည်းငယ် (ဥပမာ - 1 ဒေါ်လာလောက်) ကို အရင်ဆုံးအစမ်းလွှဲကြည့်သင့်ပါတယ်။ အစမ်းလွှဲလိုက်တဲ့ ပမာဏက ဟိုဘက်လိပ်စာကို မှန်မှန်ကန်ကန်ရောက်သွားပြီဆိုတာ သေချာမှသာလျှင် မိမိလွှဲချင်တဲ့ ငွေပမာဏအများကြီးကို နောက်တစ်ကြိမ်ထပ်လွှဲသင့်ပါတယ်။ ဒီလိုလုပ်ခြင်းအားဖြင့် မိမိအနေနဲ့လည်း အခန့်မသင့်လို့ဖြစ်လာနိုင်တဲ့ ဆုံးရှုံးမှုကြီးကြီးမားမားတွေကို ကြိုတင်ကာကွယ်နိုင်မှာဖြစ်သလို မှားလွှဲမိလိုက်လို့ သောကရောက်ရမယ့် အဖြစ်ကနေလည်း ရှောင်ရှားနိုင်မှာဖြစ်ပါတယ်။

နိဂုံးချုပ်အနေနဲ့ Crypto လောကဆိုတာက ငွေမြန်မြန်ရှာနိုင်တဲ့ နေရာတစ်ခုဖြစ်နိုင်သလို၊ ငွေမြန်မြန်ကုန်သွားနိုင်တဲ့ နေရာတစ်ခုလည်းဖြစ်နိုင်တာကြောင့် ဒီလောကထဲကို ဝင်ရောက်မယ်ဆိုရင် အပေါ်မှာပြောခဲ့တဲ့ အချက်တွေကို သေချာနားလည်ပြီး စနစ်တကျပြင်ဆင်ထားဖို့လိုအပ်ပါတယ်။ ဒါ့အပြင် မိမိကိုယ်တိုင် သေချာလေ့လာပြီး ရင်းနှီးမြှုပ်နှံမှုတစ်ခုပြုလုပ်ပြီးသွားခဲ့မယ္ဆိုရင်တောင် ချက်ချင်းအမြတ်ရနိုင်ဖို့ မျှော်လင့်မထားသင့်သလို Crypto ဈေးကွက်က အလွန်လျင်မြန်ပြီး အတက်အကျကြမ်းတမ်းတယ်ဆိုတာကိုလည်း အမြဲသတိရဖို့လိုအပ်ပါတယ်။

ဈေးနည်းနည်းလေးကျတာနဲ့ စိတ်ပူပြီးအရှုံးခံရောင်းတာ (Panic Sell)၊ ဈေးအရမ်းတက်နေတဲ့အချိန်မှ လောဘတကြီးဝင်ဝယ်တာ (FOMO Buy) မျိုးတွေကို ရှောင်ကြဉ်ရမှာဖြစ်ပြီးတော့ မိမိလေ့လာထားတဲ့ Project အပေါ်မှာ ယုံကြည်မှုရှိရှိ၊ စိတ်ရှည်ရှည်နဲ့ ရေရှည်ကိုကြည့်ပြီး ရင်းနှီးမြှုပ်နှံတတ်ဖို့က အရေးအကြီးဆုံးပါပဲ။ နောက်ပြီး မိမိရဲ့ အောင်မြင်မှုက ကံတရားပေါ်မှာမဟုတ်ဘဲ ကိုယ်ကိုယ်တိုင်ရဲ့ စနစ်တကျလေ့လာမှု၊ စည်းကမ်းလိုက်နာမှုနဲ့ ရှင်းလင်းတဲ့ မဟာဗျူဟာအပေါ်မှာသာ မူတည်နေတယ်ဆိုတာကို အမြဲသတိရပြီး အပေါ်ကပြောခဲ့တဲ့ နောင်တမရစေမယ့်အချက်တွေကို လိုက်နာနိုင်မယ်ဆိုရင်တော့ မိမိအနေနဲ့ ဒီလိုအလှုပ်အခတ် အတက်အကျများတဲ့ Crypto လောကမှာ အောင်မြင်တဲ့ ရင်းနှီးမြှုပ်နှံသူတစ်ယောက်ဖြစ်လာနိုင်မှာကတော့ အသေအချာပဲဖြစ်ပါတယ်။

Binance Account ဖွင့်ရန်

Binance Web3 Wallet ဟာဆိုရင်တော့ဖြင့် 2025 ခုနှစ်မှာ Digital Assets တွေကို သိမ်းဆည်းနိုင်တဲ့ ရိုးရှင်းတဲ့ wallet တစ်ခုအဖြစ်ကနေ အများကြီးကျော်လွန်ပြောင်းလဲလာခဲ့ပြီဖြစ်ပြီး အခုအခါမှာတော့ 2025 ခုနှစ် နှစ်လယ်ပိုင်းမှာ သန်း 280 ကျော်ရှိလာပြီဖြစ်တဲ့ Binance ရဲ့ ကြီးမားတဲ့ user based community အတွက် အရှိန်အဟုန်နဲ့ ကြီးထွားလာနေတဲ့ Web3 ဂေဟစနစ်ထဲကို ဝင်ရောက်မယ့် 'Super App' တစ်ခုအဖြစ် ရပ်တည်လျက်ရှိနေပါပြီ။

Binance Wallet မှာ အဓိကအားဖြင့် ချောမွေ့တဲ့ Cross-Chain Swaps နဲ့ Decentralized Exchange (DEX) သုံးစွဲခွင့်အပါအဝင် အန္တရာယ်များပြီး အကျိုးအမြတ်ကြီးမားနိုင်တဲ့ အစောပိုင်းအဆင့် Token တွေရောင်းချပေးတဲ့ Binance Alpha လို platform နဲ့ Token တွေ အလကားပေးတဲ့ Megadrop airdrop engine တို့လို feature တွေပါဝင်ပါတယ်။

ဒီ feature တွေက သီးခြားစီဖြစ်တည်နေတဲ့ ဝန်ဆောင်မှုတွေမဟုတ်ဘဲ အားကောင်းတဲ့ flywheel မဟာဗျူဟာရဲ့ အပြန်အလှန်ချိတ်ဆက်ထားတဲ့ အစိတ်အပိုင်းတွေဖြစ်တာကြောင့် ဒီမဟာဗျူဟာက သုံးစွဲသူတွေရဲ့ပါဝင်မှုကို မြှင့်တင်ဖို့၊ BNB နဲ့ BNB Chain ရဲ့ အသုံးဝင်မှုကို တိုးမြှင့်ဖို့နဲ့ ပိုပြီးပွင့်လင်းတဲ့ chain-agnostic ပြိုင်ဘက်တွေအတွက် အားကောင်းတဲ့ ဂေဟစနစ်တစ်ခု တည်ဆောက်ဖို့ ဒီဇိုင်းဆွဲထားတာဖြစ်ပါတယ်။

Wallet ရဲ့ တည်ဆောက်ပုံကို ကြည့်မယ်ဆိုရင်လည်း Multi-Party Computation (MPC) နည်းပညာပေါ်မှာ အခြေခံတည်ဆောက်ထားတာဖြစ်တဲ့အတွက် Seed Phrase သိမ်းရတဲ့ဒုက္ခကနေဝေးပြီး အဓိက mainstream သုံးစွဲသူတွေအတွက် ဝင်ရောက်ဖို့ အတားအဆီးတစ်ခုကို လျှော့ချပေးလိုက်တယ်လို့ ဆိုရမှာဖြစ်ပါတယ်။

ဒါ့အပြင် ဒီ MPC နည်းပညာက ရှုပ်ထွေးပြီး သီးခြားစီဖြစ်နေတဲ့ ငွေကြေးကမ္ဘာနှစ်ခု (CeFi နဲ့ DeFi) ကို App တစ်ခုတည်းအောက်မှာ ချောချောမွေ့မွေ့နဲ့ အလွယ်တကူ အသုံးပြုနိုင်အောင် သုံးစွဲရလွယ်ကူတဲ့ interface အတွင်းမှာ 'ပေါင်းကူးတံတား' အဖြစ်ဆောင်ရွက်ပေးဖို့ ရည်ရွယ်ထားတာဖြစ်သလို On-chain အပြန်အလှန်ဆက်သွယ်မှုတွေရဲ့ ရှုပ်ထွေးမှုတွေကို ဖယ်ရှားပေးခြင်းအားဖြင့် Binance ဟာ နောက်ထပ် သုံးစွဲသူ 1 billion ကျော်ကို Web3 ထဲ ခေါ်ဆောင်နိုင်ဖို့ မျှော်မှန်းထားတာဖြစ်ပါတယ်။

2025 မှာ Binance ရဲ့ Web3 Wallet က ဘာတွေစွမ်းဆောင်ပေးနိုင်မလဲ?

1. Blockchain တွေကြား ကူးလူးသွားလာနိုင်မယ့် Trading Hub

Web3 လောကမှာ Ethereum, BNB Chain, Solana စတဲ့ Blockchain တွေအများကြီးရှိသလို တစ်ခုနဲ့တစ်ခုကြား ငွေကြေးကူးပြောင်းရတာဟာ အင်မတန်ရှုပ်ထွေးပြီး အန္တရာယ်များတယ်ဆိုပေမယ့် Binance Web3 Wallet မှာတော့ ဒီပြဿနာကို အဖြေရှာပေးတဲ့ 'Cross-Chain Swap' ဆိုတဲ့ feature ကို ထည့်သွင်းပေးထားတာကြောင့် ဒါဟာ Wallet ထဲမှာတင် မတူညီတဲ့ Blockchain တွေပေါ်က Coin တွေကို click တစ်ချက်နှိပ်ရုံနဲ့ အလွယ်တကူ လဲလှယ်စေနိုင်မှာဖြစ်ပါတယ်။ ဥပမာ- သင့်မှာ BNB Chain ပေါ်က Coin တစ်ခုရှိပြီး အဲဒါကို Solana ပေါ်က Coin တစ်ခုနဲ့ လဲချင်တယ်ဆိုရင် အရင်ကလို Third-party bridge တွေ၊ မတူညီတဲ့ DEX တွေကို သွားစရာမလိုတော့ဘဲ နောက်ကွယ်မှာ Wallet ရဲ့စနစ်က PancakeSwap, Uniswap တို့လို DEX တွေအများကြီးထဲကနေ သင့်အတွက် အကောင်းဆုံးဈေးနှုန်းနဲ့ အမြန်ဆုံးလမ်းကြောင်းကို အလိုအလျောက်ရှာဖွေပေးသွားမှာဖြစ်တဲ့အတွက် Wallet ထဲကနေ click တစ်ချက်နှိပ်ရုံနဲ့ တိုက်ရိုက်လုပ်ဆောင်နိုင်မှာဖြစ်ပါတယ်။

2. ကံစမ်းမဲထိုးချင်သူတွေအတွက် Binance Alpha

Binance က ဈေးကွက်ထဲမှာ မပေါ်သေးတဲ့၊ အလားအလာရှိတဲ့ Token အသစ်တွေကို စောစောစီးစီး ရှာဖွေရင်းနှီးမြှုပ်နှံချင်သူတွေအတွက်လည်း 'Binance Alpha' ဆိုတဲ့ platform တစ်ခုကို Wallet ထဲမှာထည့်သွင်းပေးထားပြီးတော့ ဒီ platform မှာပါဝင်ဖို့က Token တွေကို ရိုးရိုးဝယ်ယူရုံတင်မကဘဲ၊ 'Alpha Points' လို့ခေါ်တဲ့ အမှတ်တွေစုဆောင်းရတဲ့ စနစ်တစ်ခုပါ ပါဝင်တာဖြစ်ပါတယ်။ ဒီအမှတ်တွေကိုတော့ သင့်ရဲ့ Trading Volume အပါအဝင် သတ်မှတ်ထားတဲ့ ရက်အတွင်း ကိုင်ဆောင်ထားတဲ့ Asset Balance တွေပေါ်မူတည်ကာ တွက်ချက်တာဖြစ်ပြီး အမှတ်များလေလေ အနာဂတ်မှာ Airdrop တွေ၊ အထူးအခွင့်အရေးတွေ ရနိုင်ခြေများလေလေဖြစ်တဲ့အတွက် ဒီစနစ်က သာမန်ရင်းနှီးမြှုပ်နှံသူတွေအတွက်တော့ အမှတ်များများရရှိဖို့ အရောင်းအဝယ်ပမာဏ များများရအောင်ပြုလုပ်ရတဲ့ ပြိုင်ပွဲတစ်ခုလိုဖြစ်နေစေပါတယ်။

လေ့လာချက်တွေအရ Alpha မှာပါဝင်တဲ့ project တွေရဲ့ 39% က Memecoins တွေဖြစ်သလို Solana နဲ့ BNB Chain က project တွေလည်း အများဆုံးပါဝင်နေတာကိုတွေ့ရှိရပါတယ်။ စိတ်ဝင်စားစရာအချက်တစ်ခုအနေနဲ့ကတော့ ထီပေါက်သလို ကံကောင်းတဲ့ လူနည်းစုရဲ့ 14 ရက်အတွင်း ပျမ်းမျှ (Mean) ပြန်ရနိုင်ခြေက +77% ရှိတယ်ဆိုပေမယ့်၊ သာမန်သုံးစွဲသူတစ်ယောက်ရဲ့ ပုံမှန် (Median) ပြန်ရနိုင်ခြေကတော့ -7.6% ဖြစ်နေတာဖြစ်တဲ့အတွက် ဆိုလိုရင်းအရ လူနည်းစုသာ အမြတ်အစွန်းအများကြီးရသွားနိုင်ပေမယ့် သာမန်သုံးစွဲသူအများစုကတော့ အရှုံးနဲ့ရင်ဆိုင်ရနိုင်ခြေများနေတာကြောင့် သင့်အနေနဲ့ ဒါဟာ အန္တရာယ်အလွန်များတဲ့နေရာတစ်ခုဆိုတာကိုတော့ သိထားဖို့လိုအပ်ပါတယ်။

3. Airdrop မုဆိုးတွေအတွက် Megadrop Engine

တစ်ဆက်တည်းမှာပဲ Binance ရဲ့ နောက်ဆုံးပေါ် Token Launch Platform ဖြစ်တဲ့ 'Megadrop' ကိုလည်း Web3 Wallet နဲ့ အပြည့်အဝချိတ်ဆက်ထားသလို Megadrop ရဲ့ထူးခြားချက်အနေနဲ့ Airdrop ရဖို့အတွက် နည်းလမ်းနှစ်ခုဖြစ်တဲ့ (1) သင့်ရဲ့ BNB Coin တွေကို အတိုးရနိုင်တဲ့ Simple Earn မှာ အချိန်အပိုင်းအခြားတစ်ခုအထိ သော့ခတ်ထားရမယ် (Passive Earning)၊ (2) Wallet ကိုသုံးပြီး သတ်မှတ်ထားတဲ့ 'Web3 Quest' လို့ခေါ်တဲ့ တာဝန်တွေကို ပြီးဆုံးအောင်လုပ်ဆောင်ရမယ် (Active Participation) တို့ကို လုပ်ဆောင်ရတာဖြစ်တဲ့အတွက် ဒီနည်းလမ်းက Airdrop ကို အလကားရရုံလောက်ပဲ စိတ်ဝင်စားတဲ့သူတွေကိုစစ်ထုတ်ပြီး တကယ်တန်ဖိုးထားတဲ့ ရင်းနှီးမြှုပ်နှံသူတွေကို ဆွဲဆောင်နိုင်စေပါတယ်။ နောက်ပြီး BounceBit (BB) နဲ့ Lista (LISTA) တို့လို အရင် Megadrop project တွေအနေနဲ့ အဆပေါင်းများစွာ ဈေးတက်သွားခဲ့တဲ့ဖြစ်စဥ်မျိုးတွေလည်းရှိခဲ့တာကြောင့် ပါဝင်ချင်သူတွေအတွက်ကတော့ အလွန်ဆွဲဆောင်မှုရှိတဲ့ နေရာတစ်ခုလို့ဆိုရမှာဖြစ်ပါတယ်။

Binance ရဲ့ Master Plan - The Flywheel Strategy

ဒါ့အပြင် အပေါ်မှာပြောခဲ့တဲ့ အဓိက feature 3ခု (Swaps, Alpha, Megadrop) က သီးခြားစီရပ်တည်နေတာမျိုးမဟုတ်ဘဲ 'Flywheel' လို့ခေါ်တဲ့ စက်ဝန်းတစ်ခုလို အပြန်အလှန်ချိတ်ဆက်လည်ပတ်နေတာဖြစ်တဲ့အတွက် 'Megadrop' က သုံးစွဲသူတွေကို BNB ဝယ်ပြီး Binance Web3 Wallet သုံးစွဲလာအောင် ဆွဲဆောင်နေသလို Wallet ထဲရောက်လာတဲ့အခါ 'Swap' feature က သူတို့ရဲ့ trading လိုအပ်ချက်တွေအားလုံးကို ဖြည့်ဆည်းပေးပြီး Binance ဂေဟစနစ်ထဲမှာပဲ ဆက်ရှိနေစေတာဖြစ်ပါတယ်။ နောက်ပြီး စွန့်စားချင်စိတ်များတဲ့သူတွေအတွက်ကတော့ 'Alpha' က သူတို့ရဲ့အရင်းအနှီးတွေကို ဆက်ပြီးလည်ပတ်စေမယ့် နေရာတစ်ခုဖြစ်လာစေတဲ့အတွက် ဒီစက်ဝန်းကြီးတစ်ခုလုံးရဲ့ ရည်ရွယ်ချက်က သုံးစွဲသူတွေကို Binance app ကနေ ဘယ်မှထွက်သွားစရာမလိုဘဲ Web3 လောကရဲ့ လိုအပ်ချက်တွေအားလုံးကို တစ်နေရာတည်းမှာ ပြီးမြောက်အောင် လုပ်ဆောင်ပေးနေတာကို တွေ့မြင်ရမှာပဲဖြစ်ပါတယ်။

Seed Phrase မလိုတော့တဲ့ Web3 Wallet

Crypto Wallet တွေသုံးတဲ့အခါမှာ ခေါင်းအရှုပ်ရဆုံးနဲ့ အန္တရာယ်အများဆုံးကိစ္စတစ်ခုကတော့ စာလုံး 12 လုံး ဒါမှမဟုတ် 24 လုံးပါဝင်တဲ့ 'Seed Phrase' ကို လုံလုံခြုံခြုံသိမ်းဆည်းရတာပါပဲ။ ဒါပေမယ့် Binance Web3 Wallet ကတော့ ဒီပြဿနာကို 'Multi-Party Computation (MPC)' ဆိုတဲ့နည်းပညာနဲ့ ဖြေရှင်းထားတာဖြစ်တဲ့အတွက် သင့်ရဲ့ Private Key ကို 3ပိုင်းခွဲပြီး (1) တစ်ပိုင်းကို Binance server မှာ၊ (2) တစ်ပိုင်းကို သင့်ရဲ့ဖုန်းထဲမှာ၊ (3) နောက်ဆုံးတစ်ပိုင်းကိုတော့ သင်ကိုယ်တိုင်သတ်မှတ်ထားတဲ့ recovery password နဲ့ ကုဒ်ဝှက်ပြီး သင့်ရဲ့ iCloud ဒါမှမဟုတ် Google Drive မှာ သိမ်းဆည်းထားတာဖြစ်တဲ့အတွက် ငွေလွှဲတာ၊ ငွေထုတ်တာလိုမျိုး အရေးကြီးတဲ့ကိစ္စတွေကိုလုပ်ဆောင်တိုင်း ဒီ 3ပိုင်းထဲက အနည်းဆုံးနှစ်ပိုင်းရှိဖို့လိုအပ်တာကြောင့် Binance တစ်ခုတည်းက သင့်ပိုက်ဆံကို ထိန်းချုပ်လို့မရသလို၊ သင့်အနေနဲ့လည်း Seed Phrase ပျောက်မှာကို စိုးရိမ်စရာမလိုတော့ပါဘူး။

အဆင်ပြေမှုရဲ့ နောက်ကွယ်က အန္တရာယ်များ

အရာရာတိုင်းမှာ အကောင်းနဲ့အဆိုး ဒွန်တွဲနေသလိုပါပဲ။ ဒီလို ငြင်းမရတဲ့ အဆင်ပြေမှုတွေနဲ့ ထူးခြားတဲ့အခွင့်အရေးတွေ ပေးအပ်ထားတဲ့ နောက်ကွယ်မှာတော့ ရှောင်လွှဲလို့မရတဲ့ အပေးအယူတွေအဖြစ် သုံးစွဲသူတွေအနေနဲ့ platfrom တစ်ခုတည်းကိုပဲ အားကိုးရတဲ့ ဗဟိုချုပ်ကိုင်မှုအန္တရာယ်နဲ့ အတက်အကျကြမ်းတမ်းတဲ့ ဈေးကွက်မတည်ငြိမ်မှုတွေအပြင် ဗဟိုချုပ်ကိုင်မှုမဲ့ Web3 လောကရဲ့ သဘောသဘာဝအရ အမြဲတမ်းရှိနေတတ်တဲ့ လုံခြုံရေးခြိမ်းခြောက်မှုတွေလို သိသာထင်ရှားတဲ့ အန္တရာယ်တွေကိုပါ ချိန်ညှိရင်ဆိုင်သွားရမှာဖြစ်ပါတယ်။

ဒါ့အပြင် Cross-Chain Swap တွေက အင်မတန်အဆင်ပြေပေမယ့် သူ့မှာလည်း သတိထားရမယ့်အန္တရာယ်တွေရှိနေပြန်ပါတယ်။ ဒီစနစ်က ပြင်ပကုမ္ပဏီတွေရဲ့ 'Cross-Chain Bridge' နည်းပညာတွေအပေါ်မှာ မှီခိုနေရတာဖြစ်တဲ့အတွက် အဲဒီ Bridge တွေမှာ လုံခြုံရေးအားနည်းချက်တွေသာရှိခဲ့ရင် သင့်ပိုက်ဆံတွေအနေနဲ့ အန္တရာယ်ထဲကို ကျရောက်သွားနိုင်သလို 2022 ခုနှစ်တစ်ခုတည်းမှာပဲ Bridge တွေကနေတစ်ဆင့် ဒေါ်လာ billion တစ်ထောင်နီးပါး အခိုးခံခဲ့ရတဲ့ဖြစ်စဥ်တွေရှိခဲ့တာဖြစ်တဲ့အတွက် အထူးသတိထားဖို့လိုအပ်ပါတယ်။ ဒါ့အပြင် Binance ရဲ့စနစ်က ဗဟိုချုပ်ကိုင်မှုပုံစံနဲ့တည်ရှိနေတာဖြစ်တဲ့အတွက် အကယ်၍သာ သူတို့ရဲ့ စနစ်ချို့ယွင်းခဲ့ရင် ဒါမှမဟုတ် တမင်တကာကန့်သတ်မှုတွေလုပ်ခဲ့မယ်ဆိုရင်တောင် သုံးစွဲသူတွေအတွက် အခက်အခဲအတော်လေးဖြစ်စေနိုင်မှာဖြစ်ပါတယ်။

အန္တရာယ်မကျရောက်အောင် ဘာတွေပြင်ဆင်ထားသင့်လဲ?

Binance Web3 Wallet ဟာ အင်မတန်မှ အားသာချက်များပြီး အသုံးဝင်တဲ့ Tools တစ်ခုဆိုတာကတော့ ငြင်းလို့မရပေမဲ့ သုံးစွဲသူတစ်ယောက်အနေနဲ့ကတော့ သူ့ရဲ့ အားသာချက်နဲ့ အားနည်းချက်ကို မျှမျှတတမြင်တတ်ဖို့လိုအပ်ပါတယ်။

- ဒါဟာ 'Hot Wallet' တစ်ခုသာဖြစ်တယ်ဆိုတာ နားလည်ပါ : နေ့စဉ်သုံးဖို့၊ အရောင်းအဝယ်လုပ်ဖို့နဲ့ dApp တွေနဲ့ ချိတ်ဆက်ဖို့အတွက် အထူးသင့်တော်ပေမယ့် ရေရှည်အတွက် ပမာဏများများသိမ်းဆည်းဖို့အတွက်တော့ Ledger လိုမျိုး Cold Wallet တွေက ပိုသင့်တော်ပါတယ်။

- လိမ်လည်မှုတွေကို အထူးသတိထားပါ : Megadrop လိုမျိုး လူစိတ်ဝင်စားမှုများတဲ့ program တွေကို ပစ်မှတ်ထားတဲ့ Phishing scam တွေ အလွန်ပေါများတဲ့အတွက် တရားဝင် Binance App ထဲကလွဲပြီး ဘယ် link ကိုမှ မနှိပ်မိပါစေနဲ့။

- ကိုယ့်တာဝန်ကိုယ်ယူပါ : MPC နည်းပညာကြောင့် အများကြီးလွယ်ကူသွားတယ်ဆိုပေမယ့် ဒါဟာ Self-custody wallet တစ်ခုဖြစ်တဲ့အတွက် သင့် recovery password နဲ့ ပိုင်ဆိုင်မှုတွေရဲ့ လုံခြုံရေးဟာ နောက်ဆုံးမှာတော့ သင့်လက်ထဲမှာပဲရှိတယ်ဆိုတာကို အမြဲသတိရဖို့လိုပါတယ်။

ဒီအချက်တွေကိုသာ သေချာနားလည်ပြီး မိမိရဲ့ရည်မှန်းချက်၊ စွန့်စားနိုင်မှုအပေါ်မူတည်ကာ မဟာဗျူဟာကျကျ အသုံးချနိုင်မယ်ဆိုရင်တော့ Binance Web3 Wallet ဟာ 2025 ခုနှစ် Web3 ခရီးလမ်းမှာ သင့်အတွက် တန်ဖိုးမဖြတ်နိုင်တဲ့ အဖော်မွန်တစ်ယောက်ဖြစ်လာမှာ အသေအချာပါပဲ။

Binance Account ဖွင့်ရန်

မိတ်ဆွေက Crypto ကို ခုမှ စလုပ်မယ်ဆိုရင် အဓိကအရေးကြီးတဲ့ အချက်တစ်ခုက Crypto Exchange ရွေးချယ်ခြင်းပါပဲ
မှန်ကန်တဲ့ Crypto Exchange တစ်ခုကို ရွေးချယ်ခြင်းအားဖြင့် ရေရှည် Crypto Journey မှာသက်ရောက်မှု ကြီးကြီးမားမား ရှိမှာဖြစ်ပါတယ်
ဒီဆောင်းပါးမှာ ကျနော်တို့ DBS Myanmar အနေနဲ့ Binance နဲ့ ByBit Exchange ၂ ခုမှာ $100 စီ သုံးပြီး Trading fees တွေ၊ Crypto Product တွေ၊ Security တွေ အစရှိတဲ့ Features တွေကို စမ်းသပ်ပြသွားမှာ ဖြစ်ပါတယ်
ကဲ စလိုက်ရအောင်
--
Supported Cryptocurrencies

Binance ဟာ ByBit ထက် Coin အရည်အတွက်မှာ ပိုပြီး နည်းပေမယ့် Quality အားဖြင့် ပိုကောင်းတဲ့ coin တွေကို list ထားတာ တွေ့ရပြီး Market pairs မှာလဲ ပိုများများ support ပေးထားတာကို တွေ့ရပါတယ်

Trading Fees (Spot)

Binance

ByBit

Binance မှာ BNB fees payment နဲ့ ကျွန်တော်တို့ KOL Percentage Trading Fees Discount တွေ ရထားရင် Fees က တော်တော်လေး သက်သာတာကို တွေ့ရပါတယ်
Binance Account ဖွင့်ရန်

ByBit မှာ Trading Fees ကို USDT သို့မဟုတ် Base coin ပေါ်မူတည်ပြီး နည်းနည်းစီ ပိုယူထားတာ တွေ့ရပါတယ်

Platform Security

Security ပိုင်းမှာ တော်တော်များများ ပြည့်စုံကြပေမယ့် Binance မှာ ပိုအဆင့်မြင့်တဲ့ Advanced level security features တွေ ပိုပါဝင်တာကို တွေ့ရပါတယ်

Ease of Purchasing Crypto

Binance က liquidity ပိုများတဲ့ ပိုကြီးတဲ့ platform ဖြစ်တဲ့အတွက် Platform ထဲမှာ Trade ရာမှာ ပိုပြီး order execution မြန်တာကို တွေ့ရပါတယ်
Fiat ကို Crypto ပြောင်းလဲရမှာတော့ ၂ ခုလုံးက p2p ကိုပဲ သုံးလို့ရတာ တွေ့ရပါတယ်

Customer Support
Exchange 2 ခုလုံးဟာ FAQ, Self-service, Bot Support တွေနဲ့ သေချာလုပ်ထားတာကို တွေ့ရပါတယ်
Binance က Support နဲ့ Self-service ပိုင်းမှာ ပိုကောင်းပြီး ပိုစုံတာကိုတွေ့ရပါတယ်
24/7 Live Chat လဲ ရှိပြီး ByBit ကတော့ Live chat ပိုင်း အနည်းငယ် အားနည်းပါတယ်

Product Offerings

Binance မှာက MegaDrop, Holder Airdrop နဲ့ Alpha လို exclusive product တွေရှိတဲ့အတွက် earning opportunity ပိုများပါတယ်
Launchpool ပိုင်းမှာလဲ ByBit က ပိုနည်းပြီး BNB နဲ့ ၂ သီးစား ၃ သီးစား product တွေ မရှိပါဘူး

Binance Products

Launchpool အောက်မှာတင် Holder Airdrop နဲ့ Launchpool ၂ မျိုးရှိပြီး Alpha ကလဲ အားဖြည့်ထားပါသေးတယ်

ByBit Products

ByBit မှာတော့ Crypto နဲ့ မသက်ဆိုင်တဲ့ Forex နဲ့ အခြား Asset တွေကို trade လို့ရတဲ့ TradeFi ဆိုတဲ့ features ပါဝင်ပါတယ်

Convert & Withdraw Flexibility (Myanmar-Specific)

မြန်မာကနေ Deposit/Withdraw လုပ်တဲ့အခါ Exchange 2 ခုလုံးမှာ p2p နဲ့ပဲ လုပ်လို့ရပါတယ်
Binance မှာတော့ ပမာဏသေးတဲ့ crypto တွေကို BNB ပြောင်းပေးတဲ့ Dust to BNB features ပါဝင်ပါတယ်
Dust to BNB ကိုပြောင်းတဲ့အခါ fees ပေးစရာမလိုပါဘူး
Wallet အချင်းချင်းပြောင်းတဲ့အခါလဲ fees မပေးရပါဘူး
P2P မှာ Binance က လူပိုများပြီး Liquidity ပိုများပါတယ်

Popularity & Volume

Binance က ပို popular ဖြစ်ပြီး liquidity နဲ့ trust ပိုများတာကို တွေ့နိုင်ပါတယ်

Final Verdict

မြန်မာအခြေစိုက် trader များအတွက် ခြုံပြောရရင်
Binance ဟာ global trusted exchange ဖြစ်ပြီး market pairs ပိုများခြင်း၊ liquidity ပိုကောင်းခြင်း၊ fees နဲ့ security ပိုင်းအားသာမှု၊ support နဲ့ product ပိုင်း အားသာမှုတွေနဲ့ ဦးဆောင်နေတဲ့အတွက် ပထမ ရွေးချယ်စရာအဖြစ် သတ်မှတ်လိုက်ရပါတယ်

*အချိန်နဲ့တပြေးညီခြေရာခံတယ် (Real-Time Tracking) ဆိုတာဘာလဲ?

သင့်အနေနဲ့ ရန်ကုန်ကနေဘန်ကောက်ကို ခရီးသွားဖို့စီစဉ်နေပြီး လေယာဉ်လက်မှတ်ဝယ်ယူဖို့ လေယာဥ်ဈေးနှုန်းကို အချိန်တိုင်းစောင့်ကြည့်နေတယ်ဆိုပါစို့။
ပုံမှန်အားဖြင့် လက်မှတ်တစ်စောင်ကို ဒေါ်လာ 200 ခန့် ပေးရတယ်လို့သိထားပေမယ့် 24 နာရီအတွင်းသာအကျုံးဝင်မယ့် အထူးလျှော့စျေး (flash sale) ကြောင့် ရုတ်တရက် လက်မှတ်ဈေးနှုန်း ဒေါ်လာ 150 အထိ ကျဆင်းသွားတဲ့အချိန်မှာသာ သင့်အနေနဲ့ အချိန်နဲ့တစ်ပြေးညီ ဈေးနှုန်းတွေကို စောင့်ကြည့်နိုင်တဲ့ Mobile App ဒါမှမဟုတ် Website (ဥပမာ- Skyscanner, Google Flights) တစ်ခုခုကို အသုံးပြုနေခဲ့မယ်ဆိုရင် ဈေးနှုန်းလျှော့ချလိုက်တာကို ချက်ချင်းသိရှိပြီး သတ်မှတ်ထားတဲ့အချိန်မကုန်ခင် အဆိုပါလက်မှတ်ကိုဝယ်ယူလိုက်နိုင်မှာဖြစ်ပါတယ်။
အကယ်လို့ အဲလိုမဟုတ်ဘဲ လေယာဉ်လက်မှတ် ဈေးနှုန်းတွေ တက်တော့မယ်လို့ သတင်းအချက်အလက်တွေ (ဥပမာ- ရာသီဥတုအပြောင်းအလဲ သို့မဟုတ် ရုံးပိတ်ရက်နီးလာခြင်း) အရ သိရှိရတယ်ဆိုရင်လည်း ထိုနည်း၎င်းပဲ ဈေးနှုန်းစတင်မြင့်တက်လာတာကို ချက်ချင်းသိရှိပြီး ဈေးနှုန်းတွေပိုမိုမတက်ခင် အသင့်တော်ဆုံးအချိန်မှာ လက်မှတ်ကိုဝယ်ယူလိုက်နိုင်မှာဖြစ်ပါတယ်။
ဒီနည်းနဲ့ သင်ဟာ လေယာဉ်လက်မှတ်ဖိုး ဒေါ်လာ 50 အထိ သက်သာခွင့်ရရှိသွားနိုင်သလို နောက်ပိုင်းမှာ ဈေးပိုပေးရမယ့် အခြေအနေကနေလည်း ရှောင်ရှားနိုင်မှာဖြစ်တာကြောင့် အချိန်နဲ့တပြေးညီခြေရာခံတာက ရုတ်တရက်ပေါ်ပေါက်လာတဲ့ အခွင့်အလမ်းတွေကို လက်လွတ်မခံရအောင် ကူညီပေးနိုင်ပြီး နောက်ပိုင်းမှာ ဖြစ်လာနိုင်တဲ့ အန္တရာယ်တွေကိုပါ ရှောင်ရှားနိုင်စေဖို့ အထောက်အကူပြုမှာဖြစ်ပါတယ်။

*အချိန်နဲ့တပြေးညီခြေရာခံခြင်းရဲ့အရေးပါမှု

Cryptocurrency ဈေးကွက်မှာလည်း အလားတူပဲ အချိန်နဲ့တပြေးညီခြေရာခံခြင်းက ဈေးနှုန်းတွေမြင့်တက်လာမယ့်အလားအလာကို ကြိုတင်သိရှိပြီး စောစီးစွာဝယ်ယူခြင်းဖြင့် ပိုမိုကောင်းမွန်တဲ့ အကျိုးအမြတ်ကို ရရှိစေနိုင်သလို ဈေးနှုန်းတွေရုတ်တရက်ကျဆင်းချိန်မှာလည်း ဆုံးရှုံးမှုကိုလျှော့ချဖို့အတွက် အချိန်မီရောင်းထုတ်နိုင်စေတာကြောင့် ရင်းနှီးမြှုပ်နှံမှုအန္တရာယ်ကို ထိရောက်စွာစီမံခန့်ခွဲနိုင်စေပါတယ်။

Cryptocurrency ဈေးကွက်ဆိုတာက မတည်ငြိမ်မှု‌တွေများပြားပြီး စျေးနှုန်းတွေအနေနဲ့လည်း အချိန်တိုအတွင်း အတက်အကျအပြောင်းအလဲမြန်ဆန်တာကြောင့် မတည်ငြိမ်တဲ့စျေးကွက်တစ်ခုက Cryptocurrency စျေးနှုန်းတွေကို အချိန်နဲ့တစ်ပြေးညီခြေရာခံဖို့ မရှိမဖြစ်လိုအပ်သလို အချိန်နဲ့တစ်ပြေးညီ ခြေရာခံခြင်းအားဖြင့် ရင်းနှီးမြှုပ်နှံသူတွေအနေနဲ့ သူတို့ရဲ့ရင်းနှီးမြှုပ်နှံမှုတွေကို ပိုမိုကောင်းမွန်စွာစီမံခန့်ခွဲနိုင်မှာဖြစ်ပြီးတော့ စျေးကွက်အခြေအနေတွေကိုလည်း လျင်မြန်စွာတုံ့ပြန်နိုင်မှာဖြစ်ပါတယ်။

ဒါ့အပြင် Crypto စျေးကွက်က ကုန်သွယ်ရေးအတွက် အချိန်သတ်မှတ်ချက်မရှိဘဲ 24 နာရီပတ်လုံး လည်ပတ်နေတာကြောင့် ရင်းနှီးမြှုပ်နှံသူတွေကို ကမ္ဘာ့မည်သည့်နေရာကနေမဆို အချိန်မရွေးအရောင်းအဝယ်ပြုလုပ်လို့ရစေနိုင်တယ်ဆိုပေမယ့် ဒီအချက်ကြောင့်ပဲ မိမိအိပ်ပျော်နေချိန်မှာတောင် စျေးနှုန်းသိသာစွာပြောင်းလဲသွားနိုင်တဲ့အတွက် စျေးကွက်အပေါ် အချိန်နဲ့တစ်ပြေးညီ ခြေရာခံဖို့ မရှိမဖြစ်လိုအပ်တာဖြစ်ပါတယ်။

*အချိန်နဲ့တပြေးညီခြေရာခံတာက ရင်းနှီးမြှုပ်နှံမှုဆုံးဖြတ်ချက်တွေကို ဘယ်လိုပံ့ပိုးပေးလဲ?

အချိန်နဲ့တစ်ပြေးညီ Crypto စျေးနှုန်းတွေကိုခြေရာခံတာက ပိုမိုကောင်းမွန်တဲ့ ရင်းနှီးမြှုပ်နှံမှု ဆုံးဖြတ်ချက်တွေချမှတ်ရာမှာ အဓိကကျတဲ့အခန်းကဏ္ဍကနေပါဝင်ပြီးတော့ စျေးကွက်အပြောင်းအလဲတွေကို အချိန်နဲ့တစ်ပြေးညီ သိရှိနေခြင်းက စျေးကွက်ပြောင်းလဲမှုတွေ (market shifts) ကို လျင်မြန်စွာတုံ့ပြန်နိုင်စေတဲ့အတွက် ရင်းနှီးမြှုပ်နှံသူတွေကို market ထဲ အဝင်အထွက် (smarter entry and exit points) မှန်မှန်ကန်ကန် သတ်မှတ်နိုင်စေဖို့ကူညီပေးပြီး ဖြစ်လာနိုင်တဲ့အန္တရာယ်တွေကို ပိုမိုထိရောက်စွာ စီမံခန့်ခွဲနိုင်စေပါတယ်။

ဥပမာအားဖြင့် Crypto စျေးနှုန်းတွေကိုခြေရာခံပြီး စျေးနှုန်းမကျဆင်းမီ (downtrend) ရင်းနှီးမြှုပ်နှံမှုတွေကို ရောင်းချတာ ဒါမှမဟုတ် စျေးနှုန်းမတက်ခင် (uptrend) ဝယ်ယူတာတို့ ပြုလုပ်နိုင်တဲ့အပြင် real-time data တွေက နည်းပညာပိုင်းဆိုင်ရာ ခွဲခြမ်းစိတ်ဖြာမှု (technical analysis) ပြုလုပ်ရာမှာလည်း များစွာအထောက်အကူပြုတဲ့အတွက် စျေးနှုန်းပြောင်းလဲမှုပုံစံတွေကို ဖော်ထုတ်နိုင်ခြင်းဖြင့် အနာဂတ်စျေးနှုန်းခန့်မှန်းချက်တွေအတွက် အထောက်အကူရရှိနိုင်စေမှာဖြစ်ပါတယ်။

နိဂုံးချုပ်အားဖြင့်ဆိုရရင် မတည်ငြိမ်တဲ့ Cryptocurrency စျေးကွက်မှာ ရင်းနှီးမြှုပ်နှံသူတွေ ရှင်သန်နိုင်ဖို့ဆိုရင် အချိန်နဲ့တပြေးညီ စျေးနှုန်းတွေကိုခြေရာခံဖို့ မရှိမဖြစ်လိုအပ်ပြီး ဈေးနှုန်းတွေကိုစောင့်ကြည့်ဖို့အတွက် တိကျတဲ့အချက်အလက်တွေ၊ အပြန်အလှန်တုံ့ပြန်နိုင်တဲ့ဇယားတွေနဲ့ စွမ်းဆောင်ရည်မှတ်တမ်းတွေကိုပံ့ပိုးပေးတဲ့ Binance လို platform တွေကို ရွေးချယ်ဖို့အရေးကြီးသလို အချိန်နဲ့တစ်ပြေးညီ အချက်အလက်တွေရရှိခြင်းအားဖြင့် စျေးကွက်ပြောင်းလဲမှုတွေကို လျင်မြန်စွာတုံ့ပြန်ကာ ပိုမိုကောင်းမွန်တဲ့ ရင်းနှီးမြှုပ်နှံမှုဆုံးဖြတ်ချက်တွေချမှတ်နိုင်မှာဖြစ်တာကြောင့် ရင်းနှီးမြှုပ်နှံသူတွေအနေနဲ့ ဖြစ်လာနိုင်တဲ့အန္တရာယ်တွေကို ပိုမိုထိရောက်စွာစီမံခန့်ခွဲစေနိုင်မှာပဲ ဖြစ်ပါတယ်။

Binance Account ဖွင့်ရန်

Binance Alpha Points ဆိုတာက Users တွေအတွက် early-stage Web3 opportunities တွေမှာ အထောက်အကူဖြစ်စေမယ့် နည်းလမ်းသစ်တစ်ခုဖြစ်ပြီးတော့ Airdrop ဒါမှမဟုတ် Token Launch (TGE) တွေမှာ ဘယ်သူတွေပါဝင်ခွင့်ရရှိမလဲဆိုတာကို ဆုံးဖြတ်ပေးတဲ့အပြင် မိမိရရှိမယ့် rewards ပမာဏကိုပါသတ်မှတ်ပေးတဲ့ အရာတစ်ခုဖြစ်ပါတယ်။

ဆိုလိုတာက မိမိမှာ Binance Alpha Points များများပိုင်ဆိုင်လေ လာမယ့် Web3 project တွေရဲ့ Airdrop တွေနဲ့ Token အစောပိုင်းရောင်းချပွဲတွေမှာ ပါဝင်ခွင့်ရဖို့ အခွင့်အလမ်းပိုများလေဖြစ်ပြီး ရရှိမယ့် rewards ပမာဏဟာလည်း ပိုများနိုင်မှာဖြစ်ပါတယ်။

Alpha Points ဆိုတာဘာလဲ?

Alpha Points တွေဆိုတာ Binance Alpha Ecosystem အတွင်းမှာ မိမိဘယ်လောက်ပါဝင်ပတ်သက်နေလဲဆိုတာကိုပြသတဲ့ မှတ်တမ်းလို့ဆိုနိုင်ပြီး ဒီလိုပါဝင်ပတ်သက်မှုကို Trading လုပ်ဆောင်တာတွေ Token ကိုင်ဆောင်တာတွေအပါအဝင် Binance Wallet က Web3 လှုပ်ရှားမှုတွေနဲ့ တိုင်းတာလေ့ရှိပါတယ်။

အဆိုပါ Points တွေကိုတော့ 15 ရက် တောက်လျှောက်တွက်ချက်တဲ့စနစ်နဲ့ တိုင်းတာတာဖြစ်တဲ့အတွက် မိမိရရှိတဲ့ စုစုပေါင်း Points ဟာ 15 ရက်အတွင်းက မိမိရဲ့ Volume နဲ့ Balance ပေါ်မှာ မူတည်နေမှာဖြစ်သလို 15 ရက် ကျော်သွားတိုင်း အရင်ရက်တွေရဲ့အချက်အလက်တွေအနေနဲ့ တွက်ချက်မှုကနေဖယ်ရှားခံရကာ နောက်ထပ်ရက်သစ်ရဲ့ အချက်အလက်တွေ အစားထိုးဝင်ရောက်လာမှာ ဖြစ်တဲ့အတွက် သက်တမ်းမကုန်ခင်တော့ အသုံးပြုဖို့လိုအပ်ပါလိမ့်မယ်။

Alpha Points ဘယ်လိုရယူမလဲ?

1. Balance Points (နေ့စဉ် ပိုင်ဆိုင်မှုတန်ဖိုး): 15 ရက်အတွင်း မိမိရဲ့ Binance account မှာ ရှိတဲ့ Token တွေရဲ့ လက်ကျန်ပမာဏကို ထည့်သွင်းတွက်ချက်တာဖြစ်ပါတယ်။

* $100 – $999 = တစ်ရက်လျှင် 1 point
* $1K – $9.9K = တစ်ရက်လျှင် 2 points
* $10K – $99K = တစ်ရက်လျှင် 3 points
* $100K+ = တစ်ရက်လျှင် 4 points

2. Volume Points (Alpha Tokens စုဆောင်းဝယ်ယူမှု): 15 ရက်အတွင်း မိမိဘယ်လောက် Alpha Token တွေမှာ ဝယ်ယူမှုပြုလုပ်ခဲ့လဲဆိုတာကို ထည့်သွင်းတွက်ချက်တာဖြစ်ပါတယ်။

* $2 = 1 point
* $4 = 2 points
* $8 = 3 points
* နှစ်ဆတိုးတိုင်း +1 point (ဥပမာ: $512 = 9 points)

ဒါပေမယ့် Alpha Points တွေတွက်ချက်တဲ့အခါ Binance Wallet ဒါမှမဟုတ် Binance Exchange ကနေ တစ်ဆင့်ဝယ်ယူတဲ့ Alpha Token တွေသာ အကျုံးဝင်တာဖြစ်တဲ့အတွက် အခြား Wallet တွေဆီကနေ ပြောင်းရွှေ့ထားတဲ့ Token တွေနဲ့ စာရင်းမတင်ရသေးတဲ့ Token တွေကတော့ အကျုံးဝင်မှာမဟုတ်ပါဘူး။

Alpha Points ကို ဘယ်လိုအသုံးပြုမလဲ?

Alpha Points တွေကို Megadrop Events, TGEs နဲ့ Alpha Airdrops တွေမှာအသုံးပြုလို့ရနိုင်ပြီးတော့ ဒီ Event တွေမှာပါဝင်ဖို့ဆိုတာက မဖြစ်မနေလုပ်ရမယ့်အရာတစ်ခုမဟုတ်ဘဲ မိမိစိတ်ဝင်စားမှသာ ပါဝင်နိုင်မှာဖြစ်တဲ့အပြင် Alpha Points တွေဆိုတာက Event တွေမှာပါဝင်ရုံနဲ့ ကိုယ့်မှာရှိတဲ့ Points တွေလျော့သွားတာမျိုးမဟုတ်ဘဲ Event တစ်ခုမှာပါဝင်ပြီး ရရှိလာတဲ့ rewards တွေကို Claim လုပ်တဲ့အချိန်မှသာ မိမိရဲ့ Alpha Points တွေ လျော့သွားတာဖြစ်တဲ့အတွက် မိမိအနေနဲ့ ကိုယ်မပါဝင်ချင်တဲ့ Events မှာ ပါလိုက်မိလို့ဆိုပြီးတော့စိတ်ပူနေဖို့မလိုအပ်ပါဘူး။ ဒါပေမယ့် ဒီနေရာမှာတစ်ခုရှိတာက မိမိရရှိထားတဲ့ Alpha Points တွေကို 15 ရက်အတွင်း မသုံးရင်တော့ အလိုအလျောက်ပျက်သွားမှာ ဖြစ်တဲ့အတွက် အမြဲတမ်းအသုံးပြုနေဖို့ လိုအပ်မှာပဲဖြစ်ပါတယ်။

* Snapshot Time: နေ့စဉ် 23:59:59 UTC
* Airdrops: Claim လုပ်ပြီး 1-2 ရက်အတွင်း ထည့်သွင်းပေးပါလိမ့်မယ်။

Binance Account ဖွင့်ရန်

Spot Trade ဆိုတာဘာလဲ?

Spot Trade ဆိုတဲ့ ဝေါဟာရက နိုင်ငံခြားငွေကြေး၊ ကုန်ပစ္စည်းနဲ့ ငွေကြေးဆိုင်ရာ instrument တစ်ခုခုကို သတ်မှတ်ထားတဲ့ spot date မှာ ချက်ချင်းလက်ငင်းရရှိဖို့အတွက် ဝယ်ယူတာ (သို့) ရောင်းချတာကို ရည်ညွှန်းတာဖြစ်ပြီး Spot Trade မှာ နိုင်ငံခြားငွေလဲလှယ်ကာ အရောင်းအဝယ်ပြုလုပ်တဲ့ နှုန်းကိုတော့ Spot Exchange Rate လို့ခေါ်ဆိုပါတယ်။

Spot Contracts အများစုက ဝယ်သူဆီကို ငွေကြေး၊ ကုန်ပစ္စည်းနဲ့ ငွေကြေးဆိုင်ရာ instrument တွေ အမှန်တကယ် ပို့ဆောင်ပေးတာဖြစ်တဲ့အတွက် Forward Trade (အနာဂတ်ရက်စွဲအတွက် ကြိုတင်သတ်မှတ်ထားတဲ့ အရောင်းအဝယ်) ဒါမှမဟုတ် Futures Trade (စံသတ်မှတ်ထားတဲ့စာချုပ်နဲ့ အနာဂတ်မှာ ဝယ်ယူရောင်းချမယ့် အရောင်းအဝယ်) တွေနဲ့ မတူဘူးဆိုတာကိုတော့ သိထားဖို့လိုအပ်ပါတယ်။

Spot Trade ကို နားလည်ခြင်း

အပေါ်မှာဖော်ပြထားတဲ့အတိုင်း Spot Trade ဆိုတာ ကုန်ပစ္စည်း၊ နိုင်ငံခြားငွေကြေးနဲ့ ငွေကြေးဆိုင်ရာ instrument တစ်ခုခုပါဝင်တဲ့ ငွေကြေးဆိုင်ရာအရောင်းအဝယ်တစ်ခုဖြစ်တဲ့အတွက် ဒီလိုအရောင်းအဝယ်မျိုးတွေကို Exchanges တွေမှာလည်းကောင်း၊ Over the counter - OTC မှာလည်းကောင်း လုပ်ဆောင်နိုင်ပါတယ်။ ဥပမာအနေနဲ့ ကုန်ပစ္စည်းတွေကို အများအားဖြင့် ငွေလဲလှယ်ရေးဈေးကွက် (Exchanges) တွေမှာ အရောင်းအဝယ်လုပ်လေ့ရှိပြီး ငွေကြေးတွေကိုတော့ အများအားဖြင့် OTC မှာ အရောင်းအဝယ်လုပ်လေ့ရှိကြပါတယ်။

Over the counter - OTC ဆိုတာက ငွေကြေးဈေးကွက်တွေမှာဆိုရင် သမားရိုးကျ Stock Exchanges တွေလို နေရာမျိုးမပါဝင်ဘဲ နှစ်ဦးနှစ်ဖက်သဘောတူညီမှုနဲ့ တိုက်ရိုက်အရောင်းအဝယ်လုပ်တဲ့လုပ်ငန်းစဉ်ကို ခေါ်တာဖြစ်ပါတယ်။ ဥပမာအားဖြင့် Stock Exchanges မှာ စာရင်းမဝင်သေးတဲ့ ကုမ္ပဏီငယ်လေးတွေရဲ့ ရှယ်ယာတွေ၊ ငွေချေးစာလွှာတွေ (bonds)၊ အနာဂတ်မှာ ငွေပေးချေမယ့်စာချုပ်တွေ (derivatives) နဲ့ နိုင်ငံခြားငွေကြေးတွေကို OTC ဈေးကွက်မှာ အရောင်းအဝယ် လုပ်လေ့ရှိကြပါတယ်။ ဒီလိုအရောင်းအဝယ်မျိုးက ဝယ်သူနဲ့ရောင်းသူရဲ့ အလယ်မှာ ဘယ်အဖွဲ့အစည်းရဲ့ ကြီးကြပ်မှုမှမပါဘဲ တိုက်ရိုက်ညှိနှိုင်းပြီးတော့ စျေးနှုန်းသတ်မှတ်ကာ အရောင်းအဝယ်လုပ်ကြတာဖြစ်တဲ့အတွက် စာရင်းဝင်ပြီးသား ဈေးကွက်တွေထက်စာရင် စည်းမျဉ်းစည်းကမ်းအားနည်းနိုင်သလို ပွင့်လင်းမြင်သာမှုလည်းနည်းနိုင်ပါတယ်။

Spot Trade အမျိုးအစားတွေထဲမှာ နိုင်ငံခြားငွေလဲလှယ်တဲ့ Spot စာချုပ် (Foreign exchange spot contracts) တွေက အသုံးအများဆုံး spot trade အမျိုးအစားတွေဖြစ်ပြီး အများအားဖြင့် ဒီစာချုပ်တွေက လုပ်ငန်းလုပ်ရက် နှစ်ရက်အတွင်း ငွေကြေးလက်ဝယ်ရရှိဖို့ (ဥပမာ ဒီနေ့ ဒေါ်လာနဲ့ ယူရိုကို Spot အရောင်းအဝယ်လုပ်လိုက်ပြီဆိုရင် နောက် နှစ်ရက်အတွင်း ကိုယ်ဝယ်ထားတဲ့ ယူရိုငွေက ကိုယ့်လက်ထဲ ရောက်လာမယ်လို့ ဆိုလိုတာပါ)  သတ်မှတ်ထားသလို တခြား ငွေကြေးဆိုင်ရာ instrument အများစုကတော့ နောက်တစ်ရက် လုပ်ငန်းချိန်အတွင်းမှာ ပြီးစီးလေ့ရှိကြပါတယ်။ အဆိုပါ Spot Foreign Exchange Market က ကမ္ဘာတစ်ဝန်းမှာ Electronic စနစ်နဲ့ အလုပ်လုပ်နေတဲ့ ကမ္ဘာ့အကြီးဆုံးဈေးကွက်တစ်ခုဖြစ်သလို တစ်ရက်ကို အမေရိကန်ဒေါ်လာ 7.55 Trillion ကျော်အထိ အရောင်းအဝယ်ဖြစ်နေတဲ့အတွက် ဒီပမာဏက တခြားအတိုးနှုန်းနဲ့ ကုန်ပစ္စည်းဈေးကွက်တွေထက်တောင် အများကြီးပိုကြီးနေတယ်လို့ ဆိုရမှာဖြစ်ပါတယ်။

ဒါ့အပြင် Financial Instrument (ငွေကြေးတန်ဖိုးရှိတဲ့စာချုပ်စာတမ်း) ရဲ့ လက်ရှိစျေးနှုန်းကိုတော့ Spot Price လို့ခေါ် ပြီး ဒါက Instrument တစ်ခုကို ချက်ချင်းဝယ်ယူ ရောင်းချနိုင်တဲ့ စျေးနှုန်းတစ်ခုဖြစ်တဲ့အတွက် ဝယ်သူရောင်းသူတွေအနေနဲ့ သူတို့ရဲ့ဝယ်လိုအားနဲ့ ရောင်းလိုအားတွေကို တင်ထားခြင်းအားဖြင့် spot price ကို ဖန်တီးနိုင်မယ့်အပြင် ငွေလည်ပတ်မှုအားကောင်းတဲ့ ဈေးကွက်တွေမှာဆိုရင် လက်ကျန် orders တွေပြည့်ပြီး orders အသစ်တွေဝင်ရောက်လာတာနဲ့အမျှ spot price ဟာ စက္ကန့်တိုင်း ပြောင်းလဲမှုတွေရှိနေမှာပဲဖြစ်ပါတယ်။ ဒီနေရာမှာ Future နဲ့ Forward စာချုပ်တွေက ချက်ချင်းလက်ငင်းရောင်းဝယ်တဲ့ Spot စာချုပ်တွေနဲ့မတူဘဲ စျေးနှုန်းကွာခြားနေရတာဟာ အတိုးနှုန်းနဲ့ စာချုပ်ရဲ့သက်တမ်းကြာချိန်ကိုအခြေခံတဲ့ ငွေရဲ့တန်ဖိုးကို ထည့်တွက်ထားတာကြောင့်ဆိုတာကိုတော့ သိရှိထားရမှာဖြစ်ပါတယ်။

Crypto Spot Trading ဆိုတာ ဘယ်လိုမျိုးလဲ?

အပေါ်ကရှင်းပြခဲ့တဲ့ Spot Trading သဘောတရားနားလည်ပြီဆိုရင်‌တော့ Crypto က Spot Trading ဆိုတာကလည်း သာမန် Spot Trading ရဲ့အယူအဆနဲ့ အတူတူပါပဲ။ အဓိက ကွာခြားသွားတာက အရောင်းအဝယ်လုပ်တဲ့ Instrument တွေဟာ ရိုးရိုးငွေကြေး (ဥပမာ ဒေါ်လာ၊ ယူရို) မဟုတ်တော့ဘဲ Bitcoin, Ethereum, Binance Coin အစရှိတဲ့ Cryptocurrencies တွေ ဖြစ်သွားတဲ့အတွက် မိမိအနေနဲ့ လက်ရှိဈေးကွက်ပေါက်စျေးနဲ့ ချက်ချင်း Bitcoin ကို ဝယ်ယူနိုင်သလို မိမိမှာရှိတဲ့ Ethereum ကိုလည်း လက်ရှိစျေးနဲ့ ချက်ချင်း ရောင်းချနိုင်ပါတယ်။

ရိုးရိုး Spot Trading မှာ ငွေကြေးအပြင် ရွှေ၊ ငွေ၊ ရေနံ စတဲ့ ကုန်ပစ္စည်းတွေ (Commodities)၊ အစုရှယ်ယာတွေ (Stocks) နဲ့ ငွေချေးသက်သေခံလက်မှတ် (Bonds) တွေကို အရောင်းအဝယ်လုပ်နိုင်ကာ Crypto ဈေးကွက်တွေထက် ပိုပြီးတည်ငြိမ်လေ့ရှိသလို သက်ဆိုင်ရာအစိုးရတွေနဲ့ ဗဟိုဘဏ်တွေရဲ့ကြီးကြပ်မှုကို ခံယူထားတယ်ဆိုပေမယ့် Crypto Spot Trading ဈေးကွက်ကတော့ ပိုပြီးမတည်ငြိမ်ဖြစ်လေ့ရှိတတ်တဲ့အပြင် စည်းမျဉ်းစည်းကမ်းပိုင်းမှာလည်း နိုင်ငံအလိုက်ကွဲပြားမှုတွေ ရှိနေတတ်ပါတယ်။ နောက်ထပ် အဓိကကွာခြားချက်တစ်ခုကတော့ Crypto ဈေးကွက်က 24 နာရီ တစ်ပတ်လုံး လည်ပတ်နေပေမယ့် သာမန် Spot ဈေးကွက်တွေကတော့ သတ်မှတ်ထားတဲ့ လုပ်ငန်းချိန်အတွင်းမှာပဲ လည်ပတ်ကြတဲ့အတွက် မိမိအနေနဲ့ Crypto Spot Trading လုပ်ချင်တယ်ဆိုရင် Online မှာရှိတဲ့ Binance လို Cryptocurrency Exchange တွေကို အသုံးပြုနိုင်တာကြောင့် သာမန် Spot Trading နဲ့ယှဉ်ရင် လူတိုင်းအတွက်ပိုပြီး လွယ်ကူစွာ လက်လှမ်းမီစေနိုင်ပါတယ်။

Spot Trading ကနေ ဘယ်လို အကျိုးအမြတ်ရနိုင်လဲ?

Crypto Spot Trading က အကျိုးအမြတ်ရနိုင်တဲ့ နည်းလမ်းဟာလည်း သာမန် Spot Trading နဲ့ ဆင်တူပြီး ဈေးတက်မယ်လို့ယူဆရင်ဝယ်ယူကာ ဈေးမြင့်တက်လာတဲ့အခါ ပြန်လည်ရောင်းချခြင်းဖြင့် အမြတ်ရရှိနိုင်သလို ဆန့်ကျင်ဘက်အနေနဲ့ ဈေးကျမယ်လို့ထင်ရင် အရင်ရောင်းချထားပြီး ဈေးနှုန်းပြန်ကျလာတဲ့အခါ ပြန်လည်ဝယ်ယူခြင်းဖြင့်လည်း အမြတ်ရရှိနိုင်ပါတယ်။ ဒါပေမယ့်လည်း Crypto ဈေးကွက်က သာမန်ငွေကြေးဈေးကွက်တွေထက် ပိုပြီးမတည်ငြိမ်တာဖြစ်တဲ့အတွက် ဈေးနှုန်းတွေအနေနဲ့ အချိန်တိုအတွင်း သိသိသာသာပြောင်းလဲကာ အမြတ်ရရှိနိုင်သလို အရှုံးလည်း မြန်ဆန်စွာဖြစ်ပေါ်နိုင်တာကိုတော့ သတိပြုဖို့လိုအပ်ပါတယ်။ 

နောက်တစ်နည်းအနေနဲ့ ဈေးနှုန်းအတက်အကျအနည်းငယ်ကို အခွင့်ကောင်းယူကာ မကြာခဏ အရောင်းအဝယ်လုပ်ခြင်းဖြင့်လည်း အမြတ်ရှာနိုင်ပြီး ဒီနည်းလမ်းက တစ်ကြိမ်ကို အမြတ်နည်းနည်းသာရရှိတယ်ဆိုပေမယ့် အရောင်းအဝယ်အများအပြားလုပ်ခြင်းအားဖြင့် စုစုပေါင်းအမြတ်ပမာဏ များလာအောင်လို့ လုပ်ဆောင်နိုင်ပါတယ်။ ဒါပေမဲ့ ဒီနည်းလမ်းက ဈေးကွက်ကို အချိန်ပြည့်စောင့်ကြည့်ဖို့လိုအပ်ပြီး အန္တရာယ်လည်းများနိုင်တာဖြစ်တဲ့အတွက် မိမိအနေနဲ့ ဘယ်လိုနည်းလမ်းကိုပဲ ရွေးချယ်သည်ဖြစ်စေ ဈေးကွက်အကြောင်းလေ့လာကာ စွန့်စားနိုင်တဲ့ပမာဏကိုသာစဉ်းစားပြီး သင့်လျော်တဲ့ဗျူဟာကိုသာအသုံးပြုခြင်းအားဖြင့် ရေရှည်မှာ တသမတ်တည်း အမြတ်ရရှိနိုင်တဲ့ Trading Strategy ကို တည်ငြိမ်အောင် တည်ဆောက်ဖို့လိုအပ်မှာပဲဖြစ်ပါတယ်။

Spot Trading နဲ့ Swing Trading ခြားနားချက်

Spot Trading ဆိုတာ အပေါ်မှာပြောခဲ့သလို ငွေကြေးဆိုင်ရာပစ္စည်းတစ်ခုခုကို လက်ရှိဈေးနှုန်းနဲ့ ချက်ချင်းလက်ငင်း ဝယ်ယူရောင်းချတာကိုဆိုလိုတာဖြစ်ပြီး ဒီနေရာမှာ အရောင်းအဝယ်ကို နေ့ချင်းပြီးအောင်လုပ်တာမျိုး ဒါမှမဟုတ် ရက်ပိုင်းအတွင်း အပြီးသတ်တာမျိုးကို အဓိကထားတာဖြစ်တဲ့အတွက် ဈေးနှုန်းအတက်အကျ မြန်ဆန်တဲ့အပေါ်မူတည်ပြီး အမြတ်အစွန်းရယူတာဖြစ်ပါတယ်။

Swing Trading ကတော့ Spot Trading နဲ့မတူညီပဲ Swing Trading မှာ Traders တွေက ဈေးနှုန်းရဲ့လှုပ်ရှားမှု "swing" တစ်ခုကိုဖမ်းပြီး အမြတ်ရယူဖို့ ကြိုးစားကြတဲ့အတွက် ဈေးနှုန်း တက်လိုက်ကျလိုက်နဲ့ လှုပ်ရှားနေတဲ့အခါမျိုးမှာ တက်မယ့်အရှိန်ရလာပြီဆိုရင်ဝယ်ယူပြီး ဈေးအမြင့်ဆုံးကိုရောက်ခါနီးမှ ပြန်ရောင်းချတာမျိုးဖြစ်ဖြစ် ဒါမှမဟုတ် ဈေးနှုန်းကျမယ့်အရှိန်ရလာပြီဆိုရင်ရောင်းချပြီး ဈေးအနိမ့်ဆုံးကိုရောက်ခါနီးမှ ပြန်ဝယ်ယူတာမျိုးဖြစ်ဖြစ် လုပ်ဆောင်ကြပါတယ်။ Swing Trading ရဲ့ အဓိကကွာခြားချက်ကတော့ အရောင်းအဝယ်တစ်ခုကို ရက်ပေါင်းများစွာ ဒါမှမဟုတ် ရက်သတ္တပတ်အနည်းငယ်အထိ ကိုင်ထားနိုင်ပြီး ရေတို ဈေးနှုန်းအပြောင်းအလဲထက် ဈေးနှုန်းရဲ့ အကြီးစားလှုပ်ရှားမှုကို အဓိကပစ်မှတ်ထားတာဖြစ်တာကြောင့် Traders တွေအနေနဲ့ နေ့စဉ်ဈေးကွက်ကို အချိန်ပြည့်စောင့်ကြည့်နေစရာမလိုဘဲ အချိန်အတော်ကြာဈေးနှုန်းတက်လာမယ့် (သို့) ကျသွားမယ့်လမ်းကြောင်းကို စောင့်ဆိုင်းပြီးမှ အရောင်းအဝယ်လုပ်လေ့ရှိကြတာဖြစ်ပါတယ်။

Spot Market Trading ဥပမာတစ်ခု

Spot Market Trading ရဲ့ အလွယ်ဆုံးဥပမာတစ်ခုပေးရမယ်ဆိုရင် သင်ဟာ ယူရိုငွေစျေးတက်လာမယ်လို့ ယူဆတဲ့အတွက် လက်ရှိ 1 EUR = 1.08 USD နှုန်းနဲ့ ယူရို 100 ကို ဝယ်ယူလိုက်တယ်ဆိုပါစို့။ ဒါဟာ Spot Market မှာ ချက်ချင်းလက်ငင်း ဝယ်ယူလိုက်တာဖြစ်တဲ့အတွက် နောက်ရက်အနည်းငယ်ကြာတဲ့အခါမှာသာ ယူရိုငွေစျေးက 1 EUR = 1.10 USD အထိ တက်လာခဲ့တယ်ဆိုရင် သင်ဟာ သင့်ရဲ့ ယူရို 100 ကို ပြန်လည်ရောင်းချခြင်းဖြင့် အမေရိကန်ဒေါ်လာ 110 ရရှိကာ ဒီအရောင်းအဝယ်ကနေ အမေရိကန်ဒေါ်လာ 2 ‌ဒေါ်လာ အမြတ်ရရှိခဲ့တာကို တွေ့ရမှာဖြစ်ပါတယ်။

အလားတူပဲ Cryptocurrency ဈေးကွက်မှာလည်း ဥပမာ Bitcoin စျေးနှုန်းက ဒေါ်လာ 100,000 ဖြစ်နေချိန်မှာ Bitcoin အနည်းငယ်ကို ဝယ်ယူထားလိုက်ပြီး ရက်အနည်းငယ်ကြာတဲ့အခါ Bitcoin စျေးနှုန်း ဒေါ်လာ 102,000 အထိ မြင့်တက်သွားခဲ့တယ်ဆိုရင် သင်ဟာ သင့်ရဲ့ Bitcoin ကို ပြန်လည်ရောင်းချခြင်းဖြင့် အမြတ်ရရှိအောင်လုပ်ဆောင်နိုင်ပါတယ်။ တစ်နည်းဆိုရရင် Spot Market Trading က ချက်ချင်းလက်ငင်း အရောင်းအဝယ်လုပ်ကြတဲ့ Market တစ်ခု ဖြစ်တာနဲ့အညီ မိမိအနေနဲ့ အမြတ်ရယူချင်တယ်ဆိုရင်တော့ဖြင့် ဈေးကွက်ရဲ့အပြောင်းအလဲတွေကို အချိန်နဲ့တပြေးညီ အလျင်အမြန်တုံ့ပြန်နိုင်ဖို့ အရေးကြီးပါတယ်။

အချုပ်ဆိုရရင် ဒီဆောင်းပါးမှာ Spot Trading ရဲ့ အခြေခံသဘောတရား၊ ဘယ်လိုအလုပ်လုပ်တယ်၊ အကျိုးအမြတ် ဘယ်လိုရနိုင်တယ်ဆိုတဲ့ ရှင်းပြချက်တွေအပါအဝင် Spot/Swing Trading ကွာခြားချက်တွေနဲ့ Spot Market Trading ဥပမာတို့ကို ဖော်ပြပေးခဲ့တဲ့အတွက် ဒီအချက်အလက်တွေကိုဖတ်ရှုခြင်းအားဖြင့် Spot Trading ရဲ့ အခြေခံသဘောတရားတွေကိုနားလည်သိရှိပြီး ဒီဈေးကွက်မှာ ပါဝင်ဖို့အတွက် အခြေခံကောင်းတစ်ခုကို ရရှိသွားလိမ့်မယ်လို့ မျှော်လင့်ပါတယ်။

Binance Account ဖွင့်ရန်

Cryptocurrency ဟာ တခြားရင်းနှီးမြှုပ်နှံမှုတွေနဲ့ မတူညီတဲ့ Assets တစ်မျိုးဖြစ်ပေမယ့် Traditional ရင်းနှီးမြှုပ်နှံမှုစည်းမျဉ်းတွေနဲ့လည်း အကျုံးဝင်နေဆဲဖြစ်တဲ့အတွက် ကောင်းမွန်တဲ့ Crypto Portfolio တစ်ခု ဖန်တီးနိုင်ဖို့ ရင်းနှီးမြှုပ်နှံမှုတွေကို အမျိုးအစားခွဲခြားခြင်းရဲ့ အရေးပါမှုကို သိရှိထားဖို့လိုအပ်ပါတယ်။ Stock ဈေးကွက်နဲ့ရင်းနှီးကျွမ်းဝင်တဲ့ ရင်းနှီးမြှုပ်နှံသူတွေအတွက်ကတော့ Cryptocurrency ရင်းနှီးမြှုပ်နှံမှုတွေကို အမျိုးအစားခွဲခြားတာဟာ စိန်ခေါ်မှုအသစ်တွေကိုပေးစွမ်းနိုင်တဲ့အပြင် Cryptocurrency ဈေးကွက်ရဲ့အန္တရာယ်နဲ့ မတည်ငြိမ်မှုတွေကြောင့် ခိုင်မာတဲ့ရင်းနှီးမြှုပ်နှံမှု Project ကောင်းတွေကို ရှာဖွေရခက်ခဲစေနိုင်ပါတယ်။

ဒါကြောင့် မိမိအနေနဲ့ ကိုယ့်ရဲ့ Crypto ရင်းနှီးမြှုပ်နှံမှုတွေကို တိုးတက်စေဖို့အတွက် ကောင်းမွန်တဲ့ Crypto Portfolio တစ်ခုရှိထားဖို့လိုအပ်သလို ရင်းနှီးမြှုပ်နှံထားတာတွေကို ပြန်ရောင်းတဲ့အခါမှာလည်း လိုအပ်သလို ပြန်လည်ထိန်းညှိတတ်ဖို့လိုအပ်ပါတယ်။ ကောင်းမွန်တဲ့ Crypto Portfolio ဆိုတာက မတူညီတဲ့နယ်ပယ်အသီးသီးက Crypto အမျိုးအစားအများအပြားပါဝင်တဲ့ ရင်းနှီးမြှုပ်နှံမှုအုပ်စုတစ်ခုကို ဆိုလိုတာဖြစ်ပြီးတော့ Crypto Portfolio လုပ်ရတာရဲ့ အဓိကရည်ရွယ်ချက်က မိမိရဲ့ Crypto Portfolio နဲ့ Investment Portfolio အကြား ငွေကြေးမျှတမှု‌ရှိအောင် ထိန်းသိမ်းနိုင်ဖို့အတွက် လုပ်ဆောင်ကြရတာဖြစ်ပါတယ်။ 

နောက်ပြီး Cryptocurrency ဟာ အန္တရာယ်များတဲ့ ရင်းနှီးမြှုပ်နှံမှုတစ်မျိုးဖြစ်တာကြောင့် မိမိရင်းနှီးမြှုပ်နှံမှုစုစုပေါင်းရဲ့ အနည်းငယ်သော ရာခိုင်နှုန်းကိုသာ ရင်းနှီးသင့်တဲ့အပြင် မိမိ Crypto ရင်းနှီးမြှုပ်နှံမှုတွေရဲ့ တန်ဖိုးမြင့်တက်လာခဲ့မယ်ဆိုရင်လည်း ကိုယ့်ရဲ့ရင်းနှီးမြှုပ်နှံမှုစုစုပေါင်းက Crypto အပေါ် အလေးသာသွားတာမျိုး မဖြစ်ရ‌လေအောင်လို့ အချို့ Assets တွေကိုတော့ ပြန်ရောင်းထုတ်ဖို့လိုအပ်မှာပဲဖြစ်ပါတယ်။

Crypto Portfolio အမျိုးအစားများ

1. ဈေးကွက်မှာဦးဆောင်နေတဲ့ Crypto တွေကိုဝယ်ယူပါ

Crypto Portfolio ထဲက အရိုးရှင်းဆုံးနည်းလမ်းတစ်ခုကတော့ ဈေးကွက်တန်ဖိုးအကြီးဆုံး Crypto တွေကြားမှာ မိမိရဲ့ရန်ပုံငွေတွေကို ခွဲဝေချထားတာဖြစ်ပြီး ဥပမာအားဖြင့် ကိုယ့်မှာ ဒေါ်လာ 100 ရှိတယ်ဆိုရင် Bitcoin မှာ ဒေါ်လာ 40၊ Ethereum မှာ ဒေါ်လာ 30 နဲ့ ကျန်တဲ့ ဒေါ်လာ 30 ကို တခြားဈေးကွက်တန်ဖိုးကြီးတဲ့ Crypto တစ်ခု (သို့) နှစ်ခုမှာ ခွဲဝေရင်းနှီးမြှုပ်နှံနိုင်ပါတယ်။ ဒီနည်းလမ်းက ဈေးကွက်မှာ သက်တမ်းရင့်ပြီးသား Crypto တွေကို အဓိကထားတာကြောင့် တခြားအသစ်ထွက်ရှိလာတဲ့ Crypto တွေထက် အန္တရာယ်နည်းနိုင်တယ်ဆိုပေမယ့် Crypto ဈေးကွက်က အမြဲတမ်းမတည်ငြိမ်နိုင်တာကိုတော့ သတိပြုရပါလိမ့်မယ်။

ပုံမှန်အားဖြင့် ဒီနည်းလမ်းက ဈေးကွက်မှာဦးဆောင်နေတဲ့ Crypto တွေကို ခွဲဝေရင်းနှီးမြှုပ်နှံရတာဆိုပေမယ့် USDT နဲ့ USDC တို့လို ဈေးကွက်မှာ ဦးဆောင်နေတဲ့ Stablecoin တွေကတော့ 1 ဒေါ်လာတန်ဖိုးကိုထိန်းသိမ်းပြီး တန်ဖိုးမြင့်တက်လာဖို့  ဒီဇိုင်းထုတ်ထားတာမဟုတ်တဲ့အတွက် မိမိအနေနဲ့ သူတို့ကိုကျော်ချင်ရင် ကျော်သွားလို့ရပါတယ်။

2. အသုံးပြုမှုမတူညီတဲ့ Crypto တွေကို အဓိကထားပါ

Crypto တွေမှာ အမျိုးမျိုးသော အသုံးပြုမှုတွေရှိတဲ့အတွက် မိမိအနေနဲ့ ဘယ်မှာရင်းနှီးမြှုပ်နှံရမလဲဆိုတာကို သူတို့ရဲ့အသုံးပြုမှုအပေါ်မူတည်ပြီး ဆုံးဖြတ်လို့ရပါတယ်။

* Payments and Transfers - တချို့ Crypto တွေက ငွေပေးငွေယူအတွက် အဓိကအသုံးပြုလို့ရပါတယ်။ (eg. Bitcoin, Litecoin)

* Store of Value - တချို့ Crypto တွေက တန်ဖိုးကိုရေရှည်ထိန်းသိမ်းဖို့အတွက် သင့်တော်ပါတယ်။ (eg. Bitcoin)

* DeFi - တချို့ Crypto တွေက ဗဟိုချုပ်ကိုင်မှုမရှိတဲ့ ငွေကြေးဝန်ဆောင်မှုတွေကို ပံ့ပိုးပေးပါတယ်။ (eg. Ethereum, Aave)

* NFT - တချို့ Crypto တွေက Digital Assets တွေကို ကိုယ်စားပြုတဲ့ NFT တွေနဲ့ ဆက်စပ်နေပါတယ်။ (eg. Ethereum, Solana)

အခုလိုမတူညီတဲ့ Use Case အပေါ်လိုက်ပြီးတော့ Crypto အမျိုးအစားခွဲတွေအများကြီးရှိတဲ့အတွက် မိမိအ‌နေနဲ့ Use Case အမျိုးအစားအချို့ကိုရွေးချယ်ပြီး တစ်ခုချင်းစီအတွက်သင့်တော်တဲ့ Crypto တစ်ခု (သို့) နှစ်ခုမှာ ရင်းနှီးမြှုပ်နှံခြင်းအားဖြင့် ကိုယ့်ရဲ့Crypto Portfolio ကို တည်ဆောက်နိုင်ပါတယ်။

3. Smart contract blockchain network တွေမှာ ရင်းနှီးမြှုပ်နှံပါ

အအောင်မြင်ဆုံး Crypto Project အချို့က Smart contract တွေကို လုပ်ဆောင်နိုင်တဲ့ blockchain network တွေဖြစ်တဲ့အလျောက် blockchain တစ်ခုစီမှာ သူ့ရဲ့အားသာချက်နဲ့ အားနည်းချက်တွေရှိတဲ့အတွက် ရင်းနှီးမြှုပ်နှံသူအချို့ကတော့ သူတို့ရဲ့ငွေတွေကို Crypto Project အများအပြားထဲမှာ ခွဲဝေရင်းနှီးမြှုပ်နှံလေ့ရှိကြပါတယ်။

4. Cryptocurrency ဆိုင်ရာ Stock ရှယ်ယာတွေကိုလေ့လာပါ

Digital Assets တွေနဲ့ပတ်သက်လာရင် Cryptocurrencies တွေက တစ်ခုတည်းသော ရင်းနှီးမြှုပ်နှံမှုရွေးချယ်စရာ မဟုတ်ဘဲ မိမိအနေနဲ့ crypto, blockchain နည်းပညာကုမ္ပဏီတွေဖြစ်တဲ့ Cryptocurrency ဆိုင်ရာ Stock ရှယ်ယာတွေမှာလည်း ရင်းနှီးမြှုပ်နှံနိုင်တဲ့အတွက်  မိမိရဲ့ Crypto Portfolio ရင်းနှီးမြှုပ်နှံမှုအတွက် ကောင်းမွန်တဲ့ရွေးချယ်မှုတစ်ခု ဖြစ်စေနိုင်ပါတယ်။

5. တိုးတက်နိုင်ခြေရှိတဲ့ Crypto Token တွေမှာ ရင်းနှီးမြှုပ်နှံပါ

Crypto မှာ ရင်းနှီးမြှုပ်နှံရတာရဲ့ စိတ်လှုပ်ရှားစရာအကောင်းဆုံးအပိုင်းတစ်ခုက အလားအလာရှိတဲ့ သေးငယ်တဲ့ Project တွေမှာ ရင်းနှီးမြှုပ်နှံတာဖြစ်ပြီး သေးငယ်တဲ့ Crypto project တွေက ကျရှုံးနိုင်ခြေပိုများပေမယ့် အကယ်လို့အောင်မြင်သွားခဲ့မယ်ဆိုရင်လည်း အတော်လေးအမြတ်အစွန်းရရှိနိုင်ပါတယ်။ ဒါပေမဲ့ ရင်းနှီးမြှုပ်နှံမှုမပြုလုပ်ခင်မှာတော့ သေသေချာချာ သုတေသနပြုလုပ်ဖို့လိုအပ်ပြီး အထူးသဖြင့် သေးငယ်တဲ့ Crypto Projects တွေမှာ ရင်းနှီးမြှုပ်နှံတဲ့အခါ လိမ်လည်ခံရနိုင်ခြေပိုများတာကြောင့် အမြဲတမ်းသတိထားဖို့အရေးကြီးပါတယ်။

ရင်းနှီးမြှုပ်နှံမှုနည်းဗျူဟာများ

ရင်းနှီးမြှုပ်နှံသူတွေအနေနဲ့ ဘယ် Coin တွေ ဝယ်ရမလဲဆိုတာကို အဓိကထားတဲ့အပြင်ကိုမှ မှန်ကန်တဲ့ရင်းနှီးမြှုပ်နှံမှု နည်းဗျူဟာကိုရွေးချယ်တာကလည်း မိမိရဲ့ Crypto Portfolio တည်‌ဆောက်တဲ့နေရာမှာ အရေးကြီးတဲ့အခန်းကဏ္ဍကနေပါဝင်ပါတယ်။

1. Dollar-cost averaging - DCA
DCA နည်းဗျူဟာက Crypto ထဲကို ငွေအနည်းငယ်နဲ့ ပုံမှန်ရင်းနှီးမြှုပ်နှံတာကိုဆိုလိုတာဖြစ်ပြီး တစ်ကြိမ်တည်းနဲ့ ငွေအများကြီးရင်းနှီးမြှုပ်နှံမယ့်အစား နေ့စဥ်၊ အပတ်စဥ် ဒါမှမဟုတ် လစဥ် ငွေအနည်းငယ်စီနဲ့ ဝယ်ယူတာမျိုးဖြစ်တဲ့အတွက် ဈေးနှုန်းတွေအတက်အကျရှိနေချိန်မှာ ပုံမှန်ဝယ်ယူသွားခြင်းအားဖြင့် မိမိရဲ့ ဝယ်ယူမှုပျမ်းမျှစျေးနှုန်းကိုချိန်ညှိပေးကာ ဈေးအများကြီးပေးပြီး ဝယ်ယူမိနိုင်တဲ့အန္တရာယ်ကို လျှော့နည်းစေပါတယ်။ တနည်းအားဖြင့် ဈေးနှုန်းတွေမြင့်တက်နေချိန်မှာ ဝယ်ယူမိမှာကိုစိုးရိမ်ပြီး ရင်းနှီးမြှုပ်နှံမှုကိုရပ်တန့်ထားမယ့်အစား DCA နည်းဗျူဟာကို အသုံးပြုခြင်းအားဖြင့် ရေရှည်မှာပိုကောင်းတဲ့ အကျိုးအမြတ်တွေရရှိနိုင်ပါတယ်။

2. Micro-investing
Micro-investing က DCA နဲ့ဆင်တူပေမယ့် DCA လိုမျိုး ငွေပမာဏမသတ်မှတ်ထားတာမျိုးမဟုတ်ဘဲ သတ်မှတ်ထားတဲ့ ငွေပမာဏအနည်းငယ်နဲ့သာ ထပ်တလဲလဲဝယ်ယူတာဖြစ်တဲ့အတွက် ငွေနည်းနည်းနဲ့ ရင်းနှီးမြှုပ်နှံမှုစတင်နိုင်မယ့် နည်းဗျူဟာတစ်ခုလို့ဆိုနိုင်ပါတယ်။ ဒီနည်းလမ်းက ငွေပမာဏအများကြီး မသုံးနိုင်သူတွေအတွက်အဆင်ပြေပြီး စည်းကမ်းရှိရှိနဲ့ ပုံမှန်ရင်းနှီးမြှုပ်နှံတဲ့အလေ့အထကို တည်ဆောက်ပေးနိုင်သလို ရင်းနှီးမြှုပ်နှံမှုပမာဏ သေးငယ်ပေမယ့်လည်း အချိန်ကြာလာတာနဲ့အမျှ မိမိရဲ့ရင်းနှီးမြှုပ်နှံမှုက တဖြည်းဖြည်းနဲ့ တိုးပွားလာနိုင်ပါလိမ့်မယ်။

3. Value investing

Value investing ဆိုတာက Crypto Project တစ်ခုရဲ့ အနာဂတ်မှာရရှိနိုင်မယ့် ဝင်ငွေကိုကြည့်ပြီး Project ရဲ့ တန်ဖိုးအမှန်ကိုသတ်မှတ်တဲ့နည်းလမ်းနဲ့ လက်ရှိမှာတန်ဖိုးနည်းနေတဲ့ project တွေကိုရှာဖွေကာ ရင်းနှီးမြှုပ်နှံတဲ့နည်းဗျူဟာဖြစ်တာကြောင့် ဈေးကွက်က လက်ရှိမှာတန်ဖိုးမပေးသေးပေမယ့် အနာဂတ်မှာတိုးတက်လာဖို့ အလားအလာရှိတဲ့ Project တွေကို ရွေးချယ်ရင်းနှီးမြှုပ်နှံခြင်းအားဖြင့် ရေရှည်မှာသိသာတဲ့ အကျိုးအမြတ်ကို ရရှိစေနိုင်ပါတယ်။

4. Growth investing

ဒီနည်းလမ်းကတော့ ရင်းနှီးမြှုပ်နှံသူတွေက အနာဂတ်မှာ တန်ဖိုးအများကြီးတက်လာနိုင်တဲ့ အလားအလာရှိတဲ့ Crypto Project တွေကို အဓိကထားတာဖြစ်ပြီး လက်ရှိမှာ ဝင်ငွေသိပ်မရှိသေးရင်တောင် အနာဂတ်မှာကြီးမားတဲ့ တန်ဖိုးတွေရရှိနိုင်မယ်လို့ ယူဆတဲ့ Project တွေကို ရှာဖွေကာ ရင်းနှီးမြှုပ်နှံတာကို ဆိုလိုတာဖြစ်ပါတယ်။

5. Technical analysis

Technical analysis ဆိုတာ ဈေးကွက်ရဲ့ အချက်အလက်တွေကိုလေ့လာပြီး အားသာချက်ရှိတဲ့အခြေအနေတွေကိုအသုံးချတာဖြစ်တဲ့အတွက် အရောင်းအဝယ်တိုင်းကို မှန်ကန်စွာမလုပ်ဆောင်နိုင်ပေမယ့် နည်းပညာပိုင်းဆိုင်ရာ ခွဲခြမ်းစိတ်ဖြာမှုနဲ့ စီမံခန့်ခွဲမှုတို့သာ ပေါင်းစပ်လိုက်မယ်ဆိုရင်တော့ အချိန်ကြာလာတာနဲ့အမျှ မိမိရဲ့ Portfolio ကို တိုးပွားစေလာနိုင်ပါတယ်။

6. HODL
လူတွေအများဆုံးအသုံးပြုကြတဲ့ HODLing ဆိုတာ ရင်းနှီးမြှုပ်နှံသူတစ်ယောက်က Coin တစ်ခုကိုဝယ်ယူပြီး ဈေးနှုန်းအတက်အကျ ဘယ်လိုပဲဖြစ်ပါစေ ရေရှည်ကိုင်ထားတာကိုဆိုလိုတာဖြစ်ပါတယ်။ ဒီနည်းလမ်းက အားလုံးထဲမှာ အလွယ်ကူဆုံးနည်းဗျူဟာတွေထဲက တစ်ခုဖြစ်ပြီး မှန်ကန်တဲ့ Coin တွေကို ရေရှည်ကိုင်ထားသူတွေအတွက်တော့ အအောင်မြင်ဆုံးနည်းဗျူဟာတစ်ခုလို့ ဆိုရမှာဖြစ်ပါတယ်။

Crypto Portfolio ရဲ့ အားသာချက်နဲ့ အားနည်းချက်

အခုလို Crypto Portfolio အမျိုးအစားတွေနဲ့ ရင်းနှီးမြှုပ်နှံမှုနည်းဗျူဟာတွေကို သိရှိပြီးတဲ့‌နောက် Portfolio ရဲ့ အကြီးမားဆုံးအားသာချက်ကိုပြောရမယ်ဆိုရင်တော့ Crypto Portfolio က ရင်းနှီးမြှုပ်နှံမှုနဲ့ပတ်သက်လို့ အန္တရာယ်နည်းပါးတာဖြစ်တဲ့အတွက် မိမိမှာသာ ကောင်းမွန်တဲ့ Portfolio တစ်ခုသာ ရှိခဲ့မယ်ဆိုရင် Crypto တစ်ခုတည်းရဲ့အောင်မြင်မှုနဲ့ ကျရှုံးမှုအပေါ်မှာမူတည်ပြီး ငွေအများကြီးဆုံးရှုံးရတဲ့ကိစ္စမျိုးတွေ ကြုံတွေ့ရတော့မှာမဟုတ်ပါဘူး။

ဒါပေမယ့် တဖက်ကကြည့်ပြန်ရင်လည်း သင့်တော်တဲ့ Crypto ရှာဖွေတာတွေ၊ Assets ခွဲဝေမှုကိုဆုံးဖြတ်တာတွေနဲ့ Portfolio ကို ပြန်လည်ထိန်းညှိတာတွေက အချိန်ယူရတဲ့အပြင် ဈေးကွက်ကလည်း အလွန်မတည်ငြိမ်တဲ့အတွက် ကောင်းမွန်တဲ့ Crypto Ptorfolio ကနေတဆင့် အောင်မြင်မှုရမရဆိုတာကို အာမခံချက်မပေးနိုင်သလို အကျိုးအမြတ်ရမရဆိုတာကလည်း မသေချာလှပါဘူး။ အလှုပ်အခတ်ကြမ်းလှတဲ့ Crypto ပင်လယ်ကြီးမှာ အလှုပ်ကြမ်းတိုင်း ဆုံးရှုံးမှုနည်းအောင်လို့သာ လှေရဲ့ကိုယ်ထည်ကို ခိုင်ခံ့အောင်လုပ်တာဖြစ်တဲ့အတွက် မုန်တိုင်းကြမ်းလာရင်တောင် လှေမနစ်ဘူးဆိုပြီးတော့ မိမိရဲ့ပိုင်ဆိုင်မှုတွေကို Crypto ထဲအကုန်ထည့်ပြီး ရင်းနှီးမြှုပ်နှံတာမျိုးတော့ လုံးဝမပြုလုပ်သင့်ပါဘူး။

အချုပ်ဆိုရရင် မျှတတဲ့ Crypto Portfolio တစ်ခုတည်ဆောက်ဖို့ဆိုတာက ထင်ထားသလို ခက်ခဲနေတာမျိုးမဟုတ်ဘဲ မိမိရဲ့ရင်းနှီးမြှုပ်နှံမှုရည်မှန်းချက်တွေ၊ မိမိခံနိုင်ရည်ရှိတဲ့ အဆင့်နဲ့ကိုက်ညီမယ့် မတူညီတဲ့ရင်းနှီးမြှုပ်နှံမှုနည်းဗျူဟာတွေကိုသာ သေချာလေ့လာပြီး လက်တွေ့ကျကျအသုံးချနိုင်မယ် အသုံးချတတ်မယ်ဆိုရင် ကောင်းမွန်တဲ့ Crypto Portfolio နဲ့ ရေရှည်မှာအောင်မြင်တဲ့ အကျိုးအမြတ်တွေကိုရရှိစေနိုင်မှာပဲဖြစ်ပါတယ်။

Binance Account ဖွင့်ရန်

အကယ်လို့ သင်သာ ဈေးဝယ်စင်တာတစ်ခုကို ရောက်နေပြီး စင်တာထဲက အဓိကဆိုင်ကြီး (Bitcoin) တစ်ခုရှေ့မှာရပ်နေတဲ့အချိန် အဲဒီဆိုင်ကြီးမှာသာ လူတွေနဲ့စည်ကားနေခဲ့မယ်ဆိုရင် (Bitcoin Dominance မြင့်နေချိန်) အဆိုပါအခြေအနေအရ ဈေးဝယ်စင်တာတစ်ခုလုံးရဲ့ လူစိတ်ဝင်စားမှုကိုခန့်မှန်းနိုင်သလို ဘယ်ဆိုင်က လူကြိုက်များနေလဲဆိုတာကိုပါ သိနိုင်ပါလိမ့်မယ်။ အလားတူ Cryptocurrency လောကထဲ စတင်ခြေချမယ့်သူတွေအပါအဝင် အတွေ့အကြုံရင့်ကျက်တဲ့ရင်းနှီးမြှုပ်နှံသူတွေပါ Cryptocurrency ရင်းနှီးမြှုပ်နှံမှုမှာ အောင်မြင်နိုင်ဖို့ဆိုရင် Bitcoin Dominance အကြောင်းကိုသိထားဖို့ မဖြစ်မနေလိုအပ်သလို ဒီအညွှန်းကိန်းက ဈေးကွက်ရဲ့လားရာကို ခန့်မှန်းနိုင်တဲ့ သော့ချက်တစ်ခုဖြစ်တဲ့အတွက် မိမိရဲ့ရင်းနှီးမြှုပ်နှံမှုတွေကို ဘယ်လိုကာကွယ်ရမလဲဆိုတာ လမ်းညွှန်ပေးနိုင်မှာဖြစ်ပါတယ်။

Bitcoin Dominance (BTC.D) ဆိုတာဘာလဲ

Bitcoin Dominance (BTC.D) ဆိုတာ Cryptocurrency ဈေးကွက်တစ်ခုလုံးကို Bitcoin က ဘယ်လောက်ရာခိုင်နှုန်းအထိ လွှမ်းမိုးထားလဲဆိုတာပြသတဲ့ စံနှုန်းတစ်ခုဖြစ်ပြီး ဒီအချိုးကိုတော့ Bitcoin ဈေးကွက်တန်ဖိုးကို Cryptocurrency အားလုံးရဲ့စုစုပေါင်းဈေးကွက်တန်ဖိုးနဲ့ ပိုင်းခြင်းဖြင့်တွက်ချက်ကာ (ဥပမာ Bitcoin ဈေးကွက်တန်ဖိုးက ဒေါ်လာ 600 billion ရှိပြီး စုစုပေါင်း Crypto ဈေးကွက်တန်ဖိုးက ဒေါ်လာ 1.5 Trillion ဖြစ်မယ်ဆိုရင် BTC.D က 40% ဖြစ်ပါလိမ့်မယ်) ရလဒ်ကို ရာခိုင်နှုန်းနဲ့ဖော်ပြတာဖြစ်တဲ့အတွက် အဆိုပါအတိုင်းအတာကို Trader တွေ၊ လေ့လာသုံးသပ်သူတွေနဲ့ ရင်းနှီးမြှုပ်နှံသူတွေက Bitcoin နဲ့ ဈေးကွက်တစ်ခုလုံးရဲ့အခြေအနေကိုပြသတဲ့အညွှန်းကိန်းတစ်ခုအဖြစ် စောင့်ကြည့်လေ့ရှိကြပါတယ်။ Bitcoin Dominance မြင့်မားတာက ပုံမှန်အားဖြင့် ဈေးကွက်တည်ငြိမ်တဲ့အချိန်နဲ့ နိုင်ငံရေးအခြေအနေကောင်းတဲ့ကာလတွေမှာ မြင့်တက်လေ့ရှိပေမယ့် ဆန့်ကျင်ဘက်အနေနဲ့ အခြား Altcoins တွေအပေါ် စိတ်ဝင်စားမှုတိုးလာတာ ဒါမှမဟုတ် Risk ယူပြီး အမြတ်ရယူလိုတဲ့အခြေအနေမျိုးတွေမှာတော့ Bitcoin Dominance ကျဆင်းလေ့ရှိတတ်ပါတယ်။

2025 မေလ အခြေအနေ

2025 ခုနှစ် မေလမှာတော့ Bitcoin Dominance ဟာ 2021 ခုနှစ်နောက်ပိုင်း ပထမဆုံးအကြိမ်အဖြစ် လေးနှစ်တာအတွင်းအမြင့်ဆုံးဖြစ်တဲ့ 64% ကျော်အထိမြင့်တက်လာခဲ့တဲ့အတွက် ဒီလိုမြင့်တက်လာတာကိုကြည့်ခြင်းအားဖြင့် ရင်းနှီးမြှုပ်နှံသူတွေအနေနဲ့ Bitcoin ကိုပိုပြီးယုံကြည်ကာ ရင်းနှီးမြှုပ်နှံလာကြတာကိုတွေ့မြင်ရမှာဖြစ်ပါတယ်။ သမိုင်းအရ BTC Dominance မြင့်တက်လာတာဟာ မတည်ငြိမ်တဲ့ Altcoins ထဲကငွေတွေ Bitcoin ဆီ ပြန်လည်ရောက်ရှိလာတာဖြစ်ပြီးတော့ ဈေးကွက်အားမကောင်းဘဲ ကျဆင်းနေတဲ့အချိန်တွေမှာ ရင်းနှီးမြှုပ်နှံသူတွေက အန္တရာယ်နည်းတယ်လို့ထင်တဲ့ Bitcoin မှာသာ ရင်းနှီးမြှုပ်နှံလေ့ရှိတာကြောင့် Altcoins ဈေးတွေတက်လာဖို့ကတော့ လက်ရှိမှာမလွယ်ကူလှသေးပါဘူး။ အထူးသဖြင့် 2022-2023 ခုနှစ်က Terra Luna ပြိုလဲတာ၊ FTX ဒေဝါလီခံရတာ၊ Silvergate နဲ့ Silicon Valley Bank တို့မအောင်မြင်တာ အစရှိတဲ့ ဈေးကွက်အဖြစ်အပျက်အခြေအနေတွေကြောင့်လည်း ရင်းနှီးမြှုပ်နှံသူတွေက Altcoins တွေကို အရင်ကထက်ပိုပြီး သံသယဝင်လာကြတဲ့အတွက် Bitcoin Dominance မြင့်မားလာရတာဖြစ်သလို Bitcoin ကို အဖွဲ့အစည်းကြီးတွေကပါ လက်ခံလာကြတာကြောင့် Bitcoin ရဲ့အရေးပါမှုဟာ အရင်ကထက်မြင့်တက်လာရတာဖြစ်ပါတယ်။ အကယ်လို့ Bitcoin Dominance သာ ဆက်လက်မြင့်တက်နေမယ်ဆိုရင်တော့ BTC.D အတွက် သမိုင်းဝင် resistance level ဖြစ်တဲ့ 71% အမှတ်ကိုပါ ပစ်မှတ်ထားလာနိုင်မှာဖြစ်ပါတယ်။

အခုလို Bitcoin Dominance မြင့်မားတဲ့ကာလတွေမှာဆိုရင်တော့ ရင်းနှီးမြှုပ်နှံသူတွေအနေနဲ့ မတည်ငြိမ်တဲ့ Altcoins တွေထက် မိမိတို့ရဲ့ Portfolio Strategy ထဲမှာ Bitcoin ကို ပိုပြီး ထည့်သွင်းစဉ်းစားသင့်သလို Bitcoin ကို Digital Gold လို့ တင်စားခေါ်ဝေါ်ကြတဲ့အတွက်လည်း စီးပွားရေးဆိုင်ရာအန္တရာယ်တွေနဲ့ ငွေကြေးဖောင်းပွမှုဖိအားတွေ ဖြစ်ပေါ်လာတဲ့အခြေအနေမျိုးတွေမှာ ကာကွယ်မှုတစ်ခုအဖြစ် စဉ်းစားနိုင်ပါတယ်။ ဒါ့အပြင် Bitcoin ရဲ့အကန့်အသတ်ရှိတဲ့ ထုတ်လုပ်မှုပမာဏနဲ့ အသစ်ထုတ်လုပ်မှုနှုန်းဟာလည်း သတ်မှတ်ထားတဲ့အချိန်ကာလတစ်ခုရောက်တိုင်း တဖြည်းဖြည်းနည်းပါးသွားတဲ့အတွက် သူ့ရဲ့ရှားပါးမှုကြောင့် ရေရှည်မှာတန်ဖိုးမြင့်လာစေနိုင်ပြီးတော့ အဖွဲ့အစည်းဆိုင်ရာယုံကြည်မှုနဲ့ Bitcoin-based ETF တွေမှာ ငွေတွေစီးဝင်လာတာကလည်း Bitcoin ကို တည်ငြိမ်တဲ့ Crypto Assets တစ်ခုအဖြစ် ပိုမိုခိုင်မာလာစေပါတယ်။

ဒီလိုမျိုး Bitcoin မှာကောင်းတဲ့အချက်တွေအများကြီးရှိနေတယ်ဆိုပေမယ့် မလိုလားအပ်တဲ့ဆုံးရှုံးမှုတွေမဖြစ်ရလေအောင်လို့ Bitcoin Dominance မြင့်မားတဲ့ကာလတွေမှာပါ မိမိရဲ့ Portfolio Strategy ထဲမှာ ရင်းနှီးမြှုပ်နှံမှုတွေကို မျှတစွာခွဲဝေချထားသင့်သလို ခွဲဝေချထားတဲ့နေရာမှာလည်း Altcoins အကုန်လုံးကို မရွေးချယ်ဘဲစုပုံဝယ်ယူတာထက် အရည်အသွေးကောင်းမွန်ပြီး အခြေခံအားကောင်းတဲ့ projects တွေမှာသာ ရင်းနှီးမြှုပ်နှံသင့်ပါတယ်။ ဒါ့အပြင်  Crypto ဈေးကွက်ဟာလည်း ရင့်ကျက်လာပြီဖြစ်တဲ့အလျောက် ရှိရှိသမျှအရာအားလုံးတန်ဖိုးတက်တဲ့ခေတ်လည်း ကုန်ဆုံးသွားပြီဖြစ်တဲ့အတွက် မိမိအနေနဲ့ အမှန်တကယ်အသုံးဝင်ပြီး strong community engagement ရှိတဲ့ Altcoins projects တွေကိုသာ ဦးစားပေးရွေးချယ်တတ်ဖို့လိုအပ်နေပါပြီ။ နောက်ပြီး Stablecoins တွေကလည်း ငွေကြေးကိုထိန်းသိမ်းရုံသာမက DeFi Platform တွေမှာငွေချေးခြင်းဖြင့် ဝင်ငွေရရှိစေနိုင်တဲ့ ရင်းနှီးမြှုပ်နှံမှုတစ်ခုအဖြစ်ပါ လုပ်ဆောင်လာတာကြောင့် Bitcoin Dominance မြင့်မားပြီး Altcoins စွမ်းဆောင်ရည်မကောင်းတဲ့ကာလတွေမှာ Stablecoins တွေက မိမိရဲ့ငွေကြေးအရင်းအနှီးကို ထိန်းသိမ်းနိုင်မယ့်အပြင် အကျိုးအမြတ်တွေပါ ရရှိလာနေပြီဖြစ်ပါတယ်။

တဆက်တည်းမှာပဲ Bitcoin Dominance များနေတဲ့အချိန် Altcoin ဈေးနှုန်းတွေဟာလည်းအတက်အကျမြန်တဲ့အတွက် မိမိငွေတွေမဆုံးရှုံးရအောင်ကာကွယ်ဖို့ ခိုင်မာတဲ့ risk management strategies တွေလုပ်ထားဖို့အရေးကြီးပြီး ဒီလိုအန္တရာယ်များနေတဲ့အချိန်မျိုးမှာ Altcoin တွေကိုရောင်းဝယ်တဲ့အခါ မိမိအနေနဲ့ Stop-Loss Order ဆိုတဲ့နည်းလမ်းကို အသုံးပြုသင့်ပါတယ်။ Stop-Loss Order ဆိုတာ Altcoin တစ်ခုဝယ်ထားတဲ့အချိန်မှာ ဈေးနှုန်းဘယ်လောက်အထိကျရင် အလိုအလျောက်ရောင်းချပေးဖို့ ကြိုတင်သတ်မှတ်ထားတဲ့ အမိန့်တစ်ခုဖြစ်တဲ့အတွက် မိမိသတ်မှတ်ထားတဲ့အဆင့်အထိ ဈေးနှုန်းကျဆင်းသွားရင်တောင်မှ အလိုအလျောက်ရောင်းချပေးမှာဖြစ်လို့ ဆုံးရှုံးမှုအများကြီးရှိတော့မှာမဟုတ်ပါဘူး။ အခုလို Altcoin မှာ Stop-Loss သတ်မှတ်တာတွေအပြင် Bitcoin Dominance ဇယားကို စဥ်ဆက်မပြတ်စောင့်ကြည့်တာကလည်း ဈေးကွက်အခြေအနေကိုနားလည်ပြီး လက်ရှိဈေးကွက်လားရာနဲ့ ဈေးကွက်ရဲ့အားကောင်းမှုတွေပြောင်းလဲသွားတာကိုသိရှိနိုင်မှာဖြစ်တာကြောင့် ဈေးတက်နေပေမယ့် အားပျော့လာတဲ့လက္ခဏာ (bearish divergence) တွေ၊ အရင်က ဈေးတက်လို့မရခဲ့တဲ့ (resistance level) နားကို ရောက်လာတာတွေ ဒါမှမဟုတ် ဈေးတက်နေတဲ့လမ်းကြောင်းကနေ ဖောက်ထွက်သွားတာတွေဖြစ်လာတဲ့အခါ ဈေးနှုန်းတွေပြောင်းပြန်လှန်သွားနိုင်သလို ရင်းနှီးမြှုပ်နှံမှုတွေကလည်း Bitcoin ကနေ Altcoin တွေဆီပြန်ပြီးရောက်သွားနိုင်တဲ့အတွက် ဒီဇယားကိုပုံမှန်ကြည့်ခြင်းအားဖြင့်လည်း နောက်တစ်ကြိမ် Altcoin ဈေးတက်မယ့် Altseason ကိုပါ ကြိုတင်သိရှိခန့်မှန်းနိုင်မှာဖြစ်ပါတယ်။ 

Cryptocurrency ဈေးကွက်ဆိုတာက ငွေကြေးစီးဆင်းမှုအစဉ်လိုက်ဖြစ်ပေါ်နေတဲ့စက်ဝန်းအတိုင်း လည်ပတ်လေ့ရှိပြီးတော့ ရင်းနှီးမြှုပ်နှံသူတွေကလည်း ပုံမှန်အားဖြင့် Bitcoin မှာ စတင်ရင်းနှီးမြှုပ်နှံကြကာ Ethereum တို့လို market cap များတဲ့ Altcoin တွေမှာလည်းကောင်း၊ အဲ့ဒီနောက် market cap အလယ်အလတ်ရှိတဲ့ project တွေမှာလည်းကောင်း၊ နောက်ဆုံးမှာ အန္တရာယ်ပိုယူလိုတဲ့ ဆန္ဒတွေပြင်းထန်လာတဲ့အခါ market cap နည်းတဲ့ Altcoin တွေမှာလည်းကောင်း အဆင့်ဆင့်ရင်းနှီးမြှုပ်နှံလေ့ရှိကြတာကြောင့် Bitcoin တန်ဖိုးတည်ငြိမ်လာတဲ့အခါ ဒါမှမဟုတ် ကြီးထွားမှုနှုန်းနှေးကွေးသွားတဲ့အခါမျိုးတွေမှာ ရင်းနှီးမြှုပ်နှံသူတွေအနေနဲ့ အခြားသော Assets တွေမှာ ပိုမိုမြင့်မားတဲ့အကျိုးအမြတ်တွေရရှိဖို့ ရှာဖွေတတ်ကြတဲ့အတွက် Altcoin ဈေးကွက်မြင့်တက်လာစေတဲ့ "Domino Effect" တစ်ခုကိုဖြစ်ပေါ်လာစေပါတယ်။ Altcoin Season တစ်ခုဖြစ်ပေါ်လာဖို့ဆိုရင် Altcoin တွေအနေနဲ့ Bitcoin ထက် သတ်မှတ်ကာလတစ်ခု (ပုံမှန်အားဖြင့် ရက် 90) အတွင်း စွမ်းဆောင်ရည်သာလွန်တဲ့အခါမှသာ တရားဝင်အသိအမှတ်ပြုခံရပြီး Bitcoin Dominance 54% အောက်ကိုကျဆင်းသွားတာမျိုးတွေ၊ Bitcoin ဈေးနှုန်းတည်ငြိမ်သွားတာမျိုးတွေ၊ ဈေးကွက်ရဲ့လှုံ့ဆော်မှု မြင့်တက်လာတဲ့အခါမျိုးတွေနဲ့ DeFi သို့မဟုတ် AI တို့လို လမ်းကြောင်းသစ်တွေ ပေါ်ပေါက်လာတဲ့အခါမျိုးမှသာ Altcoin Season စတင်လေ့ရှိတာဖြစ်ပါတယ်။

ဒီလို Bitcoin Dominance စက်ဝန်းနဲ့အညီ ရင်းနှီးမြှုပ်နှံမှုပုံစံတွေကိုပြောင်းလဲတာက ဈေးကွက်မသေချာမရေရာဖြစ်နေတဲ့အချိန် ဒါမှမဟုတ် Bitcoin Dominance အရမ်းများနေတဲ့အချိန်မျိုးမှာ မိမိရဲ့ငွေတွေကိုမဆုံးရှုံးအောင် ကာကွယ်ဖို့နဲ့ Altcoin တွေဈေးပြန်တက်လာနိုင်တဲ့ Altcoin Season အတွက် ကြိုတင်ပြင်ဆင်ထားပြီး အခွင့်အရေးကို အမိအရဆုပ်ကိုင်နိုင်ဖို့ အခုလိုရင်းနှီးမြှုပ်နှံမှုပုံစံတွေပြောင်းလဲကြတာဖြစ်ပါတယ်။ ဒါ့အပြင် မိမိအနေနဲ့ Altcoin တွေ ဝယ်ယူထားတဲ့အခါမျိုးမှာလည်း‌ ဈေးနှုန်းဘယ်လောက်အထိတက်လာရင် အမြတ်ထုတ်ချင်လဲဆိုတာကိုပါ ကြိုတင်ဆုံးဖြတ်ထားဖို့လိုအပ်ပြီးတော့ အမြတ်ထုတ်ပြီးတဲ့နောက်ပိုင်း ဒါမှမဟုတ် ဈေးကွက်ပြန်ကျလာတဲ့အခါမျိုးမှာ ဈေးကောင်းကောင်းနဲ့ပြန်ဝယ်နိုင်ဖို့အတွက် USDT, USDC လိုမျိုး ဈေးနှုန်းတည်ငြိမ်တဲ့ Stablecoin တွေကိုသိမ်းထားကာ နောက်တစ်ကြိမ်ဈေးတက်လာမယ့် အခွင့်အရေးကိုရယူနိုင်ဖို့အတွက် ကြိုတင်ပြင်ဆင်ထားဖို့လိုအပ်ပါတယ်။

လာမယ့် Altcoin Season က အရင်လို Altcoin အားလုံး တရစပ်ဈေးတက်မှာမဟုတ်တော့ဘဲ အရည်အသွေးကောင်းမွန်တဲ့ တကယ်အသုံးဝင်တဲ့ projects တွေသာစျေးတက်နိုင်မှာဖြစ်တဲ့အတွက် ရင်းနှီးမြှုပ်နှံသူတွေအနေနဲ့ Bitcoin Dominance ကျဆင်းလာတဲ့အခါတိုင်း ဘယ်လို Altcoin မှာမဆို မျက်စိမှိတ်ရင်းနှီးမြှုပ်နှံတာမျိုးမပြုလုပ်သင့်ဘဲ ဘာအတွက်အသုံးပြုနိုင်လဲ (Use Case)၊ ဘယ်လောက်တိုးတက်နေပြီလဲ (Active Development)၊ သူတို့ရဲ့ Token စနစ်က ရေရှည်မှာအဆင်ပြေနိုင်လား (Healthy Tokenomics) စတာတွေကို သေချာကြည့်ပြီးတော့မှသာ ရင်းနှီးမြှုပ်နှံမှုတွေပြုလုပ်သင့်ပါတယ်။ ဒါ့အပြင် ကမ္ဘာ့စီးပွားရေးအခြေအနေတွေနဲ့ Cryptocurrency နဲ့ပတ်သက်တဲ့ အစိုးရရဲ့စည်းမျဉ်းစည်းကမ်းတွေဟာလည်း Bitcoin Dominance နဲ့ Altcoin တွေရဲ့ဈေးနှုန်းအပေါ်သက်ရောက်မှုတွေရှိနိုင်‌တာကြောင့် မိမိအနေနဲ့ On-Chain အချက်အလက်တွေအပါအဝင် Bitcoin Dominance ဇယားတွေကိုသာမက ကျယ်ပြန့်သောစီးပွားရေးနဲ့ နိုင်ငံရေးနယ်ပယ်တွေကိုပါ အဆက်မပြတ်လေ့လာစောင့်ကြည့်ပြီးတော့ Bitcoin Dominance စက်ဝန်းနဲ့အညီ မိမိရဲ့ရင်းနှီးမြှုပ်နှံမှုတွေကို စနစ်တကျပြုပြင်ပြောင်းလဲပြီး အမြတ်အစွန်းရရှိအောင်စီမံခန့်ခွဲရမှာပဲဖြစ်ပါတယ်။

Binance Account ဖွင့်ရန်