Abojoo

🔴 أمريكا بتحضر لغزو نيجيريا، والسودان داخلة على أهم وأخطر معركة في الحرب ومصير البلد كلها على المحك... وكل اللي بيحصل ده مش صدفة، بل هو خطة هدفها السيطرة على دهب وموارد إفريقيا المعدنية والنفطية وقطع شريانها الاستراتيجي عن مصر!

اللي بيدور في قلب إفريقيا دلوقتي للأسف خطير وكارثي، ومفيش حد بيتكلم عنه عشان الإعلام العالمي فارض عليه تعتيم شديد وغير مفهوم... ف تعالى بقى معايا أحكيلك التفاصيل كلها من الأول، عشان تفهم أيه اللي بيدور هناك والأخطار اللي بتهدد حدود مصر الجنوبية دلوقتي... وهتلاقي الخلاصة في آخر البوست عند العلامة دي (🔸️🟡🔹️)

🔴 شوف يا سيدي... 👇

القصة بتبدأ أول امبارح اللي هو يوم السبت، لما ترامب كتب على حسابه على منصة "تروث سوشيال" تهديد صريح للحكومة النيجيرية، هددهم فيه بإنهم "لو ما وقفتوش قتل المسيحيين في نيجيريا، فالجيش الأمريكي هيتحرك فورًا"، وقال إنه بالفعل أمر وزارة الحرب الأمريكية أو البنتاغون "بالاستعداد لهجوم محتمل على نيجيريا"!

🟢 طبعًا زي ما انت متوقع، البيان ده كان صادم للعالم كله، مش بس لأنه تهديد مباشر لدولة مستقلة، لكن لأنه اتكلم لأول مرة عن تدخل عسكري أمريكي مباشر في قلب أفريقيا...

وعشان كده، فـ بعد البيان مباشرة، وفي أقل من كام ساعة، الأسواق النيجيرية كلها انهارت، والبورصة سجلت خسائر مهولة، وعملتهم المحلية اللي هي "النايرا" سجلت أكبر هبوط يومي في قيمتها من شهور طويلة، ده غير كمان إن سندات نيجيريا الدولارية أدت أسوأ أداء في الأسواق الناشئة العالمية كلها في يوم واحد!

🟡 بس المشكلة بقى هي إن في حاجة غريبة ومش مظبوطة في الموقف الأمريكي ده...

ليه؟

عشان نيجيريا يا صديقي بقالها سنين طويلة عايشة في جحيم من الجماعات المسلحة المتطرفة، وبقالها حاليًا أكتر من 15 سنة بتواجه تمرّد مسلّح من جماعة "بوكو حرام" الإرهابية المتطرفة، وكمان فرع داعش في غرب أفريقيا اللي هو (ISWAP)...

🟣 الجماعات دي على مدار سنين طويلة قتلت عشرات الآلاف في البلد اللي تعداد سكانها بيوصل لـ 220 مليون... وشرّدوا ملايين من الناس... وتقريبًا بشكل يومي بينفذوا هجمات على قرى وأسواق وكنائس ومساجد بدون تمييز واضح بين مسلمين ومسيحيين...

فـ اشمعنى بقى ترامب افتكر المذابح اللي بتحصل في نيجيريا دلوقتي بالذات؟ واشمعنى نيجيريا بالتحديد، بينما في أهوال مماثلة بتحصل للشعوب المسيحية في أوكرانيا وروسيا، ده غير الاضطهاد اللي بتمارسه أمريكا على شعوب أمريكا اللاتينية؟

🔸️ الكلام بتاع ترامب من بره ممكن يبان جميل وشكله إنساني... "حماية المسيحيين" و"دعم حرية الأديان" و"القضاء على الإرهاب" وكل الكلام الكبير والشعارات المبهرة دي...

🔵 بس القصة الحقيقية بقى هي مش في "حماية المسيحيين" خالص... بل هي كالعادة قصة فلوس واستعمار بإسم الحرب على الإرهاب، ومؤامرة كبيرة بيتم التجهيز ليها بهدف سرقة ثروات البلاد الإفريقية من خلال مخططات الفوضى الخلاقة والتدخل العسكري المباشر!

🔹️⚫️ وعشان تبقى فاهم كويس سبب استهداف نيجيريا بالشكل ده، لازم الأول تعرف هي أيه أهمية نيجيريا دي أصلًا...

🔴1️⃣ شوف يا صديقي... نيجيريا مش بلد فقير زي ما بيحاولوا يصوروها… بل على العكس تمامًا، البلد دي تعتبر واحدة من أغنى بلاد إفريقيا كلها، وحسب الإحصائيات والتقارير الإقتصادية، فهي ما زال فيها لحد النهارده آلاف الأطنان من الدهب اللي لسه في جوف الأرض ومتمش استخراجه، ده غير ثروات ضخمة من المعادن النادرة زي الليثيوم واليورانيوم والمنجنيز والحديد والقصدير...

2️⃣ وفوق كل ده، البلد دي عندها أكبر احتياطي غاز طبيعي في القارة كلها، بإجمالي يبلغ أكتر من 200 تريليون قدم مكعب... وهي عضو فعال في منظمة النفط "أوبك"، وبتنتج كميات ضخمة جدًا من النفط بتوصل لحوالي 1.6 مليون برميل يوميًا...

يعني ببساطة بلد تفتح النفس لأي مستعمر... فـ عايزك بقى تحط بقى المعلومات اللي فاتت دي، جنب التقارير الغربية اللي بتقول إن نيجيريا بقالها فترة بتتفاوض مع الصين وروسيا لتوسيع التعاون في مجال التعدين والطاقة النووية، وهتفهم القصة بصورة أكبر...

🟡 أمريكا يا صديقي شايفة إن مصالحها في القارة الإفريقية في خطر... خصوصًا بعد انسحاب فرنسا الكامل من القارة، وتمدد النفوذ الصيني هناك، والكماشة اللي عاملاها الصين على الغرب في المعادن النادرة...

الأمريكان عايزين يسيطروا على مصادر تانية توفرلهم احتياجاتهم من المعادن والثروات النفطية... وخصوصًا كمان إن نيجيريا عندها مشروعات لخطوط نفط وغاز المفروض انها هتمر من أراضيها لحد أوروبا!

🟢 فـ الموضوع هنا مش إن ترمب فجأة بقى المدافع عن حقوق المسيحيين واللي عايز يحميهم من التطرف... لأ خالص... وأصلًا التطرف هناك طايل المسلمين والمسيحيين مع بعض بدون تفرقة...

🔸️ السبب الحقيقي وراء الكلام ده، هو إن ترامب بيمهد مبرراته قدام الرأي العام الأمريكي والعالمي، عشان يدخل ويسرق موارد إفريقيا قبل ما الصين تسبقه وتسيطر على القارة...

🟣🔵 وهو ده بالضبط نفس اللي بيحصل في السودان دلوقتي!

أيه اللي بيحصل؟!

🔴 على الناحية التانية من القارة الإفريقية، وفي نفس الوقت اللي نيجيريا بتغلي فيه، السودان كمان يا صديقي اتحول لمسرح حرب إقليمية صامتة، بتدور ما بين ميليشيات الدعم السريع المدعومة من الإمارات وبريطانيا من وراها، وقوات الجيش الوطني السوداني...

وكل ده بردو بسبب أطماع الغرب في السودان الغني بالموارد النفطية والمعادن النادرة وخصوصًا الدهب، وكمان بهدف إنهم يقسموا البلد لشرق وغرب، ويعملوا فراغ أمني شديد الخطورة على حدود مصر الجنوبية، بغرض تهديد الأمن القومي المصري...

🔸️ هي هي نفس اللعبة القذرة اللي بتدور في نيجيريا، لكن مُضاف إليها المرة دي استهداف أمن مصر...

🟡 وحاليًا لو انت مش متابع، ميليشيات الدعم السريع بدأت تمهّد لمعركة جديدة في مدينة الأبيض، اللي هي العاصمة الإدارية لولاية شمال كردفان... والمعارك دي غالبًا هتبقى أخطر تطور في الحرب السودانية من شهور!

ليه؟!

⚫️ عشان الأبيض يا صديقي مش مجرد مدينة عادية، بل هي مكان استراتيجي فيه ملتقى طرق وسكة حديد ومطار، وتعتبر خط إمداد رئيسي للجيش السوداني، والسيطرة عليها معناها قطع إمدادات الجيش، وشريان الدعم ما بين كردفان والعاصمة الخرطوم، وسيطرة الدعم السريع على قلب السودان النابض...

🟣 وخلال الساعات اللي فاتت، ميليشيات الدعم السريع بالفعل بدأت تضرب حوالين المدينة، ونفذت هجمات بالطيارات المسيرة على مناطق زي "خور طقت"، واتسببت في سقوط ضحايا مدنيين بالعشرات... ده غير الأهوال اللي بيعملوها في منطقة "بارا" في شمال كردفان، اللي هي يمكن واصلة لمستوى مذابح الفاشر اللي كلمتها عنها في بوست من كام يوم!

🔵 وفي مقابل ده الطيران السوداني بينفذ هجمات جوية على معاقل للدعم السريع في مناطق زي "النهود" و"الخوي" و"لقاوة" وغيرهم من مناطق تمركزهم في شمال كردفان!

🔸️ وكل ده للأسف الإعلام العالمي والعربي، مش بيتكلم عنه خالص، وفي تعتيم إعلامي كبير جدًا على اللي بيدور هناك لدرجة إن الوصول للمعلومات والتطورات شديد الصعوبة، وكل Update بيحصل بييجي بعدها بساعات ويمكن أيام كمان...

🔹️ والسبب في كل ده طبعًا معروف... نفوذ الدول اللي مشتركة في تنفيذ ودعم الحرب الوحشية دي، واللي من مصلحتها إن محدش يعرف أيه اللي بيحصل هناك!

🔸️🟡🔹️ طب يعني الخلاصة أيه؟!

الخلاصة يا صديقي إن في "مشروع واحد" بيشتغل دلوقتي على إشعال قلب إفريقيا كله... والمستفيد المباشر منه هما نفس الثلاثي المعتاد: أمريكا، والإمارات، وإسرائيل!

🟡 أمريكا عايزة ثروات ومعادن إفريقيا النادرة عشان صناعاتها التكنولوجية اللي اتشلت بسبب الصين... والإمارات عايزة الدهب بتاع السودان اللي الاحتياطي بتاعها منه زاد بشكل كبير جدًا خلال الشهور اللي فاتت بحسب تقارير الإعلام الإقتصادي... وإسرائيل عايزة تحط لمصر قنبلة موقوتة على حدودها الجنوبية، وتعزلها عن عمقها الإفريقي!

🔸️ فـ يا ترى نتيجة اللي بيحصل دلوقتي ده أيه؟!

الله أعلم... بس الموقف في إفريقيا دلوقتي أعقد بمراحل من اللي بيدور في غزة، وصعب جدًا الإلمام بتفاصيله بسبب التعتيم الإعلامي... لكن في خلال الساعات اللي جاية هفضل متابع معاك التفاصيل والتطورات وهقولك عليها أول ما تحصل...
#P2PZ #Write2Earn #Abojoo

عملة مستقرة جديدة على شبكة Solana هتغيّر شكل التحويلات في العالم كله 💸

استعدوا للتغيير الكبير في طريقة انتقال الفلوس حوالين العالم!
ويسترن يونيون، الشركة اللي بقالها أكتر من 100 سنة وهي رمز للتحويلات الدولية، قررت تدخل المستقبل بخطوة جريئة جدًا… عملة رقمية مستقرة خاصة بيها!

💰 اسم العملة: U.S. Dollar Payment Token (USDPT)
🔗 الشبكة: Solana – واحدة من أسرع وأرخص شبكات البلوك تشين في العالم

وده مش مجرد شو إعلامي… دي خطة حقيقية لحل مشاكل التحويلات البطيئة والمكلفة اللي الناس بتعاني منها بقالها سنين.


---

🔥 ليه الخطوة دي مهمة جدًا؟

⚡ تحويلات أسرع وأرخص:
تخيل تبعت فلوس لأي مكان في العالم في ثواني، برسوم شبه معدومة!
من غير بنوك، ولا تأخيرات، ولا وجع دماغ.

💨 قوة شبكة Solana:
اختيار Solana مش صدفة، دي شبكة بتتعامل مع آلاف المعاملات في الثانية وبتكلفة بسيطة جدًا، وده مناسب تمامًا لحجم شغل ويسترن يونيون.

🏦 شراكة قوية مع Anchorage Digital:
العملة هتتصدر عن طريق بنك Anchorage Digital، وده بيضيف مصداقية وتنظيم قانوني يخلي المشروع آمن وجدير بالثقة.

🌍 الربط بين الكاش والكريبتو:
ويسترن يونيون مش ناوية تقف عند إطلاق العملة وبس، دول بيجهزوا كمان "شبكة الأصول الرقمية" (Digital Asset Network)
اللي هتخلي الناس تقدر تحول الكريبتو لكاش من خلال فروع ويسترن يونيون في أي مكان في العالم!
يعني الكريبتو هتبقى متاحة للكل، مش بس للناس اللي عندها خبرة تقنية.


---

🗓️ الإطلاق الرسمي متوقع في النصف الأول من 2026

المستقبل كله رايح ناحية التحويلات الرقمية، وويسترن يونيون واضح إنها مش ناوية تتفرج…
دي داخلة اللعبة وبقوة! 💪

خليك متابع، لأن اللي جاي هيغير قواعد اللعبة فعلًا 🔥

#MarketPullback
#AltcoinMarketRecovery
#BinanceSquareFamily
$PIGGY $B2 $STRIKE

يا صديقي، هل تعلم إن العالم كله، من أول موبايلك لحد أقوى سوبر كمبيوتر، عايش على قطعة سيليكون بتطلع من جزيرة صغيرة اسمها تايوان؟ 😮
أهلاً بيك في قصة شركة TSMC...
أو زي ما بنسميها: الشركة اللي لو عطست، العالم كله هيكح Lag!
---
من الآخر كده...
TSMC هي المصنع الوحيد تقريبًا في الكوكب اللي بيقدر يصنع أحدث وأدق المعالجات الإلكترونية — إحنا بنتكلم على شرائح بحجم 3 نانومتر!
يعني... أصغر من فيروس كورونا بـ آلاف المرات! 😳
---
الشركات الكبيرة زي Apple، AMD، NVIDIA، Qualcomm...
كل دول بيصمموا المعالجات بتاعتهم، بس لما ييجوا يصنعوها؟
بيروحوا يترجّوا TSMC تقولهم:
> "اتفضل يا باشا... هنطبعهولك على السيليكون." 🧑‍🔬✨
---
الشركة دي حرفيًا أهم مصنع في العالم،
لدرجة إن لو حصل فيها عطل أو مشكلة سياسية في تايوان،
العالم كله ممكن يوقف — الموبايلات، العربيات، السيرفرات، وحتى الثلاجات الذكية! 😱
---
والمثير إن TSMC مش بس بتسبق الكل بخطوة...
دي بتسبقهم بجيل كامل من التكنولوجيا.
حالياً بيصنعوا رقائق 3 نانومتر،
وبيجهزوا لتقنية 2 نانومتر...
يعني المعالج هيبقى أسرع وأوفر في الطاقة،
وإنت هتقدر تلعب ألعابك المفضلة من غير ما موبايلك يسخن زي الشاورما 🔥😂
---
في النهاية، TSMC مش مجرد شركة...
دي العمود الفقري للتكنولوجيا الحديثة،
وهي الدليل إن حتى جزيرة صغيرة ممكن تشيل العالم كله...
بس بسيليكون 💪💻
##WriteToEarnUpgrade

وفي كوارث مرعبة بتحصل دلوقتي على حدود مصر الجنوبية ومش واخدة حقها في الإعلام ومحدش بيتكلم عنها خالص، برغم إن تأثيرها علينا كبير جدًا، ويمكن تكون من أخطر الأحداث اللي بتهدد مستقبل المنطقة كلها...

1️⃣ الكارثة الأولى هي إن قوات الدعم السريع أعلنت سيطرتها على مدينة الفاشر في غرب السودان... ودي كانت آخر معقل للجيش الوطني في إقليم دارفور كله، وسقوطها (إذا كان حدث بالفعل) معناه فتح الطريق لتقسيم السودان فعليًا بين دولة شرق ودولة غرب، والتمهيد لظهور كيان متمرد ومُمول من الخارج على حدود مصر الجنوبية!

2️⃣ والكارثة التانية هي سلسلة مستمرة من الفظائع والجرائم البشعة اللي ارتكبتها قوات الدعم السريع في حق المدنيين المحاصرين في الفاشر، واللي تفوقت حتى على وحشية إسرائيل في غزة!

عمليات قـ.ـ.ـ.ـتـ.ـل وإبادة جماعية واغتصاب ممنهج وعملي للنساء، وصل لدرجة إنهم بيعلقوا الناس في الشجر وبيجبروهم على حفر قبور جماعية وبعدين يطلقوا عليهم النار، وفظائع تانية مينفعش أوصفها هنا، وصلت لإن في مرحلة سابقة كان أكتر دواء بيدور عليه المدنيين هناك هو أقراص منع الحمل!

⚫️ طب يا ترى أيه اللي بيحصل بالضبط وازاي بدأ، وليه مخطط تقسيم السودان ده بدأ تنفيذه دلوقتي؟ وأيه مدى خطورة الأحداث دي على استقرار الشرق الأوسط كله؟

🔹️ خليني أحكيلك القصة كلها من الأول عشان تفهم بدأت إزاي وليه خطرها على المنطقة أكبر من ما تتخيل... 👇

🔴 شوف يا سيدي...

الحكاية كلها بتبدأ سنة 2019، لما نجحت الثورة السودانية في الإطاحة بالرئيس السابق "عمر البشير"، وبدأت طريق البلد أخيرًا نحو الديمقراطية...

🟢 السلطة في السودان في الفترة دي ومن قبلها، كانت متقسمة بين قوتين مسلحتين يعتبروا هما اللي كانوا مسيطرين على البلد كلها تقريبًا... القوة الأولى هي الجيش السوداني الوطني بقيادة "عبد الفتاح البرهان" والقوة التانية هي قوات الدعم السريع بقيادة "محمد حمدان دقلو" المُلقب بـ "حميدتي"...

فـ بمجرد ما اتعزل البشير، حصل اتفاق مبدئي ما بين الجيش السوداني والدعم السريع على تقاسم السلطة في حكومة عسكرية انتقالية، تمهيدًا لبدء انسحاب القوات من المشهد السياسي، وبدء تكوين سلطة مدنية...

🔸️ والوضع ده فضل مستمر لحد بدايات سنة 2023...

وقتها، كان في مفاوضات شغالة بين "البرهان" و"حميدتي"، على دمج قوات الدعم السريع في الجيش النظامي الوطني، عشان تبقى السلطة العسكرية كلها تابعة لجيش وطني موحد...

🔵 الجيش كان عايز عملية الدمج دي تحصل في خلال سنتين، لكن حميدتي كان عايز يأجلها لـ 10 سنين قدام... ومن هنا بقى جت نقطة الخلاف اللي أدت لانشقاق كبير ما بين الطرفين، كان هو الشرارة اللي أدت لبداية حرب كبيرة هي الأكثر عنفًا ودموية في تاريخ السودان كله تقريبًا، مستمرة بقالها سنتين لحد دلوقتي!

⚫️ طيب معلش ثانية... هو مين حميدتي ده أساسًا وأيه سبب أهميته وليه أصلًا يبقى تحت إيده قوات منفصلة عن الجيش السوداني؟!

حميدتي ده لو انت مش عارف قصته، هو في الأصل كان راعي إبل زمان... والمفاجأة إنه أصلًا مش سوداني، بل هو تشادي الأصل، ونزح من التشاد في التمانينات هربًا من الجفاف، لحد ما استقر في إقليم دارفور في غرب السودان...

🟣 في البداية كان شغال راعي عادي، لحد ما تدرج واصبح قائد وزعيم قبلي، وأصبح تحت إيده قوات من الشباب المُسلح بمباركة من عمر البشير نفسه، كانت جزء من قوات قبلية إسمهم "الجنجويد"... والميليشيا دي استغلها البشير ودعمهم بالسلاح والفلوس لتدمير التمرد اللي كان حاصل في إقليم دارفور ضده في منتصف الألفينات...

🟡 وبعد ما نجحوا بالفعل هو وزملاؤه من قادة "الجنجويد" في تدمير التمرد بوحشية منقطعة النظير، البشير كان مبسوط منه؛ وقرر إنه يدعمه أكتر وخلاه يبقى مسؤول عن السيطرة على "الجنجويد" كلهم، ودمجهم في قوة واحدة موحدة أطلق عليها إسم "قوات الدعم السريع"...

وبعدها زاد نفوذه لحد ما أصبح عنده قوة وسلطة كبار جدًا، وصلوه لإنه يبني إمبراطورية ضخمة على سرقة دهب السودان، اللي بتوصل المكاسب منه لحوالي 20 مليار دولار سنوياً!

🔹️ وكل ده كان بمباركة من البشير، اللي كان بيستعين بيه كورقة ضغط على قيادات الجيش، وكتأمين لنفسه ضد أي محاولة للإنقلاب أو الثورة الشعبية ضد حكمه...

المهم ان الوضع فضل مستمر على ما هو عليه، لحد ما قامت الثورة واتشال البشير من مكانه برغم كل شيء، وأصبحت السلطة متقسمة ما بين الجيش والدعم السريع... لحد ما اندلع الصدام ما بينهم في 15 إبريل من سنة 2023... قبل حرب غزة بحوالي 6 شهور...

🔴 كل اللي فات ده يعتبر Backstory مختصرة جدًا للصراع، بحكيهالك بس عشان تبقى فاهم أيه اللي وصل الأمور لشكلها الحالي... بس الفكرة بقى إن اللي داير دلوقتي مبقاش مجرد خناقة داخلية على السلطة خلاص... بل اتحول لشيء أخطر من كده بكتير...

🟠 الدعم السريع في خلال الشهور اللي فاتت، نجحوا في السيطرة على جميع أقاليم دارفور الخمسة، ما عدا عاصمة ولاية "شمال دارفور" اللي هي مدينة "الفاشر"... والمدينة دي كانوا بقالهم أكتر من 500 يوم محاصرينها ومجوعين أهلها وبيحاولوا يدخلوها، وبيرتكبوا مذابح مرعبة في حق السكان عشان يكسروهم ويقدروا يسيطروا عليها...

طب ليه عايزين يسيطروا عليها؟ وإيه المهم أوي كده في الفاشر ودارفور يعني؟

عشان تفهم، تعالى معايا نرجع للخريطة كده ونشوف المنطقة دي فين... 👇

🟢 إقليم دارفور ده يا صديقي زي ما انت شايف في الخريطة كده؛ ضخم جداً... بيغطي أكتر من ربع مساحة السودان، وموقعه استراتيجي عشان بيطل على حدود أربع دول (ليبيا، تشاد، إفريقيا الوسطى، وجنوب السودان)، وبيقع على بعد كيلومترات من حدود مصر الجنوبية...

الإقليم ده جواه ثروات طبيعية ضخمة جدًا تعتبر هي الأكبر في السودان كله تقريبًا، ما بين نفط وغاز ودهب، ومعادن نفيسة زي النحاس والحديد والفضة والكروميت والنيكل والمنغنيز والكوارتز، وحتى اليورانيوم نفسه... وكمان عندهم موارد زراعية ضخمة جدًا وخزانات كبيرة للمياه الجوفية من بين الأكبر في المنطقة كلها...

🟡 فـ لما ييجي كيان متمرد ويسيطر على المنطقة دي كلها، ده كده معناه إن السودان خلاص اتقسم لدولتين... دولة في الشرق ودولة في الغرب، وبقى في كيان مسلح وممول بمليارات الدولارات على حدود مصر مباشرة!

⚫️🟣 طب ليه بقى؟ ومين بيدعم الدعم السريع بالفلوس والتمويل ده كله عشان يسيطروا ع الإقليم، ومين اللي مخليهم مستمرين لحد دلوقتي وقادرين يقفوا قدام الجيش السوداني الوطني؟

🔸️ الإجابة يا صديقي هي للأسف الشديد... الإمارات...

1️⃣ المعلومات والتقارير الصحفية كلها بتشير بوضوح إن فيه دعم إماراتي ضخم ومستمر بيوصل لحميدتي، سواء بالمال أو بالسلاح أو بالمرتزقة، والدعم ده هو اللي مخلي ميليشيات الدعم السريع مستمرة لحد دلوقتي ولسه عندها وقود وذخيرة وكمان معدات عسكرية حديثة، قادرة بيها تكمل في مشروع تقسيم السودان لصالح أجندة الإمارات الإقليمية، اللي هدفها السيطرة على ثروات السودان، حتى لو ده بيهدد أمن مصر بشكل مباشر!

2️⃣ وعايز أقولك دعم الإمارات ده مش مجرد كلام من عندي... الجيش السوداني نفسه سبق ورفع شكوى في محكمة العدل الدولية ضد الإمارات بتهمة التواطؤ في جريمة إبادة جماعية للشعب السوداني بسبب دعمها للدعم السريع، لكن الدعوى دي اترفضت لأسباب إجرائية...

3️⃣ ده غير إن الإمارات سبق واتحطت في القائمة الرمادية لغسيل الأموال من جانب مجموعة العمل المالي (FATF) الدولية التابعة لمجموعة الدول الصناعية السبعة أو الـ G7، وكمان أدرجت على القوائم الرمادية لوزارة الخزانة الأمريكية... وده -بحسب تحقيقات صحفية منها تحقيق لجريدة "لوموند ديبلوماتيك"، حصل بسبب تسهيلها لتهريب دهب السودان بالتعاون مع حميدتي!

🟡🟢 حاليًا الدعم السريع بالفعل أعلن إستيلاءه على مقر الكتيبة 6 مشاة، اللي هي كانت آخر معاقل الجيش السوداني في مدينة الفاشر، وآخر حاجز أمام سيطرتهم على دارفور كلها... ودلوقتي في مذابح وحشية بتحصل للناس هناك، يشيب لهولها الولدان، وأكبر بمراحل من أي شيء تجرأت إسرائيل عليه في غزة...

⚫️ وكل ده عليه تعتيم إعلامي كامل ومحدش بيتكلم عنه خالص، بسبب ارتباطه بشكل مباشر بالدعم الإماراتي للي بيحصل ده كله!

وأثناء ما انت بتقرأ السطور دي… وفي قلب شانغهاي، الصينيين شغالين في صمت على بناء شبكة مالية جديدة ونظام مالي موازي محدش يقدر يجمده أو يسيطر عليه، وهدفه إنه يخرج بالعالم من تحت مظلة الدولار والتحكم الأمريكي في اقتصادات الدول وثرواتها...

⚫️ بس المرة دي، النظام ده مش هيكون أساسه شوية ورق زي كل مرة... ولا حتى العملات الإلكترونية المشفرة... بل هو هيبقى معتمد على أقدم مصدر للثروة والفلوس في تاريخ الحضارة البشرية... الدهب...

🔸️ خليني أحكيلك الموضوع بالتفصيل، عشان تبقى فاهم القصة بدأت ازاي والعالم متوجه لأيه... وخلي بالك إن المقال ده يعتبر الجزء الثالث من سلسلة (كيف ستسرق أمريكا العالم)

🔴 بص يا سيدي...

القصة كلها بدأت في أواخر 2022، لما بدأ الغزو الروسي لأوكرانيا... الغزو ده برغم انه كان بداية وبال كبير على أوروبا واقتصادها، واتسبب في مشاكل كتير حصلت في الكوكب كله بعدها، إلا إنه في نفس الوقت كان بمثابة الباب اللي فتح الطريق بعدها أمام تغيير النظام المالي للعالم كله...

والسبب؟ غطرسة أمريكا!

🟢 أمريكا يا صديقي بعد ما الغزو الروسي بدأ، خدت خطوة شديدة وقوية جدًا، وهي إنهم جمدوا أصول روسيا الأجنبية المحفوظة كاحتياطي نقدي في البنوك الغربية والأمريكية، بإجمالي أكتر من 300 مليار دولار من الأصول والسيولة المُجمدة في خزائن الغرب!

واشنطن لما خدت الخطوة دي، كانت فاكراها هتكون ضربة قاصمة للروس، وإنها هتفرض بيها قوتها ونفوذها الاقتصادي على موسكو، وتجبرهم على إيقاف الحرب خوفًا من انهيار اقتصادهم... إلا إن الخطوة دي على العكس تمامًا، كان ليها مفعول مضاد ومعاكس مكانوش متوقعينه إطلاقًا...

🔹️ والمفعول ده أيه؟

إن العالم كله فقد القدر الباقي من الثقة اللي كان عنده في أمريكا والدولار!

🔵 أمريكا يا صديقي لما عملت عملتها دي، فالأمر كان كإنها بتبعت رسالة واضحة جدًا لكل دولة عندها احتياطي نقدي في البنوك الغربية... والرسالة دي هي ببساطة: "فلوسك دي مش بتاعتك، وممكن تتصادر منك بضغطة زرار لو قررت تختلف معانا في الرأي والسياسة في أي وقت وأي مكان ومهما كانت قوتك، حتى لو انت قوة نووية عظمى زي روسيا!"

وتأثير الرسالة دي كان عظيم ومخيف...

🟣 بمجرد ما المشهد ده حصل، الذعر العالمي وعدم الثقة في الحكومة الأمريكية والعملة الأمريكية وحتى الاستثمار في أمريكا نفسه؛ بدأ يكبر وتضخم زي كورة الثلج، لحد ما وصل لإنه يتحول لحركة عالمية غير مسبوقة في التاريخ الحديث، بتتسمى حاليًا ما بين الاقتصاديين بإسم "فك الارتباط بالدولار" أو الـ De-dollarization...

🔸️ طب يطلع أيه الـ De dollarization ده يا عم علام؟

🟡 المعنى باختصار يا صاحبي هو إن فجأة كده؛ البنوك المركزية حول العالم وخصوصًا في الدول النامية والأسواق الناشئة، بدأت دلوقتي تبيع الأصول الأمريكية اللي معاها زي سندات الخزانة U.S Treasuries، وتشتري مكانها دهب حقيقي بوتيرة سريعة جدًا...

والسبب في ده هو إنهم شافوا اللي حصل في روسيا عشان تجرأت على الوقوف ضد مصالح أمريكا والغرب، ودي قوة نووية كبرى.. ما بالك بقى بالدول اللي معندهاش نووي، أو عندها بس مش في نفس قوة روسيا ولا تأثيرها ونفوذها العالمي؟

🟠 الدول دي فجأة أدركت ان استثمارها في الأصول الأمريكية واعتمادها على الدولار ونظام الدفع والاقتصاد الأمريكي هو أشبه باحتلال اقتصادي مقنع بدون رصاص أو جيوش... وإنه عاجلًا أم آجلًا هييجي الدور عليهم ورقابهم هتقع تحت المقصلة، أول ما تيجي اللحظة اللي مصالحهم تتعارض فيها مع المصالح الأمريكية...

⚫️ وعشان كده دول كتير جدًا في العالم، منها اللي هما أصلًا حلفاء لأمريكا زي اليابان مثلًا، ومنها دول ضد السياسة الأمريكية زي البرازيل، ودول تانية كتير، بدأوا يتخلصوا من السندات الأمريكية ويشتروا بدالها دهب...

🔹️ وعلى رأس الدول دي كانت الصين...

🟢 في خلال الشهور الأخيرة، بنك الشعب الصيني أصبح رسميًا وبناءً على التقارير الاقتصادية، هو أكبر مشترٍ للدهب في العالم كله... وأثناء ما انت بتقرأ السطور دي هما دلوقتي عمالين يزودوا احتياطياتهم من المعدن الأصفر بشكل علني وظاهر للعالم كله، وهسيبلك مصادر وCharts بيانية في المصادر تحت عشان تشوف بنفسك حجم الشراء بتاعهم واصل لفين 👇

🔴 وكل ده عشان يبعتوا رسالة قوية لباقي العالم، مفادها إن الملاذ الآمن ليس الدولار، ومش المفروض أبدًا كان يكون الدولار... وإنما الملاذ الآمن هو الشيء الوحيد اللي كانت بتتقاس بيه ثروات الأمم على مر التاريخ... الدهب اللي مبيصديش ولا بيبوظ ولا بيتقطع ولا بيتهكر، ولا تقدر أمريكا تتحكم فيه مهما حاولت...

بس الصين بقى عشان تحقق سياستها في القضاء على الدولار، مش بس بتشتري دهب وخلاص... لأ... دول بدأوا يجهزوا حاجة مهمة أوي ممكن تكون مخدتش بالك منها، لكنها حاليًا أصبحت مفتاح التغيير في النظام العالمي الجديد...

🔵 الحاجة دي هي بورصة شنغهاي للدهب أو الـ (SGE)...

الصين يا صديقي في سنة 2002، أسست بورصة كبيرة للدهب في مدينة شانغهاي، وطول السنين اللي فاتت دي كانوا بيشتغلوا عليها وبيكبروها لحد ما وصلت لإنها تبقى حاليًا أكبر سوق للدهب في العالم... واللي أساس التعامل فيها هو الدهب الحقيقي المادي اللي مفيش فيه أي تلاعب من أي طرف...

🟡 وبما إن الصين عايزة تتخلص من الدولار وتخلي عملتها (اليوان) تبقى البديل الجديد للدولار اللي تقدر الدول تعتمد عليه في التجارة العالمية، فهي لازم تربط عملتها دي بالدهب عشان الناس تثق فيها... وعشان تعمل ده، فهي لازم تبقى تحت إيديها كميات كبيرة من الدهب عشان تقدر بيها تغطي الاقتصاد...

وطبعًا هما عارفين إن مستحيل حد تاني يثق في أي دولة أيًا كانت إنه يسيب عندها احتياطي الدهب بتاعه، بعد اللي أمريكا عملته في العالم بعد الحرب العالمية التانية لما خدت الدهب بتاعهم وقالتلهم انها هتربطه بالدولار، وبعدين جت في السبعينات قالتلهم والدتكم في العش ولا طارت، ومالكوش حاجة عندي...

⚫️ طب يعملوا أيه بقى عشان يخلوا العالم يرجع يثق تاني في الدهب، وإن مفيش قوة بعينها هتتحكم فيه وتسرق العالم زي ما عملت أمريكا في السبعينات؟!

🔸️ هنا بقى ظهرت الفكرة العبقرية... ممر الدهب أو الـ Gold Corridor...

🟢 الصين يا صديقي حطت خطة فريدة من نوعها وبرغم بساطتها إلا إنها ذكية جدًا... الخطة دي هي إنها باختصار هتشتغل مع كل أعضاء تحالف البريكس، (واللي منهم مصر والبرازيل وروسيا والهند وجنوب أفريقيا)، على بناء شبكة من الخزاين المؤمنة، ممتدة جغرافيًا داخل حدود الدول كلها، هيسموها "ممر الدهب"...

الشبكة دي هتسمح للدول اللي هتنضم للتحالف والنظام الاقتصادي الجديد القائم على الدهب ده، بإنها تخزن الدهب بتاعها في أماكن آمنة وموثوقة داخل حدودها وداخل حدود عدد كبير من الدول بأنظمة مختلفة وحكومات مختلفة مفيش شخص واحد بيتحكم فيها...

🟣 وبكده، فالدول مش هتضطر إنها تثق في الصين لوحدها عشان تحافظ على دهبها، لإن الدهب هيكون متوزع في خزاين تابعة لدول البريكس وكل جرام منه متوثق في بورصة شانغهاي بنظام مؤمن ومشفر مفيش مجال لاختراقه... وبالتالي لما الصين تربط اليوان بالدهب ده، فهي كده بتديله ميزة تجارية كبيرة جدًا الدولار حاليًا مبيوفرهاش...

الثقة في إن اليوان مش مجرد شوية ورق، بل هو مستند ومُغطى بأصل مادي محدود ونادر، لا يمكن تجميده أو استعماله كسلاح، ولا يمكن طباعته...

🟠 وبالشكل ده، فالدول النامية اللي زي دول إفريقيا مثلًا، واللي هي أصلًا غنية بالموارد الطبيعية ومناجم الدهب، هتقدر لأول مرة تعمل حاجة مكانتش بتحصل قبل كده...

هتقدر إنها تحط الدهب بتاعها اللي بتستخرجه من أرضها، في شبكة بورصة شانغهاي، وبعدين بنك البريكس اللي هو (بنك التنمية الجديد) هيقدم لها قروض باليوان الصيني مقابل الدهب ده، لتمويل مشاريعها التنموية الضخمة زي الطرق والموانئ والمطارات والمدن الجديدة...

🔹️ وبكده، تبقى الصين عملت أيه؟

تبقى بتدعم التنمية في دول العالم وبتزود نفوذها المالي والاقتصادي، وفي نفس الوقت بتساعد الدول دي إنها تتجنب إنها تطلب المساعدة من صندوق النقد الدولي (IMF) أو تضطر إنها تتعامل بـ الدولار الأمريكي... وبكده فهي -ببطء- بتفكك النظام العالمي الاقتصادي السائد دلوقتي، وبتسلب من أمريكا أعظم سلاح بتمتلكه... سلاح الدولار الأمريكي والعقوبات الاقتصادية!

🟡 الكلام ده يا صديقي مش مجرد كلام... دي خطوات حقيقة بتاخدها الصين دلوقتي، وبالفعل اشترت 44.2 طن من الدهب في سنة 2024، عشان توسع الاحتياطي الذهبي بتاعها وتشتغل على تنفيذ النظام ده بشكل سريع، قبل ما أمريكا تلحق تأسس النظام الموازي الجديد بتاعها المعتمد على العملات المشفرة، واللي كلمتك عنه في الجزء اللي فات من المقال ده!

🟢🟣 لأول مرة في التاريخ الحديث، إحنا داخلين قريب على منافسة حقيقية بين دولتين ونظامين وشكلين مختلفين من الفلوس، على الهيمنة الاقتصادية.. والله أعلم الصدام ده هينتج عنه أيه ومين الي هيكسب فيه... لكنه صراع شغال دلوقتي وبيدور أثناء ما انت بتقرأ السطور دي، وبالفعل كل دولة بتاخد صف عشان تحضر للي جاي...

⚫️🔘 وده سبب اللي انت شايفه بيحصل دلوقتي من شراء كبير جدًا من بعض الحكومات والبنوك المركزية للدهب، وبعض الحكومات والبنوك التانية اللي بتزيد من مخزونها من العملات الرقمية سواء البيتكوين أو العملات المستقرة Stable Coins... والصدام جاي بلا محالة...

في خطوة بتوضح إن أمريكا راجعة بقوة للساحة الآسيوية، الرئيس الأمريكي دونالد ترامب وقّع النهارده سلسلة اتفاقيات تجارية ومعدنية مع كذا دولة في جنوب شرق آسيا، زي ماليزيا وكمبوديا.
الاتفاقيات دي هدفها تقوية العلاقات الاقتصادية وتوفير بدائل للموارد والمعادن اللي الصين كانت مهيمنة عليها بقالها سنين.
ترامب كمان قال إن الخطوة دي جزء من "خطة أمريكا الجديدة" لموازنة النفوذ الصيني في المنطقة.
التحركات دي جاية في وقت العالم كله بيتابع المنافسة الشرسة بين أمريكا والصين على الزعامة الاقتصادية والسياسية 👀🌏
#ترامب #الصين #أمريكا #جنوب_شرق_آسيا #سياسة #اقتصاد

واضح إن المواجهات بينهم مش عاوزة تهدى ومكملة شوية كمان 👇

➤ ضربة غير تقليدية تفتح باب خطر جديد

القصف الأوكراني لسد في منطقة بيلجورود الروسية مش مجرد عملية عسكرية عابرة، لكنه تطور نوعي في مسار الحرب. استخدام البنية التحتية المائية كسلاح معناه إن الصراع بيتحوّل من حرب جيوش إلى حرب بيئية، هدفها إرباك الداخل الروسي وإشعال أزمة إنسانية على أطراف الحدود.

➤ تحذيرات روسية من غمر المدن بالمياه

حاكم بيلجورود فياتشيسلاف جلادكوف أعلن إن تكرار الضربات ممكن يؤدي لانهيار السد وحدوث فيضانات تضرب التجمعات السكنية القريبة، ودعا السكان لمغادرة بيوتهم فورًا.
المنطقة دي بالذات قريبة من خاركيف، اللى بقت واحدة من أكثر النقاط اشتعالًا في المواجهة منذ 2022.

➤ الرد الروسي: إسقاط 111 مسيّرة أوكرانية

وزارة الدفاع الروسية أعلنت إنها دمرت 111 طائرة بدون طيار في يوم واحد، وده رقم بيكشف عن موجة تصعيد متزامنة في أكثر من جبهة. انتشار الهجمات بالطائرات المسيّرة من روستوف للقرم لموسكو نفسها، بيؤكد إن الحرب دخلت مرحلة “الاستنزاف التكنولوجي”، اللى الطائرات الصغيرة فيها بقت أهم من الدبابات الثقيلة.

➤ رسالة أوكرانية إللي عاوزة توصلها 👇

ضرب السد في الشمال، وإرسال هذا العدد الهائل من المسيّرات، معناه إن كييف بتجرب استراتيجية التشتيت والضغط المعنوي على القيادة الروسية. الهدف مش المكسب الميداني السريع، لكن إنها ترهق منظومة الدفاع الروسية وتخلق شعور بالخطر المستمر داخل العمق الروسي.

أثناء ما انت بتقرأ السطور دي وفي قلب مكاتب وأروقة واشنطن، الإدارة الأمريكية بتخطط في صمت للعبة كبيرة هدفها ثروتك... والغاية النهائية منها هي تصفير الديون الأمريكية اللي وصلت لمرحلة غير مسبوقة تاريخيًا، وإلقاءها على أكتاف شعوب العالم كله، كمحاولة أخيرة من أمريكا انها تتجنب مصير الإمبراطوريات اللي انهارت قبل كده بسبب ديونها...

⚫️ طب إزاي بقى هيعملوا ده، وأيه علاقة العملات الإلكترونية بالموضوع؟ وإزاي هيستخدموا العملات دي عشان يخلوا العالم كله يحاسب على فاتورتهم؟

🔸️ خليني أحكيلك القصة من البداية بالترتيب عشان تبقى فاهم التفاصيل كلها... وخلي بالك إن المقال ده يعتبر جزء ثاني من سلسلة (كيف ستسرق أمريكا العالم)

🔴 شوف يا سيدي...

الحكاية بدأت في بداية شهر سبتمبر اللي فات ده، في قلب مؤتمر الشرق الاقتصادي اللي تمت إقامته في مدينة فلاديفوستوك في شرق روسيا...

في واحدة من جلسات المؤتمر ده، واحد من أقرب مستشاري بوتين الإقتصاديين، اسمه "أنتون كوبيـاكوف"؛ قال تصريح غريب وغير مفهوم، أثار فضول وقلق الاقتصاديين والمؤسسات المالية والسياسية في كل حتة في الكوكب...

🟢 قالك ببساطة إن الولايات المتحدة الأمريكية بتجهز حاليًا خطة لتحويل ديونها الضخمة لسحابة من العملات الرقمية، تمهيدًا لخفض قيمتها أو تصفيرها سرًا وعمل "إعادة ضبط أو Reset" للنظام المالي العالمي كله، عشان تشيل باقي العالم شيلتها، وتخرج هي من الأزمة بتاعتها من غير ما تدفع ولا مليم!

التصريح ده للوهلة الأولى وانت بتقراه دلوقتي ممكن يبانلك كإنه نظرية مؤامرة مثيرة مش أكتر ومفيش عليها أي دليل... بس المذهل بقى هو إنك لو رجعت بالزمن كام سنة لورا، هتلاقي إن الموضوع مش خيال ولا نظرية مؤامرة ولا حاجة... بل على العكس تمامًا... الخطة دي سبق وطرحها شخص مش عادي إطلاقًا في أوساط مجتمع الاقتصاديين ومؤسسات المال الأمريكية...

🔵 والشخص ده مين؟

"مايكل سايلور"... الملياردير الأمريكي المعروف ومؤسس شركة "مايكروستراتيجي MicroStrategy" المتخصصة في تطوير برمجيات الأعمال والسوفت وير وخدمات الحوسبة السحابية Cloud Computing...

🟡 الراجل ده يا صديقي يعتبر واحد من أكبر المليارديرات الأمريكيين، وأكبرهم على الإطلاق استثمارًا في شراء عملات البيتكوين، وشركته لوحدها بتمتلك حاليًا حسب التقارير الإقتصادية حوالي 628,791 بيتكوين، بقيمة إجمالية تساوي أكثر من 71 مليار دولار!

🔸️ طيب... عمل أيه بقى الراجل ده وأيه علاقته بالموضوع؟

"سايلور" يا صديقي في نهاية سنة 2024، وتحديدًا أثناء تسجيل صحفي عمله في شهر ديسمبر اللي فات، نصح الرئيس ترامب والولايات المتحدة الأمريكية كلها عمومًا، بإنهم يبيعوا كل الدهب الأمريكي ويشتروا بيه عملات البيتكوين Bitcoin المشفرة!

🟣 ومش بس كده... ده نصح بعدها "إيريك ترامب" إبن الرئيس دونالد ترامب في لقاء تاني في يناير من 2025، إنهم يبيعوا أو يرهنوا المنتجع المشهور بتاعهم Mar-a-Lago، ويشتروا بثمنه بيتكوين..

طب هي أيه النصيحة الغريبة دي؟ وليه أمريكا تعمل كده أصلًا؟!

🟢 عشان بحسب "سايلور"، فأمريكا لما تبيع الدهب بتاعها كله، اللي هو حاليًا يقدر بحوالي 8,133.5 طن تقريبًا، فهما هيقدروا يشتروا بقيمته حوالي 5 مليون عملة بيتكوين... وبكده هيضمنوا سيطرة مباشرة على معظم الشبكة العالمية للعملات الرقمية المشفرة، وهيحولوا البيتكوين إلى أحد الأصول الاستراتيجية الرئيسية للولايات المتحدة...

🔘 طب بردو مفهمناش... ليه أمريكا تعمل كده أصلًا، وتتخلى عن حاجة مضمونة زي الدهب، عشان تشتري بيها بيتكوين؟

🔹️ السبب يا صديقي لما تبدأ تستوعبه، هتلاقي قلبك اتقبض...

"سايلور" بيقولك إن تنفيذ التوجه ده، هيخلي قيمة الدهب التاريخية يتخسف بيها الأرض وتبقى مستسواش حاجة غير بضع دولارات... بينما البيتكوين لما يزيد استثمار واعتماد أمريكا عليه، هتزيد قيمته بشكل رهيب جدًا، لدرجة إنه إجمالي قيمة العملات اللي هتمتلكها أمريكا منه هتوصل (حسب تقديراته) لحوالي 100 تريليون دولار!

🔴 وبكده هتبقى أمريكا عملت حاجة بسيطة لكنها كارثية...

هتبقى ضمنت إنها دمرت قيمة الدهب اللي بتمتلكه الدول المعادية ليها (اللي هما الصين وروسيا)، وبكده هتدمر اقتصادهم كله وتخليهم يواجهوا انهيار مالي غير مسبوق... وفي المقابل أمريكا هتبقى اتحكمت خلاص في احتياطي العالم المستقبلي من رأس المال والثروة، اللي هي هتبقى كلها معتمدة على العملات الإلكترونية المشفرة!

وبكده تقدر أمريكا تتحكم في قيمة الديون بتاعتها بسبب تحكمها في قيمة البيتكوين، وتقدر تخفض قيمة الديون اللي عليها وتسددها كلها، وتخلي العالم كله يتدبس في ديونها بدل ما هي اللي تنهار...

🟡 طب معلش ثانية... هل الكلام ده منطقي أصلًا؟ وهل ممكن يحصل فعلاً؟

الجواب المذهل بقى هو أيوه... ده مش بس هيحصل، ده أصلًا بيحصل دلوقتي خلاص، وأمريكا بالفعل واخدة اتجاه لتخفيض قيمة ديونها بشكل وهمي وسري محدش واخد باله منه غير المؤسسات الاقتصادية الكبيرة...

🟣 بس في الواقع الفعلي، الطريقة اللي بتستعملها أمريكا مش هي نفس الطريقة اللي قال عليها "سايلور"...

طب أومال هيحصل ازاي؟

⚫️ الإجابة البسيطة هي إنه هيحصل عن طريق العملات الإلكترونية المستقرة أو الـ Stablecoins...

🟠🟡 بس الأول عشان تفهم القصة بشكل صحيح وببساطة شديدة، لازم الأول أحكيلك يعني أيه "تخفيض قيمة الديون" أو الـ Devaluation...

تخفيض الديون ده يا صديقي مش معناه إن أمريكا هتلغي جزء من ديونها ومش هتدفع اللي عليها... لأ خالص... المعنى الحقيقي للكلمة دي، هي إن أمريكا هتخفض "القيمة الحقيقية للفلوس اللي هتدفعها" عن طريق حاجة اسمها "التضخم أو الـ Inflation"...

🔹️ طب يعني أيه التضخم ده؟!

🔴🔴 بص يا سيدي، تخيل إن كل ثروة العالم اللي موجودة حاليًا لكل الدول، هي عبارة عن ورقة بـ 100 دولار...

أنا بقى كأمريكا، جيت واستلفت الـ 100 دولار دي كلها من الدول التانية بحجة إني "بحميهم"، وشغلتها عندي وربطتها باقتصادي عشان أدور عجلة التنمية عندي وأتحكم في اقتصاد الدول التانية، وأصرف على جيوشي والمصانع بتاعتي ومراكز الأبحاث، وأبقى الدولة الأكبر في العالم...

وفي يوم من الأيام بقى لما انت تيجي تطلب مني إني أرجعلك الـ 100 دولار دي، بدل ما أرجعلك نفس الـ 100 اللي انا خدتها منك وأفلس انا، لأ أنا عندي قوة خارقة... القوة دي هي إني بتحكم في العملة الاحتياطية للعالم، بحجة إن ثروة العالم كله مربوطة بعملتي وبالاقتصاد بتاعي أنا...

🟡 فـ بدل ما أرجعلك الـ 100 دولار، هعمل حاجة تانية... هقوم طابع ورقة جديدة بـ 100 دولار بردو من الهوا كده، وهديلك الـ 100 دولار الجديدة دي، وأخلى معايا الـ 100 دولار الأولانية...

🔹️ كده بقى تفتكر انت أيه اللي حصل في اقتصاد العالم؟

اللي حصل هو إن بقى في 200 دولار بيطاردوا نفس كمية السلع والمنتجات اللي موجودة في العالم، اللي هي لسه زي ما هي ثابتة ومزادتش... اللي زاد بس هو عدد الدولارات نفسه... فبالتالي سعر كل حاجة هيغلى... وده مش عشان الحاجة نفسها قيمتها زادت... لأ... ده عشان عدد الدولارات اللي مع الناس هو اللي زاد، وبالتالي قيمتها الفعلية قلت...

🟢🔘 هو ده بقى التضخم...

أنا لما رجعتلك 100 دولار تانية غير الأولانية، طبعتها من الهوا حرفيًا، ف أنا كده يعتبر زودت كمية الفلوس وقللت قيمتها... وبالتالي الـ 100 دولار دي مبقتش تشتري نفس كمية الحاجات اللي كانت بتشتريها في الأول... بل أصبحت بتشتري 50% فقط من اللي كانت بتشتريه قبل كده...

وبكده؛ أبقى أنا خفضت قيمة الدين اللي عليا، وسددت ما يعادل نص الدين بس، وصفرت النص الباقي!

🔸️فهمت اللعبة جاية منين؟

🔵 طب ماشي خلاص فهمنا ازاي أمريكا ممكن تخفض قيمة ديونها عن طريق التضخم... إيه بقى دور العملات الرقمية المستقرة (Stablecoins) في اللعبة اللي بيخططولها دي؟

شوف يا صديقي... العملات الرقمية المستقرة دي، اللي هي زي الدولار الأمريكي الرقمي (USDT أو USDC)، هتسمح لأمريكا إنها توسّع اللعبة دي بره حدودها...

طب ازاي وأيه السبب؟

🟠 عشان العملات دي برغم إنها عملات رقمية وهمية، إلا إنها مربوطة بشكل حقيقي بسندات الخزانة الأمريكية أو الـ U.S. Treasuries...

يعني بمعنى أكثر بساطة: قصاد كل دولار رقمي (USDT أو USDC) موجود، أمريكا محتفظة بسندات خزانة ليها تكافيء قيمته أو سعره... وبالشكل ده، فأي دولار رقمي انت بتمتلكه أو بتشتريه، فأنت بالشكل ده هتبقى حامل لسندات "دين" أمريكية... حتى لو بشكل غير مباشر...

🟣 والكلام ده معناه أيه؟

معناه إن كل ما شخص في أي حتة في العالم بيستخدم عملة زي USDT أو USDC، فهو بيساعد بشكل غير مباشر في "تمويل ديون أمريكا"!

🔴 فـ لو انا بقى كإدارة أمريكية، جيت في أي وقت وزودت التضخم من خلال إني طبعت دولارات زيادة أو بأي وسيلة تانية، فالخسارة في قيمة الفلوس المرة دي مش هتعود بس على المواطن الأمريكي اللي بيستعمل العملة المطبوعة اللي جوه البلد...

لأ... الخسارة المرة دي هيتم (تصديرها للعالم كله) عن طريق العملات المستقرة دي... وده لإن قوتها الشرائية هتقل هي كمان لإنها مربوطة بالدولار بردو!

🔸️ يعني من الآخر كده، التضخم هيبقى زي "ضريبة مشتركة" بيدفعها كل اللي معاهم العملات دي من ثروتهم!

⚫️ طب ليه العالم كله خايف من الموضوع ده؟

🔴 لإن الدول الكبيرة فاكرة اللي حصل في 1971، لما الرئيس نيكسون فك ارتباط الدولار بالدهب فجأة ونصب على العالم كله في ثروتهم من الذهب اللي كانت مخزناه أمريكا عندها وقالهم مالكوش عندي حاجة... والحدث ده معروف تاريخيًا بإسم "صدمة نيكسون"...

النهاردة، مفيش أي ضمانة تمنع أمريكا إنها تعمل نفس الحركة دي تاني، بس المرة دي مع العملات المستقرة... عشان أمريكا كده كده من عادتها إنها بتغير قواعد اللعبة وقت ما تحب، ومبيفرقش معاهم حد!

🟢 وعشان كده، فالدول الكبرى دلوقتي كلها متجهة لشراء الدهب بكميات ضخمة جدًا، عشان عايزين ينفدوا بجلدهم من المصيدة اللي بتخططلها أمريكا دلوقتي دي...

🔘🟡 ومن ضمنهم بالمناسبة مصر اللي حاليًا بتشتري دهب بكميات رهيبة... وحسب آخر إحصائية، فالبنك المركزي المصري اشترى 18.1 ألف أونصة ذهب في شهر فبراير اللي فات، وقبلها اشترى 16.4 ألف أونصة دهب تانيين في شهر يناير 2025... وبكده أصبح رصيد الذهب لدى البنك المركزي المصري هو حوالي 4.11 مليون أونصة بنهاية شهر فبراير 2025...

وكل شهر تقريبًا البلد بتشتري دهب وتخزنه، بس الموضوع مش بيتم الإعلان عنه في الإعلام... وهسيبلك لينك للمصادر دي تحت 👇

🔸️🟣 المهم بقى إن الهدف اللي بتسعى له الدول اللي بتشتري الدهب دلوقتي، واللي هما كلهم غالبًا من ضمن تحالف "البريكس BRICS"، هو إنهم يأسسوا لنظام مالي موازي، يكون معتمد على الدهب بدل العملات الرقمية المشفرة... وهو ده بالضبط اللي بتشتغل عليه الصين دلوقتي، بطريقة مذهلة وهتبهرك بمعنى الكلمة لما تفهمها وتستوعب هي بتعمل أيه في العالم وانت مش واخد بالك!

هحكيلك بقى الموضوع ده كله في الجزء الثالث من المقال ده، واللي بإذن الله هيصدر بكره في نفس المعاد، وهيفهمك كل حاجة... وهيخلي اللمبة اللي في دماغك تنور، لما فجأة تستوعب أيه اللي بيدور في الكوكب، وليه كل الأحداث المتفرقة غير المفهومة دي بتحصل...
#كيف_ستسرق_أمريكا_العالم
#الجزء_الثاني