لو كنت متابع حركة عملة BANANAS31 النهارده فأنت حرفيًا شفت فيلم أكشن مالي العملة عملت حركة سعرية مجنونة و بعد ما كانت بتتباع بحوالي 2.5 سنت وفجأة طايرة لحد 5.7 سنت يعني عملت زيادة أكتر من 106% في 24 ساعة بس أرقام زي دي مش سهلة دي ممكن تغير حياة ناس… أو تضيع تحويشة العمر في خبطه بس المشكلة الحقيقية مش في الطفرة المشكلة في التفاصيل اللي ورا الكواليس لو دورت شوية هتلاقي منصات تقيلة زي Traders Union و Crypto Times مطلعين تحذيرات سلبية بتقول إن العملة دي ممكن تبقى جزء من لعبة pump and dump يعني يرفعوا السعر بفوليوم صناعي وبعدين يبيعوا على اللي داخليين على الطمع.
كمان فيه تحذيرات تانية بتقول إن السيولة اللي ظهرت فجأة دي جاية من محفظة واحدة كبيرة بتحرك السوق بإيدها. ودي لوحدها علامة استفهام ضخمة ليه مشروع محترم يسيب محفظة واحدة تتحكم في كل حاجة؟
ولو دخلت على مواقع الفحص زي HoneypotCheck .io هتلاقي تقييم بيقولك إن العملة دي فيها احتمال تكون Honeypot يعني فخ ميخليكش تعرف تبيع بعد ما تشتري. الأغرب من كده إن مفيش أي خبر رسمي محترم عن شراكة كبيرة أو تحديث تقني يبرر القفزة دي. ولا في فريق شفاف طلع يشرح للناس إيه اللي بيحصل. كل اللي في الموضوع شوية هاشتاجات على تويتر وميمز بتهز السوق يمين وشمال.
بصراحة الحركة مثيرة جدًا لاي حد بيحب المضاربة بس في نفس الوقت مليانة ريحة تلاعب.لازم تبقى عارف إنك بتلعب في ملعب خطير جدًا واللي مش جاهز يحط ستوب لوس ويدير مخاطره صح ممكن يطلع من اللعبة خسران كل حاجة.
فطالما مفيش شفافية ومفيش مشروع واضح يبقى لازم الواحد يكون متشكك جدًا وماينجرش ورا الهوجة لمجرد إن الرقم بيطلع بسرعة. دي مش أول مرة نشوف عملة بتطير يومين وبعدين تنهار وتختفي في الهوا
و ده طبعا مجرد تحليل و رأي مش نصيحة مالية 😊👻
$BANANAS31 #BANANAS31ToTheMoon #BANANAS31SOARS #BANANAS31binance #BANANAS31