سنة 2024 السوق كان فية اندفاع ضخم من المستثمرين الجُدد خصوصًا صغار المستثمرين اللي دخلوا بكثافة بسبب الزخم اللي حصل حوالين Bitcoin و ETHEREUM والميم كوينز زي PEPE و BONK و TURBO ناس كتير كانت شايفة إن السوق طالع لفوق ومفيش رجوع خصوصًا مع التصريحات الإيجابية من جهات تنظيمية أمريكية واعتماد صناديق ETF للبيتكوين و مع دخول التيليجرام كمحور رئيسي لإطلاق مشاريع جديدة خلّى المستثمرين الجدد يجروا ورا الفرص خصوصًا مع البوتات التلقائية اللي بتسهل التداول في الجروبات.
المشاريع كانت بتنجح بسرعة والمكاسب الفجائية خلت ناس كتير تحس إن الدخول في الكريبتو هو فرصة العمر
📈 الإحصائيات بتقول إن في منتصف 2024 عدد المحافظ الجديدة زاد بنسبة حوالي 40% مقارنة بنفس الفترة في 2023 يعني كان فيه حالة اندفاع كبيرةجدا ناتجة عن تفاؤل و رغبة في الربح السريع بدون تقدير لمخاطر السوق.
إنما في 2025... الصورة اختلفت تمامًا
من أول الربع التاني لـ2025 السوق بدأ يهدى بشكل مريب برغم ارتفاع بيتكوين ل 120الف دولار وناس كتير بدأت تخسر خسائر كبيرة
الأسباب؟ كتير
الحيتان بدأوا يسيطروا على المشهد يدخلوا بدري ويخرجوا بسرعة يرفعوا سعر العملة وبعدها يبيعوا ويوقعوا السوق
التيليجرام اتحول من وسيلة تواصل لمجتمع نشيط لمكان فيه كمية مشاريع وهمية مضخات سعرية وتلاعب واضح بالمستثمر الصغير كمان المستثمرين الصغار اللي دخلوا من غير خبرة بدأوا يكتشفوا إن السوق مش سهل والخسارة زي الربح سريع جدا و أسرع من المتوقع.
📉 بيانات الربع التاني بتشير لإنخفاض بنسبة 27% في المحافظ النشطة مقارنة بـ2024، وانخفاض ملحوظ في حجم التداولات اليومية.
تغوّل الحيتان في السوق
من أخطر التغيرات اللي حصلت هي سيطرة الحيتان على حركة السوق في يونيو 2025 تم رصد زيادة في محافظ الحيتان بنسبة 8% وده معناه إنهم كانوا بيشتروا بكثافة من تحت وقت ما الناس العادية كانت بتبيع بخسارة.
اللي حصل ببساطة هو إن السوق بقى بيتلعب بيه بقوة و مش كل تحرك سببه عرض وطلب حقيقي. في حالات كتير المشاريع كانت بتطلع على ضهر المستثمر الصغير وتتباع للحيتان وبعد كده السعر يقع.
الدروس المستفادة لأي مستثمر بيدخل السوق النهارده
ما تعتمدش على التريند بس افهم المشروع كويس.التنوع مهم، ما تحطش كل رأس مالك في عملة واحدة.تابع تحركات المحافظ الكبيرة، لأن سلوك الحيتان بيأثر على السوق كله.ما تستسهلش الدخول في أي مشروع من جروب تيليجرام مهما كان شكله مغري.
2024 كانت سنة الحماس و 2025 لسه فيها كتير يتقال في فرق كبير بين إنك تدخل السوق على أمل وبين إنك تدخله على علم و اللي بيكسب مش اللي بيدخل بدري بس لكن اللي بيفهم السوق بيدير مخاطره وبيقرر بناءً على تحليل مش شائعات.
و في النهاية ي صديقي ده مجرد تحليل مش نصيحة مالية 👻😊
#ETHBreaks3700 #StablecoinLaw #StrategyBTCPurchase #CryptoMarket4T $BTC