في السوق الكراسي دايمًا بتتهز لكن المنافسة دلوقتي بين البيتكوين BTC والإيثريوم ETH … ده ممكن يكون بداية تغيير في شكل القيادة المؤسسات اللي كانت بتحط فلوسها في البيتكوين باعتباره الذهب الرقمي بدأت تلف وشها ناحية الإيثريوم و الاحتياطيات المؤسسية من ETH عدّت 6.25 مليار دولار وده رقم مرعب بيدّي إشارة إننا داخلين على نقلة استراتيجية.
🧠 ليه الإيثريوم بقى على رادار المؤسسات
بعكس البيتكوين الإيثريوم بعد ما بقى Proof of Stake بقى يقدّم أرباح من الـStaking حوالي 3% سنويًا كمان ETH مش بس عملة… دي منظومة كاملة لعقود ذكية DeFi، NFTs وتطبيقات بتتبني عليه كل يوم. و مع الدمج The Merge لـ Pectra التطويرات اللي بتحصل على الإيثريوم خلّته أسرع وأكفأ وأرخص في المعاملات.
أكتر من 545 ألف ETH انضافوا لحسابات صناديق الاستثمار الشهر ده بس، بقيمة تقريبية حوالي 1.6 مليار دولار
💥 طب والبيتكوين؟ راح عليه ؟
لأ طبعًا… البيتكوين لسه الملك. قيمته دلوقتي حوالى $117,800 ولسه مهيمن على أكتر من 64% من السوق. المؤسسات شايفاه كـخزنة رقمية ومصدر أمان في الأزمات. وعلى فكرة صناديق ETF بتضخ حوالي 3.7 مليار دولار شهريًا فيه.
يعني ببساطة BTC = أمان وندرة و ثقة.
ETH = نمو ز عوائد و تطبيقات.
📊
البيتكوين BTC السعر الحالي ≈ $117,800 العوائد السنوية لا يوجد الاستخدامات تخزين قيمة فقط الدعم المؤسسي الأقوى تاريخيًا التحديثات بطيئة و محافظة
الإيثريوم ETH ≈ $3777 العوائد السنوية حوالي 3% Stakingالاستخدامات عقود ذكية، DeFi، NFTs بينمو بسرعة الصاروخ التحديثات مستمرة و جريئة
🔮 التوقعات: اللي جاي فيه إيه
في المدى القصير البيتكوين هو القائد خاصة في حالات عدم الاستقرار العالمي.
في المدى المتوسط والطويل الإيثريوم عنده فرصة إنه يكون الملك الجديد لكن مش كبديل كـ"نجم تاني بيقود السوق بطريقة مختلفة".
الاتنين مش هيطيحوا ببعض… بل هيكملوا كقوتين بيكمّلوا بعض. زي دهب وعقار. كل واحد ليه فايدة، وكل واحد ليه جمهور.
✅ اللي تهمك كمستثمر
لو بتدور على الأمان؟ البيتكوين هو عنوانك.
لو بتدور على العوائد والنمو؟ الإيثريوم هو لعبتك.
ولو ذكي؟ هتوازن بينهم وتخلي محفظتك متنوعة
و ده طبعا مجرد رأي مش نصيحة مالية 😊👻