إيه اللي بيحصل في السوق ؟ بيتكوين نزلت تحت الـ100 ألف و إيثيريوم تهت 2200
النهاردة السوق كله اتقلب فجأة وشفنا هبوط كبير في العملات أولهم البيتكوين اللي نزلت تحت مستوى اقل من 100 ألف دولار لأول مرة من أكتر من شهر و كمان الإيثريوم نزلت تحت 2200 دولار
و السبب الرئيسي هو التوترات السياسية وتحديدًا بعد ما إيران لمّحت بإمكانية إنها تقفل مضيق هرمز وده ممر بحري مهم جدًا بيمر منه حوالي 20% من بترول العالم. السوق دخل في حالة خوف والمستثمرين بدأوا يبعدوا عن المخاطرة فبدأت الناس تبيع عملات.
غير كده أمريكا ضربت مواقع نووية في إيران فالدنيا سخنه من الصبح والإيثريوم خدت ضربة أقوى بسبب ده. وكمان خلصت عقود خيارات كتير امبارح فده زوّد عمليات البيع بشكل واضح.
من ناحية التحليل الفني البيتكوين ممكن تلاقي دعم عند 97 ألف، ولو نزلت أكتر الناس هتبدأ تفكر في فرص شراء جديدة. أما الإيثريوم، فالدعم حوالين 2100 دولار، ولو صمد، ممكن نشوف ارتداد خفيف.
لو انت مستثمر طويل المدى، ممكن تكون دي فرصة كويسة تجمع شوية كريبتو بأسعار أقل. بس لازم تكون حذر، وحط دايمًا وقف خسارة، واتابع الأخبار أول بأول.
السوق دلوقتي حساس جدًا، ومفيش حاجة ثابتة… خليك صاحي وشوف الفرص لما الكل بيخاف!