📉 الدين الوطني الأمريكي وصل لـ ٣٧ تريليون دولار لأول مرة في تاريخه وربع الضرائب اللي بتحصّلها الحكومة الأمريكية بيروح يدفع فوائد بس ده مش رقم صغير وبيفتح الباب لأسئلة كتير عن التضخم، واستقرار الاقتصاد ومستقبل الدولار نفسه.
دلوقتي في ناس كتير بدأت تسأل: هل الدولار هيستمر بنفس القوة؟ ولو لا، طب إحنا نحط فلوسنا فين؟
وهنا بتيجي العملات المشفرة في الصورة. ناس كتير شايفة إن البيتكوين بقى "ملاذ آمن رقمي" زي الذهب، وده بيخلي بعض المستثمرين يحولوا جزء من محافظهم عليه وقت القلق. نفس الكلام على العملات المستقرة زي USDC و DAI اللي مربوطة بالدولار بس من غير تدخل حكومي مباشر وبتدي نوع من الاستقرار.
بس خلّي بالك لو السوق اتوتر ممكن يحصل بيع جماعي في كل الأصول عالية المخاطر. يعني الموضوع ليه وجهين ممكن الكريبتو يستفيد من فقدان الثقة في النظام المالي وممكن يتأثر معاه لو حصلت أزمة كبيرة.
🔍 خليك مرن و راقب السوق كويس ووزّع استثماراتك بحكمة. الدولار ممكن يكون لسه قوي بس مش مناعة واللي فاهم بيتحرك بدري.
