احنا في حالة توتر جيوسياسي بسبب الضربات الأمريكية على مواقع فوردو و ناتنز و إصفهان الإيرانية النووية و ده خلى أسواق المخاطرة وخاصة الكريبتو تتحرك بشكل سريع وصادم أمريكا ضربت المنشات بمجموعة من القنابل الاختراقية وصواريخ تاماهاوك بالتنسيق مع الكيان و الضربات دمرت معظم المنشآت بدون تسريبات إشعاعية بس حصل حالة من التوتر العالمي. أول رد فعل للسوق كان هبوط سريع في الأصول عالية المخاطرة
بيتكوين بيلعب في مناطق 100–103 ألف دولار. مع تقلبات عالية جدا في الساعات الأولى بعد الضربة بس مع بداية تعاملات آسيا وأوروبا الأسعار بدأت تستقر شويّة.
كمان مؤشر الخوف والطمع حاليا حوالي 40 وبيستمر ينزل تجاه منطقة الخوف الشديد ده معناه إن المتداولين بيفضلوا يخرجوا من السوق أو يقللوا مراكزهم المعرّضة. لو المؤشر يقرب من 20–30 بنقول إنه وصل للذروة السلبية وده غالبًا بيكون إشارة للشراء المُعلن
التوقعات القريبة
ما دام التوتر محتدم متوقع تشبع في عمليات البيع والشراء السريع مع نطاق تداول محتمل 98 ل 105 الف دولار للبيتكوين أي كسر تحت 98k ممكن يفتّح باب نزول لأقل من 95 الف والعكس بالعكس لو حصل تصريح لوقف التصعيد.
في فرص سريعة المضاربين ممكن يستفيدوا من الريتست عند 100الف دولار لفتح مراكز شرائية قصيرة مع وضع stop loss صارم حوالين 97 ألف دولار
سيناريو التصعيد الطويل لو الأزمة امتدت لشهور، السوق ممكن يشهد هبوط إضافي يصل لـ –20% من المستويات الحالية (يعني ممكن نلمس 80–85 ألف دولار).
أو تجربة مشابهة لأحداث الأزمة الأوكرانية حيث بعد تخفيف التوترات ارتد السوق بقوة خلال 4–6 أسابيع، ووصل البيتكوين لمستويات أعلى من قبل الهبوط.
رغم التوترات، فيه Institutionals و شركات كبرى بتستعد تدخل السوق لو وصل لمناطق 80 ألف فلو نجحوا إنهم ينفذوا عمليات شراء كبيرة ممكن يسحبوا السوق للارتفاع منتصف الشهور الجاية
استخدم تحليلات الشموع اليومية والـ RSI، وحط نقاط وقف خسارة (stop-loss) واضحة وخلي جزء سيولة جاهز للتخصيص لو وصل السعر 85–90k وأوعى تدخل كامل رأس مالك دفعة وحدة و تابع مؤشر الخوف والطمع ومتابعة الأخبار الجيوسياسية أول بأول.
السوق في مرحلة اختبار ثقة حادة ومستنيه تتضح خطوط الصراع الجيوسياسي. لو ضغط البيع استمر الأسعار هتكمل هبوط ولو حصل انفراجة، هنشوف انتعاش سريع. الأهم إنك تكون جاهز بخطة واضحة سواء للشراء أو البيع وتتجنب العواطف قدر الإمكان. اتّبع استراتيجيتك، وخليك دايمًا متابع ومصمم على حاجتك سواء كانت تحقيق ربح سريع أو بناء موقع استثماري ثابت.
