🇺🇸📢 SEC ເປີດຕົວ “Project Crypto” — ສະຫະລັດເອົາແທ້! ປົດລ໋ອກຕະຫຼາດຄຣິບໂຕ ກະກຽມດຶງບໍລິສັດກັບຄືນປະເທດ

ຈາກສັດຕູກາຍເປັນມິດ? ຫຼັງຈາກທີ່ເຄີຍຂັດແຍ່ງກັບວົງການຄຣິບໂຕມາເປັນເວລາດົນ, ຕອນນີ້ SEC ສະຫະລັດ ພາຍໃຕ້ຜູ້ນຳຄົນໃໝ່ Paul Atkins ໄດ້ຫັກມຸມຢ່າງເຕັມຕົວ! ປະກາດເປີດຕົວໂຄງການໃໝ່ສຸດອະລັງການ “Project Crypto” ທີ່ຈະປະຕິຮູບຕະຫຼາດການເງິນຂອງອາເມຣິກາໃຫ້ເຂົ້າສູ່ຍຸກ “on-chain” ຢ່າງເຕັມຮູບແບບ.

ຂ່າວນີ້ບໍ່ແມ່ນພຽງແຕ່ເປັນເລື່ອງດີເທົ່ານັ້ນ — ແຕ່ເປັນຈຸດປ່ຽນສຳລັບຄຣິບໂຕທັງວົງການ, ໂດຍສະເພາະຝັ່ງ RWA (Real-World Asset Tokenization) ທີ່ລາຄາໄດ້ໂດດທັນທີ +5.45% ເພາະນີ້ອາດຈະເປັນບາດກ້າວສຳຄັນໃນການປ່ຽນ Wall Street… ໃຫ້ກາຍເປັນບລັອກເຊນ!

🧠 Project Crypto ແມ່ນຫຍັງ?

SEC ພາຍໃຕ້ການນຳຂອງ Paul Atkins ປະກາດວ່າ:

“ຄຣິບໂຕສ່ວນໃຫຍ່ບໍ່ແມ່ນ securities ແລະ ສະຫະລັດຄວນເປັນປະເທດທີ່ດີທີ່ສຸດໃນໂລກສຳລັບການສ້າງສັນ, ການລະດົມທຶນ ແລະ ການພັດທະນາເຕັກໂນໂລຢີໃໝ່ໆ.”

📍 ພາຍໃນໂຄງການນີ້ SEC ຈະ:

🔹 ປັບປຸງ ກົດລະບຽບຫຼັກຊັບ ໃຫ້ເຂົ້າກັບໂລກ on-chain.

🔹 ເປີດທາງໃຫ້ມີ ຕະຫຼາດຊື້-ຂາຍຊັບສິນດິຈິຕອລ ທັງໃນຖານະ securities ແລະ commodities.

🔹 ເຮັດວຽກຮ່ວມກັບ Crypto Task Force ທີ່ນຳໂດຍ Hester Peirce.

🔹 ເຮັດ “ກົດລະບຽບທີ່ຊັດເຈນ ເຂົ້າໃຈງ່າຍ” ສຳລັບເລື່ອງສຳຄັນເຊັ່ນ:

🔹 ການຈົດທະບຽນ (registration)

🔹 ການເບິ່ງແຍງຊັບສິນ (custody)

🔹 ການຊື້-ຂາຍ (trading)

🔹 ການປ້ອງກັນການຟອກເງິນ (illicit finance)

🇺🇸 ປັດຝຸ່ນ SEC – ລຶບຄຳຕິສິນວ່າ “ສັດຕູຄຣິບໂຕ”

ນີ້ຄືສັນຍານການປ່ຽນແປງທີ່ສຳຄັນຈາກຍຸກທີ່ SEC ເຄີຍຖືກວິພາກວິຈານວ່າໃຊ້ວິທີ “regulation by enforcement” ໄລ່ຟ້ອງໂຄງການຄຣິບໂຕຢ່າງບໍ່ໄວ້ໜ້າໃຜ (ເຊັ່ນ: XRP, Coinbase, Uniswap, ແລະອື່ນໆ) ແລະ ເຄີຍມີ “Operation Chokepoint 2.0” ທີ່ບີບທະນາຄານບໍ່ໃຫ້ຫຍຸ້ງກ່ຽວກັບຄຣິບໂຕ.

ແຕ່ມື້ນີ້ Paul Atkins ໄດ້ປະກາດຢ່າງໜັກແໜ້ນວ່າ:

“ພວກເຮົາຈະດຶງບໍລິສັດຄຣິບໂຕທີ່ເຄີຍໜີໄປຕ່າງປະເທດ… ໃຫ້ກັບຄືນມາເຮັດທຸລະກິດໃນບ້ານເຮົາອີກຄັ້ງ!”

📊 ກ່ຽວຂ້ອງກັບກົດໝາຍໃຫຍ່: Crypto Market Structure Bill

Project Crypto ຍັງຖືກອອກແບບໃຫ້ ສອດຄ່ອງກັບຮ່າງກົດໝາຍຕະຫຼາດຄຣິບໂຕ ທີ່ເພິ່ງຖືກສະເໜີໂດຍ ຄະນະກຳມາທິການການທະນາຄານຂອງວຸດທິສະພາ (Senate Banking Committee) ເຊິ່ງຕ້ອງການໃຫ້ SEC:

🔸 ອອກກົດລະບຽບທີ່ ຊັດເຈນ ແລະ ງ່າຍຕໍ່ການປະຕິບັດ.

🔸 ຍົກລະດັບລະບົບການເບິ່ງແຍງ ແລະ ປ້ອງກັນຄວາມສ່ຽງໃນວົງການຄຣິບໂຕ.

🔸 ສົ່ງເສີມການເຕີບໂຕຂອງ RWA ແລະ ການນຳ real-world assets ມາສູ່ໂລກບລັອກເຊນ.

🔥 ບົດວິເຄາະຈາກ CryptoMate:

ບາງທີນີ້ອາດເປັນການພິກເກມທີ່ຫຼາຍຄົນລໍຄອຍ — ຈາກ “ຝ່າຍສັດຕູ” ກາຍມາເປັນ “ພັນທະມິດ”.

✅ ຖ້າ SEC ເດີນໜ້າ Project Crypto ແທ້:

▫️ ບໍລິສັດໃຫຍ່ທີ່ໜີໄປຕ່າງປະເທດ ເຊັ່ນ Binance.US ຫຼື Kraken ອາດພິຈາລະນາກັບຄືນມາ.

▫️ ນັກລົງທຶນສະຖາບັນໃນສະຫະລັດຈະເຂົ້າມາຫຼາຍຂຶ້ນ ເພາະມີກົດລະບຽບທີ່ຊັດເຈນ.

▫️ ຕະຫຼາດ RWA ແລະ tokenized securities ອາດເຕີບໂຕແບບກ້າວກະໂດດ.

⚠️ ແຕ່ກໍຕ້ອງລໍຖ້າເບິ່ງວ່າ:

▪️ ກົດລະບຽບ “ເຂົ້າໃຈງ່າຍ” ທີ່ເວົ້າມານັ້ນ… ຈະງ່າຍແທ້ບໍ່?

▪️ ສະພາ Congress ຈະຜ່ານກົດໝາຍນີ້ໄດ້ໄວສ່ຳໃດ?

▪️ ຝ່າຍການເມືອງຈະຫຼິ້ນເກມຫຍັງອີກ?

✍️ ສະຫຼຸບສັ້ນສຳລັບນັກລົງທຶນ

• SEC ເປີດເກມໃໝ່ທີ່ສົ່ງເສີມຄຣິບໂຕຢ່າງເຕັມຕົວ.

• ເປີດທາງໃຫ້ RWA ແລະ ຊັບສິນ tokenized ເຕີບໂຕ.

• ສັນຍາວ່າຈະອອກກົດລະບຽບທີ່ຊັດເຈນ ແລະ ດຶງບໍລິສັດທີ່ໜີອອກນອກປະເທດກັບຄືນມາ.

📚 ແຫຼ່ງຂ່າວ: Blockbeats, SEC.gov

#ProjectCryto #PaulAtkins