هالاسبوع، الكونغرس الامريكي داخل بـ (Crypto Week). سموه (اسبوع الكريبتو) لان هنالك سلسلة اجتماعات وتصويتات حاسمة ممكن تغيّر مستقبل الكريبتو داخل امريكا.. وحتى بالنسبة لنا.
🧾 شنو هاي القوانين الثلاثة؟
1. Clarity Act – قانون الوضوح التنظيمي
هذا يتعلق بتنظيم سوق الكريبتو بشكل واضح وصريح ويحدد شغل SEC و CFTC ويمنح بعض العملات (المبنية على بلوكتشينات متكاملة) استثناء من قوانين الاوراق المالية القديمة.
📌 المعارضين مثل السيناتورة اليزابيث وورن يقولون بأنه هذا القانون راح يسمح للشركات تتحايل على قوانين الاوراق المالية الامريكية.
2. GENIUS Act – قانون تنظيم الستيبلكوينات
هذا يحدد شنو نوع الجهات المسموح لها تطلق عملات مستقرة، ويشترط احتياطي 1:1 بالدولار او اصول سائلة.
⚠️ البعض يحذر من ان القانون ممكن يسبب مشاكل بالنظام المالي الامريكي اذا ما تم تطبقه بحذر.
3. Anti-CBDC Surveillance State Act – قانون منع الدولار الرقمي
وهذا القانون يمنع البنك المركزي الامريكي (الفيدرالي) من اصدار CBDC (دولار رقمي رسمي)، ويأكد انه الكونغرس هو فقط الي يملك صلاحية اصدار عملة رقمية، حتى يحمون الخصوصية المالية للمواطنين.
ما شاء الله! خايفين على خصوصية الناس.. بالنهاية هو CBDC يعني (عبودية رقمية) المهم، ما علينا.. الناس حابين يصيرون عبيد، خلاص براحتهم.. خلي نكمل..
🔒 هذا القانون هدفه الاساسي (هدفه النبيل.. نبيل شعيل) هو منع المراقبة الحكومية على المصاريف الشخصية.
🎯 طيب.. ليش هالقوانين مهمة لسوق الكريبتو؟
لان اذا هالقوانين تم تمريرها، راح يصير هنالك اطار قانوني واضح داخل امريكا، يساعد على تبني الكريبتو بشكل اكبر. وايضا، السوق راح يتحرك حسب نتيجة التصويت. يعني:
✔️ لو تم تمريرها → راح يعتبر اشارة ايجابية
❌ لو رفضوها → ممكن يصير ضغط على السوق (سلبي)