هل يحتاج #البيتكوين تحليل لمعرفة اتجاهه؟
❌ الاجابة لا..
اسمح لي اقولك ليش وشلون (انا شخصيا) مستفيد من اغلب التقلبات الي تصير هذه الفترة (بصمت).
اسألك هذا السؤال:
(انت مقتنع انه #بيتكوين عاجلا ام اجلا راح يصعد؟)
اذا اجابتك هي (نعم). إذن، شنو منتظر؟ اشتري الان.
⁉️ ليش..
لان اذا انت اشتريت بيتكوين على سعر 100,000$ وصديقك اشتراه على سعر 110,000$ وصعد البيتكوين وصل الى 140,000$، انت وصديقك ربحانين بغض النظر عن الرقم الي اشتريت فيه.
ولكن..
اذا عاجبك تستفيد على المدى القصير - المتوسط، بهالحالة تقدر تشتري مع كل هبوط، وتبيع مع كل صعود حتى لو كان بسيط.
⁉️ شلون..
اختار عملة من العملات الكبيرة (الي تعتبر شبه مضمونة)، مثل $SOL او $ETH او $BTC وهكذا. ادرس سلوكها السعري لمدة اسبوع، وسجل الارقام.
وقتها راح تعرف المدى الي تتقلب فيه العملة. على سبيل المثلا عملة $SOL هذه الفترة تقلباتها كانت ما بين 130$ - 160$ (اقل او اكثر شوية)، مو شرط تكون دقيق 100%، المهم تاخذ range معين تكون انت بداخله، تبيع مع الصعود وتشتري مع الهبوط.
—
☝️ ولكن.. وين الكارثة؟
الكارثة لما تكون منتظر رقم معين (نقطة دخول) او ما يسمونه (اشارة دخول) من البيتكوين، او حتى من (استحواذ البيتكوين)، وهو (البعبع) الي مدمر حياتهم ومانعهم من الاستفادة من التقلبات هذه.
