السعر حالياً:
#بيتكوين الان تقريبا $116,435 يعني تقريبا أقل بـ 5٪ من اعلى سعر سجله، والي كان حوالي $123,000
الحدث المهم:
يوم 9 يوليو كان الموعد النهائي لانتهاء فترة التجميد الي وضعها الرئيس ترامب لمدة 90 يوم على الرسوم الجمركية الامريكية.
شنو صار بعد 9 يوليو؟
رغم انتهاء فترة التجميد، ما تم تطبيق الرسوم مباشرة. الي صار هو انه الحكومة الامريكية سمحت بوقت اضافي للمفاوضات.
والتطبيق الفعلي للرسوم ممكن يصير بداية اغسطس اذا ما صار اتفاق. هذا التأجيل الغير رسمي خلى السوق يتنفس، ورفع شهية المستثمرين للدخول لشراء البيتكوين.
إذا صار تأجيل ثاني، الاسواق راح تفسره انه الحكومة (مترددة تطبّق القرارات)، وهذا الشي يعزز شهية المستثمرين للمخاطرة اكثر – وهنا تجي دفعة اخرى للبيتكوين.
شنو وضع السوق حالياً؟
- البيتكوين فوق $116K
- كسب اكثر من 50 مليار دولار خلال 24 ساعة بس!
- واذا كانت البيانات الاقتصادية زينة يوم الثلاثاء، السوق راح يكمل طفرته.
شنو نسوي كمتداولين؟
- تابع الأخبار عن الرسوم الجمركية وتأجيلها.
- راقب تغريدات ايلون ماسك، لأن تأثيره بعده قوي بالسوق.
- اذا صار هبوط مؤقت، ممكن يكون فرصة شراء قبل (اسبوع الكريبتو Crypto Week) الاسبوع الحالي بواشنطن.
شنو نسوي كمستثمرين؟
- اذا انت مشتري:
لا تبيع بعجلة. السوق متذبذب، بس اكو اخبار سياسية واقتصادية ممكن تدفعه فوق، فاصبر وراقب. حدد نقاط خروج واضحة. حدد سعر معين اذا وصلته العملة تبلش تطلع جزئياً، حتى تأمن ارباحك. تابع التطورات يوم بيوم. خصوصاً هذا الاسبوع (Crypto Week)، التصويتات ممكن تغير اتجاه السوق.
اذا مو مشتري:
خلي عينك على البيتكوين. اذا كسر اعلى سعر مجددا، ممكن تبدي طفرة جديدة بالسوق. ابدأ بمبلغ بسيط. السوق ممكن يهبط فجأة، فلا تدخل بكل راس المال دفعة وحدة.
نقطة مهمة:
اذا الفيدرالي لمح بتخفيض الفائدة، الكل راح يركض على بيتكوين واثيريوم للهرب من التضخم. وطبعا السيولة تدريجيا تنتقل للعملات البديلة.
