HIMA CHART

🔹 Crypto Total Market Cap Excl. Top 10 – Weekly

المؤشر ده بيقيس قوة العملات البديلة الصغيرة خارج التوب 10

دلوقتي بشكل مختصر إحنا عند دعم أسبوعي تاريخي حصل عليه ارتداد أكثر من مرا

والسيناريو الحالي ممكن يقودنا إلى
🎯 10% - 14% دومينانس خلال 3 إلى 6 شهور (وممكن أقل ) حسب الفريم الاسبوع

وده معناه دخول فعلي في Altseason حقيقي إن شاء الله

📌 تركيزي الحالي على الـAltcoins ليه
لأننا في مرحلة تجميع واضحة واساسا كله في عملات صغيره فلازم أوضح السيناريو ليهم

اي نعم طولت شويه فترة التجميع وفي ضغط نفسي علي الكل وكله مستعجل علي اهداف عملاته بس مفيش حل غير الصبر

كلما بدأ السوق يُظهر بعض الإيجابية وتبدأ الأخبار الجيدة في الظهور وتتشكل ملامح مسار واضح أمام المتابعين
نتفاجأ بعد يومين بتحركات غريبة تُعيد حالة التشتت إلى الواجهة
لان اليوم تم رصد تحريك عدة محافظ قديمة تعود إلى عصر ساتوشي
التحركات غير معتادة وداه معروف وخاصة أنها جايا في وقت مهم زي الوقت الحالي

ما نراه اليوم ليس مجرد FUD عادي بل ارتباك مقصود قد يكون مقدمة لشيء أكبر
الأوقات دي دايمًا بتكون مفصلية قبل الحركات الضخمة واللي بيفهم في market psychology يعرف إنها مرحلة غربلة حقيقية

لهذا ركّز
تمسّك بعملاتك لا تتحرك بالعشوائية ولا تدع الأخبار تشوّشك
ابقَ ثابتًا... فالذهب لا يلمع إلا بعد الضغط

استحواذ البيتكوين (BTC.D) حالياً في مناطق حرجة، وأي rejection من هنا ممكن يكون بداية liquidity rotation حقيقي

📉 الهبوط في الدومينانس مش لازم ياخد وقت زي الصعود أحياناً 3-4 شموع يومية كفاية عشان نشوف Altseason مصغر وانفجارات من 100% لـ 200%

البيتكوين قرب يكمل قمة جديدة وبعدها السيولة غالباً هتتحول للـ altcoins وده السيناريو الكلاسيكي في كل macro cycle

الخلاصة الوضع الحالي فوق الممتاز ✍

#FLOKI

محاولة اختراق ترند هابط (Downtrend Breakout)

لو حصل الاختراق وتم تأكيده بحجم تداول كويس (Volume) فدي أهداف قريبة محتملة أن شاء الله

الأهداف القريبة لـ FLOKI بعد اختراق الترند أن شاء الله

الهدف الأول: 0.000084
الهدف الثاني: 0.000093
الهدف الثالث: 0.00011

الوضع الحالي في السوق بشكل مبسط ومختصر يشباب

حاليًا معظم العملات altcoins شبه مقيدة في الحركة ومش قادرة تنطلق والسبب الأساسي هو dominance العالي للبيتكوين اللي مأثر على ضخ السيولة لباقي السوق

أغلب المتداولين منتظرين إن Bitcoin يحقق new all-time high ATH وساعتها السيولة تبدأ تتحرر وتدخل في العملات البديلة وده اللي هيخلينا نشوف هبوط واضح في Bitcoin dominance

فلو شفت البيتكوين بيصعد والعملات لسه مشلولة متقلقش ده طبيعي جدًا كل ده بيخدم مصلحة altseason اللي جاي إن شاء الله بس محتاجة شوية وقت وصبر

تحليل سيولة متقدم - Bitcoin & Ethereum
بالنظر إلى خريطة السيولة (Liquidity Heatmap) بنلاحظ تمركز سيولة كثيفة حوالين مستويات 103K على البيتكوين ما يُرجّح احتمالية تصحيح سعري قصير (liquidity sweep) في هذه المنطقة قبل أي ارتداد أن شاء الله

نفس السيناريو على الإيثريوم مع مناطق طلب قوية قرب 2300$ تُشير لاحتمال reversal محتمل بعد التصحيح.

التصحيحات دي تعتبر حركة تنظيف مراكز (Stop Hunt) قبل استمرار الاتجاه الصاعد. أن شاء الله

نراقب مناطق السيولة لأنها المحرك الأساسي برئيي لتحركات السعر مش المؤشرات التقليدية فقط

نتابع وربنا يوفقنا للقادم

في الموسم ده تحقيق 10X أو حتى 20X مش معجزة، لكن مش أي عملة هتوصلك لكده. النجاح هيكون للمشاريع القوية وسط آلاف العملات.

شوف النهارده في بايننس مثلًا فيها كثير عملات شوف كم عملة طلعت قائمه رابحون من كل العملات دي ؟
نفس الفكرة هتتكرر في السوق بشكل عام في مشاريع هتصعد 50%-100%، وفي اللي هتعمل أضعاف كده توصل ل 20X حته واكثر

بس عشان تصطاد الفرص دي؟ محتاج بحث، فهم، وتمركز ذكي، مش مجرد تتابع محلل وتنفذ. لأن مش كل المحللين على نفس المستوى
كل محلل ليه نظرة وبحث خاص وكل واحد بينصح بمشاريع مختلفة ولو جيت تحسب كم شخص قلك عملة هتحقق 100X هتلاقي أكثر من 200 عملة

فلازم في الاخير تبحث بنفسك وتتعلم

ابدأ اليوم تتعلم استخدم الأدوات الصح وركز في المشاريع اللي فعلاً تستاهل

وانا هساعدكم وهعمل ثريد قريب أساعدكم فيه واقرب ليكم المسافة ازاي تستخدمون أدوات صح لتعرف المشاريع الي ممكن يكون عليها هايب مستقبلا

BTC
109k soon

Altseason is loading...⏳ Altcoins are setting up for a massive breakout INSHA'ALLAH

اذا اخذنا في رحلة الهبوط اسبوعين فرحلة الصعود والتعافي ستكون في يومين

📊 هيمنة العملات البديلة (OTHERS.D)
الشارت ده بيقيس سيطرة العملات البديلة على السوق، باستثناء:
بيتكوين - إيثيريوم - العملات المستقرة.

✅ كنا حللناه من شهور ووضحنا إننا داخلين على موسم عملات بديلة قوي...
النهاردة ورغم الضغط والهبوط، إلا إن الشارات علي الأسبوعي بيأكد استمرار الصعود
وده معناه إن اهتمام السوق بالعملات البديلة هيزيد... والمجال لسه فيه كتير خير

الفترة دي مش سهلة، كلنا حاسين بالضغط والي بيحصل فربنا يهون علي الجميع

📢 هل موسم العملات مجرد خرافة؟

الناس كتير بتسأل:
"هو في موسم عملات فعلاً؟ ولا إحنا كل شوية نقول استنوا وخلاص واصبرو

خليني أقولك ببساطة:
موسم العملات مش خيال... موسم العملات ليه توقيت وشروط وبوادر بتأكد أن في موسم عملات

خلينا نتفق أن السيولة بتتوزع مش مش بتفضل في البيتكوين طول الوقت!
صح

بعد كل موجة صعود قوية للبيتكوين
المستثمرين الكبار يبدأوا يسحبوا أرباحهم من البيتكوين ويدوروا على فرص تانية تضرب أضعاف

وده الوقت الحقيقي اللي بيخلّي السيولة تتحرك للعملات البديلة وييجي دورها

لأن العملات البديلة (Altcoins) بتكون لسه ما خدتش نصيبها من الصعود فبيبدئو يدخلو سيوله عشان بيكون فيها فرص

🔄 اللي بيحصل باختصار حاليا :

✅ البيتكوين يصعد ويوصل قمم وداه اقرب خطوا منتظرينها
✅ وقتها هنشوف السيولة تخرج منه بهدوء
✅ تبدأ تدخل العملات البديلة
✅ فجأة تلاقي عملات بتجري ورى بعض وقطاعات كاملة بتشتعل زي محصل في اوائل 2024

📉 قيس علي كلامي اول ميحصل بتشوف بعدها = هبوط BTC Dominance وهوا استحواذ البيتكوين

لما نلاقي سيطرة البيتكوين (BTC Dominance) بتنزل من 65 % لـ 60 % أو أقل اعرف
ده معناه إن الفلوس ابتدت تتوزع وموسم العملات بيبدأ فعليًا

🎯 الخلاصة:

إحنا مش بنصبر الناس علفاضي
إحنا بنقولهم: اصبروا عشان اسباب واضحه
وحبيت في المنشور داه أوضح بشكل بسيط ليكم
وبالتوفيق ❤️

كل مرة نحلل السوق ونوضح الواقع البعض يهاجم ويقول من يومكم بتقولوا كده، فين الصعود؟"

ولما نتكلم عن الضغط النفسي وننصح بالصبر، الرد بيكون: "نصبر لحد إمتى؟ أنتم دمرتوا الناس!

بس خليني أقولك ببساطة:
اللي أنت حاسه دلوقتي إحنا كمان عايشينه، بس متأقلمين وفاهمين إن ده جزء من دورة السوق.

زي ما في هبوط دموي، هييجي بعده صعود قوي... بس محتاج صبر وهدوء.

ده سوق الكريبتو وداع طبيعته

واحب اعرفك الدوره دي الصعود الي هيحصل فيها مش هيستفاد منه غير قله قليله وصدقني هيشوفو خير كبير

لان خلال شهرين تلاته انتم عارفين كويس اوي أن سهل نشوف 10X في العملات بس من كتر الي بيحصل حاليا الناس نسيو كدا خلاص وفقدو الامل#Crypto #Bitcoin #Altcoins #CryptoMarket #BullRun #CryptoNews #Blockchain #DeFi

لو تلاحظو أن احنا رجعنا لنفس مناطق الأسعار اللي كنا فيها قبل
الأخبار السلبية الحروب إنهيار عملات وحالة الخوف كلها ضغطت على السوق وخلّت الكتير يشك ويخرج برده

لكن اللي حصل قبل كده بيأكد إن السوق عنده قدرة يتعافى بسرعة بس مش 50%او 100% زي محصل في بعض العملات ممكن نشوف ارقام قويه المرا دي وماتشوفش التصحيحات دي تاني والله اعلم ✍️

المرحلة الحالية بالنسبه هي مرحلة تجميع وضغط نفسي على الكل ودي بقلنا شهور وانا زهقت والكل زهق أنا عارف بس لو حد عنده حل تاني يقول

قرار خروجك من السوق مش هينقص السوق حاجه بل بالعكس هيكون اسوء قرار

ربنا يجعلنا من الصابرين

🔸 تحديث البيتكوين:

طالما السعر أعلى 105K مفيش قلق حاليًا.
كسر 105K يفتح الطريق للدعم التالي عند 101K، ولو كُسر كمان فـ 93K هو الدعم اللي بعده.

📌 نتابع، وبعدين نرجع نركّز على فرص العملات بإذن الله.

المماطله قبل الصعود هتاخد وقتها والصعود هيمحي كل التفاهات الي بتحصل في الشارت
مقدر أن كل واحد مستعجل أن يطلع من الدوره دي بربح وكلنا كدا وكلنا منتظرين الصعود ولاكن الوضع غالب علي الجميع هي مسئلت وقت أن شاء اللة

عااااجل
توتر عالمي متصاعد
ترامب يعقد اجتماعًا أمنيًا طارئًا في البيت الأبيض وإيران ترفع التأهب العسكري للجيش والحرس الثوري.

ووزير الدفاع الإيراني سنضرب كل القواعد الأمريكية بالشرق الأوسط إذا اندلعت الحرب

وانا مقدميش غير اني اقول حسبي الله ونعم الوكيل
مصدقنا السوق يتعدل حرب ايه وبتاع ايه

التضخم اقل من المتوقع 2.4%📈💥✍

اليوم عندنا بيانات التضخم

بيانات CPI الساعة 3:30م بتوقيت مكة أن شاء الله
🔸 التوقع: 2.5%
🔸 الشهر الماضي: 2.3%

السيناريوهات المتوقعه حسب النتيجه شباب
1️⃣ فوق 2.5% = سلبي جداً
2️⃣ 2.5% = حركة بسيطة ثم ارتداد

3️⃣ أقل من 2.5% = هيحصل ضخ في السوق📈

الوضع الحالي في السوق
لسه بنمر بفترة ملل وضعف زخم، وده مش وقت مناسب للمضاربة.
ولكل شخص زعلان من الخسارة، أحب أقولك: إنت مش لوحدك.
كلنا بنتألم من الموجة دي، وبنحاول نعدي منها على خير.

اللي بيستعرض ويدّعي إنه ما بيغلطش، غالبًا بيغطي على خسارته وبيحاول يلم متابعين على حساب الناس.
إحنا في فترة فيها تشتيت وضغط، والأهم حاليًا إنك تحافظ على رأس مالك المتبقي.

الوضع باختصار للمضاربين عشان الي بيسئل يعتبر السلبية المؤقتة ما زالت موجودة

لو ناوي تضارب بلاش الوقت داه

ننتظر لحد ما الوضع يظبط و يتحسن ويبدأ يظهر زخم حقيقي على العملات
وقتها إن شاء الله نبدأ ننزل فرص جديدة وندخل بشكل تدريجي.

دلوقتي المشاهدة فقط هي القرار الأنسب.
ربنا يوفقنا جميعًا فيما هو قادم ولو في جديد هنحدث

#SOL
علي الفريم الاسبوعي

بين ال 140$ الي 150$ كلها مناطق تجميع أن شاء الله

اغلاقات اسبوعيه فوق مناطق ال 180$ أن شاء الله بنسبه كبيرة هنشوف ليها قمم جديدة

بالتوفيق ❤️