القيمة السوقية للعملات المشفرة عدّت 4 تريليونات دولار لأول مرة وده مش مجرد رقم ده مؤشر على تحوّل كبير بيحصل أهم سبب للطفرة دي هو دخول المؤسسات بشكل قوي خصوصًا بعد تنظيمات واضحة في أمريكا بخصوص العملات المستقرة واللي خلت السوق أكثر أمانًا وجاذبية للجهات الكبيرة.
كمان إطلاق صناديق ETF للبيتكوين والإيثريوم فتح الباب قدام صناديق استثمار ضخمة تضخ مليارات وده زوّد السيولة ورفع الأسعار. شركات كبيرة زي MicroStrategy وOracle بدأت تدخل البيتكوين في ميزانياتها وده خلّى السوق ياخد الموضوع بجدية أكتر.
من الناحية التكنولوجية التطورات في شبكات زي Ethereum وبيتكوين سواء Layer 2 أو DeFi، زوّدت الاستخدامات وجذبت مستثمرين جداد. ده غير إن التضخم العالمي وخوف الناس من تآكل فلوسهم خلّى الكل يدور على مخزن آمن للقيمة، فلاقوا البيتكوين قدامهم كحل بديل للدهب.
هل الزخم ده هيكمل في احتمالية كبيرة طالما المؤسسات مكملة دخول والتنظيمات بتسهل العملية بس برضو لازم نفضل واخدين بالنا: أي تغيير في السياسات النقدية، أو ضغوط تنظيمية، ممكن يسبب تصحيحات قوية في السوق.
اللي بيحصل تحول تدريجي في النظرة للأصول الرقمية. واللي جاي غالبًا هيكون أعمق وأوسع بس بص دايمًا بعين على الفرص والمخاطر في نفس الوقت.
