في 2025، بينانس بتعيد تعريف معنى المكافآت في عالم الكريبتو بنظام جديد اسمه نقاط الالفا.

لو أنت مستثمر ذكي أو هاوي لعالم الويب ٣، لازم تفهم النظام ده كويس، لأنه ممكن يكون بوابتك للمشاركة في مشاريع ضخمة، و الايردروبس حصرية، وإطلاقات توكنات قبل نزولها السوق.

في المقال ده، هشرحلك ببساطة واحترافية:

• إيه هي نقاط الفا ؟

• إزاي تكسبها؟

• بتستخدم في إيه؟

• وإزاي تستفيد بيها في فعاليات الميجادروب ، TGE، و الايردروب.

📌 ما هي مقاط الالفا في بينانس ؟

نقاط الالفا هي نظام نقاط ذكي أطلقته بينانس لتقييم نشاط المستخدمين داخل منظومتها، وخصوصًا في بيئة بينانس ويب ٣ ومحفظة بينانس.

الهدف من النظام هو تحديد من يستحق المكافآت الحقيقية مثل:

• الدخول المسبق في Token Generation Events (TGEs)

• الحصول على ايردروب حصرية

• والمشاركة بفاعلية في حملات الميجادروب.

🧠 ازاي بيتم احتساب النقاط؟

نقاط الفا تُحسب يوميًا وتعتمد على:

1. نقاط التوازن : قيمة الأصول اللي عندك في حسابك أو محفظتك.

2. حجم النقاط: حجم شراءك لتوكنات الفا من بينانس أو من محفظتك الويب ٣.

والمهم هنا إن بيع التوكنات لا يحتسب أي نقاط في النظام الحالي.

النقاط بتتراكم على مدار 15 يوم في نظام متجدد

وبيتعمل لقطات يوميا الساعة 23:59:59 UTC.

⸻

💰 ازاي تكسب نقاط الفا؟

فيه طريقتين أساسيتين تقدر تكسب بيهم نقاط الفا يوميًا

1. نقاط الحساب – من خلال رصيدك

قيمة الرصيد بالدولار النقاط اليومية

من $100 إلى <$1,000 1 نقطة

من $1,000 إلى <$10,000 2 نقاط

من $10,000 إلى <$100,000 3 نقاط

أكثر من $100,000 4 نقاط

تشمل الأرصدة:

• حسابك الفوري في بينانس

• حساب الفا المخصص

• محفظة بينانس ويب ٣ بشرط أن تكون الأصول عبارة عن توكنات الفا أو مدرجة في السوق الفوري

2. قيمة النقاط – من خلال الشراء

كل ما تشتري توكنات الفا من منصة بينانس أو من خلال المحفظة، تكسب نقاط حسب المبلغ:

حجم الشراء (بالـ$) النقاط

$2 1

$4 2

$8 3

$16 4

$32 5

⚠️ البيع لا يمنح نقاط.

🧠 إزاي تستخدم نقاط الفا؟

نقاط الفا مش مجرد رقم بيتجمع، لكنها بتحدد مستواك داخل بينانس ويب ٣.

بمعنى أوضح، كل ما معاك نقاط أكتر، كل ما زادت فرصك في الدخول في حملات ومكافآت حصرية.

استخدامات نقاط الفا تشمل:

✅ زيادة حصتك في الميجادروب

✅ أولوية الدخول في TGE

✅ الحصول على ايردروبس جديدة

✅ رفع مستوى محفظتك وترتيبك داخل بينانس ويب ٣

⸻

🎯 استخدام نقاط الفا في الميجادروب و توكن جينيريتنج ايڤنت وايردروبس

🔹 الميجادروب

دي حملات توزيع توكنات مجانية على المستخدمين النشطين.

نقاط الفا بتحدد النسبة اللي هتجيلك من التوكنات.

يعني المستخدم اللي عنده نقاط أكتر، بياخد حصة أكبر.

مثال:

لو في مشروع بيعمل ميجادروب لتوزيع 10 مليون توكن، بيتم توزيعها حسب عدد نقاط الفا اللي عند المستخدمين.

⸻

🔹 TGE – Token Generation Event

بعض المشاريع بتفتح مرحلة بيع مبكر للتوكنات بس للمستخدمين اللي عندهم عدد معين من نقاط الفا

ممكن تدخل قبل ما التوكن ينزل السوق، وتشتري بسعر خاص.

⸻

🔹 ايردروبس خاصة

فيه ايردروبس بيتم توزيعها فقط على المستخدمين اللي معاهم نقاط كافية، كنوع من المكافأة على نشاطهم في ويب ٣.

بمعنى تاني، نقاط الفا بتأهلك إنك تكون من أوائل الناس اللي بتكافأ توكنات جديدة مجانًا.

⸻

✅ نصائح عملية علشان تزود نقاط الفا

1. اربط محفظتك ويب ٣ على بينانس وخد نقاط أولية.

2. خلي عندك توكنات الفا أو عملات مدرجة في محفظتك الفورية .

3. شارك في الشراء الذكي – خطط مشترياتك عشان تجمع نقاط حجمها أكتر.

4. استخدم مركز الفا للربح لو عايز تزود نقاط بينانس .

⸻

🧩 الخلاصة

نظام نقاط الالفا هو بداية نظام مكافآت جديد، مبني على الولاء والنشاط الحقيقي.

بينانس بتكافئ الناس اللي بتشارك، وبتديهم فرص حقيقية في مشاريع ضخمة قبل الكل.

لو ناوي تدخل في الويب ٣ بجد، لازم تبدأ تبني نقاطك النهارده… مش بكرة.

#BinanceAlphaAlert #عملات_رقمية‬⁩ #يينانس_الفا #استثمار #مكافآة_بينانس