التداول اليومي يعني تفتح وتغلق صفقاتك بنفس اليوم، وتستفيد من تقلبات الأسعار القصيرة. هاي الطريقة تحتاج متابعة مستمرة، تحليل فني، وانضباط عالي.
⸻
🛠️ شنو تحتاج حتى تبدي؟
- منصة تداول موثوقة: مثل بينانس وبايبت .
ملاحظة:
هذه المنصات الي انا استخدمها، وكل منصة استخدمها لغرض معين. مثلا منصة MEXC و GATE استخدمهم للدخول بالعملات الصغيرة. منصة Bybit و Binance اخلي بيها السيولة لمدة متوسطة الى طويلة اذا مو ناوي احركها. انت سوي الي يناسبك.
- تحليل فني: تعرف تقرا الشموع اليابانية وتستخدم مؤشرات مثل RSI و MACD.
- ادارة مخاطر: تحدد نسبة خسارة مقبولة من خلال استخدامك لاوامر وقف الخسارة.
- خطة تداول: تحدد متى تدخل ومتى تطلع من الصفقة. ولا تخلي الموضوع هذا مبني على العاطفة. ربحان؟ مقتنع بارباحك؟ بيع.
⸻
📊 استراتيجيات ممكن تستخدمها
1. السكالبينغ (Scalping):
هذا يعني انك تفتح صفقات سريعة وتستفيد من تحركات صغيرة بسعر العملة.
2. تداول النطاق (Range Trading):
يعني انك تتداول ضمن نطاق سعري محدد بين دعم ومقاومة. واذا ما تعرف شنو دعم ومقاومة، هذا المنشور وضحت الك المعنى بشكل مبسط:
https://x.com/withmonis/status/1917261047318163882?s=46
3. التداول الالي (Automated Trading):
يعني تستخدم بوتات تداول تنفذ الصفقات نيابة عنك. في قناتي على يوتيوب شرحت بوتات التداول.
⸻
⚠️ نصائح مهمة
- ابدأ وجرب بمبلغ صغير ما ياثر عليك.
- تجنب العملات ذات السيولة المنخفضة.
- راقب الرسوم، لان بعض المنصات تاخذ عمولات عالية.
- تعلم من اخطائك. راجع صفقاتك حتى تطور نفسك.