بشهر 5 / 2025، وصلت هيمنة البيتكوين على السوق لـ 64.5٪، وهذا اعلى رقم من اكثر من 4 سنين‼️
وراها الناس بدت تسأل: هل هذا يعني راح يبدي موسم العملات البديلة؟ او بعده بعيد؟
⸻
🔍 بدايةً، شنو يعني “هيمنة البيتكوين”؟
ببساطة، هيمنة البيتكوين هي النسبة المئوية من قيمة السوق الكلي الي يمتلكها البيتكوين. يعني اذا كانت 64.5٪، معناها اكثر من نص الفلوس الي بالسوق موجودة بالبيتكوين، والباقي موزع على باقي العملات.
⸻
شلون ممكن تؤثر هيمنة البيتكوين؟
لما تصعد هيمنة البيتكوين هذا يعني واحد من اثنين:
1. يا اما الناس تبيع العملات البديلة وترجع فلوسها للبيتكوين.
2. او تدخل اموال جديدة للسوق، وكلها تروح للبيتكوين وليس غيره.
بالحالتين، صار ضعف بزخم العملات البديلة، لان السيولة كلها رايحة باتجاه واحد.
⸻
طيب، شنو يعني اذا بدت الهيمنة تنزل؟
اذا نزلت الهيمنة، هذا غالبا اشارة ان الفلوس بدت تتحرك من بيتكوين للعملات الثانية، او على الاقل دا يصير “توزيع سيولة” اكثر توازن. وهنا عادة تبدأ بعض العملات الاخرى تصعد وتعطي فرص قوية.
⸻
✅ نعم، هيمنة البيتكوين لها علاقة، ولكن مو علاقة مباشرة 100٪ مثل ما الناس تتخيل. ولكن… هل الموضوع دائما يصير بهالشكل؟ لا.. اسمحلي اوضحلك.
احيانا تنزل هيمنة البيتكوين ولكن السوق كله يهبط، لان الناس تبيع كل شي (مو بس بيتكوين). واحيانا يصعد البيتكوين ومعاه تصعد العملات البديلة، خصوصا المشاريع القوية. فـ لازم نشوف الصورة الاكبر.
⸻
هيمنة البيتكوين هي اداة من ضمن ادوات اخرى لتحليل وضع السوق، ولكن هو ليس مؤشر كافي وحده.
عندك هذه الامور لازم تتابعها ايضا:
- حركة السيولة (on-chain)
- حجم التداول على العملات البديلة
- السوق الامريكي واسعار الفائدة
- اتجاهات المستثمرين، مؤسسات او تجزئة (Institutional or Retail)
⸻
📈 شنو ديصير هسه بالسوق؟ شنو الآراء؟
- الارتفاع صار لان اكو استثمارات جديدة دخلت على البيتكوين، مو لان الناس باعت البدائل (العملات الرقمية الاخرى). وهذا بحسب تقرير
BeInCrypto.
- بعض المحللين قالوا في وقتها (قبل الصعود هذا) انه هنالك مقاومة قريبة، واذا صار تراجع بالهيمنة، ممكن يبدي موسم العملات البديلة.
** اذا انت جديد وما تعرف معنى كلمة (مقاومة) او (دعم). هذا منشور يوضح لك الموضوع:
https://x.com/withmonis/status/1917261047318163882?s=46
- اكو محلل اسمه (سكوت ميلكر) كان يحذر ويقول هالدورة تختلف، لان الناس ما حولوا فلوسهم للعملات البديلة، فلازم يجي راس مال جديد حتى تتحرك.
⸻
💡 شنو المطلوب منك (برأيي الشخصي)؟
لا تغامر بسرعة واستعجال، خلي عينك عالسوق وادرس الفرصة اول شي وبعدين ادخل. ولما تدخل انتبه على هذه الامور المهمة:
- ادارة المخاطر ومعرفة حدودك
- عدم الشراء بكامل راس المال
- لا تطمع. اسحب راس مالك مع اول دبل تحققه.