نحن شفنا من بداية سنة 2025، بدأ البيتكوين بالهبوط التدريجي، من 100,000$ الى حدود 80,000$ وهبط اقل من هذا ايضا.
هذا التراجع كان نتيجة لتزايد المخاوف الاقتصادية بسبب الرسوم الجمركية الي فرضتها ادارة البرتقالي (ترامب). وهذا الشي كالمعتاد يقفل شهية المستثمرين تجاه المخاطرة والاصول عالية المخاطر. يطفش المستثمرين ويخليهم يهرعون ويفرون ويكرّون الى اصول اكثر امان، مثل حبيبنا الذهب.
💡 كيف يمكن ان تكون الرسوم مفيدة للبيتكوين؟
رغم التراجع الحالي، بعض المحللين يشوفون انه هذه الرسوم الجمركية ممكن تكون مفيدة للبيتكوين على المدى الطويل من خلال هذه الامور:
اضعاف هيمنة الدولار:
هذه الرسوم ممكن تتسبب بتقليل الاعتماد على الدولار الامريكي في التجارة العالمية، وهذا يفتح المجال امام البيتكوين (كبديل رقمي).
البيتكوين كـ "ذهب رقمي":
في ظل عدم اليقين الاقتصادي، من الممكن ان يلجأ المستثمرون الى البيتكوين ويعتبرونه هو الملاذ الامن بالنسبة لهم، يعني مشابه للذهب.
تسعير التاثيرات:
بعض الخبراء يقولون انه الاسواق ممكن تكون استوعبت التاثيرات السلبية للرسوم، وهذا ممكن يمهد الطريق لتعافي الاسعار.
🔮 التوقعات المستقبلية
رغم انه البيتكوين امام تحديات على المدى القصير بسبب السياسات التجارية، ولكن لسه اكو تفاؤل بخصوص قدرته على التعافي والاستفادة من هذه التحولات الاقتصادية العالمية.
بعض المحللين يشوفون انه البيتكوين ممكن يوصل الى مستويات جديدة اعلى مستقبلا، خصوصا اذا استمرت الثقة بالعملات المحلية التقليدية في الضعف.
