NWN_Crypto

Fear and Greed Index ဆိုတာ ရင်းနှီးမြှုပ်နှံသူတွေရဲ့ ဈေးကွက်အပေါ်ထားရှိတဲ့ စိတ်ခံစားချက်ကို တိုင်းတာတဲ့ ကိရိယာတစ်ခု ဖြစ်ပါတယ်။ ဒီ Index ဟာ (၀) ကနေ (၁၀၀) အထိ တိုင်းတာနိုင်ပြီး၊ အမှတ်များလေလေ "Greed" များလေလေ ဖြစ်ပြီး၊ အမှတ်နည်းလေလေ "Fear" များလေလေ ဖြစ်ပါတယ်။

အမှတ် (၀ - ၂၄) ဆိုရင်တော့ ဒီအမှတ်ဟာ ရင်းနှီးမြှုပ်နှံသူတွေ စိုးရိမ်မှု၊ ကြောက်ရွံ့မှုတွေ အလွန်အမင်းများနေတဲ့ အခြေအနေကို ပြပါတယ်။ ဈေးကွက်ထဲမှာ Panic Sell တွေ ဖြစ်နေတတ်ပြီး၊ တန်ဖိုးနိမ့်နေတဲ့အချိန်ဖြစ်တာကြောင့် Long-term ရင်းနှီးမြှုပ်နှံသူတွေအတွက်တော့ ၀ယ်ယူဖို့ အခွင့်အရေးကောင်းဖြစ်နိုင်ပါတယ်။

အမှတ် (၂၅ - ၄၉) Fear 

ဒီအဆင့်မှာကတော့ ရင်းနှီးမြှုပ်နှံသူတွေက စိုးရိမ်စိတ်တွေ ရှိနေကြပြီး ဈေးကွက်က အားနည်းနေတတ်ပါတယ်။

အမှတ် (၅၀ - ၇၄) - Greed 

ဒီအဆင့်ရောက်ပြီဆိုရင်တော့ ရင်းနှီးမြှုပ်နှံသူတွေက ဈေးကွက်က တက်နေပြီလို့ ယုံကြည်ပြီး ပိုမို၀င်ရောက်ရင်းနှီးမြှုပ်နှံလာကြပါတယ်။

အမှတ် (၇၅ - ၁၀၀) - Extreme Greed 

ဒီအဆင့်ကတော့ ဈေးကွက်ထဲက ရင်းနှီးမြှုပ်နှံသူတွေက စိတ်လှုပ်ရှားပြီး အန္တရာယ်ကြီးကြီးမားမားနဲ့ ၀င်ရောက်လာကြပါတယ်။ ဒီအချိန်ဟာ ဈေးကွက် Overvalued နေပြီး ဈေးပြန်ကျဖို့ အလားအလာများတဲ့ အချိန်ဖြစ်နိုင်ပါတယ်။

Fear and Greed Index ကို ဘယ်လိုတွက်ချက်သလဲလို့မေးလာရင်တော့ ဒီ Index ကို တစ်ခုတည်းသော အကြောင်းအရာနဲ့ တွက်ချက်တာမဟုတ်ဘဲ အချက်အလက်မျိုးစုံကို စုပေါင်းပြီး တွက်ချက်တာပါ လက်ရှိ Bitcoin ဈေးနှုန်းနဲ့ နောက်ဆုံးရက် ၃၀ နဲ့ ၉၀ အတွင်းက ဈေးနှုန်းတွေကို ယှဉ်ပြီး ဘယ်လောက်အထိ ဈေးအတက်အကျမြန်သလဲဆိုတာကို ကြည့်ပါတယ်။ ဈေးကွက်မတည်ငြိမ်လေလေ ကြောက်ရွံ့မှုများလေလေ ဖြစ်ပါတယ်။နောက်ပြီး လက်ရှိ Bitcoin ရဲ့ အရောင်းအ၀ယ်ပမာဏနဲ့ ဈေးကွက်အရှိန်အဟုန်ကို နောက်ဆုံးရက် ၃၀ နဲ့ ၉၀ အတွင်းက ပျမ်းမျှပမာဏနဲ့ ယှဉ်ကြည့်ပါတယ်။ အရောင်းအ၀ယ်များလေလေ Greed ပိုများလေလေ ဖြစ်ပါတယ်။ Twitter (X) လို Social Media Platform တွေမှာ Bitcoin နဲ့ပတ်သက်ပြီး ဆွေးနွေးမှု၊ HashTag အသုံးပြုမှုတွေကို ကြည့်ပါတယ်။ လူတွေများများဆွေးနွေးနေပြီဆိုရင် Greed များတယ်လို့ ယူဆနိုင်ပါတယ်။ ဈေးကွက်ထဲမှာ Bitcoin ရဲ့ Dominance ဘယ်လောက်ရှိနေသလဲဆိုတာကို ကြည့်ပါတယ်။ Bitcoin ရဲ့ Dominance တက်လာပြီဆိုရင် ရင်းနှီးမြှုပ်နှံသူတွေက Altcoin တွေထက် Bitcoin ကိုပဲ ရွေးချယ်လာပြီဖြစ်လို့ Fear ဖြစ်တာတွေ များနေပြီလို့ ယူဆနိုင်ပါတယ်။

ဒီတော့ အဓိကမေးခွန်းက "ကျွန်တော်တို့ ဘယ်အချိန်မှာ ၀ယ်သင့်လဲ၊ ဘယ်အချိန်မှာ စောင့်သင့်လဲ" ဆိုတာပါ။ ဒီနေရာမှာ ရင်းနှီးမြှုပ်နှံမှုအတွက် နာမည်ကြီးတဲ့ စကားတစ်ခွန်းရှိပါတယ်။ Warren Buffett ပြောခဲ့တဲ့ "ဈေးကွက်က တခြားသူတွေ Fear ဖြစ်နေတဲ့အချိန်မှာ ကိုယ်က Greed ထားပြီး၊ တခြားသူတွေ Greed ထားနေတဲ့အချိန်မှာ ကိုယ်က Fear ဖြစ်နေရမယ်" ဆိုတာပါပဲ။ ဒီသဘောတရားကိုပဲ Fear and Greed Index နဲ့ ကိုက်ညီအောင် လိုက်နာနိုင်ပါတယ်။

အကောင်းဆုံးကတော့ Index က Fear ဒါမှမဟုတ် Extreme Fear အဆင့်မှာဆိုရင် ၀ယ်သင့်ပါတယ်။ ဒီအချိန်ဟာ တခြားသူတွေ Fear ဖြစ်နေပြီး ဈေးကွက်က နိမ့်ကျနေတဲ့အတွက် ၀ယ်ယူဖို့ အကောင်းဆုံးအချိန် ဖြစ်နိုင်ပါတယ်။ ဥပမာ - Index က ၂၀ လောက်မှာဆိုရင် ဈေးကွက်က တော်တော်လေးလျော့ကျနေပြီဖြစ်လို့ ရေရှည်အတွက် ၀ယ်ယူစုဆောင်းထားဖို့ စဉ်းစားနိုင်ပါတယ်။

Index က Greed ဒါမှမဟုတ် Extreme Greed အဆင့်မှာဆိုရင်တော့ စောင့်ဆိုင်းသင့်ပါတယ်။ ဒီအချိန်မှာ ဈေးနှုန်းတွေက တန်ဖိုးထက်ပိုမြင့်နေနိုင်ပါတယ်။ ဥပမာ - Index က ၈၀ လောက်မှာဆိုရင် ဈေးနှုန်းတွေက အတက်ဘက်ကို ဦးတည်နေပြီး ရင်းနှီးမြှုပ်နှံသူတွေရဲ့ Greed ကလည်း များနေပြီဖြစ်လို့ အနည်းငယ် စောင့်ကြည့်ပြီး ဈေးပြန်ကျတဲ့အချိန်ကို စောင့်တာ ပိုကောင်းပါတယ်။

ဒါပေမယ့် ဒီ Index တစ်ခုတည်းကိုပဲ အားကိုးပြီး ဆုံးဖြတ်လို့တော့ မရပါဘူး။ (Do Your Own Research - DYOR) နဲ့ Technical Analysis, Fundamental Analysis တွေကိုလည်း ပေါင်းစပ်ပြီး စဉ်းစားဆုံးဖြတ်ရမှာပါ။ နောက်ဆုံးအနေနဲ့ ပြောရရင် Fear and Greed Index ဟာ Cryptocurrency ဈေးကွက်ရဲ့ အခြေအနေကို တစ်ဖက်တစ်လမ်းကနေ ခန့်မှန်းနိုင်တဲ့ အကောင်းဆုံးကိရိယာတစ်ခု ဖြစ်ပါတယ်။ ဒီ Index ကို လေ့လာပြီး ဈေးကွက်ရဲ့ စိတ်ခံစားချက်ကို နားလည်အောင်ကြိုးစားမယ်ဆိုရင် ပိုမိုကောင်းမွန်တဲ့ ရင်းနှီးမြှုပ်နှံမှုဆုံးဖြတ်ချက်တွေ ချမှတ်နိုင်မှာဖြစ်ပါတယ်။
Binance Account ဖွင့်ရန် ရာသက်ပန် 20% discount link
(Click Here)
Disclaimer:
This content is for informational and educational purposes only and does not constitute financial advice. Always do your own research and consult with a licensed financial advisor before making any investment decisions.
New World Navigation
Trading and Investment
#ethereum #bitcoin
#NWNCrypto #Binance #Cryptomyanmar

ပထမဆုံးအနေနဲ့ Crypto ဈေးကွက်ထဲကို မဝင်ခင် ကျွန်တော်တို့ သိထားသင့်တဲ့ အချက်လေးတွေကို အရင် ဆွေးနွေးကြည့်ရအောင်။ Cryptocurrency လို့ပြောလိုက်ရင် လူအများစုက Bitcoin (BTC) ကိုပဲ အရင်ဆုံး ပြေးမြင်ကြပါတယ်။ ဒါပေမယ့် Bitcoin ရဲ့နောက်မှာ စိတ်ဝင်စားဖို့ကောင်းတဲ့၊ အလားအလာရှိတဲ့ ဒစ်ဂျစ်တယ်ငွေကြေးပေါင်း မြောက်များစွာ ရှိပါသေးတယ်။ အဲ့ဒီ ငွေကြေးတွေကို Altcoins လို့ အလွယ်တကူ ခေါ်ဝေါ်ကြတာပါ။

Altcoins တွေကို ရွေးချယ်တဲ့အခါမှာ “သူငယ်ချင်းက ဝယ်ထားလို့” ဆိုတဲ့ အကြောင်းပြချက်မျိုးနဲ့ မဝယ်သင့်ပါဘူး။ ဒီလိုမျိုး ကိုယ်တိုင် သေချာ မလေ့လာဘဲ ဝယ်ယူတာမျိုးဟာ ရေရှည်မှာ အန္တရာယ်ရှိပါတယ်။ ဒါကြောင့် ကိုယ်ဝယ်မယ့် Altcoin က ဘယ်လို Project မျိုးလဲ၊ ဘယ်လို နည်းပညာမျိုးကို အသုံးပြုထားလဲ၊ အဖွဲ့အစည်းက ဘယ်သူတွေလဲ စတာတွေကို သေသေချာချာ စနစ်တကျ လေ့လာဖို့ အရေးကြီးပါတယ်။ အချိန်ပေးပြီး သေချာလေ့လာနိုင်ရင် ကိုယ့်ရဲ့ ရင်းနှီးမြှုပ်နှံမှုဟာ ပိုပြီးတော့ စိတ်ချရမှာပါ။

နောက်တစ်ချက်ကတော့ “မဆုံးရှုံးနိုင်တဲ့ ပမာဏကိုသာ ရင်းနှီးမြှုပ်နှံပါ” ဆိုတဲ့ မူပဲ ဖြစ်ပါတယ်။ Crypto ဈေးကွက်ဟာ အလွန်ကို အတက်အကျ မြန်ဆန်ပြီး မတည်ငြိမ်ပါဘူး။ ဒီနေ့မှာ ရာခိုင်နှုန်း အများကြီး တက်နိုင်သလို၊ မနက်ဖြန်မှာလည်း ပြန်ကျသွားနိုင်ပါတယ်။ ဒါကြောင့် ကိုယ်ဆုံးရှုံးသွားရင်တောင်မှ ကိုယ့်ရဲ့ နေ့စဉ်ဘဝကို ထိခိုက်မှုမရှိနိုင်တဲ့ ပမာဏလေးတွေကိုသာ ရင်းနှီးမြှုပ်နှံသင့်ပါတယ်။

ဒီအချက်လေးတွေကို နားလည်ပြီဆိုရင်တော့ လက်တွေ့ကျကျ Binance မှာ ဘယ်လို ဝယ်ယူရမလဲဆိုတာကို ဆက်ကြည့်ကြရအောင်။ ဒီဗီဒီယိုမှာ Binance ကို အဓိကထားပြီး ရှင်းပြရတဲ့ အကြောင်းကတော့ Binance ဟာ ကမ္ဘာ့အကြီးဆုံးနဲ့ အလုံခြုံဆုံး Crypto Exchange တစ်ခုဖြစ်လို့ပါ။ စိတ်ချလက်ချ အသုံးပြုနိုင်ပါတယ်။

အဆင့် (၁) - Binance Account ဖွင့်ခြင်းနှင့် Account Verification (KYC)

ပထမဆုံးအနေနဲ့ Binance Mobile App ကို Download လုပ်ပြီး Account တစ်ခု အရင်ဖွင့်ရပါမယ်။ Account ဖွင့်တဲ့အခါ ကိုယ့်ရဲ့ Email (ဒါမှမဟုတ်) ဖုန်းနံပါတ်ကို အသုံးပြုနိုင်ပါတယ်။ Account ဖွင့်ပြီးတာနဲ့ Security အတွက် Two-Factor Authentication (2FA) ကို ဖွင့်ထားဖို့ မမေ့ပါနဲ့။ ပြီးရင် KYC (Know Your Customer) verification ကို ဆက်လက် ပြုလုပ်ရပါမယ်။ ဒါဟာ ကိုယ့်ရဲ့ ကိုယ်ရေးအချက်အလက်တွေနဲ့ ကိုယ့်ကိုယ်ကိုယ် အတည်ပြုတာဖြစ်ပြီး ငွေကြေးလိမ်လည်မှုတွေကနေ ကာကွယ်ပေးတဲ့ အဓိကအချက်ပါ။ KYC အတွက် ကိုယ့်ရဲ့ ID Card, Driving License, ဒါမှမဟုတ် Passport တစ်ခုခုနဲ့ ပြုလုပ်နိုင်ပါတယ်။
Binance Account ဖွင့်ရန် ရာသက်ပန် 20% discount link
(Click Here) 👍

အဆင့် (၂) - Crypto ဝယ်ယူရန် ငွေသွင်းခြင်း

Binance Account အဆင်သင့်ဖြစ်ပြီဆိုရင်တော့ Crypto ဝယ်ယူဖို့ ငွေသွင်းရပါမယ်။ မြန်မာနိုင်ငံမှာနေပြီးတော့ Crypto ဝယ်ယူဖို့ နည်းလမ်းနှစ်မျိုး ရှိပါတယ်။
P2P Trading 

 Binance ရဲ့ P2P (Peer-to-Peer) Trading စနစ်ကို အသုံးပြုပြီး မြန်မာကျပ်ငွေနဲ့ တိုက်ရိုက် ဝယ်ယူနိုင်ပါတယ်။ ဒီနည်းလမ်းမှာတော့ ကိုယ်က ရောင်းချသူကို Bank (ဒါမှမဟုတ်) KPay, AYA, CB Pay တို့လိုမျိုး Mobile Banking ကနေတဆင့် ငွေလွှဲပေးပြီး ရောင်းချသူက ကိုယ့်ရဲ့ Binance Wallet ထဲကို Crypto ကို ပြန်လွှဲပေးတာမျိုးပဲ ဖြစ်ပါတယ်။ P2P Trading လုပ်တဲ့အခါ ရောင်းချသူရဲ့ Feedback နဲ့ Rating ကို သေချာ စစ်ဆေးပြီး အရောင်းအဝယ်ပြုလုပ်သင့်ပါတယ်။

Wallet-to-Wallet Transfer

တခြားသူတစ်ယောက်ရဲ့ Crypto Wallet ကနေ ကိုယ့်ရဲ့ Binance Wallet ထဲကို Crypto လွှဲယူတာမျိုးလည်း ပြုလုပ်နိုင်ပါတယ်။

အဆင့် (၃) - Altcoins ဝယ်ယူခြင်း

Binance Wallet ထဲမှာ ငွေ (USDT လို Stablecoin) ဝင်လာပြီဆိုရင်တော့ ကိုယ်ဝယ်ချင်တဲ့ Altcoins တွေကို ဝယ်ယူလို့ရပါပြီ။

Binance App ရဲ့ Homepage မှာရှိတဲ့ 'Trade' ဆိုတဲ့ ခလုတ်ကို နှိပ်ပါ။

အပေါ်ဆုံးမှာ 'Convert', 'Spot' ဆိုတဲ့ Option တွေကို တွေ့ရပါမယ်။ အဲ့ဒီထဲက 'Spot' ကို ရွေးပါ။ Spot Trading ဆိုတာကတော့ Crypto ကို ဈေးနှုန်း အတက်အကျအပေါ် မူတည်ပြီး ရောင်းချ/ဝယ်ယူတာပဲ ဖြစ်ပါတယ်။

'Spot' ကို ဝင်ပြီးတာနဲ့ $BTC /USDT လို စာသားလေးကို တွေ့ရပါလိမ့်မယ်။ အဲ့ဒီနေရာမှာ ကိုယ်ဝယ်ချင်တဲ့ Altcoin (ဥပမာ - $ETH /USDT, $SOL /USDT) ကို ရှာဖွေရပါမယ်။

Altcoin ကို ရွေးချယ်ပြီးတာနဲ့ 'Buy' ခလုတ်ကို နှိပ်ပြီး ကိုယ်ဝယ်ချင်တဲ့ ပမာဏကို ရိုက်ထည့်လိုက်ပါ။ ပြီးရင် 'Buy' ကို ပြန်နှိပ်လိုက်ရုံနဲ့ ကိုယ်ရွေးချယ်ထားတဲ့ Altcoin ကို ဝယ်ယူပြီးသား ဖြစ်သွားပါပြီ။

ဒီနေ့ ဗီဒီယိုမှာတော့ Altcoins တွေ ဝယ်ယူဖို့အတွက် အခြေခံအချက်တွေနဲ့ Binance မှာ လက်တွေ့ ဘယ်လိုလုပ်ရမလဲဆိုတာကို မျှဝေပေးခဲ့တာ ဖြစ်ပါတယ်။ Crypto ရင်းနှီးမြှုပ်နှံမှုဟာ အမြတ်အစွန်းများနိုင်သလို အန္တရာယ်လည်း ရှိတယ်ဆိုတာ အမြဲသတိထားပါ။ ကိုယ်ပိုင်သုတေသန (Do Your Own Research - DYOR) ကို အမြဲလုပ်ဖို့နဲ့ မဆုံးရှုံးနိုင်တဲ့ ပမာဏနဲ့သာ ရင်းနှီးမြှုပ်နှံဖို့မမေ့ပါနဲ့ခင်ဗျာ

#MarketPullback #PCEInflationWatch #DogecoinETFProgress #BinanceHODLerXPL

ဈေးကွက်ကျချိန်မှာ 𝐓𝐫𝐚𝐝𝐞𝐫 တွေကြားမှာ အမြဲတမ်းကြားနေကျ စကားတစ်ခွန်းရှိပါတယ်။ အဲဒါကတော့ '𝐁𝐮𝐲 𝐓𝐡𝐞 𝐃𝐢𝐩' ဆိုတာပဲ ဖြစ်ပါတယ်။ ဒီလို ဈေးကွက်ကျဆင်းချိန်ဟာ အမြတ်အစွန်းရရှိဖို့အတွက် အခွင့်အရေးကောင်းတစ်ခု ဖြစ်နိုင်သလို၊ တစ်ဖက်မှာလည်း အန္တရာယ်ရှိတဲ့ စွန့်စားမှုတစ်ခု ဖြစ်နိုင်ပါတယ်။

'𝐁𝐮𝐲 𝐓𝐡𝐞 𝐃𝐢𝐩' ဆိုတာ ရင်းနှီးမြှုပ်နှံမှု ပိုင်ဆိုင်မှုတစ်ခု (ဥပမာ 𝐂𝐫𝐲𝐩𝐭𝐨) ရဲ့ ဈေးနှုန်းဟာ သိသိသာသာ ကျဆင်းလာတဲ့အခါ ဈေးနှုန်းမြင့်တက်လာမယ့် အလားအလာကို မျှော်လင့်ပြီး ထပ်မံဝယ်ယူတာကို ဆိုလိုပါတယ်။ ရည်ရွယ်ချက်ကတော့ ဈေးသက်သာနေချိန်မှာ ဝယ်ယူပြီး ဈေးပြန်တက်လာတဲ့အခါမှာ အမြတ်ရရှိဖို့ပဲ ဖြစ်ပါတယ်။ ဒါပေမဲ့ ဒီလိုလုပ်ဆောင်ခြင်းဟာ အမြဲတမ်း အောင်မြင်မယ်လို့ အာမခံချက်မရှိပါဘူး။

ဈေးကွက်ကျဆင်းလာပြီဆိုရင် အရင်ဆုံး လုပ်ရမှာက လက်ရှိ ဈေးကွက်အခြေအနေကို သုံးသပ်ဖို့ပဲ ဖြစ်ပါတယ်။ ဒီလိုသုံးသပ်နိုင်ဖို့အတွက် "𝐊𝐞𝐲 𝐌𝐚𝐫𝐤𝐞𝐭 𝐒𝐢𝐠𝐧𝐚𝐥𝐬" လို့ခေါ်တဲ့ အချက်အလက်တွေကို စောင့်ကြည့်ရပါမယ်။ ဈေးနှုန်းဇယားတွေ၊ ဈေးကွက်လမ်းကြောင်းတွေ (𝐓𝐫𝐞𝐧𝐝𝐬) နဲ့ 𝐈𝐧𝐝𝐢𝐜𝐚𝐭𝐨𝐫𝐬 တွေကို အသုံးပြုပြီး ဈေးကွက်ရဲ့ အလားအလာကို ခန့်မှန်းနိုင်ပါတယ်။ ဥပမာ - 𝐑𝐒𝐈 (𝐑𝐞𝐥𝐚𝐭𝐢𝐯𝐞 𝐒𝐭𝐫𝐞𝐧𝐠𝐭𝐡 𝐈𝐧𝐝𝐞𝐱) လိုမျိုး 𝐈𝐧𝐝𝐢𝐜𝐚𝐭𝐨𝐫 တွေကို အသုံးပြုပြီး ဈေးကွက်ဟာ 𝐎𝐯𝐞𝐫𝐬𝐨𝐥𝐝 အခြေအနေကို ရောက်နေပြီလားဆိုတာကို ခွဲခြားနိုင်ပါတယ်။

နောက်ပြီး ဈေးကွက်ကျဆင်းရတဲ့ အကြောင်းရင်းကိုလည်း ရှာဖွေရပါမယ်။ မကောင်းတဲ့ သတင်းတစ်ခုခုကြောင့်လား၊ 𝐌𝐚𝐫𝐤𝐞𝐭 𝐂𝐨𝐫𝐫𝐞𝐜𝐭𝐢𝐨𝐧 လားဆိုတာကို ဆန်းစစ်ရပါမယ်။ သတင်းတစ်ခုခုကြောင့် ဖြစ်တယ်ဆိုရင် ဈေးကွက်ဟာ ပိုပြီး ကျဆင်းနိုင်တဲ့ အလားအလာ ရှိနိုင်ပါတယ်။
ဒါ့အပြင် ရင်းနှီးမြှုပ်နှံသူတွေရဲ့ စိတ်ခံစားချက်ကိုလည်း လေ့လာဖို့လိုသလို 𝐅𝐞𝐚𝐫 & 𝐆𝐫𝐞𝐞𝐝 𝐈𝐧𝐝𝐞𝐱 လိုမျိုး 𝐈𝐧𝐝𝐢𝐜𝐚𝐭𝐨𝐫𝐬 တွေကိုလည်း ကြည့်ရှုနိုင်ပါတယ်။

ဈေးကွက်အခြေအနေကို သုံးသပ်ပြီးပြီဆိုရင်တော့ ဘယ်လို နည်းဗျူဟာတွေနဲ့ ရင်ဆိုင်မလဲဆိုတာကို ဆုံးဖြတ်ရပါမယ်။

1. 𝐃𝐂𝐀 (𝐃𝐨𝐥𝐥𝐚𝐫-𝐂𝐨𝐬𝐭 𝐀𝐯𝐞𝐫𝐚𝐠𝐢𝐧𝐠) နည်းဗျူဟာ

ဒီနည်းလမ်းကတော့ ဈေးကွက်ကျချိန်မှာ တစ်ပြိုင်နက်တည်း အားလုံးဝယ်မယ့်အစား သတ်မှတ်ထားတဲ့ ပမာဏကို အချိန်အပိုင်းအခြားအလိုက် ခွဲပြီး ဝယ်ယူတာပဲ ဖြစ်ပါတယ်။ ဥပမာ - တစ်ပတ်တစ်ခါ ဒါမှမဟုတ် တစ်လတစ်ခါ ပုံသေပမာဏလေးနဲ့ ဝယ်ယူတာမျိုးပေါ့။ ဒီနည်းလမ်းရဲ့ အားသာချက်ကတော့ ဈေးကွက်အကျအပေါ်မှာ တစ်ကြိမ်တည်းနဲ့ ထိခိုက်မှုနည်းစေပြီး အချိန်ကြာလာတာနဲ့အမျှ 𝐀𝐯𝐞𝐫𝐚𝐠𝐞 𝐏𝐫𝐢𝐜𝐞 ကိုလည်း လျှော့ချပေးနိုင်ပါတယ်။

2. 𝐒𝐜𝐚𝐥𝐩𝐢𝐧𝐠 နည်းဗျူဟာ

ဈေးကွက်ရဲ့ အတက်အကျကို အခြေခံပြီး အချိန်တိုအတွင်းမှာ အမြတ်အစွန်းရရှိဖို့အတွက် အရောင်းအဝယ်လုပ်တာမျိုး ဖြစ်ပါတယ်။ ဥပမာ - ဈေးကျသွားတဲ့အချိန်မှာ အမြန်ဝယ်ပြီး ပြန်တက်လာတဲ့အခါ ချက်ချင်းပြန်ရောင်းချတာမျိုးပေါ့။ ဒီနည်းဗျူဟာကတော့ အတွေ့အကြုံရှိတဲ့ 𝐓𝐫𝐚𝐝𝐞𝐫 တွေအတွက် ပိုသင့်တော်ပါတယ်။

3. 𝐇𝐎𝐃𝐋 (𝐇𝐨𝐥𝐝 𝐎𝐧 𝐟𝐨𝐫 𝐃𝐞𝐚𝐫 𝐋𝐢𝐟𝐞) နည်းဗျူဟာ

ဒီနည်းလမ်းကတော့ လက်ရှိပိုင်ဆိုင်ထားတဲ့ 𝐂𝐫𝐲𝐩𝐭𝐨 ကို ဘာမှမလုပ်ဘဲ ရေရှည်အတွက် ဆက်လက်ထိန်းသိမ်းထားတာမျိုးပဲ ဖြစ်ပါတယ်။ ဒီနည်းဗျူဟာကတော့ ရေတိုဈေးကွက်အတက်အကျတွေကို စိုးရိမ်ပူပန်မှုမရှိဘဲ ရေရှည်မှာ ဈေးကွက်ပြန်တက်လာမယ်လို့ ယုံကြည်တဲ့သူတွေအတွက် သင့်တော်ပါတယ်။

ဘယ်လို နည်းဗျူဟာပဲ အသုံးပြုပါစေ၊ အန္တရာယ်ကို ထိန်းချုပ်နိုင်ဖို့က အရေးအကြီးဆုံးပဲ ဖြစ်ပါတယ်။ ဈေးကွက်ကျဆင်းမှုကြောင့် ဘယ်လောက်အထိ အရှုံးကို လက်ခံနိုင်မလဲဆိုတာကို ကိုယ့်ကိုယ်ကို မေးပါ။ ကိုယ့်ရဲ့ ဘဏ္ဍာရေးအခြေအနေနဲ့ မကိုက်ညီတဲ့ စွန့်စားမှုမျိုးကို ရှောင်ကြဉ်ပါ။ ရင်းနှီးမြှုပ်နှံမှုကို 𝐂𝐫𝐲𝐩𝐭𝐨 တစ်ခုတည်းမှာပဲ မထားဘဲ မတူညီတဲ့ 𝐂𝐫𝐲𝐩𝐭𝐨 တွေ (𝐁𝐢𝐭𝐜𝐨𝐢𝐧, 𝐄𝐭𝐡𝐞𝐫𝐞𝐮𝐦 စသည်ဖြင့်) ဒါမှမဟုတ် 𝐂𝐫𝐲𝐩𝐭𝐨 နဲ့ မသက်ဆိုင်တဲ့ အခြားရင်းနှီးမြှုပ်နှံမှုတွေမှာ ခွဲဝေချထားပါ။ 𝐒𝐭𝐨𝐩-𝐋𝐨𝐬𝐬 𝐎𝐫𝐝𝐞𝐫 ကို အသုံးပြုမယ်ဆိုရင်လည်း ကိုယ့်ရဲ့ပိုင်ဆိုင်မှု ဈေးနှုန်းဟာ သတ်မှတ်ထားတဲ့ အတိုင်းအတာတစ်ခုအထိ ကျဆင်းသွားတဲ့အခါ အလိုအလျောက် ရောင်းချပေးပြီး အရှုံးကို ကန့်သတ်ပေးနိုင်ပါတယ်။

'𝐁𝐮𝐲 𝐓𝐡𝐞 𝐃𝐢𝐩' ဆိုတာ အမြတ်အစွန်းအတွက် အလားအလာကောင်းတစ်ခု ဖြစ်နိုင်ပါတယ်။ ဒါပေမဲ့ အမြဲတမ်း အောင်မြင်မယ်လို့ မဆိုလိုပါဘူး။ ဒီလိုအချိန်မှာ သတိကြီးကြီးထားပြီး သတင်းအချက်အလက်ကို အခြေခံတဲ့ ဆုံးဖြတ်ချက်တွေ ချနိုင်ဖို့က အရေးကြီးပါတယ်။ အကယ်၍ ဈေးကွက်ဟာ ပြန်တက်မလာဘဲ ဆက်လက်ကျဆင်းသွားမယ်ဆိုရင် သင့်ရဲ့ ဆုံးဖြတ်ချက်ဟာ အမှားတစ်ခု ဖြစ်လာနိုင်ပါတယ်။ ဒါကြောင့် အကောင်းဆုံးနည်းလမ်းကတော့ 𝐎𝐰𝐧 𝐑𝐞𝐬𝐞𝐚𝐫𝐜𝐡 သေချာလုပ်ပြီး အခြေအနေကို သုံးသပ်ဖို့၊ ထိရောက်တဲ့ နည်းဗျူဟာတွေနဲ့ အန္တရာယ်ကို ထိန်းချုပ်ဖို့ပဲ ဖြစ်ပါတယ်။

Binance Account ဖွင့်ရန် ရာသက်ပန် 20% discount link (Click Here)

#BNBBreaksATH #AltcoinStrategicReserves #GoldHitsRecordHigh #BinanceHODLerPROVE

NWN Crypto
Trading and Investment

ပြီးခဲ့တဲ့ သြဂုတ်-စက်တင်ဘာလတုန်းက BNB ဟာ မကြုံစဖူး ဈေးနှုန်းမြင့်တက်ခဲ့ပြီး $1006.35 နဲ့ စံချိန်တင် ဈေးနှုန်းအသစ်ကို ရောက်ရှိခဲ့ပါတယ်။ ဒီလိုတက်လာတာက အကြောင်းရင်းများစွာ ရှိပါတယ်။ အဓိက အချက်တွေကတော့ Binance ဟာ ကမ္ဘာပေါ်မှာ အရောင်းအဝယ် အများဆုံးနဲ့ လုံခြုံရေး အကောင်းဆုံး Crypto Exchange တစ်ခုအဖြစ် ဆက်လက်ရပ်တည်နေတာကြောင့်ပါ Binance မှာ အရောင်းအဝယ် များပြားလာလေလေ၊ BNB ရဲ့ တန်ဖိုးကလည်း ပိုပြီး မြင့်တက်လာလေပါပဲ။

BNB ရဲ့ ငွေကြေးစီးဆင်းမှုက အလွန်ကောင်းမွန်ပြီး ရင်းနှီးမြှုပ်နှံသူတွေအနေနဲ့ BNB ကို လွယ်ကူလျင်မြန်စွာ ဝယ်ယူရောင်းချနိုင်တာကို ပြသနေတာပါ။ ဥပမာ၊ ရွှေဆိုင်တစ်ဆိုင်က ရွှေအရောင်းအဝယ် သွက်သလိုမျိုးပါပဲ။ ရင်းနှီးမြှုပ်နှံမှု ကုမ္ပဏီကြီးတွေနဲ့ ဘဏ္ဍာရေး အဖွဲ့အစည်းကြီးတွေကလည်း BNB ကို စိတ်ဝင်စားလာပြီး ရင်းနှီးမြှုပ်နှံမှုတွေ ပိုလုပ်လာကြပါတယ်။ 

BNB ရဲ့ နောက်ထပ် စံချိန်တင် ဈေးနှုန်းအသစ် (ATH) ဖြစ်လာနိုင်မလားဆိုတဲ့ ခန့်မှန်းချက်တွေကလည်း စိတ်ဝင်စားစရာ ကောင်းပါတယ်။ လက်ရှိ Crypto Market ရဲ့ အခြေအနေနဲ့ Binance ရဲ့ စီမံကိန်းတွေကို ကြည့်ပြီး ခန့်မှန်းရရင် BNB ဟာ ၂၀၂၅ ခုနှစ်၊ စက်တင်ဘာလမှာ $1,000 ကျော် တက်လာနိုင်ခြေ အများကြီးရှိတယ်လို့ ကျွမ်းကျင်သူတွေက သုံးသပ်ကြပါတယ်။ 

Binance ဟာ Exchange လုပ်ငန်းအပြင်၊ BNB Chain (BSC)၊ Binance Labs နဲ့ Binance Launchpad စတဲ့ လုပ်ငန်းခွဲတွေကိုပါ ချဲ့ထွင်နေပါတယ်။ ဒီလိုချဲ့ထွင်လေလေ BNB ရဲ့ အသုံးဝင်မှု (Utility) ပိုများလာပြီး ဈေးနှုန်းက ပိုတက်လာနိုင်ပါတယ်။ ဒါတင်မကသေးပါဘူး။ ၂၀၂၅ ခုနှစ်မှာ Crypto Market တစ်ခုလုံးက Bull Run ကို ဆက်လက်ဦးတည်နေနိုင်တဲ့အတွက် BNB ကလည်း Bitcoin, Ethereum တို့နဲ့အတူ ဈေးနှုန်းအသစ်တွေကို ရောက်ရှိနိုင်ပါတယ်။

ဒါဆိုရင် မြန်မာ Trader တွေအတွက် ဘယ်လိုအကျိုးသက်ရောက်မှု ရှိနိုင်မလဲ🤖

မြန်မာနိုင်ငံက လက်လီရင်းနှီးမြှုပ်နှံသူတွေ (Retail Investors) နဲ့ အဖွဲ့အစည်းဆိုင်ရာ ရင်းနှီးမြှုပ်နှံသူတွေ (Institutional Investors) အနေနဲ့ BNB ရဲ့ အလားအလာကောင်းတွေကို နည်းလမ်းတကျ အသုံးချနိုင်ဖို့ လိုအပ်ပါတယ်။

ကိုယ်တတ်နိုင်တဲ့ ပမာဏနဲ့ BNB ကို ဝယ်ယူပြီး ရေရှည်အတွက် သိမ်းထားနိုင်သလို DCA (Dollar-Cost Averaging) လို့ခေါ်တဲ့ နည်းဗျူဟာကို အသုံးပြုပြီး ဈေးနှုန်းတက်နေသည်ဖြစ်စေ၊ ကျနေသည်ဖြစ်စေ ပုံမှန် ပမာဏအနည်းငယ်စီ ဝယ်ယူစုဆောင်းသွားတာကလည်း စွန့်စားမှု နည်းစေပါတယ်။

BNB ကိုင်ဆောင်ထားသူတွေအနေနဲ့ Binance Launchpad မှာ မကြာခင် ထွက်ရှိမယ့် Crypto Project အသစ်တွေရဲ့ Token တွေကို ဈေးချိုချိုနဲ့ ဝယ်ယူခွင့်ရနိုင်ပါတယ်။ ဒါဟာ အမြတ်အများကြီး ရနိုင်တဲ့ နည်းလမ်းတစ်ခုပါ။ ဥပမာ၊ အစောပိုင်း ကားထုတ်လုပ်မယ့် ကုမ္ပဏီတစ်ခုရဲ့ ရှယ်ယာကို ဈေးအချိုဆုံးနဲ့ ဝယ်ခွင့်ရသလိုမျိုးပါပဲ။ BNB ကို BNB Chain မှာ ထည့်သွင်းပြီး Passive Income ရအောင်လည်း လုပ်နိုင်ပါသေးတယ်။ ဘဏ်မှာ ငွေထည့်ထားလို့ အတိုးရသလိုမျိုးပါပဲ။

နောက်ထပ်နည်းလမ်းကတော့ ကုမ္ပဏီ ဒါမှမဟုတ် အဖွဲ့အစည်းပိုင် ရင်းနှီးမြှုပ်နှံမှု portfolio ထဲမှာ BNB ကို ရာခိုင်နှုန်းတစ်ခုအနေနဲ့ ထည့်သွင်းနိုင်ပါတယ်။ ဒါဟာ ရင်းနှီးမြှုပ်နှံမှု ရွေးချယ်မှုတွေကို ပိုမိုကျယ်ပြန့်စေပြီး အမြတ်ရရှိနိုင်ခြေကို တိုးမြင့်စေပါတယ်။ဒါ့အပြင် BNB Chain ပေါ်က DeFi (Decentralized Finance) Platform တွေနဲ့ ပူးပေါင်းပြီး ကြီးမားတဲ့ ငွေကြေးစီးဆင်းမှုတွေကို ဖန်တီးနိုင်ပါတယ်။

နိဂုံးချုပ်အနေနဲ့ပြောရမယ်ဆ်ုရင် BNB ရဲ့ ၂၀၂၅ စက်တင်ဘာလမှာ နောက်ထပ် စံချိန်တင် ဈေးနှုန်းကို ရောက်ရှိနိုင်တယ်ဆိုတဲ့ ခန့်မှန်းချက်က အတော်လေး ဖြစ်နိုင်ချေရှိပါတယ်။ ဒါပေမယ့် ဘယ် Crypto Coin မဆို အမြတ်အစွန်းရှိသလို အရှုံးပေါ်နိုင်ခြေလည်း ရှိတာကြောင့် ကိုယ်ပိုင်သုတေသနတွေ လုပ်ပြီးမှ ရင်းနှီးမြှုပ်နှံဖို့ အကြံပြုချင်ပါတယ်။ DYOR (Do Your Own Research) ဆိုတဲ့ဆောင်ပုဒ်ကို မမေ့ပါနဲ့။ ကိုယ့်ရဲ့ ငွေကြေးတွေကို ကိုယ်တိုင်ဆုံးဖြတ်ပြီးမှသာ ရင်းနှီးမြှုပ်နှံသင့်ပါတယ်။

Bitcoin ကို crypto လောကရဲ့ ရွှေလို့တင်စားမယ်ဆိုရင် Ethereum ကတော့ crypto လောကရဲ့ “World Computer” ပါပဲ။ လွန်ခဲ့တဲ့ နှစ်တွေက Bull Run တိုင်းကို Bitcoin ကပဲ ဦးဆောင်ခဲ့ပေမယ့် နောက်လာမယ့် Bull Run မှာတော့ အခြေအနေတွေ ပြောင်းလဲလာနိုင်ပါတယ်။ အထူးသဖြင့် မကြာသေးမီက ထွက်ပေါ်လာတဲ့ GENIUS Act နဲ့အတူ Ethereum ရဲ့ နေရာဟာ ပိုပြီး အရေးပါလာနိုင်တဲ့ အချက်တွေ အများကြီးရှိနေပါတယ်။ 

အခုလို အချိန်မျိုးမှာ crypto လောကတစ်ခုလုံးအတွက် အဓိက အရေးပါတဲ့ အရာတစ်ခုက Regulatory Clarity ပဲ ဖြစ်ပါတယ်။ ဒီအချက်ဟာ crypto ရဲ့ ရေရှည်တည်တံ့ခိုင်မာမှုကို သေချာစေမှာ ဖြစ်ပြီး institutions ဝင်ရောက်လာဖို့အတွက်လည်း လမ်းဖွင့်ပေးမှာပါ။ ဒီနေရာမှာပဲ GENIUS Act က ဝင်ရောက်လာပါတယ်။

ဒီဥပဒေက Stablecoins တွေကို တိကျသေချာတဲ့ စည်းမျဉ်းစည်းကမ်းတွေနဲ့ သတ်မှတ်ပေးလိုက်တာပါ။ Stablecoin ဆိုတာကတော့ ဒေါ်လာနဲ့ တန်ဖိုးတူညီအောင် ထိန်းထားတဲ့ crypto တွေပါ။ ဥပမာ- USDC နဲ့ USDT တို့မျိုးကို Stablecoins လို့ခေါ်ပါတယ်။ ဒီ stablecoin အများစုကို ဘယ် platform ပေါ်မှာ တည်ဆောက်ထားလဲဆိုတော့ Ethereum ပေါ်မှာပါပဲ။

GENIUS Act က Stablecoin တွေကို တရားဝင် အသိအမှတ်ပြုလိုက်တဲ့အတွက် အရင်က မဝင်ရဲတဲ့ ဘဏ်တွေ၊ ငွေကြေးအဖွဲ့အစည်းကြီးတွေက stablecoin တွေကို စိတ်ချလက်ချ အသုံးပြုလာနိုင်တော့မှာပါ။ ဒါဟာ Ethereum အတွက် အကြီးမားဆုံး အားသာချက်ပါပဲ။

ဒီလို အဖွဲ့အစည်းကြီးတွေ ဝင်လာတာနဲ့အမျှ...

- On-chain volume ကလည်း တိုးလာမယ်။
- DeFi (Decentralized Finance) လှုပ်ရှားမှုတွေလည်း ပိုပြီး အားကောင်းလာမယ်။
- Stablecoin တွေကို အခြေခံတဲ့ ငွေလွှဲတာတွေ၊ ကုန်သွယ်မှုတွေလည်း ပိုများလာမှာဖြစ်လို့ Ethereum blockchain ရဲ့ အသုံးပြုမှုက အရင်ကထက် အများကြီး ပိုပြီး ကျယ်ပြန့်လာတော့မှာပါ။

ဥပမာပြောရရင် အခုမှ စီးပွားရေးလုပ်ငန်းတစ်ခုက digital ငွေကြေးတွေနဲ့ အရောင်းအဝယ်လုပ်ဖို့ စဉ်းစားတယ်ဆိုပါစို့။ သူတို့အတွက် တရားဝင် အသိအမှတ်ပြုထားတဲ့ stablecoins တွေက အယုံကြည်ရဆုံးနဲ့ အလုံခြုံဆုံးရွေးချယ်မှုဖြစ်လာမှာပါ။ ဒီတော့ ဒီ stablecoin တွေရှိရာ Ethereum က အဓိက destination ဖြစ်လာပါလိမ့်မယ်။ ဒါကြောင့်လည်း "regulatory greenlight" လို့ ပြောရတာပါ။

Ethereum က regulatory greenlight တွေရဲ့ အခွင့်အရေးကို ရနေတဲ့အချိန်မှာပဲ နည်းပညာပိုင်းဆိုင်ရာ တိုးတက်မှုတွေကလည်း သူ့ကို ပိုပြီး အားကောင်းလာစေပါတယ်။ မကြာသေးမီကမှ လုပ်ဆောင်ခဲ့တဲ့ Dencun upgrade ဟာဆိုရင် Ethereum အတွက် အကြီးမားဆုံး ခြေလှမ်းတစ်ခုပါပဲ။

ဒီ upgrade ဟာ Layer-2 network တွေမှာ transaction fee တွေကို သိသိသာသာ လျှော့ချပေးလိုက်တာပါ။ အရင်က Ethereum ပေါ်မှာ ငွေလွှဲခတွေက အရမ်းဈေးကြီးလို့ သာမန်အသုံးပြုသူတွေအတွက် အခက်အခဲရှိခဲ့ပါတယ်။ အခုတော့ Dencun upgrade ကြောင့် Layer-2 တွေ (ဥပမာ- Arbitrum, Optimism စတဲ့ network တွေ) ပိုပြီး မြန်ဆန်၊ စျေးသက်သာလာပါတယ်။

ဒါကြောင့်မို့လို့ Ethereum ecosystem တစ်ခုလုံးရဲ့ အသုံးပြုနိုင်စွမ်းဟာ အံ့မခန်း မြင့်တက်လာပါပြီ။ Layer-1 (Ethereum mainnet) မှာ Stablecoin တွေရဲ့ အရောင်းအဝယ်က ပိုပြီး အားကောင်းလာမယ်။ Layer-2 မှာတော့ နေ့စဉ်သုံး microtransactions တွေ၊ ဂိမ်းတွေ၊ DApps တွေရဲ့ အသုံးပြုမှုက ပိုပြီး ကျယ်ပြန့်လာမယ်။

ဒီတော့ Ethereum ဟာ Regulatory Clarity ပိုင်းဆိုင်ရာ အားသာချက်ရော၊ နည်းပညာပိုင်းဆိုင်ရာ တိုးတက်မှုပါ နှစ်ခုလုံးကို တစ်ပြိုင်နက်တည်း ရရှိနေတာဖြစ်ပါတယ်။

ဒီအချက်တွေကို ခြုံငုံကြည့်လိုက်တဲ့အခါ၊ Bitcoin ရဲ့ အဓိက အားသာချက်က "digital gold" အဖြစ် သူ့ရဲ့ လုံခြုံမှုနဲ့ တည်ငြိမ်မှုပါပဲ။ Bitcoin ဟာ သိုလှောင်ထားဖို့ ကောင်းတဲ့ store of value အဖြစ် ဆက်ပြီး ရှိနေမှာပါ။

ဒါပေမယ့် Ethereum ကတော့ အခြားရှုထောင့်ကနေ ဦးဆောင်မှုပေးနိုင်ပါတယ်။ Ethereum ဟာ စီးပွားရေးလုပ်ငန်းတွေ၊ ငွေကြေးအဖွဲ့အစည်းတွေနဲ့ သာမန်အသုံးပြုသူတွေအတွက် အသုံးပြုနိုင်တဲ့ platform တစ်ခုအနေနဲ့ တိုးတက်လာနေပါတယ်။ GENIUS Act နဲ့ Dencun upgrade တို့ရဲ့ ပေါင်းစပ်မှုက Ethereum ကို crypto လောကရဲ့ တကယ့် ဦးဆောင်သူတစ်ဦးအဖြစ် ရပ်တည်စေမှာပါ။

ဒါကြောင့် ၂၀၂၅ ခုနှစ်ရဲ့ Bull Run ကို ဘယ်သူက ဦးဆောင်မလဲဆိုတဲ့ မေးခွန်းကိုဖြေရရင် Bitcoin ဟာ အမြဲတမ်း စျေးကွက်ရဲ့ အကြီးဆုံး crypto အဖြစ် ရှိနေနိုင်ပေမယ့်၊ စျေးကွက်ရဲ့ နောက်တစ်ဆင့် တိုးတက်ပြောင်းလဲမှုကို ဦးဆောင်ပြီး crypto adoption လှိုင်းလုံးအသစ်ကို မောင်းနှင်သွားနိုင်တာကတော့ Ethereum ပဲလို့ ကျွန်တော်ကတော့သုံးသပ်ပါတယ်။ ကျွန်တော်နဲ့အမြင်မတူတာ ရှုထောင့်တစ်မျိုးကနေ မြင်မိတာတွေရှိရင်လည်း Comment မှာချရေးသွားလို့ရပါတယ်။

Binance Account ဖွင့်ရန် ရာသက်ပန် 20% discount link
#BTCWhalesMoveToETH #HEMIBinanceTGE #NFPWatch

Crypto Market ဆိုတာကတော့ ကွေ့ကောက်တဲ့လမ်းလိုပဲ တက်လိုက်၊ ကျလိုက်နဲ့ ခန့်မှန်းရခက်ပါတယ်။ အထူးသဖြင့် အခုမှဒီလောကထဲရောက်လာတဲ့ Beginner တွေအတွက် ဈေးကွက်အတက်အကျမြန်ဆန်တဲ့အခါမျိုးမှာ ကိုယ့်ရဲ့ Asset တွေ၊ ကိုယ့်ရဲ့အမြတ်အစွန်းတွေမဆုံးရှုံးရအောင် ဘယ်လိုကာကွယ်မလဲဆိုတာ မေးခွန်းထုတ်စရာဖြစ်လာပါတယ်။
ဒီလိုအခြေအနေမျိုးမှာ ကိုယ့်ရဲ့ပိုင်ဆိုင်မှုတွေကို အချိန်တိုအတွင်းမြန်မြန်ဆန်ဆန်နဲ့ အလွယ်တကူ ငွေလဲလှယ်ပြီး ကာကွယ်ပေးနိုင်တဲ့ Tool တစ်ခုကတော့ Binance Convert ပဲဖြစ်ပါတယ်။

Binance Convert ဆိုတာက Binance ရဲ့ Trading Tool တွေထဲကမှ အလွယ်ကူဆုံးနဲ့ အမြန်ဆုံး ငွေလဲလှယ်နိုင်တဲ့ Function တစ်ခုပါ။ တခြား Trading Platform တွေလို ရှုပ်ထွေးတဲ့ Interface တွေ၊ ကန့်သတ်ချက်တွေမပါဘဲ ရိုးရှင်းလွယ်ကူစွာငွေလဲလှယ်လို့ရတာက သူ့ရဲ့အဓိက အားသာချက်ပါပဲ။ အထူးသဖြင့် ဈေးကွက်အတက်အကျမြန်တဲ့အချိန်မျိုးမှာ Slippage လို့ခေါ်တဲ့ ဈေးနှုန်းမတည်ငြိမ်မှုကြောင့် ကိုယ်ရောင်းချတဲ့ဈေးနဲ့ တကယ်ရောင်းရတဲ့ဈေး မတူတာမျိုးတွေမဖြစ်တော့ဘူးပေါ့ဗျာ။

Convert ကိုအသုံးပြုပြီး ငွေလဲလှယ်တဲ့အခါ ဘယ်လို Fee မှ ပေးစရာမလိုတာက အကောင်းဆုံးအားသာချက်တစ်ခုပါပဲ။ အရောင်းအဝယ်ကို မကြာခဏလုပ်နေတဲ့သူတွေအတွက်ဆိုရင် တကယ့်ကို အကျိုးရှိပါတယ်။ ဒါ့အပြင် ဈေးကွက်တက်တာ၊ ကျတာမျိုးမှာ ကိုယ့်ရဲ့ Crypto တွေကို စက္ကန့်ပိုင်းအတွင်း ချက်ချင်းပြောင်းလဲနိုင်ပါတယ်။ ဒါကြောင့် ဈေးကွက်အခွင့်အလမ်းတွေကို လက်လွတ်မခံရအောင် ကူညီပေးနိုင်ပါတယ်။

Trading Interface တွေ၊ ဂဏန်းတွေ ရှုပ်ထွေးနေတာကို နားမလည်ရင်တောင်မှ အလွယ်တကူ အသုံးပြုနိုင်တာကြောင့် အခုမှ Crypto လောကထဲဝင်လာတဲ့ သူတွေအတွက် အထူးသင့်တော်ပါတယ်။

ဒီနေရာမှာ မေးစရာရှိတာက ရလာတဲ့ အမြတ်အစွန်းတွေကို ဘယ်လိုကာကွယ်မလဲ?

ဥပမာအနေနဲ့ ပြောပြရရင် ကိုယ်က Ethereum (ETH) ကိုင်ထားတယ်။ အခု ETH ဈေးက $2000 ရှိနေပြီး ဈေးကွက်က မတည်ငြိမ်ဘူး၊ ကျနိုင်တယ်လို့ ထင်တဲ့အခါမှာ...
Binance Convert ကိုသုံးပြီး အဲဒီ ETH ကို Stablecoin တွေဖြစ်တဲ့ USDT (Tether) ဒါမှမဟုတ် FDUSD (First Digital USD) ကို အမြန်ဆုံးလဲလိုက်ပါ။ ဒါဆိုရင် ဈေးကွက်ဘယ်လောက်ပဲ ကျသွားပါစေ၊ ကိုယ့်ရဲ့ Asset တန်ဖိုးက USDT $2000 ဒါမှမဟုတ် FDUSD $2000 အနေနဲ့ တည်ငြိမ်နေပါလိမ့်မယ်။

ဒီနည်းလမ်းကို ဈေးကွက်တက်နေချိန်မျိုးမှာလည်း ကိုယ်လိုချင်တဲ့ အမြတ်အစွန်းရောက်ပြီဆိုရင် Convert ကိုသုံးပြီး Stablecoin တွေပြောင်းလဲလိုက်ခြင်းဖြင့် အမြတ်တွေကို Lock လုပ်ထားသလို ဖြစ်စေပါတယ်။ 

ဒါဆို Binance Convert ကိုဘယ်လိုမျိုးအသုံးပြုရမလဲဆိုတာကို Step-by-step ရှင်းပြပေးသွားပါမယ်။

ပထမဆုံးအနေနဲ့ Binance Mobile App ဒါမှမဟုတ် Website မှာ ကိုယ်ရဲ့ Account ကို Login ဝင်လိုက်ပါ။Mobile App မှာဆိုရင် Home Screen ရဲ့အပေါ်ဆုံးညာဘက်ထောင့်မှာရှိတဲ့ 'More' ခလုတ်ကိုနှိပ်ပါ။ပြီးရင် 'Trade' ဆိုတဲ့ Section အောက်က 'Convert' ဆိုတာကိုရှာပြီး နှိပ်လိုက်ပါ။Convert Interface ရောက်ပြီဆိုရင် 'From' ဆိုတဲ့နေရာမှာ ကိုယ်လဲလှယ်မယ့် Crypto ကိုရွေးပါ။ ဥပမာအနေနဲ့ 'BTC' ကိုရွေးလိုက်ပါ။'To' ဆိုတဲ့နေရာမှာတော့ ကိုယ်လဲလှယ်ချင်တဲ့ Crypto ကိုရွေးပါ။ ဥပမာ 'USDT' ကိုရွေးလိုက်ပါ။'From' မှာ ကိုယ်လဲလှယ်ချင်တဲ့ BTC ပမာဏကို ထည့်သွင်းလိုက်ပြီးရင် 'Preview Conversion' ခလုတ်ကိုနှိပ်လိုက်ပါ။Preview ကိုနှိပ်လိုက်တာနဲ့ ၁၀ စက္ကန့်အတွင်း Real-time Price ကိုပြပေးပါလိမ့်မယ်။ ဒီဈေးနှုန်းကို သဘောကျတယ်ဆိုရင် 'Convert' ခလုတ်ကိုနှိပ်ပြီး ငွေလဲလှယ်မှုကို အတည်ပြုလိုက်ပါ။ ဒါဆိုရင် ကိုယ်ရဲ့ BTC တွေဟာ အမြန်နှုန်းနဲ့ Fee-free နဲ့ USDT တွေအဖြစ် ပြောင်းလဲသွားပါလိမ့်မယ်။

Binance Account ဖွင့်ရန် ရာသက်ပန် 20% discount link

ဒီလိုမျိုး ဈေးကွက်မတည်ငြိမ်ချိန်တွေမှာ Binance Convert က ရင်းနှီးမြှုပ်နှံမှုတွေကို စိတ်ချလက်ချ ကာကွယ်နိုင်တဲ့ Platform တစ်ခု ဖြစ်ပါတယ်။ အမြန်နှုန်း၊ Fee မရှိတာနဲ့ အသုံးပြုရလွယ်ကူတာတွေကြောင့် Crypto လောကထဲက လူတိုင်းအတွက် အသုံးဝင်တဲ့ Tool တစ်ခုဖြစ်ပါတယ်။ ဒါဆိုဒီနေ့တော့ ဒီနေရာမှာနိဂုံးချုပ်လိုက်ပါ့မယ်။ နောက်ထပ်ဗီဒီယိုတွေမှာ ပြန်တွေ့ပါ့မယ်ခင်ဗျာ။

Bubble ဆိုတဲ့စကားလုံးကို ကြားလိုက်တာနဲ့ ရေပူဖောင်းလေးတွေကို ပြေးမြင်မိကြမှာပါ။ ရေပူဖောင်းလေးတွေဆိုတာ အစပိုင်းမှာ ဖြည်းဖြည်းချင်းကြီးလာတယ်၊ ပြီးတော့ တဖြည်းဖြည်းပိုကြီးလာပြီး နောက်ဆုံးမှာတော့ ဒိုင်းဆိုပြီး ပေါက်ကွဲသွားတာမျိုးပေါ့။ ဒီသဘောတရားအတိုင်းပဲ Crypto Bubble ဆိုတာလည်း Digital Currency တစ်ခု ဒါမှမဟုတ် Project တစ်ခုရဲ့ တန်ဖိုးက အချိန်တိုအတွင်းမှာ အဆမတန်မြင့်တက်လာပြီး နောက်ပိုင်းမှာတော့ တန်ဖိုးတွေ အကြီးအကျယ်ပြန်ကျသွားတဲ့ အခြေအနေတစ်ခုပါ။

အရှင်းဆုံးပြောရရင် အဲ့ဒီ Crypto ရဲ့ တကယ့်တန်ဖိုးထက်ကို စျေးကွက်ရဲ့ Demand  က အရမ်းများနေတာပါ။ လူတိုင်းက စျေးတွေတက်နေတာကိုမြင်တော့ စိတ်လှုပ်ရှားပြီး သေချာမလေ့လာဘဲ ဝင်ဝယ်ကြတော့ ဒီ Bubble ကြီးက ပိုပြီးကြီးလာတာပေါ့။

Bubble တွေဖြစ်ရတဲ့ အဓိကအကြောင်းအရင်းတွေကတော့...

၁. FOMO (Fear of Missing Out)
"ဒီနေ့ မဝယ်လိုက်ရင် နောက်နေ့စျေးတက်သွားပြီး အမြတ်တွေ လွတ်သွားမှာလား" ဆိုပြီး စိတ်ပူကြတာမျိုးပါ။ သူများတွေ အမြတ်တွေရနေတာမြင်တော့ ကိုယ်လည်း မလေ့လာရသေးဘဲ စိုးရိမ်စိတ်နဲ့ ဝင်ဝယ်မိကြတာမျိုးပေါ့။

၂. စိတ်လှုပ်ရှားမှု
လူတွေဟာ Project တစ်ခုရဲ့ နည်းပညာ ဒါမှမဟုတ် တကယ့်အသုံးဝင်မှုကို မကြည့်ဘဲ စျေးတက်နေရုံနဲ့တင် "ကောင်းတယ်" လို့ထင်ပြီး စိတ်လှုပ်ရှားတတ်ကြပါတယ်။ ဒီလိုနဲ့ စျေးနှုန်းက တကယ့်တန်ဖိုးထက် အဆမတန်မြင့်တက်သွားပါတယ်။

၃. Social Media ရဲ့လွှမ်းမိုးမှု
"ဒါလေးက စျေးအများကြီးတက်မယ်၊ အမြတ်တွေအများကြီးရမယ်" ဆိုပြီး Social Media ပေါ်က Influencer တွေ၊ Telegram Group တွေက လှုံ့ဆော်တဲ့အခါမှာ လူတွေက စိတ်ပါဝင်စားပြီး ထင်ယောင်ထင်မှားဖြစ်ကာ ဝင်ဝယ်မိကြတာမျိုးတွေလည်း ရှိပါတယ်။

အတိတ်ကာလကို ပြန်ကြည့်ရင် Crypto Bubble ကြီးတွေ ဖြစ်ခဲ့တဲ့ ဖြစ်ရပ်နှစ်ခုရှိခဲ့ပါတယ်။ (၂၀၁၇) ခုနှစ်က ICO (Initial Coin Offering) ဆိုပြီး နာမည်ကြီးခဲ့တဲ့အချိန်မှာ ကုမ္ပဏီအသစ်တွေက သူတို့ရဲ့ Project အသစ်တွေအတွက် ငွေရှာဖို့ Coin တွေထုတ်ပြီး ရောင်းချခဲ့ကြပါတယ်။ ဒီအချိန်မှာ Bitcoin ရဲ့စျေးနှုန်းကလည်း တဟုန်ထိုးတက်နေတော့ လူတိုင်းက Crypto လောကကို စိတ်ဝင်စားပြီး ဘာမှသေချာမရှိတဲ့ Project တွေမှာပါ ဝင်ရောက်ရင်းနှီးမြှုပ်နှံခဲ့ကြတာပါ။ နောက်ပိုင်းမှာတော့ Project အများစုက ပျောက်ကွယ်သွားပြီး ရင်းနှီးမြှုပ်နှံသူတွေလည်း ဆုံးရှုံးမှုတွေနဲ့ ရင်ဆိုင်ခဲ့ရပါတယ်။

နောက်တစ်ခုကတော့ ၂၀၂၀ နောက်ပိုင်းတုန်းက DeFi (Decentralized Finance) နဲ့ NFT (Non-Fungible Token) တွေ အရမ်းခေတ်စားလာခဲ့တာကို မှတ်မိကြဦးမယ်ထင်ပါတယ်။ Bored Ape Yacht Club, CryptoPunks လို PFP (Profile Picture) NFT တွေဆိုရင် သိန်းချီတဲ့စျေးတွေအထိ ရောက်ခဲ့ပါတယ်။ လူတွေက ပုံလေးတစ်ပုံအတွက် သိန်းပေါင်းများစွာသုံးစွဲပြီး အနာဂတ်မှာ ပိုကောင်းလာမယ်လို့ တွေးခဲ့ကြတာပေမဲ့ နောက်ပိုင်းစျေးကွက်ကျဆင်းတော့ NFT အများစုရဲ့တန်ဖိုးဟာ အကြီးအကျယ်ပြန်ကျသွားခဲ့ပါတယ်။

ဒါဆို Crypto Bubble ကို ဘယ်လိုစောစောသိအောင်လုပ်မလဲ?

Crypto တစ်ခုရဲ့စျေးနှုန်းက အချိန်တိုလေးအတွင်းမှာ ဆယ်ဆ၊ အဆတစ်ရာလောက်အထိ တက်သွားတယ်ဆိုရင် သတိထားရပါမယ်။ Project တစ်ခုဟာ နည်းပညာပိုင်းအရ၊ လက်တွေ့အသုံးချမှုအပိုင်းမှာ ဘာမှမရှိဘဲ စျေးနှုန်းပဲတက်နေတယ်ဆိုရင် Bubble ရဲ့ လက္ခဏာဖြစ်နိုင်ခြေများပါတယ်။ သတင်းမီဒီယာတွေ၊ Influencer တွေကနေ "ဒါလေးသာဝယ်လိုက်၊ တန်ဖိုးတွေ အများကြီးတက်မယ်" လို့ ပြောနေပြီဆိုရင်လည်း သတိထားသင့်ပါတယ်။

ဒါပေမဲ့ ကျွန်‌တော်တို့က Crypto Bubble ထဲမှာ မပါအောင် ကာကွယ်လို့ရပါတယ်။ ဘယ်လိုနည်းလမ်းနဲ့လဲဆိုရင် ဘယ် Project မှာပဲ ရင်းနှီးမြှုပ်နှံသည်ဖြစ်စေ၊ ကိုယ်တိုင်သေချာလေ့လာပါ။ အဖွဲ့အစည်းက ဘယ်သူတွေပါလဲ၊ နည်းပညာက ဘယ်လိုအလုပ်လုပ်လဲ၊ ဘယ်လိုပြဿနာကို ဖြေရှင်းပေးနိုင်မလဲဆိုတာတွေကို လေ့လာပြီးမှသာ ရင်းနှီးမြှုပ်နှံပါ။ စျေးတက်တုန်းလေး ဝင်ဝယ်ပြီး အမြန်ပြန်ရောင်းမယ်ဆိုတဲ့ ရည်ရွယ်ချက်က Bubble ထဲမှာ အလွယ်တကူအငိုက်မိစေပါတယ်။ ရေရှည်အတွက် စဉ်းစားပြီး ကိုယ်တကယ်ယုံကြည်တဲ့ Project တွေမှာပဲ ရင်းနှီးမြှုပ်နှံသင့်ပါတယ်။

ပြီးတော့ကိုယ်ပိုင်တဲ့ငွေအားလုံးကို Crypto တစ်မျိုးတည်းမှာပဲ မထည့်ပါနဲ့။ Portfolio ကို ခွဲပြီး နည်းနည်းချင်းစီနဲ့ ကဏ္ဍအသီးသီးမှာ ထည့်သွင်းရင်းနှီးမြှုပ်နှံပါ။ စျေးနှုန်းတွေ တက်လာပြီဆိုရင် အမြတ်ငွေ အနည်းငယ်ကို ပြန်ထုတ်ပြီး ကိုယ့်ရဲ့ မူလအရင်းငွေကို ပြန်ရအောင်လုပ်ထားပါ။ ဒါမှ နောက်ပိုင်းစျေးကွက်ကျရင်တောင် အရင်းငွေတော့ မဆုံးရှုံးတော့ပါဘူး။

ဒါဆို Crypto Bubble အကြောင်းသိသွားပြီဆိုတော့ စျေးကွက်ထဲက စိတ်လှုပ်ရှားမှုတွေနောက်ကို မလိုက်ဘဲ ကိုယ့်ရဲ့ရင်းနှီးမြှုပ်နှံမှုကို စနစ်တကျနဲ့ ပညာရှိရှိ စီမံခန့်ခွဲနိုင်အောင်သေချာလေ့လာပြီးမှဆုံးဖြတ်ချက်ချဖို့ပြောရင်း ဒီနေ့ ဆောင်းပါးလေးကိုအဆုံးသတ်လိုက်ပါမယ်ခင်ဗျာ။

Binance Account ဖွင့်ရန် ရာသက်ပန် 20% discount link Here!

ပထမဆုံးအနေနဲ့ လက်ရှိ Bitcoin ရဲ့ အခြေအနေကို ကြည့်လိုက်မယ်ဆိုရင် Bitcoin ဟာ $114k ကို ကျော်ပြီး တည်ငြိမ်နေတာကို တွေ့ရပါတယ်။ ဒါဟာ ရင်းနှီးမြှုပ်နှံသူတွေကြားမှာ အခိုင်အမာ ယုံကြည်မှု ရှိနေပြီဆိုတာကို ပြသနေတဲ့ လက္ခဏာတစ်ခုပါပဲ။ Bitcoin ရဲ့ဈေးနှုန်းအတက်အကျဟာ Trader တွေအတွက် စိတ်လှုပ်ရှားစရာကောင်းသလို၊ ရေရှည်အတွက် စဉ်းစားနေတဲ့ သူတွေအတွက်လည်း အရေးကြီးတဲ့ အချက်တစ်ခု ဖြစ်ပါတယ်။

ဒါ့အပြင် Bitcoin ETF (Exchange Traded Fund) တွေရဲ့ ပေါ်ပေါက်လာမှုဟာ Bitcoin လောကကို အကြီးအကျယ် ပြောင်းလဲစေခဲ့ပါတယ်။ Bitcoin ETF တွေဆိုတာက အဖွဲ့အစည်းကြီးတွေ (ဥပမာ- ရင်းနှီးမြှုပ်နှံမှု ရန်ပုံငွေအဖွဲ့ကြီးတွေ၊ ပင်စင်ရန်ပုံငွေအဖွဲ့တွေ) အနေနဲ့ Bitcoin ကို တိုက်ရိုက် ဝယ်စရာမလိုဘဲ ရင်းနှီးမြှုပ်နှံနိုင်အောင် ဖန်တီးပေးထားတဲ့ ရန်ပုံငွေအမျိုးအစားတစ်ခု ဖြစ်ပါတယ်။ ဒီလို ETF တွေ ပေါ်လာတော့ Bitcoin ကို ပိုမိုလုံခြုံတဲ့ နည်းလမ်းနဲ့ ဝယ်ယူရင်းနှီးမြှုပ်နှံသူတွေ များလာပါတယ်။ ဒါဟာ Bitcoin အတွက် အကြီးအကျယ် Demand မြင့်တက်လာစေခဲ့ပါတယ်။ စဉ်းစားကြည့်ပါ။ ပုံမှန်အားဖြင့် Bitcoin ဝယ်လေ့မရှိတဲ့ ကုမ္ပဏီကြီးတွေ၊ ရင်းနှီးမြှုပ်နှံမှု အဖွဲ့အစည်းတွေပါ Bitcoin ဈေးကွက်ထဲကို ဝင်လာတယ်ဆိုတော့ Bitcoin ရဲ့ စျေးနှုန်းက အလိုလို မြင့်တက်လာမှာ အသေအချာပါပဲ။

Bitcoin ရဲ့ သမိုင်းကို ပြန်ကြည့်မယ်ဆိုရင် လေးနှစ်တစ်ကြိမ် ဖြစ်ပေါ်လေ့ရှိတဲ့ Halving cycle က စျေးနှုန်းကို အကြီးအကျယ် သက်ရောက်မှု ရှိပါတယ်။ Halving ဆိုတာက Bitcoin Mining လုပ်တဲ့ သူတွေကို ပေးတဲ့ mining rewards တွေက လေးနှစ်တစ်ကြိမ် တဝက်စီ လျှော့ချသွားတာပါ။ ဒီလိုလုပ်လိုက်တာက Bitcoin ရဲ့ mining တူးတဲ့ ထုတ်လုပ်မှုနှုန်းက လျော့နည်းသွားပါတယ်။

Supply က နည်းပြီး Demand က များနေရင် စျေးမြင့်တက်တာက စီးပွားရေးရဲ့ သဘောတရားပါပဲ။ ဒါကြောင့် Halving ပြီးတိုင်း နောက်ပိုင်းနှစ်တွေမှာ Bitcoin စျေးနှုန်းဟာ All-Time Highs ကို ရောက်လေ့ရှိပါတယ်။ ဒီတစ်ကြိမ် Halving က ၂၀၂၄ ခုနှစ်၊ ဧပြီလမှာ ပြီးဆုံးခဲ့တာဖြစ်လို့ ၂၀၂၅ ခုနှစ်မှာ Bitcoin စျေးနှုန်းဟာ  All-Time Highs တစ်ခုကို ထပ်မံ ရောက်ရှိနိုင်တဲ့ အလားအလာရှိနေပါတယ်။

Bitcoin ရဲ့ ဈေးနှုန်းက ဘာကြောင့် ဒီလောက်တက်နေတာလဲဆိုတာကို သိချင်ရင်တော့ On-Chain Metrics လို့ခေါ်တဲ့ အချက်အလက်တွေကို ကြည့်ပြီး‌လေ့လာသုံးသပ်လို့ရပါတယ်။ ဒါတွေက ဘာလဲဆိုတော့ Bitcoin ရဲ့ လှုပ်ရှားမှုတွေကို အခြေခံပြီး ခန့်မှန်းတဲ့ နည်းလမ်းပါ။

ပထမဆုံးအနေနဲ့ Bitcoin ဝယ်ရောင်းလုပ်တဲ့ Exchange ပေါ်မှာရှိတဲ့ Bitcoin ပမာဏဟာ အရင်ကထက် အများကြီးနည်းနေတာကို တွေ့ရမယ်ဆိုရင် ဒါက ဘာကိုပြလဲဆိုတော့ လူတွေက Bitcoin ကို ဝယ်ပြီး ရေရှည်အတွက် ကိုင်ထားချင်နေကြတာပါ။ “အခုတော့ မရောင်းသေးဘူး၊ ဈေးပိုတက်လာမှ ရောင်းမယ်” ဆိုတဲ့ သဘောပေါ့။ ရောင်းတဲ့သူက နည်းလာတော့ ဈေးက အလိုလို တက်လာတာပေါ့ဗျာ။

ကမ္ဘာ့စီးပွားရေးကို ကြည့်မယ်ဆိုရင်လည်း  US Dollar Index (DXY) လို့ခေါ်တဲ့ အမေရိကန်ဒေါ်လာတန်ဖိုးက အားနည်းနေပါတယ်။ ဒေါ်လာတန်ဖိုး ကျလာလေလေ ရင်းနှီးမြှုပ်နှံသူတွေက ဒေါ်လာကိုင်မယ့်အစား ရွှေတို့၊ Bitcoin တို့လိုမျိုး တခြားတန်ဖိုးရှိတဲ့ အရာတွေကို ပြောင်းပြီး ကိုင်ထားဖို့ ပိုစိတ်ဝင်စားလာပါတယ်။ ဒါကလည်း Bitcoin ဈေးတက်ဖို့ကို အထောက်အကူပြုနေတာပါ။

ဒီအချက်အလက်တွေအားလုံးကို ခြုံပြီး သုံးသပ်ကြည့်မယ်ဆိုရင် Bitcoin ဟာ ၂၀၂၅ ခုနှစ်မှာ $125k ကို ကျော်လွန်ဖို့ အလားအလာအလွန်ကောင်းနေပါတယ်။ $125k ဆိုတာကလည်း Ceiling မဟုတ်ဘဲ Next Milestone တစ်ခုလည်းဖြစ်နေနိုင်ပါတယ်။

Trading လုပ်ရာမှာ မရှိမဖြစ် လိုအပ်တဲ့ Binance Account အတွက် ရာသက်ပန် 20% Trading Fees discount ရရှိရန် ဒီ link မှ အကောင့်ဖွင့်ပါ။
#CryptoComeback #CPIWatch #StablecoinLaw #DeFiGetsGraded

𝐏𝐢𝟐𝐃𝐚𝐲 ဆိုတာဘာလဲ။
ဘာကြောင့် ဇွန်လ ၂၈ ရက် (𝐏𝐢𝟐𝐃𝐚𝐲) က 𝐏𝐢 𝐍𝐞𝐭𝐰𝐨𝐫𝐤 အတွက် အရေးပါလဲ။
မင်္ဂလာပါခင်ဗျာ။ ဒီနေ့ ဆွေးနွေးပေးသွားမှာကတော့ 𝐏𝐢 𝐍𝐞𝐭𝐰𝐨𝐫𝐤 မှာ အရေးပါတဲ့ အခမ်းအနားတစ်ခုဖြစ်တဲ့ 𝐏𝐢𝟐𝐃𝐚𝐲 နဲ့ ဘာကြောင့် ဇွန်လ ၂၈ ရက်က 𝐏𝐢 𝐍𝐞𝐭𝐰𝐨𝐫𝐤 ရဲ့ အနာဂတ်အတွက် အလွန်အရေးကြီးတဲ့နေ့ ဖြစ်လာရတာလဲဆိုတာပဲ ဖြစ်ပါတယ်။
𝐏𝐢𝟐𝐃𝐚𝐲 ဆိုတာ 𝐏𝐢 𝐍𝐞𝐭𝐰𝐨𝐫𝐤 က နှစ်စဉ် ကျင်းပတဲ့ အထူးနေ့တစ်နေ့ ဖြစ်ပါတယ်။ 𝐏𝐢 တန်ဖိုး 𝟑.𝟏𝟒 ရဲ့ နှစ်ဆဖြစ်တဲ့ 𝟔.𝟐𝟖 ကိုအစွဲပြုပြီး 𝐏𝐢𝟐𝐃𝐚𝐲 အဖြစ် 𝐉𝐮𝐧𝐞 လ 𝟐𝟖 ရက်နေ့ ကိုသတ်မှတ်ခဲ့တာပဲဖြစ်ပါတယ်။ 𝐏𝐢 𝐍𝐞𝐭𝐰𝐨𝐫𝐤 ဟာ ကမ္ဘာတစ်ဝန်းမှာရှိတဲ့ သန်းပေါင်းများစွာသော အသုံးပြုသူတွေကို ချိတ်ဆက်ပေးတဲ့ 𝐜𝐫𝐲𝐩𝐭𝐨𝐜𝐮𝐫𝐫𝐞𝐧𝐜𝐢𝐞𝐬 ထဲက တစ်ခုဖြစ်လာဖို့ ရည်ရွယ်ပြီး စတင်ခဲ့တာပါ။ ဒီလိုနေ့မျိုးမှာ 𝐏𝐢 𝐍𝐞𝐭𝐰𝐨𝐫𝐤 ရဲ့ တိုးတက်မှုတွေ၊ အောင်မြင်မှုတွေကို ဆင်နွှဲကြပြီး အနာဂတ်အစီအစဉ်တွေကို ကြေညာလေ့ ရှိပါတယ်။
ဒီနှစ်ရဲ့ ဇွန်လ ၂၈ ရက် (𝐏𝐢𝟐𝐃𝐚𝐲) ကတော့ 𝐏𝐢 𝐍𝐞𝐭𝐰𝐨𝐫𝐤 အတွက် တကယ့်ကို အလှည့်အပြောင်း ဖြစ်စေခဲ့တဲ့ နေ့တစ်နေ့ပါပဲ။ အဓိကအားဖြင့် အချက်နှစ်ချက်ကြောင့်ပါ။
၁။ 𝐆𝐞𝐧𝐀𝐈 𝐈𝐧𝐭𝐞𝐠𝐫𝐚𝐭𝐢𝐨𝐧 (ဉာဏ်ရည်တု ပေါင်းစပ်မှု)
ပထမဆုံးနဲ့ အရေးအကြီးဆုံးကတော့ 𝐆𝐞𝐧𝐞𝐫𝐚𝐭𝐢𝐯𝐞 𝐀𝐈 (𝐆𝐞𝐧𝐀𝐈) ကို 𝐏𝐢 𝐍𝐞𝐭𝐰𝐨𝐫𝐤 ထဲကို ပေါင်းစပ်ဖို့ စီစဉ်နေတာပဲ ဖြစ်ပါတယ်။ 𝐀𝐈 နဲ့ 𝐁𝐥𝐨𝐜𝐤𝐜𝐡𝐚𝐢𝐧 နည်းပညာ ပေါင်းစပ်မှုဆိုတာ လက်ရှိ နည်းပညာလောကမှာ ရေပန်းစားနေတဲ့ ကိစ္စရပ်တစ်ခုပါ။ 𝐆𝐞𝐧𝐀𝐈 ကို 𝐏𝐢 𝐍𝐞𝐭𝐰𝐨𝐫𝐤 ရဲ့ 𝐃𝐀𝐩𝐩𝐬 (𝐃𝐞𝐜𝐞𝐧𝐭𝐫𝐚𝐥𝐢𝐳𝐞𝐝 𝐀𝐩𝐩𝐥𝐢𝐜𝐚𝐭𝐢𝐨𝐧𝐬) တွေနဲ့ ပေါင်းစပ်လိုက်ခြင်းအားဖြင့် အသုံးပြုသူတွေအတွက် ပိုမိုကောင်းမွန်တဲ့ အတွေ့အကြုံတွေ ပေးစွမ်းနိုင်မှာပါ။ ဥပမာအနေနဲ့၊ 𝐀𝐈 ကနေ 𝐏𝐢 𝐄𝐜𝐨𝐬𝐲𝐬𝐭𝐞𝐦 အတွင်းမှာရှိတဲ့ 𝐃𝐀𝐩𝐩 တွေကို ပိုမို ထိရောက်အောင်၊ ပိုမို လွယ်ကူအောင် ကူညီပေးနိုင်ပါတယ်။ 𝐀𝐈 နည်းပညာတွေက 𝐃𝐀𝐩𝐩 တွေရဲ့ စွမ်းဆောင်ရည်ကို မြှင့်တင်ပေးနိုင်သလို၊ အသုံးပြုသူတွေအတွက်လည်း ပိုမို ဆန်းသစ်တဲ့ လုပ်ဆောင်ချက်တွေကို ပေးစွမ်းနိုင်မှာ ဖြစ်ပါတယ်။ ဒီပေါင်းစပ်မှုက 𝐏𝐢 𝐍𝐞𝐭𝐰𝐨𝐫𝐤 ကို တခြား 𝐛𝐥𝐨𝐜𝐤𝐜𝐡𝐚𝐢𝐧 𝐩𝐫𝐨𝐣𝐞𝐜𝐭 တွေနဲ့ ကွဲပြားစေပြီး နည်းပညာအရ ဦးဆောင်သူတစ်ဦးအဖြစ် ရပ်တည်စေမှာပါ။
၂။ ဒုတိယလှိုင်း 𝐊𝐘𝐂 𝐒𝐲𝐧𝐜 နှင့် 𝐌𝐚𝐢𝐧𝐧𝐞𝐭 𝐀𝐜𝐜𝐞𝐬𝐬
ဒုတိယအချက်ကတော့ သန်းပေါင်းများစွာသော 𝐏𝐢 𝐏𝐢𝐨𝐧𝐞𝐞𝐫𝐬 တွေ မျှော်လင့်နေတဲ့ 𝐊𝐘𝐂 (𝐊𝐧𝐨𝐰 𝐘𝐨𝐮𝐫 𝐂𝐮𝐬𝐭𝐨𝐦𝐞𝐫) စိစစ်မှု ဒုတိယလှိုင်းနဲ့ 𝐌𝐚𝐢𝐧𝐧𝐞𝐭 ကို ဝင်ရောက်ခွင့် ရရှိဖို့ပဲ ဖြစ်ပါတယ်။ ပထမ 𝐊𝐘𝐂 လှိုင်းတုန်းက စိစစ်မှု အောင်မြင်ခဲ့တဲ့သူတွေဟာ သူတို့ရဲ့ 𝐏𝐢 𝐂𝐨𝐢𝐧 တွေကို 𝐌𝐚𝐢𝐧𝐧𝐞𝐭 ကို ရွှေ့ပြောင်းနိုင်ခဲ့ပြီး ဖြစ်ပါတယ်။ အခု ဒုတိယလှိုင်းမှာ စိစစ်မှု အောင်မြင်တဲ့ သန်းနဲ့ချီတဲ့ အသုံးပြုသူတွေဟာလည်း 𝐌𝐚𝐢𝐧𝐧𝐞𝐭 ကို ဝင်ရောက်ခွင့် ရရှိတော့မှာပါ။
ဒီလို 𝐊𝐘𝐂 စိစစ်မှုတွေဟာ 𝐏𝐢 𝐍𝐞𝐭𝐰𝐨𝐫𝐤 ရဲ့ လုံခြုံရေးနဲ့ ယုံကြည်စိတ်ချရမှုကို ပိုမို ခိုင်မာစေပါတယ်။ 𝐌𝐚𝐢𝐧𝐧𝐞𝐭 ကို ဝင်ရောက်နိုင်တဲ့ အသုံးပြုသူ အရေအတွက် များလာတာနဲ့အမျှ 𝐏𝐢 𝐍𝐞𝐭𝐰𝐨𝐫𝐤 ရဲ့ ကွန်ရက်ဟာ ပိုမို ကျယ်ပြန့်လာပြီး ပိုမို အသုံးဝင်လာမှာ ဖြစ်ပါတယ်။ ဥပမာအနေနဲ့ ပြောရရင် 𝐌𝐚𝐢𝐧𝐧𝐞𝐭 ကို ရောက်ရှိပြီးတဲ့ 𝐏𝐢 𝐏𝐢𝐨𝐧𝐞𝐞𝐫𝐬 တွေဟာ သူတို့ရဲ့ 𝐏𝐢 𝐂𝐨𝐢𝐧 တွေကို အချင်းချင်း လွှဲပြောင်းနိုင်တာ၊ 𝐏𝐢 𝐄𝐜𝐨𝐬𝐲𝐬𝐭𝐞𝐦 ထဲက ကုန်ပစ္စည်းတွေနဲ့ ဝန်ဆောင်မှုတွေကို ဝယ်ယူနိုင်တာတွေ လုပ်ဆောင်နိုင်မှာပါ။ ဒါဟာ 𝐏𝐢 𝐍𝐞𝐭𝐰𝐨𝐫𝐤 ရဲ့ တကယ့် အဓိပ္ပာယ်ကို စတင် မြင်တွေ့ရမယ့် အချိန်တစ်ခုပါပဲ။
𝐆𝐞𝐧𝐀𝐈 ပေါင်းစပ်မှုနဲ့ 𝐊𝐘𝐂 ဒုတိယလှိုင်းတွေက 𝐏𝐢 𝐍𝐞𝐭𝐰𝐨𝐫𝐤 ရဲ့ 𝐄𝐜𝐨𝐬𝐲𝐬𝐭𝐞𝐦 ကို ပိုမို အားကောင်းလာစေမှာပါ။ အသုံးပြုသူ ပိုများလာလေ၊ 𝐏𝐢 ရဲ့ အသုံးဝင်မှုက ပိုမြင့်လာလေပါပဲ။ 𝐂𝐫𝐲𝐩𝐭𝐨 လောကရဲ့ သဘောအရ 𝐃𝐞𝐦𝐚𝐧𝐝 များလာတာနဲ့အမျှ တန်ဖိုးကလည်း မြင့်တက်လာနိုင်ပါတယ်။ ဒါပေမယ့် 𝐏𝐢 ရဲ့ တန်ဖိုးဟာ အခြား 𝐅𝐚𝐜𝐭𝐨𝐫𝐬 တွေပေါ်မှာလည်း မူတည်နေပါတယ်။ ဥပမာ - 𝐆𝐥𝐨𝐛𝐚𝐥 𝐂𝐫𝐲𝐩𝐭𝐨 𝐌𝐚𝐫𝐤𝐞𝐭 ရဲ့ အခြေအနေ၊ 𝐏𝐢 𝐄𝐜𝐨𝐬𝐲𝐬𝐭𝐞𝐦 ထဲမှာ 𝐃𝐀𝐩𝐩𝐬 တွေ ဘယ်လောက် အောင်မြင်လဲ၊ ကုန်သည်တွေနဲ့ အသုံးပြုသူတွေက 𝐏𝐢 ကို ဘယ်လောက် အများကြီး လက်ခံလဲ စတဲ့ အချက်တွေပါပဲ။
လက်ရှိမှာ 𝐏𝐢 ဟာ ကမ္ဘာ့အကြီးစား 𝐂𝐫𝐲𝐩𝐭𝐨 𝐄𝐱𝐜𝐡𝐚𝐧𝐠𝐞 တွေမှာ တရားဝင် စာရင်းသွင်းထားခြင်း မရှိသေးပါဘူး။ 𝐌𝐚𝐢𝐧𝐧𝐞𝐭 ကို ပိုမို များပြားတဲ့ အသုံးပြုသူတွေ ဝင်ရောက်လာပြီး 𝐏𝐢 𝐄𝐜𝐨𝐬𝐲𝐬𝐭𝐞𝐦 ဟာ တကယ့်ကို အသုံးဝင်တဲ့ အခြေအနေကို ရောက်လာပြီဆိုရင် ကမ္ဘာ့အကြီးစား 𝐄𝐱𝐜𝐡𝐚𝐧𝐠𝐞 တွေက 𝐏𝐢 ကို စာရင်းသွင်းဖို့ စိတ်ဝင်စားလာပါလိမ့်မယ်။ 𝐄𝐱𝐜𝐡𝐚𝐧𝐠𝐞 မှာ စာရင်းသွင်းလိုက်တာနဲ့ 𝐏𝐢 𝐂𝐨𝐢𝐧 ဟာ ပိုမို လွယ်ကူစွာ ဝယ်ယူရောင်းချနိုင်မှာဖြစ်ပြီး၊ ဒါက သူ့ရဲ့ တန်ဖိုးကို သိသိသာသာ မြှင့်တင်ပေးနိုင်ပါတယ်။
ဒီလိုမျိုး ထူးခြားတဲ့အဖြစ်အပျက်တွေနဲ့ အစပြုထားတဲ့ ဇွန်လ ၂၈ ရက် (𝐏𝐢𝟐𝐃𝐚𝐲) ဟာ 𝐏𝐢 𝐍𝐞𝐭𝐰𝐨𝐫𝐤 အနာဂတ်အတွက် တကယ့်ကို အရေးကြီးတဲ့ မိုင်တိုင်တစ်ခု ဖြစ်ပါတယ်။ 𝐆𝐞𝐧𝐀𝐈 ပေါင်းစပ်မှု၊ 𝐊𝐘𝐂 ဒုတိယလှိုင်းနဲ့ 𝐌𝐚𝐢𝐧𝐧𝐞𝐭 အသုံးပြုခွင့်တွေဟာ 𝐏𝐢 𝐍𝐞𝐭𝐰𝐨𝐫𝐤 ကို ပိုမို ခိုင်မာအားကောင်းတဲ့ 𝐄𝐜𝐨𝐬𝐲𝐬𝐭𝐞𝐦 တစ်ခု ဖြစ်လာစေမှာပါ။ 𝐏𝐢 𝐏𝐢𝐨𝐧𝐞𝐞𝐫𝐬 တွေအနေနဲ့ စိတ်ရှည်သည်းခံစွာ စောင့်ဆိုင်းရင်း 𝐏𝐢 𝐍𝐞𝐭𝐰𝐨𝐫𝐤 ရဲ့ တိုးတက်ပြောင်းလဲမှုတွေကို စောင့်ကြည့်ရမှာ ဖြစ်ပါတယ်။
𝐏𝐢 𝐍𝐞𝐭𝐰𝐨𝐫𝐤 ရဲ့ အနာဂတ်အတွက် စိတ်လှုပ်ရှားစရာ ကောင်းတဲ့ ခရီးလမ်းမှာ အတူတူ လျှောက်လှမ်းသွားကြဖို့ ဖိတ်ခေါ်လိုက်ပါတယ်။

Binance Account ဖွင့်ရန် ရာသက်ပန် 20% discount link (Click Here)

အားလုံးပဲ မင်္ဂလာပါခင်ဗျာ။ ဒီနေ့ကတော့ ဇူလိုင်လမှာ ရင်းနှီးမြှုပ်နှံသူတွေ စောင့်ကြည့်ရမယ့်အလားအလာရှိတဲ့ 𝐂𝐫𝐲𝐩𝐭𝐨𝐜𝐮𝐫𝐫𝐞𝐧𝐜𝐢𝐞𝐬 တွေအကြောင်းကို 𝐒𝐡𝐚𝐫𝐢𝐧𝐠 လုပ်ပေးသွားမှာဖြစ်ပါတယ်။ 
၁။ 𝐁𝐢𝐭𝐜𝐨𝐢𝐧 (𝐁𝐓𝐂)
𝐁𝐢𝐭𝐜𝐨𝐢𝐧 ကတော့ 𝐂𝐫𝐲𝐩𝐭𝐨 လောကရဲ့ ဘုရင်လို့ ပြောလို့ရတဲ့အထိ ဈေးကွက်ဦးစီးမှု အမြင့်ဆုံးနဲ့ 𝐋𝐢𝐪𝐮𝐢𝐝 အဖြစ်ဆုံး coin ပါ။ ဇူလိုင်လမှာ 𝐁𝐢𝐭𝐜𝐨𝐢𝐧 ကို စောင့်ကြည့်သင့်တဲ့ အကြောင်းရင်းတွေကတော့ 𝐁𝐢𝐭𝐜𝐨𝐢𝐧 𝐇𝐚𝐥𝐯𝐢𝐧𝐠 က ပြီးခဲ့တဲ့လတွေက ပြီးဆုံးသွားပြီဖြစ်ပြီး သမိုင်းကြောင်းအရ 𝐇𝐚𝐥𝐯𝐢𝐧𝐠 ပြီးနောက် လအနည်းငယ်အတွင်း 𝐁𝐢𝐭𝐜𝐨𝐢𝐧 ဈေးနှုန်းတွေ သိသိသာသာ တက်လေ့ရှိပါတယ်။ ဒါ့အပြင် ကမ္ဘာ့စီးပွားရေး မတည်ငြိမ်မှုတွေကြောင့် ရင်းနှီးမြှုပ်နှံသူတွေဟာ 𝐁𝐢𝐭𝐜𝐨𝐢𝐧 ကို 𝐒𝐭𝐨𝐫𝐞 𝐨𝐟 𝐕𝐚𝐥𝐮𝐞 အဖြစ် ပိုပြီးမြင်လာကြတဲ့အချက်ပါပဲ။နောက်တစ်ချက်ကတော့ 𝐒𝐩𝐨𝐭 𝐁𝐢𝐭𝐜𝐨𝐢𝐧 𝐄𝐓𝐅 ရဲ့ အောင်မြင်မှုက အဖွဲ့အစည်းဆိုင်ရာ ရင်းနှီးမြှုပ်နှံမှုတွေကို သိသိသာသာ ဆွဲဆောင်နိုင်ခဲ့ပြီး ဇူလိုင်လမှာလည်း ဒီအရှိန်အဟုန်က ဆက်ရှိနေဦးမယ်လို့ ခန့်မှန်းရပါတယ်။
၂။ 𝐒𝐨𝐥𝐚𝐧𝐚 (𝐒𝐎𝐋)
𝐒𝐨𝐥𝐚𝐧𝐚 ဆိုတာကတော့ မြန်ဆန်ပြီး ကုန်ကျစရိတ်သက်သာတဲ့ 𝐁𝐥𝐨𝐜𝐤𝐜𝐡𝐚𝐢𝐧 တစ်ခုဖြစ်တာကြောင့် လူကြိုက်များပါတယ်။ 𝐒𝐨𝐥𝐚𝐧𝐚 မှာ တည်ဆောက်ထားတဲ့ 𝐃𝐞𝐜𝐞𝐧𝐭𝐫𝐚𝐥𝐢𝐳𝐞𝐝 𝐅𝐢𝐧𝐚𝐧𝐜𝐞 (𝐃𝐞𝐅𝐢) နဲ့ 𝐍𝐨𝐧-𝐅𝐮𝐧𝐠𝐢𝐛𝐥𝐞 𝐓𝐨𝐤𝐞𝐧 (𝐍𝐅𝐓) ပရောဂျက်တွေ တိုးတက်နေတာက 𝐃𝐞𝐦𝐚𝐧𝐝 ကို တိုးမြှင့်ပေးပါတယ်။ ဒါတင်မကသေးပါဘူး။ 𝐒𝐨𝐥𝐚𝐧𝐚 ကွန်ရက်ပေါ်မှာ 𝐃𝐞𝐯𝐞𝐥𝐨𝐩𝐞𝐫 တွေရဲ့ လှုပ်ရှားမှု မြင့်မားနေတာက ecosystem ဂေဟစနစ်ရဲ့ ရှင်သန်ဖွံ့ဖြိုးမှုကို ပြသနေပါတယ်။ ဒီလိုမျိုး မြင့်မားတဲ့ 𝐓𝐫𝐚𝐧𝐬𝐚𝐜𝐭𝐢𝐨𝐧 ပမာဏကို ကိုင်တွယ်နိုင်စွမ်းက 𝐒𝐨𝐥𝐚𝐧𝐚 ကို အနာဂတ်အတွက် အလားအလာကောင်းတွေရရှိစေပါတယ်။
၃။ 𝐁𝐍𝐁 (𝐁𝐍𝐁)
𝐁𝐢𝐧𝐚𝐧𝐜𝐞 𝐒𝐦𝐚𝐫𝐭 𝐂𝐡𝐚𝐢𝐧 (𝐁𝐒𝐂) ရဲ့ 𝐍𝐚𝐭𝐢𝐯𝐞 𝐂𝐨𝐢𝐧 ဖြစ်တဲ့ 𝐁𝐍𝐁 ကတော့ 𝐁𝐢𝐧𝐚𝐧𝐜𝐞 𝐄𝐱𝐜𝐡𝐚𝐧𝐠𝐞 ရဲ့ ကျောထောက်နောက်ခံပြုထားပါတယ်။ ကမ္ဘာ့အကြီးဆုံး 𝐂𝐫𝐲𝐩𝐭𝐨 𝐄𝐱𝐜𝐡𝐚𝐧𝐠𝐞 တစ်ခုဖြစ်တဲ့ 𝐁𝐢𝐧𝐚𝐧𝐜𝐞 ရဲ့ ကျယ်ပြန့်တဲ့ ဂေဟစနစ် (𝐄𝐱𝐜𝐡𝐚𝐧𝐠𝐞, 𝐋𝐚𝐮𝐧𝐜𝐡𝐩𝐚𝐝, 𝐃𝐞𝐅𝐢) က 𝐁𝐍𝐁 ရဲ့ 𝐃𝐞𝐦𝐚𝐧𝐝 ကို အမြဲတမ်း မြှင့်တင်ပေးနေသလို 𝐁𝐍𝐁 မှာလည်း သတ်မှတ်ထားတဲ့ 𝐁𝐮𝐫𝐧𝐢𝐧𝐠 ယန္တရားရှိတာကြောင့် 𝐂𝐢𝐫𝐜𝐮𝐥𝐚𝐭𝐢𝐨𝐧 ထဲမှာရှိတဲ့ 𝐂𝐨𝐢𝐧 အရေအတွက်ကို လျှော့ချပြီး တန်ဖိုးကို မြှင့်တင်ပေးပါတယ်။ ဈေးသက်သာပြီး မြန်ဆန်တဲ့ 𝐁𝐒𝐂 ဟာ 𝐃𝐞𝐜𝐞𝐧𝐭𝐫𝐚𝐥𝐢𝐳𝐞𝐝 𝐀𝐩𝐩𝐥𝐢𝐜𝐚𝐭𝐢𝐨𝐧 (𝐝𝐀𝐩𝐩𝐬) တွေအတွက် ဆွဲဆောင်မှုရှိတဲ့ 𝐏𝐥𝐚𝐭𝐟𝐨𝐫𝐦 တစ်ခုဖြစ်နေဆဲပါ။
၄။ 𝐗𝐑𝐏 (𝐗𝐑𝐏)
𝐑𝐢𝐩𝐩𝐥𝐞 ရဲ့ 𝐃𝐢𝐠𝐢𝐭𝐚𝐥 𝐀𝐬𝐬𝐞𝐭 ဖြစ်တဲ့ 𝐗𝐑𝐏 ကိုတော့ နိုင်ငံတကာ ငွေလွှဲလုပ်ငန်းတွေအတွက် ဒီဇိုင်းထုတ်ထားတာပါ။  𝐑𝐢𝐩𝐩𝐥𝐞 နဲ့ 𝐒𝐄𝐂 ကြားက တရားစွဲဆိုမှုတွေရှိခဲ့ပေမဲ့ ပြီးဆုံးခါနီးဖြစ်ပြီး ရလဒ်ကောင်းတွေသာ ထွက်ပေါ်လာမယ်ဆိုရင် ဈေးနှုန်းအတွက် သိသာတဲ့ အပြုသဘောဆောင်တဲ့ အကျိုးသက်ရောက်မှု ရှိနိုင်ပါတယ်။ 𝐑𝐢𝐩𝐩𝐥𝐞 ဟာဆိုရင် ကမ္ဘာတစ်ဝန်းက ဘဏ်တွေနဲ့ ငွေကြေးအဖွဲ့အစည်းတွေနဲ့ မိတ်ဖက်ပြုထားတာကြောင့် တကယ့်လက်တွေ့မှာ အသုံးပြုနိုင်စွမ်း မြင့်မားပါတယ်။ 𝐗𝐑𝐏 ရဲ့ 𝐓𝐫𝐚𝐧𝐬𝐚𝐜𝐭𝐢𝐨𝐧 𝐬𝐩𝐞𝐞𝐝 နဲ့ ကုန်ကျစရိတ်သက်သာမှုက ငွေပေးချေမှုတွေအတွက် အားသာချက်တစ်ခုအဖြစ်တည်ရှိနေဆဲဆိုတာကိုလည်း မမေ့စေချင်ပါဘူး။
၅။ 𝐂𝐡𝐚𝐢𝐧𝐥𝐢𝐧𝐤 (𝐋𝐈𝐍𝐊)
𝐂𝐡𝐚𝐢𝐧𝐥𝐢𝐧𝐤 ကလည်း 𝐒𝐦𝐚𝐫𝐭 𝐂𝐨𝐧𝐭𝐫𝐚𝐜𝐭 တွေအတွက် 𝐎𝐟𝐟-𝐜𝐡𝐚𝐢𝐧 𝐝𝐚𝐭𝐚 တွေကို 𝐒𝐞𝐜𝐮𝐫𝐞 ဖြစ်ပြီး ယုံကြည်စိတ်ချရတဲ့ နည်းလမ်းနဲ့ ပံ့ပိုးပေးတဲ့ 𝐃𝐞𝐜𝐞𝐧𝐭𝐫𝐚𝐥𝐢𝐳𝐞𝐝 𝐎𝐫𝐚𝐜𝐥𝐞 𝐍𝐞𝐭𝐰𝐨𝐫𝐤 တစ်ခုဖြစ်တာကြောင့် 𝐒𝐦𝐚𝐫𝐭 𝐂𝐨𝐧𝐭𝐫𝐚𝐜𝐭 တွေရဲ့ အသုံးဝင်မှု တိုးတက်လာတာနဲ့အမျှ 𝐂𝐡𝐚𝐢𝐧𝐥𝐢𝐧𝐤 လို 𝐎𝐫𝐚𝐜𝐥𝐞 တွေရဲ့ လိုအပ်ချက်က ပိုမိုများပြားလာပါတယ်။ဒါ့အပြင် ကြီးမားတဲ့ လုပ်ငန်းကြီးတွေနဲ့ ပူးပေါင်းဆောင်ရွက်မှုတွေက 𝐂𝐡𝐚𝐢𝐧𝐥𝐢𝐧𝐤 ရဲ့ တန်ဖိုးကို မြှင့်တင်ပေးပါတယ်။ 𝐒𝐭𝐚𝐤𝐢𝐧𝐠 𝐕𝟐 အကောင်အထည်ဖော်မှုက 𝐋𝐈𝐍𝐊 𝐇𝐨𝐥𝐝𝐞𝐫 တွေအတွက် ပိုမိုဆွဲဆောင်မှုရှိစေပြီး 𝐍𝐞𝐭𝐰𝐨𝐫𝐤 𝐒𝐞𝐜𝐮𝐫𝐢𝐭𝐲 ကို မြှင့်တင်ပေးနိုင်ပါတယ်။
၆။ 𝐀𝐫𝐛𝐢𝐭𝐫𝐮𝐦 (𝐀𝐑𝐁)
𝐀𝐫𝐛𝐢𝐭𝐫𝐮𝐦 ကတော့ 𝐄𝐭𝐡𝐞𝐫𝐞𝐮𝐦 ရဲ့ 𝐋𝐚𝐲𝐞𝐫 𝟐 𝐒𝐜𝐚𝐥𝐢𝐧𝐠 𝐒𝐨𝐥𝐮𝐭𝐢𝐨𝐧 တစ်ခုဖြစ်သလို 𝐓𝐫𝐚𝐧𝐬𝐚𝐜𝐭𝐢𝐨𝐧 တွေကို ပိုမိုမြန်ဆန်ပြီး ဈေးသက်သာအောင် ကူညီပေးပါတယ်။  𝐄𝐭𝐡𝐞𝐫𝐞𝐮𝐦 ဈေးကွက် တိုးတက်လာတာနဲ့အမျှ 𝐀𝐫𝐛𝐢𝐭𝐫𝐮𝐦 လို 𝐋𝐚𝐲𝐞𝐫 𝟐 𝐒𝐨𝐥𝐮𝐭𝐢𝐨𝐧 တွေရဲ့ လိုအပ်ချက်က ပိုမိုများပြားလာပြီး 𝐀𝐫𝐛𝐢𝐭𝐫𝐮𝐦 ပေါ်မှာရှိတဲ့ 𝐃𝐞𝐅𝐢 𝐏𝐫𝐨𝐭𝐨𝐜𝐨𝐥 တွေရဲ့ 𝐓𝐨𝐭𝐚𝐥 𝐕𝐚𝐥𝐮𝐞 𝐋𝐨𝐜𝐤𝐞𝐝 (𝐓𝐕𝐋) မြင့်မားနေတာဟာ 𝐔𝐬𝐞𝐫 များပြားမှုကို ပြသနေပါတယ်။ 𝐀𝐫𝐛𝐢𝐭𝐫𝐮𝐦 ဟာ 𝐄𝐭𝐡𝐞𝐫𝐞𝐮𝐦 ရဲ့ 𝐒𝐜𝐚𝐥𝐚𝐛𝐢𝐥𝐢𝐭𝐲 ပြဿနာကို ဖြေရှင်းပေးနိုင်တဲ့ အဓိက 𝐒𝐨𝐥𝐮𝐭𝐢𝐨𝐧 တစ်ခုဖြစ်တာကြောင့် အနာဂတ်မှာ ပိုမိုအရေးပါလာနိုင်ပါတယ်။
၇။ 𝐂𝐞𝐥𝐞𝐬𝐭𝐢𝐚 (𝐓𝐈𝐀)
𝐂𝐞𝐥𝐞𝐬𝐭𝐢𝐚 ကလည်း 𝐌𝐨𝐝𝐮𝐥𝐚𝐫 𝐁𝐥𝐨𝐜𝐤𝐜𝐡𝐚𝐢𝐧 တွေရဲ့ ရှေ့ဆောင်ဖြစ်ပြီး 𝐃𝐚𝐭𝐚 𝐀𝐯𝐚𝐢𝐥𝐚𝐛𝐢𝐥𝐢𝐭𝐲 𝐋𝐚𝐲𝐞𝐫 ကို အဓိကထား ဖန်တီးထားတာပါ။ 𝐁𝐥𝐨𝐜𝐤𝐜𝐡𝐚𝐢𝐧 𝐀𝐫𝐜𝐡𝐢𝐭𝐞𝐜𝐭𝐮𝐫𝐞 ရဲ့ အနာဂတ်ဟာ 𝐌𝐨𝐝𝐮𝐥𝐚𝐫 ဖြစ်လာနိုင်ပြီး 𝐂𝐞𝐥𝐞𝐬𝐭𝐢𝐚 ဟာ ဒီနေရာမှာ အဓိကအခန်းကဏ္ဍကနေ ပါဝင်နေတာကြောင့် 𝐂𝐞𝐥𝐞𝐬𝐭𝐢𝐚 ပေါ်မှာ တည်ဆောက်မယ့် ပရောဂျက်တွေ တိုးတက်လာတာနဲ့အမျှ 𝐓𝐈𝐀 ရဲ့ 𝐃𝐞𝐦𝐚𝐧𝐝 ကလည်း တိုးတက်လာနိုင်ပါတယ်။ 𝐃𝐚𝐭𝐚 𝐀𝐯𝐚𝐢𝐥𝐚𝐛𝐢𝐥𝐢𝐭𝐲 𝐋𝐚𝐲𝐞𝐫 သီးသန့်ထားရှိခြင်းကလည်း 𝐁𝐥𝐨𝐜𝐤𝐜𝐡𝐚𝐢𝐧 တွေရဲ့ 𝐒𝐜𝐚𝐥𝐚𝐛𝐢𝐥𝐢𝐭𝐲 နဲ့ 𝐅𝐥𝐞𝐱𝐢𝐛𝐢𝐥𝐢𝐭𝐲 ကို မြှင့်တင်ပေးနိုင်ပါတယ်။
ဒီနေ့ပြောပြပေးခဲ့တာကတော့ 𝐉𝐮𝐥𝐲 လမှာတိုးတက်လာဖို့အလားအလာရှိတဲ့ 𝐂𝐨𝐢𝐧 တချို့အကြောင်းပဲဖြစ်ပါတယ်။ 𝐂𝐫𝐲𝐩𝐭𝐨 ဈေးကွက်ဟာ အမြဲတမ်း မတည်ငြိမ်တတ်တာကြောင့် ရင်းနှီးမြှုပ်နှံမှု မပြုလုပ်ခင် သေချာလေ့လာဆန်းစစ်ဖို့နဲ့ ကိုယ်တတ်နိုင်တဲ့ ပမာဏကိုသာ ရင်းနှီးမြှုပ်နှံဖို့ အထူးအရေးကြီးပါတယ်။
ဒါဆိုရင် နောက်ထပ် content တွေမှာ ဘာအကြောင်းတွေထပ်ပြောသွားဦးမလဲဆိုတာသိရဖို့ 𝐂𝐡𝐚𝐧𝐧𝐞𝐥 လေးကို 𝐋𝐢𝐤𝐞 & 𝐅𝐨𝐥𝐥𝐨𝐰 လုပ်သွားလို့ရပါတယ်။

Binance Account ဖွင့်ရန် ရာသက်ပန် 20% discount link (Click Here)

#FOMCMeeting #EthereumTurns10 #ETHCorporateReserves #BinanceHODLerTree

အားလုံးပဲ မင်္ဂလာပါ၊ ဒီနေ့မှာတော့ ကျွန်တော်တို့ရဲ့digital finance လောကထဲမှာ အရေးပါလာမယ့် tool တစ်ခုဖြစ်တဲ့ Binance Web3 Wallet အကြောင်းကို ပြောပြပေးသွားမှာပဲဖြစ်ပါတယ်။ Binance Web3 Wallet ဆိုတာကတော့ ရိုးရှင်းတဲ့ Wallet တစ်ခုဆိုတာထက် Decentralized Web3 ကမ္ဘာကြီးကို လွယ်ကူချောမွေ့စွာ ချိတ်ဆက်ပေးနိုင်တဲ့ gateway တစ်ခုလို့ပြောလို့ရတဲ့အထိ သူရဲ့အသုံးဝင်ပုံတွေက ကျယ်ပြန့်ပါတယ်။

သူ့ရဲ့ ပထမဦးဆုံးနဲ့ အရေးအကြီးဆုံးအချက်ကတော့ cross-chain swaps တွေနဲ့ on-chain DEX access ကို လုပ်ဆောင်နိုင်ခြင်းပဲဖြစ်ပါတယ်။ crypto လောကမှာ အတွေ့အကြုံရှိတဲ့သူတွေဆို ဒီအချက်ကို သိကြမှာပါ။ အရင်တုန်းကဆိုရင် မတူညီတဲ့ blockchain network တွေပေါ်က tokens တွေကို အရောင်းအဝယ်လုပ်ဖို့ဆိုတာ အဆင့်တွေ အများကြီးပါပါတယ်။ ဥပမာ - Ethereum ကနေ BNB Chain ကို ပြောင်းဖို့ဆိုရင် Fund တွေကို Bridge တွေကနေပို့ရမယ်၊ Gas Fee တွေပေးရမယ်၊ အဆင့်တွေရှုပ်ထွေးပြီး အချိန်လည်းကြာနိုင်ပါတယ်။

ဒါပေမဲ့ Binance Web3 Wallet ရဲ့ ကျေးဇူးကြောင့် ဒီကိစ္စတွေဟာ အတိတ်က အဖြစ်အပျက်တွေဖြစ်သွားပါပြီ။ ဒီ Wallet ကနေဆိုရင် Binance App ထဲကနေ  ကွန်ရက်တွေအကြား tokens တွေကို လွယ်လွယ်ကူကူ လဲလှယ်နိုင်ပါတယ်။ Interoperability (ကွန်ရက်တစ်ခုနဲ့တစ်ခု ချိတ်ဆက်အလုပ်လုပ်နိုင်စွမ်း) ကို အမြင့်ဆုံးအထိ ပေးစွမ်းထားတာပါ။ ဒါ့အပြင် Decentralized Exchanges (DEXs) တွေဖြစ်တဲ့ PancakeSwap, UniSwap စတဲ့ DEX တွေကိုလည်း တိုက်ရိုက်ချိတ်ဆက်ပြီး အရောင်းအဝယ်လုပ်နိုင်တာကြောင့် trading လုပ်ငန်းစဉ်တွေကို ပိုမိုမြန်ဆန် ချောမွေ့စေပါတယ်။ အခွင့်အလမ်းတွေ ပေါ်လာတဲ့အခါ တုံ့ဆိုင်းမနေဘဲ ချက်ချင်းဆုံးဖြတ်ချက်ချနိုင်ဖို့ ဒီ feature က မရှိမဖြစ်လိုအပ်လာပါပြီ။

ဒါ့အပြင် Crypto လောကမှာ စိတ်လှုပ်ရှားစရာအကောင်းဆုံးနဲ့ အကျိုးအမြတ်အများဆုံး ရနိုင်တဲ့နည်းလမ်းတွေထဲက တစ်ခုကတော့ early-stage project တွေကို စောစောစီးစီး ရှာဖွေတွေ့ရှိပြီး ရင်းနှီးမြှုပ်နှံနိုင်ခြင်းပဲဖြစ်ပါတယ်။ ဒီလို project အသစ်တွေဟာ နာမည်မကြီးသေးပေမဲ့ အနာဂတ်မှာ တန်ဖိုးတွေ အဆပေါင်းများစွာ မြင့်တက်လာနိုင်တဲ့ အလားအလာရှိပါတယ်။

Binance Web3 Wallet ဟာ Binance Alpha နဲ့ ပေါင်းစပ်ထားတဲ့အတွက် ဒီလို early-stage token launches တွေကို တိုက်ရိုက်ဝင်ရောက်ခွင့် ပေးပါတယ်။ ဆိုလိုတာကတော့ token တွေကို စျေးကွက်ထဲ မရောက်ခင် (သို့) Binance exchange မှာ list မလုပ်ခင်မှာတည်းက လေ့လာနိုင်၊ ဝယ်ယူနိုင်တဲ့ အခွင့်အရေးကို ပိုင်ဆိုင်နိုင်တာပါ။ ဒါဟာ ပုံမှန်ရင်းနှီးမြှုပ်နှံသူတွေထက် အသာစီးရပြီး အမြတ်အစွန်းတွေ ပိုရရှိဖို့ လမ်းဖွင့်ပေးပါတယ်။ Binance Alpha ဟာ အလားအလာရှိတဲ့ ပရောဂျက်တွေကို Binance ရဲ့ စိစစ်မှုတွေနဲ့ ထောက်ပံ့ပေးတဲ့အတွက် အန္တရာယ်ကိုလည်း လျှော့ချပေးနိုင်ပါတယ်။

တတိယအချက်ကတော့ သင့်ရဲ့ crypto ကနေ အပိုဝင်ငွေရှာနိုင်တဲ့ Megadrop အကြောင်းပဲဖြစ်ပါတယ်။ Megadrop ဟာ Binance Simple Earn နဲ့ Web3 quests တွေကို ပေါင်းစပ်ထားတာဖြစ်ပြီး ကိုယ့်ဘက်ကလုပ်ပေးရမှာက crypto ကို Simple Earn မှာ lock လုပ်ထားရုံပါပဲ။ ဒါဟာ ဘဏ်မှာ စပေါ်ငွေထားသလိုပုံစံနဲ့သွားဆင်ပါတယ်။ ဒါ့အပြင် Megadrop က ပေးတဲ့ Web3 quest တွေဖြစ်တဲ့ သတ်မှတ်ပရောဂျက်တစ်ခုရဲ့ social media ကို follow လုပ်တာ၊ သူတို့ရဲ့ app ကို ဝင်ရောက်ကြည့်ရှုတာ စတဲ့ လွယ်ကူတဲ့ task တွေကို လုပ်ဆောင်ရုံနဲ့ သီးသန့် token rewards တွေ ရရှိနိုင်ပါတယ်။

ဒါဟာ ကိုယ့်ရဲ့ crypto ကို Wallet ထဲမှာ ဘာမှမလုပ်ဘဲ ထားတာထက် အများကြီး ပိုပြီး အကျိုးရှိစေမယ့် နည်းလမ်းတစ်ခုပါ။ ဒီနည်းလမ်းနဲ့ Megadrop ဟာ သုံးစွဲသူတွေအတွက် earning opportunity အသစ်တွေကို ဖန်တီးပေးရုံသာမက Web3 ပရောဂျက်အသစ်တွေနဲ့လည်း ရင်းနှီးကျွမ်းဝင်အောင် လုပ်ပေးပါတယ်။

Binance Web3 Wallet ဟာ ပုံမှန် Wallet တစ်ခုထက် အများကြီးအသုံးဝင်ပြီး Trading, earning နဲ့ crypto အခွင့်အလမ်းအသစ်တွေ ရှာဖွေဖို့အတွက် အစွမ်းထက်တဲ့ hub တစ်ခု ဖြစ်လာပါတယ်။ အခုချိန်ကစပြီး ဒီ Wallet ကို စနစ်တကျ အသုံးပြုတတ်ဖို့ လေ့လာထားမယ်ဆိုရင် ၂၀၂၅ ခုနှစ်မှာ အလားအလာကောင်းတွေနဲ့အတူ  crypto journey ကို အောင်မြင်အောင် လုပ်ဆောင်နိုင်မှာပါ။

ဒါဆိုဘာကိုစောင့်နေဦးမှာလဲ။ အခုပဲ Binance Web3 Wallet ကိုအသုံးပြုကြည့်လိုက်ပါခင်ဗျာ။

Binance Account ဖွင့်ရန် ရာသက်ပန် 20% discount link

#FOMCMeeting #CryptoScamSurge #AmericaAIActionPlan #BNBATH

၂၀၂၅ ခုနှစ်မှာပိုပိုများလာတဲ့ Fake Crypto Airdrop တွေ ဘယ်လိုခွဲခြားမလဲ၊ random Airdrop တွေကို လက်ခံတာကရော ဘေးကင်းရဲ့လား။

အားလုံးပဲ မင်္ဂလာပါ။ ကျွန်တော်တို့ရဲ့ channel ကနေ ပြန်လည်ကြိုဆိုလိုက်ပါတယ်။ ဒီနေ့ကတော့ အတော်လေးအရေးကြီးတဲ့ ခေါင်းစဉ်တစ်ခုအကြောင်း ပြောပြပေးသွားမှာပါ။ အဲဒါကတော့ Fake crypto airdrops တွေပါပဲ။

Crypto လောကကြီးက အရင်ကထက် ပိုမိုကျယ်ပြန့်လာသလို လိမ်လည်မှုတွေကလည်း ပိုပြီးဆန်းသစ်လာပါတယ်။ ၂၀၂၅ ခုနှစ်ရောက်တော့ scammers ဟာ ပိုပြီးဆန်းပြားတဲ့နည်းတွေနဲ့ ပိုင်ဆိုင်မှုတွေကို ဝင်ခိုးဖို့ ကြိုးစားနေကြပါတယ်။ ဒီထဲမှာမှ Airdrops တွေဟာ သူတို့အတွက် အကောင်းဆုံးကိရိယာတစ်ခု ဖြစ်လာပါတယ်။

တစ်ချိန်တုန်းက Airdrops တွေဟာ တရားဝင် project တွေကနေ သူတို့ရဲ့ token တွေကို အခမဲ့ဖြန့်ဝေပေးပြီး community တိုးချဲ့ဖို့အတွက် အကောင်းဆုံးနည်းလမ်းတစ်ခုဖြစ်ခဲ့ပါတယ်။ ဒါပေမဲ့ ခုချိန်မှာတော့ ဒီလိုကောင်းတဲ့အလေ့အထတွေကို scammer တွေက လက်နက်တစ်ခုလို သုံးလာကြပါပြီ။

၂၀၂၅ မှာဆိုရင် malware (ဗိုင်းရပ်စ်လိုမျိုး အန္တရာယ်ရှိတဲ့ဆော့ဖ်ဝဲ) တွေ ဖြန့်ဖို့အတွက် Fake airdrops တွေကို အသုံးချနေကြတာဟာ တကယ်ကို စိုးရိမ်စရာတစ်ခုဖြစ်နေပါပြီ။ သူတို့က ရိုးရိုး token တွေချည်း ပို့တာမဟုတ်ပါဘူး၊ Trojan Horse လိုမျိုး ဆုပေးသလိုနဲ့ အယောင်ဆောင်ပြီးဝင်လာတဲ့ အန္တရာယ်ရှိ Software တွေက အန္တရာယ်တွေကို ဖုံးကွယ်ပြီး ပို့နေတာပါ။

‘ရိုးရိုး token တစ်ခုက ဘယ်လိုများ အန္တရာယ်ရှိနိုင်မှာလဲ’ လို့ လူကြီးမင်းတို့အနေနဲ့ ထင်ကောင်းထင်ပါလိမ့်မယ်။ အမှန်ကတော့ လိမ်လည်မှုက token တစ်ခုတည်းနဲ့ မပြီးပါဘူး။ ဒီအန္တရာယ်ရှိတဲ့ airdrop တွေက ဘာမှမဟုတ်သလို ပုံပေါ်နေတဲ့ ဖိုင်လေးတွေနဲ့တွဲပြီး လာတတ်ပါတယ်။ ဥပမာ - ရုပ်ပုံ၊ PDF ဒါမှမဟုတ် 'Airdrop_Instructions.zip' လိုမျိုး စွဲဆောင်မှုရှိတဲ့ နာမည်ပေးထားတဲ့ ဖိုင်တွေပေါ့။

အဲ့ဒီဖိုင်တွေကို သင် download လုပ်ပြီး ဖွင့်လိုက်မိတာနဲ့တပြိုင်နက် သင်ဟာ ညွှန်ကြားချက်တွေကို ဖတ်ရုံတင် မဟုတ်တော့ဘဲ အထဲမှာထည့်ထားတဲ့ အန္တရာယ်ရှိတဲ့ code တွေကိုလည်း သင့်ကွန်ပျူတာ ဒါမှမဟုတ် ဖုန်းမှာ အလိုအလျောက် run  ခွင့်ပေးလိုက်သလို ဖြစ်သွားမှာပါ။

ဒီ code တွေက သင့်ရဲ့ ကိုယ်ရေးကိုယ်တာအချက်အလက်တွေ ခိုးယူဖို့၊ သင်ရဲ့ private key တွေကို ရယူပြီး crypto wallet ကို ဝင်ရောက်ထိန်းချုပ်ဖို့ ဒါမှမဟုတ် သင့်ရဲ့လှုပ်ရှားမှုတိုင်းကို စောင့်ကြည့်ဖို့ spyware တွေ ထည့်သွင်းဖို့အတွက် ရည်ရွယ်ပြီး ရေးသားထားတာပါ။ ဒါဟာ သင့်ကို လက်ဆောင်ပေးသလိုလိုနဲ့ လှည့်စားပြီး လုံခြုံရေးကို တိုက်ရိုက်တိုက်ခိုက်လိုက်တာပါပဲ။

ဒါဆို ဒီနေရာမှာ မေးချင်တဲ့မေးခွန်းတစ်ခုက Random Airdrop တွေကို လက်ခံတာ ဘေးကင်းရဲ့လား

အတိုချုပ်ဖြေရရင်တော့ မကင်းပါဘူး။ လုံးဝကို အန္တရာယ်ရှိတာပါ။ သင်ရဲ့ wallet ကို malware ဒါမှမဟုတ် phishing တိုက်ခိုက်မှုတွေနဲ့ ထိတွေ့စေမယ့် အန္တရာယ်က ဒီကနေရလာနိုင်တဲ့ အကျိုးအမြတ်ထက် အများကြီး ပိုများပါတယ်။

တရားဝင် project တွေဆိုရင် သူတို့ရဲ့ airdrop တွေကို တရားဝင် social media channel တွေကနေ ကြေညာလေ့ရှိပါတယ်။ ပြီးတော့ လက်ခံဖို့အတွက်လည်း သတ်မှတ်ထားတဲ့ စည်းကမ်းချက်တွေကို လိုက်နာခိုင်းလေ့ရှိပါတယ်။ သတိထားရမှာက သူတို့က သင့် wallet ထဲကို သတိပေးခြင်းမရှိဘဲ ရုတ်တရက် ဖိုင်တွေ ပို့မှာမဟုတ်ပါဘူး။

ဒါဆို Fake Airdrops တွေကို ဘယ်လိုခွဲခြားမလဲ

၁။ airdrop source ကို စစ်ဆေးပါ။
ဒီ airdrop က ဘယ်ကလာတာလဲ။ မကြားဖူးတဲ့ project တစ်ခုလား။ သူတို့ရဲ့ social media တွေ၊ website တွေက တရားဝင်ဟုတ်ရဲ့လား။ ပထမဆုံးအနေနဲ့ အရင်းအမြစ်ကို သေချာစစ်ဆေးဖို့ အရေးကြီးဆုံးပါပဲ။

၂။ source သေချာမဖော်ပြဘဲ ရောက်လာတဲ့ ဖိုင်တွေကို ရှောင်ပါ။

Airdrop မှာ ZIP, RAR လို ဖိုင်တွေပါလာပြီဆိုရင်‌တော့ သတိထားပါ။ ဒီဖိုင်တွေကို ဘယ်တော့မှ download မလုပ်ပါနဲ့၊ ဖွင့်မကြည့်ပါနဲ့။ တရားဝင် airdrop တွေက token ပဲ ပို့လေ့ရှိပါတယ်။

၃။ အချက်အလက်တောင်းလာရင် သတိထားပါ။

တရားဝင် airdrop တွေက သင့်ရဲ့ private key၊ seed phrase ဒါမှမဟုတ် ကိုယ်ရေးအချက်အလက်တွေကို ဘယ်တော့မှ မတောင်းဆိုပါဘူး။ ဥပမာ 'wallet စစ်ဆေးဖို့' အတွက် private key ထည့်ခိုင်းတာမျိုးကြုံလာမယ်ဆိုရင် ချက်ချင်း ပိတ်ပစ်လိုက်ပါ၊ ဒါဟာ လိမ်လည်မှုပါပဲ။

၄။ သံသယဖြစ်ဖွယ် Link တွေကို သတိထားပါ။

Airdrop ဖော်ပြချက်တွေမှာ ပေးထားတဲ့ လင့်ခ်တွေကို သေချာစစ်ဆေးပါ။ ဒီလင့်ခ်တွေက သင့်ရဲ့ wallet နဲ့တူအောင် လုပ်ထားတဲ့ phishing site တွေလည်းဖြစ်နေနိုင်ပါတယ်။

၅။ ယုံတမ်းစကားတွေကို မယုံပါနဲ့။

Airdrop ကနေ ပမာဏအများကြီး ရမယ်လို့ ကတိတွေ ပေးလာရင် ဒါဟာ 'too good to be true' ဖြစ်နိုင်ခြေများပါတယ်။ လိမ်လည်သူတွေက ဒီလိုမျိုး ကြီးမားတဲ့ ကတိတွေနဲ့ မြူဆွယ်တတ်တယ်ဆိုတာ မမေ့ပါနဲ့။

Crypto လောကမှာ သင်ရဲ့ လုံခြုံရေးက သင်ကိုယ်တိုင်ရဲ့ သတိထားမှုအပေါ်မှာပဲ မူတည်ပါတယ်။ ဗဟုသုတရှိခြင်းဟာ အကောင်းဆုံးကာကွယ်မှုပါပဲ။ နောက်ထပ် crypto လုံခြုံရေးဆိုင်ရာ အကြံဉာဏ်တွေကို အချိန်နဲ့တပြေးညီသိရှိနိုင်ဖို့အတွက် ကျွန်တော်တို့ရဲ့ channel ကို like, share and subscribe လုပ်ထားလို့ရပါတယ်ခင်ဗျာ။

Binance account ဖွင့်ရန် ရာသက်ပန် 20% discount link

Do Your Own Research!

#BNBATH #TrumpBitcoinEmpire #CryptoScamSurge #AmericaAIActionPlan