#HODLTradingStrategy لو ناوي تشتري عملة و تعملها HODL لازم تبقى فاهم إنك مش بس هتشتري عملة وتقفلها الموضوع أعمق من كده شوية.
أول حاجة لازم تختار عملة عندها مشروع محترم وفريق وراها قوي و نزيه مش مجرد تريند على تويتر و على حاجات شبة مضمونة زي البتكوين والإيثيريوم و العملات اللي ليها استخدام حقيقي.
تاني حاجة اختار توقيت دخولك متشتريش وقت ما الدنيا مولعة والسعر طالع استنى التصحيح أو اشتري تدريجي كل شهر مثلا عشان تقسم المخاطرة.
تالت حاجة وإنت ماسك العملة حضّر نفسك نفسيًا السوق ممكن يهبط 50% في أسبوع لو إيدك خفيفة هتبيع بخسارة الصبر هنا هو سلاحك.
رابع حاجة متحطش كل فلوسك في عملة واحدة لازم تنوّع محفظتك بين كذا أصل وسيب سيولة للطوارئ.
خامس نقطة جني الأرباح مش عيب. حدد هدف – مثلاً لو العملة جابت 100% مكسب هبيع و بيع جزء وخلي الباقي شغال كده هتحمي راس مالك وتقلل التوتر.
الـHODL بيفرق عشان بيدي وقت طويل للاستثمار ينضج ويستفيد من توسع السوق واعتماد البلوكتشين. بس السر الحقيقي إنك تكون صبور تذاكر المشروع كويس وتعرف إمتى تخرج بذكاء.
لو فهمت ده كويس، هتلاقي نفسك بتبني ثروة بهدوء ومن غير ما تتوتر كل ما السعر يتحرك.
