#ArbitrageTradingStrategy في السوق في استراتيجيات كتير كل واحدة ليها طريقة تفكير مختلفة أول حاجة لازم تفرق بين تداول العقود الفورية والعقود الآجلة. العقود الفورية يعني بتشتري الأصل نفسه وتمتلكه على طو إنما العقود الآجلة انت بتتراهن على السعر في المستقبل، يعني ممكن تكسب حتى لو السوق بينزل بس طبعا المخاطرة أعلى و محزير شرعية.
أما لو بتتكلم عن التداول بالاحتفاظ بالأصول فده أسلوب ناس كتير بتحبه و بيشتروا الأسهم أو العملات ويقعدوا عليهم سنين اهم حاجة تختار مشاريع قوية وتبقى صبور وتستحمل الهزات المؤقتة.
في التداول اليومي انت هنا بتدخل وتخرج في نفس اليوم ودي محتاجة أعصاب فولاذية وسرعة قرار من أحسن الاستراتيجيات هنا متابعة الترند اللحظي واستغلال الأخبار السريعة والتحليل الفني القوي.
في تداول الاختراقات فبتستنى السعر يكسر مقاومة أو دعم وتأكد الاختراق بحجم تداول عالي أما تداول الاتجاهات، فده إنك تحدد الترند الكبير (صاعد ولا هابط) وتركب الموجة.
في تداول التحكيم بتدور على فرق السعر بين منصتين وتشتري من الرخيصة وتبيع في الغالية ودي محتاجة أدوات متابعة لحظية وسرعة تنفيذ.
اكتر حاجة تعلمت منها إني كنت بخش من غير ستوب لوس وبطمع في كل صفقة اتعلمت إن الانضباط وإدارة المخاطر هما اللي بيفرقوا أي متداول ناجح عن المغامر.
انت بقي بتفضل أي استراتيجية؟