အောင်မြင်တဲ့ Trader တစ်ယောက် ဖြစ်လာဖို့ စိတ်ပိုင်းဆိုင်ရာကို ဘယ်လိုထိန်းချုပ်မလဲ?
Trading ဆိုတာ ကိန်းဂဏန်းတွေ၊ ဂရပ်ဖစ်တွေဆိုတာထက် တကယ့်နောက်ကွယ်မှာ ကိုယ့်စိတ်ကိုယ် ထိန်းချုပ်နိုင်မှုဟာ အဓိကသော့ချက်ဖြစ်နေပါတယ်။ CryptoMarket ဒါမှမဟုတ် Stock Market ထဲ ဝင်ရောက်ဖူးတဲ့ Trader တိုင်းဟာ စိတ်လှုပ်ရှားမှုအပြည့်၊ ရင်ခုန်ပူပန်မှုတွေအကြား ဖြတ်သန်းရတဲ့ အတွေ့အကြုံမျိုးကို မလွဲမသွေ ကြုံဖူးကြမှာပါ။ ဒီအကြောင်းအရာကို လူငယ် Trader တစ်ယောက်ရဲ့ လက်တွေ့ဖြစ်ရပ်မှန် ဇာတ်လမ်းလေးနဲ့အတူတူ လေ့လာကြည့်ရအောင်။
လူငယ်လေးတစ်ယောက်ဟာ Trading လောကထဲကို စိတ်အားထက်သန်စွာ ဝင်ရောက်လာခဲ့ပါတယ်။ တစ်နေ့မှာတော့ သူဟာ စျေးကွက်ထဲမှာ တက်နေတဲ့ Coin တစ်ခုကို မြင်လိုက်ရတယ်။ ကိုယ်မဝယ်လိုက်ရတဲ့ Coin တစ်ခုက ရုတ်တရက် ဈေးမြင့်တက်သွားတာကို မြင်လိုက်ရတဲ့အခါ ဖြစ်တတ်တဲ့ "ဒီအခွင့်အရေးကြီးမှာ ငါတော့ ကျန်ခဲ့မှာစိုးတယ်" (FOMO - Fear of Missing Out) ဆိုတဲ့ စိတ်ဟာ ရုတ်တရက်ဖြစ်ပေါ်လာပါတယ်။
ဒီစိတ်ကြောင့်ပဲလူငယ် Trader လေးဟာ ဘာ Strategy မရှိဘဲ ဈေးကွက်ထဲ ဝင်လိုက်မိပါတယ်။ “ခုဝယ်မှပဲရမှာ၊ နောက်ကျရင် ဈေးတွေအများကြီး တက်သွားလိမ့်မယ်” ဆိုတဲ့ စိတ်နဲ့ စိတ်လှုပ်ရှားမှုအောက်မှာ ဒီ Coin အကြောင်းဘာဆို ဘာမှမသိဘဲ စျေးကွက်ထဲ ဝင်ရောက်လိုက်မိတဲ့ အပြုအမူပါ။ ဘာလို့လဲဆိုတော့ သူဟာ ဒီ coin ဘာကြောင့်တက်နေလဲ၊ ဘယ်အချိန်မှာ ပြန်ကျမလဲ၊ ဘယ်အထိတက်နိုင်လဲဆိုတဲ့ အခြေခံကျတဲ့ ဆန်းစစ်မှုတွေ မလုပ်ခဲ့ပါဘူး။ ဒီလိုဝင်လိုက်တဲ့အခါမှာတော့ အကြီးအကျယ် Loss ဖြစ်သွားခဲ့ပါတယ်။
Loss တွေ ဆက်တိုက်ဖြစ်လာတော့ သူရဲ့ စိတ်ဟာပိုပြီးမတည်မငြိမ်ဖြစ်လာပါတယ်။ ဒါပေမဲ့ ဒီလိုအခြေအနေမှာ ပိုပြီး အမှားလုပ်မိတာက လူငယ်လေးဟာ သူ့ရဲ့Strategy ကို ပြောင်းလဲဖို့ မစဉ်းစားမိဘဲ Loss ဖြစ်နေတာတွေကို ပြန်လိုချင်တယ် ပြန်ယူရမယ်ဆိုတဲ့ ရည်ရွယ်ချက်နဲ့ နောက်ထပ် position တွေ ထပ်ထပ်ဝင်လိုက်မိတာပါပဲ။ ဒီအပြုအမူကို Revenge Trading လို့ခေါ်ပါတယ်။ စိတ်ခံစားချက်ကို အခြေခံပြီး အရောင်းအဝယ်လုပ်တာဖြစ်တဲ့အတွက် ပိုပြီး ဆုံးရှုံးမှုတွေ များလာပြီး စိတ်ဖိစီးမှုတွေလည်း ပိုများလာပါတယ်။ဒီအဖြစ်အပျက်မျိုးကို Trading လုပ်ဖူးတဲ့သူတိုင်း ကြုံဖူးကြမယ်လို့ ကျနော်ထင်ပါတယ်။
နောက်ဆုံးမှာတော့ လူငယ် Trader လေးဟာ သူ့ရဲ့ ပြဿနာတွေကို ပြန်လည်သုံးသပ်မိပြီး Trading ရဲ့ သဘောတရား နဲ့ ဈေးကွက်အတွင်းမှ စိတ်ရဲ့အလှည့်အပြောင်းများကို ကောင်းကောင်းသိရှိနားလည်သွားပါတယ်။ Trading မှာ Strategy ကောင်းကောင်း ရှိရုံနဲ့ မပြီးသေးဘူးဆိုတာကို သူ နားလည်လာတယ်။ စိတ်တည်ငြိမ်မှုဟာလည်း Trading မှာ အရေးကြီးဆုံး အခန်းကဏ္ဍကနေ ပါဝင်နေတယ် ဆိုတာကို သူ သဘောပေါက်သွားတယ်။ စိတ်ခံစားချက်တွေ မတည်ငြိမ်တဲ့အချိန်မှာ Trade လုပ်မိရင် ဘယ်တော့မှ အောင်မြင်မှာ မဟုတ်ဘူးဆိုတာကို သူ သိလိုက်ရတယ်။ Emotion တည်ငြိမ်မှသာ Trade လုပ်သင့်တယ် ဆိုတဲ့ အမှန်တရားကို သူ လက်ခံလိုက်ပါတော့တယ်။
Trading မှာ သတိပြုသင့်တဲ့အချက်များ!!!
ဒီအဖြစ်အပျက်ကိုကြည့်ပြီး ကျနော်တို့ သင်ခန်းစာယူသင့်တာကတော့ Trading ပြုလုပ်တဲ့အခါတိုင်းမှာ ဒီအချက်တွေကို သတိထားသင့်တယ်ဆိုတာပါပဲ။
* စျေးကွက်ထဲကို စိတ်ခံစားချက်နဲ့ ဘယ်တော့မှ မဝင်ပါနဲ့။
* Strategy မရှိရင် လုံးဝ Trade မလုပ်ပါနဲ့။
* Loss ဖြစ်သွားရင် စိတ်ငြိမ်အောင်နေပြီး ခဏနားလိုက်ပါ။ Revenge Trading ကို ရှောင်ပါ။
* စိတ်တည်ငြိမ်ပြီး တည်ငြိမ်တဲ့ အနေအထားရောက်မှသာ Trade ပြန်လုပ်ပါ။
ဒီအချက်တွေကို လိုက်နာမယ်ဆိုရင် စိတ်ဖိစီးမှုကင်းပြီး အမြတ်ရရှိဖို့ အခွင့်အလမ်း ပိုများလာမှာပါ။Trading ဆိုတာ အမြတ်အစွန်းရှာဖွေတဲ့ လုပ်ငန်းတစ်ခုဖြစ်သလို ကိုယ့်စိတ်ကိုယ် စိန်ခေါ်ရတဲ့ စိတ်ပိုင်းဆိုင်ရာ စစ်ပွဲတစ်ခုလည်း ဖြစ်ပါတယ်။ရေရှည်မှာ အောင်မြင်တဲ့ Trader တစ်ယောက်ဖြစ်ဖို့ဆိုရင် Strategy နဲ့ စိတ်ပိုင်းဆိုင်ရာ ထိန်းချုပ်နိုင်စွမ်းကို ဟန်ချက်ညီအောင် ပေါင်းစပ်တတ်ဖို့လည်း လိုအပ်ပါတယ်။ Strategy နဲ့ စိတ်တည်ငြိမ်မှု နှစ်ခုကို ကောင်းကောင်း ပေါင်းစပ်တတ်သွားရင်တော့အောင်မြင်မှုဆိုတဲ့ တံခါးကို ဖွင့်နိုင်မှာပါ။
သင်ရော ဈေးကွက်ထဲမှာ စိတ်ခံစားမှုတွေကို ဘယ်လိုထိန်းချုပ်လဲ? သင့်ရဲ့ အတွေ့အကြုံတွေကိုလည်း ဝေမျှပေးခဲ့လို့ရပါတယ်နော်။
#TradingPsychology #TraderLifeMM #CryptoTrading #FOMO #RevengeTrading
