📜 Future Trading: Halal ya Haram?
Aaj hum future trading ko Shariah ke point of view se samjhenge — daleel ke saath, taake confusion door ho jaye.
1️⃣ Hadith ka Hukm
Sunan Abi Dawud – Hadith 3503
Hakim ibn Hizam ne Nabi ﷺ se poocha:
"Kya main aisi cheez bech sakta hoon jo mere paas mojood nahi?"
Nabi ﷺ ne farmaya:
"Jo cheez tumhare paas nahi, use na becho."
📌 Is se yeh samajh aata hai ke physical qabza na ho to bechna mana hai. Lekin us waqt digital assets ka concept nahi tha.
Future trading mai, coin aapke qabze mai physically nahi hota, lekin agreement/contract hota hai — ye usi tarah hai jaise dropshipping mai hota hai: product aapke pass nahi hota, lekin sale ka contract hota hai.
2️⃣ Leverage & Loan ka Masla
Surah Al-Baqarah – Ayat 282
Quran mai clear likha hai: agar loan lo, to agreement likhna lazmi hai.
Leverage mai loan hota hai, magar agar interest na ho to ye haram nahi.
Interest (sood) ka matlab hai: paise udhaar lo, aur us par extra paisa charge ho.
Agar interest nahi hai, to ye Shariah ke mutabiq jaiz hai.
3️⃣ Funding Fees ka Hukm
Funding fee ek tarah ka service charge hai — jaise bank transfer fee.
Ye sood nahi hota, balki transaction ki service ka paisa hota hai.
Sood tab hota hai jab extra paisa sirf paise udhaar lene ki wajah se liya jaye.
✅ Nateeja: Agar future trading mai interest (sood) na ho, aur trade ka contract/agreement ho, to ye Shariah ke mutabiq jaiz hai — bilkul dropshipping ki tarah.
