Binance Account Ban Hone Ki 5 Bari Wajahen — Aur Inse Kaise Bacha Jaye

Agar aapka Binance account ban ho jaye, to yeh kisi bhi trader ke liye bohot bura sapna ban sakta hai. Na sirf paisa atak jata hai, balkay saari mehnat bhi zaya ho sakti hai. Aayiye jaan'tay hain woh 5 ghaltiyan jo aapka account band karwa sakti hain — aur inse bachne ka asaan tareeqa:

1. Jali Ya Ghalat ID Dena

Binance sirf asli ID documents ko maanta hai. Agar aap ne jali, edit ki hui ya adhuri maloomat di to account turant block ho sakta hai. Hamesha apna asal CNIC ya passport upload karein — sab details bilkul sahi honi chahiyein.

2. Restricted Mulk Se Login Karna (VPN Ka Istemaal)

Agar aap VPN, proxy ya RDP se login karte hain aur Binance ko lagay ke aap kisi banned mulk (jaise USA) se hain, to account ban ho sakta hai. Sirf un countries se Binance use karein jo allowed hain.

3. Ek Device Se Kai Accounts Chalana

Binance har shakhs ko sirf ek account ki ijazat deta hai. Agar aap ek hi phone ya internet se do ya zyada accounts chalayenge to yeh suspicious lagta hai. Har bande ko apna alag account banana chahiye.

4. Ghair Qanooni Transactions

Unknown wallets se paisay lena, scams mein involve hona, ya bade transactions bina wajah ke karna aapka account block karwa sakta hai. Hamesha safe aur legal tareeqon se kaam karein. Jaldi paisay banane wale offers se door rahain.

5. Account Kharidna Ya Kisi Ko Dena

Apna Binance account kisi aur ko dena ya kisi se khareedna policy ke khilaaf hai. Aise accounts zyada der tak active nahi rehtay. Apna login kisi se share na karein — warna account gaya!

---

Aakhri Baat:

Safe trading ka matlab hai smart trading. In chhoti chhoti baaton ka khayal rakh kar aap apna account aur apna paisa dono mehfooz rakh sakte hain.