عملية النصب غير المسبوقة في سوق العملات الرقمية اللي حصلت في تركياعلي يد شركة Thodex , هيكون ليها تبعات في ثقة الجماهير العاديين في التعامل مع العملات المشفرة بشكل عام
لان الشركة التركية تمكنت من الوصول الي طبقات مختلفة من الجماهير العادية , اللي اغلبهم ميعرفش حاجة عن العملات المشفرة او تقنيات التعدين الالكتروني او وسائل الحماية السيبرانية , مواطنين اتراك عاديين - سواء اغنيا او فقرا - كانو عايزين مصدر آمن لاستثمار فلوسهم مع توالي تراجع سعر صرف الليرة .
بس قلنا كتير ان مجال العملات المشفرة هو مجال معقد و متشابك , و محدش يدخله الا لو كان فاهمه كويس , و مينفعش جد يغريه الصعود الصاروخي لعملة بيتكوين , لانها ممكن تنهار مرة واحدة من غير سابق انذار وتلاقي تحويشة عمرك راحت
المهم يا مؤمن ان مدير الشركة - فاروق اوزر - نجح في النصب علي ما يقارب من 400 الف مشترك في الشركة الوليدة , و تمكن من تجميع مبلغ خيالي هو 2 مليار دولار , علي الرغم من صغر سنه , واغلب ضحاياه هو الراغبين في المكسب السريع , واللي مشيوا ورا توقعات البعض ان بيتكوين هيظل في صعوده المستمر لغاية لما يكسر حاجز 100 الف دولار
فاروق ابلغ المشتركين ان الموقع بتاعه فيه نوع من الصيانة , وهوب قفل الموقع و حساباته الشخصية , وخد بعضه و سافر فورا الي البانيا - و ناس بتقول تايلاند - و الشرطة التركية ابلغت الانتربول .
