إيران بتسدد ضربة غير مسبوقة في تاريخ اسرائيل كله..
دلوقتي سماء اسرائيل بتمطر صواريخ وطيارات مسيرة، حوالي 500 صاروخ وأكتر من 100 طيارة مسيرة سقطت فوق تل أبيب.
دا غير أخبار عن أسر طيار اسرائيلي وتدمير 4 مقاتلات من نوع F-35.
وحوالي 25 إصابة بشرية.
تل أبيب بتولع حرفيًا، مباني سكنية وحكومية لأول مرة وتصعيد خطير وصفارات الإنذار بتدوي في اسرائيل وبتطلب من السكان دخول المحميات والملاجئ.
إيران بترد بقوة وبشكل غير مسبوق في تاريخ اسرائيل، بعد تداول عدد كبير وضخم من البوستات على السوشيال ميديا إنها فشلت في الرد على الهجوم العنيف والقوي اللي اتوجه لها من اسرائيل واستهدف أكتر من 100 وحدة سكنية.
برغم إن تم صد عدد كبير من الصواريخ والطيارات المسيرة إلا إن فيه خساير كبيرة وقعت على اسرائيل، عدد من المباني السكنية وحوالي 25 إصابة بشرية وسقوط يتراوح ما بين طيارة أو 3.
ودا ممكن يصعد الأمور لحرب شاملة.
أو إنسحاب اسرائيل من الهجوم على إيران وانتهاء الحرب في أقل من يوم.
اسرائيل دلوقتي قدامها حل من اتنين، يا ترد رد قوي وساعتها هتبقى حرب شاملة ضد الاتنين، يا تسكت وتلجأ للحل السلمي.
الحرب معناها تورط الخليج، ودا معناه انهيار الاقتصاد العالمي وتصاعد جنوني في أسعار النفط.