ما هو سبب اختفاء المحتوى العربي عن العملات الرقمية؟
قرأت هالسؤال اليوم وبدي اعطي اجابتي الشخصية
الجمهور العربي وغير العربي في هالمجال مهتم بالربح اكثر من اي شيء تاني
لذلك اغلب المحتوى التعليمي يللي بكلف وقت كبير جداً ما بجيب نتيجة ولا تفاعل
ما حدا مهتم يعرف شو يعني طبقة اولى وطبقة تانية وoracles وZK وغيرها … او نسبة صغيرة جداً
المحتوى يللي بلاقي اعجاب كبير هو المسابقات ويللي بتلاقي جزء كبير من الحسابات عم تتصيد الجوائز فيها
المحتوى التاني هو عملات 100x وفرص خطيرة ورهيبة وممتازة وهالشيء نجاحه فرصته صغيرة وفيه مسؤولية على صانع المحتوى حتى لو كان المحتوى مبني على بحث ودراسة
محتوى الترويج وفرص الربح من المنصات وغيرها غير مرغوب وصار في كتير جدل عليه وتبادل اتهامات
طيب انا شو اعمل؟ اذا سألتوني شو اكتر شي بحب احكي عنه هو اني ادرس مشروع وحلله واعطي رأيي فيه … بس حتى هالمحتوى بصير في عليه اتهامات وجدل
هل السوق ممل؟ هل فقد صناع المحتوى الشغف؟ او هالشعور عندي فقط ورح يتغير؟
ساعدوني 🙃