اللي حصلWLFI و DJT دي نتيجة منطقية لمجموعة أخطاء متكررة في عالم المال بينضح منّها رائحة الهوس الإعلامي والـ speculation الكارثي. رمز World Liberty Financial انهار من قمة سُمعت له لواحد رقم على قد حاله السعر دلوقتي حوالين الـ 0.11 دولار والسوق قيمته في حدود 2.8–2.9 مليار
إيه الكلام يعني ده من وجهة نظري إن الناس راهنت على اسم وصورة مش على نموذج عمل حقيقي. لما المشروع مبني على هالة شخصية وعاطفة سياسية بدل أداء اقتصادي حقيقي النتيجة واحدة انهيار سريع أول ما الزخم يِقِل. وده اللي حصل مع WLFI في يوم إطلاقه لما الكتير من اللي دخلوا كانوا داخلين على موجة، مش استثمار واعي.
نقطة تانية سهم Trump Media (DJT) اللي برضه اتدعم بكمية ضجة سياسية وإعلامية — شاف نزول كبير من أسعار التهويل اللي اتعملت حوالي الانتخابات لحد ما رجع لحاجة أقرب للواقع في السوق. السهم دلوقتي في نطاق الـ 14 دولار تقريبًا، وده بيعكس إن السوق مش هيكافئ القصة الإعلامية غير لما يبان أداء وربحية فعلية.
خليني أقولها من غير لف ولا دوران: أنا ضدد عملات الميم وضدد أي استثمار مبني على "اسم" لا على قيمة. عملات الميم بتلعب على نفس وتر الـ hype اللي بيجيب مكاسب سريعة وبيعلم خسائر قاتلة — وكل ده من غير أسس اقتصادية أو فائدة حقيقية. هي مُنشّطات مش أصول. ومهما كان حدك المفضل عنده جمهور، السوق في الآخر بيحاسب الفلوس مش الدعاية.
ليه لازم النهج ده يقلع من السوق
لو جزء كبير من التوكنات في إيدين ناس قليلة، مجرد حركة بيع أو فك قفل (vesting) ممكن يدمر السعر. وده خطر فعلي اتشاف حول WLFI. وكمان مفيش adoption مؤسسي أو استخدام عملي يخلّي السعر يثبت. الناس اشترت أمل وصورة مش منتج.
لما الإعلام والسياسة يدخلوا في التسعير بتختفي الشفافيةوبتدخل المضاربات العاطفية. ودي دوامة بتفقد السوق مصداقيته.
مش المشكلة بس إنه شخصية مثيرة للجدل المشكلة إنه بقى علامة تجارية بتتروج لنفسها داخل الأسواق المالية، وده خلط خطير بين السياسة والاقتصاد. لما اسم سياسي يتحول لأصل مالي، بتتخلق تضارب مصالح ومخاطر نظامية أكبر — وده اللي خلى المستثمر اللي بيعرف يفرق بين استثمار وقصة يهرب بسرعة أول ما تصحّى رياح السوق.
الـ meme coins و الرموز المبنية على أسماء سياسين أو مشاهير نموذج رجعي ومُعرّض للدمار. السوق عمره ما هيحترم الهوس؛ السوق بيحترم القيمة. اللي دخل وجرب يخسر دلوقتي لازم يتعلم: الاستثمار مش سباق للـ trending topic، ده شغل طويل وصبور.
