Crypto ဈေးကွက်က အတက်ကြမ်းပြီးနောက် အခု ခဏပြန်အေး၊ ဈေးတွေနီရဲနေပါပြီ။ ဒါကို "Market Pullback" လို့ခေါ်ပါတယ်။ ဒီလိုအချိန်မှာ လူတွေ အပြောများတာကတော့ "Buy the Dip" လုပ်ဖို့ပါပဲ။
ဒါပေမဲ့ တွေ့ရာ Dip တိုင်းက ဝယ်လို့ကောင်းတဲ့ Dip ဟုတ်ရဲ့လား။ 'Buy the Dip' ကို မှန်မှန်ကန်ကန်နဲ့ အန္တရာယ်ကင်းအောင် ဘယ်လိုလုပ်ရမလဲဆိုတာ ရှင်းပြပေးပါ့မယ်။
🤔 'Buy the Dip' ဆိုတာဘာလဲ
Crypto ဈေးတွေ ခဏတဖြုတ် ပြန်ကျလာတဲ့အချိန်မှာ "ဈေးတန်တုန်း" ဝင်ဝယ်ပြီး၊ ဈေးပြန်တက်လာတဲ့အခါ အမြတ်ရဖို့ မျှော်လင့်တာပါပဲ။
ဒါပေမဲ့ အရေးအကြီးဆုံးကတော့ ကိုယ်ဝယ်မယ့် Dip က ခဏတဖြုတ်ကျတဲ့ (Pullback) လား ဒါမှမဟုတ် လုံးလုံးကျိုးကျသွားတဲ့ (Crash) လား ဆိုတာကို ခွဲသိဖို့ပါပဲ။ Pullback ဆိုတာက ဈေးကွက်က အပေါ်ကို ဆက်တက်ဖို့ အရှိန်ယူပြီး ခဏနားတာမျိုးပါ။ Crash ဆိုတာကတော့ ဈေးကွက်တစ်ခုလုံး ပြိုလဲသွားတာမျိုးပါ။
✅ Dip အစစ်ကို ဘယ်လိုခွဲခြားမလဲ
ဈေးကျတိုင်း ဝင်မဝယ်ဘဲ၊ ဒါက ဝယ်လို့ကောင်းတဲ့ Dip အစစ်ဟုတ်မဟုတ် အကြမ်းဖျင်း ဒီလိုကြည့်လို့ရပါတယ်
🔸 Trend ကို အရင်ကြည့်ပါ: ဈေးကွက်တစ်ခုလုံးက အတက်လမ်းကြောင်း (Uptrend) မှာပဲ ရှိနေသေးလား။ Uptrend မှာ ခဏအနားယူပြီး ဈေးကျတာက ဝယ်လို့ကောင်းတဲ့ Dip ဖြစ်နိုင်ခြေများပါတယ်။
🔸 ဘာလို့ကျတာလဲ စစ်ပါ: ဈေးကျတာက သတင်းဆိုး အကြီးကြီး (ဥပမာ Exchange ကြီးတစ်ခု Hack ခံရတာ၊ နိုင်ငံကြီးတစ်ခုက Crypto ကို ပိတ်လိုက်တာ) ကြောင့်လား။ ဒါမှမဟုတ် လူတွေက အမြတ်ထုတ်ရောင်းလို့ ခဏကျတာလား။ အကြောင်းရင်း ကြီးကြီးမားမားမရှိဘဲ ကျတာဆိုရင် ဒါက Pullback သက်သက် ဖြစ်နိုင်ပါတယ်။
🔸 Support Level တွေကို ရှာပါ: ဈေးက အရင်တစ်ခါ ကျသွားတုန်းက ထိန်းထားပေးတဲ့ နေရာ၊ ဒါမှမဟုတ် အတက်မှာ ခဏရပ်သွားတဲ့ နေရာ (Support Level) တွေအထိပဲ ကျတာလား။ အဲဒီနားမှာ ဈေးပြန်တည်ငြိမ်သွားရင် ဒါက ဝင်ဝယ်ဖို့ Signal တစ်ခု ဖြစ်နိုင်ပါတယ်။
🛡️ Risk ကို ဘယ်လိုစီမံခန့်ခွဲမလဲ (Risk Management)
"Buy the Dip" မှာ အရေးအကြီးဆုံးက Risk Management ပါ။
🔸All-in မဝင်ပါနဲ့: ကိုယ့်မှာရှိတဲ့ ပိုက်ဆံအကုန်လုံးကို တစ်နေရာတည်းမှာ တစ်ခါတည်း ပုံမထည့်ပါနဲ့။
🔸 DCA (Dollar-Cost Averaging) သုံးပါ: ဒါက Beginner တွေအတွက် အကောင်းဆုံးနည်းလမ်းပါ။ ဈေးကျနေတုန်းမှာ တစ်ခါတည်းမဝယ်ဘဲ၊ နည်းနည်းချင်းစီ ခွဲဝယ်ပါ။ ဥပမာ $100 ဝယ်မယ်ဆိုရင် $20, $20, $20 နဲ့ ဈေးအဆင့်ဆင့်မှာ ခွဲဝယ်တာမျိုးပါ။ ဒါဆို ဈေးဆက်ကျသွားရင်တောင် ကိုယ့်ရဲ့ ပျမ်းမျှဝယ်ဈေးက သက်သာနေပါလိမ့်မယ်။
🔸 Stop-Loss ကြိုသတ်မှတ်ထားပါ: ကိုယ်ဝယ်လိုက်ပြီးမှ ဈေးက ကိုယ်ထင်သလို ပြန်မတက်လာဘဲ ဆက်ကျသွားရင် ဘယ်လောက်အရှုံးခံမလဲဆိုတာ ကြိုသတ်မှတ်ထားပါ။
❌ 'Buy the Dip' မှာ ရှောင်ရမယ့် အမှားများ
🔸 ဓားကျတာကို ဝင်ဖမ်းခြင်း: ဈေးက တအားထိုးကျနေတုန်း၊ ဘယ်နားမှာ ရပ်မလဲ မသိသေးခင် အောက်ဈေးနဲ့ရတော့မယ် ဆိုပြီး အလောတကြီး ဝင်မဝယ်ပါနဲ့။ ဈေးငြိမ်သွားတဲ့အထိ၊ ဒါမှမဟုတ် ဈေးပြန်တက်မယ့် လက္ခဏာ (Confirmation) မြင်ရတဲ့အထိ စောင့်ပါ။
🔸 FOMO (Fear of Missing Out): ဈေးပြန်တက်တော့မယ်၊ ငါမဝယ်လိုက်ရရင် ကျန်ခဲ့တော့မယ်ဆိုတဲ့ စိတ်နဲ့ လောပြီး မဝယ်ပါနဲ့။ ကိုယ့် Strategy အတိုင်းပဲ စိတ်အေးအေးထားပြီး လုပ်ပါ။
🔸 Research မလုပ်ဘဲ ဝယ်ခြင်း: ဈေးကျနေတိုင်း အဲဒီ Coin က ဝယ်သင့်တာ မဟုတ်ပါဘူး။ အဲဒီ Project က တကယ်ကောင်းရဲ့လား၊ အနာဂတ်ရှိရဲ့လားဆိုတာ အရင်လေ့လာပါ။
Market Pullback တွေက Trader တွေအတွက် အခွင့်အရေးကောင်းတွေပါ။ ဒါပေမဲ့ သတိနဲ့ယှဉ်ပြီး ဗျူဟာကျကျ လုပ်တတ်မှ ရပါမယ်။ 'Buy the Dip' ဆိုတာ ဈေးကျတိုင်း မျက်စိမှိတ်ဝင်ဝယ်တာ မဟုတ်ဘဲ၊ ဈေးကျရတဲ့ အကြောင်းရင်းကိုနားလည်၊ Risk ကိုစီမံပြီး အစီအစဉ်နဲ့ ဝင်ဝယ်တာကို ခေါ်တာပါ။
Disclaimer ⚠️
Crypto မှာ ရင်းနှီးမြှုပ်နှံတာက တော်တော်လေးကို အန္တရာယ်များပါတယ်။ စျေးနှုန်းတွေက အရမ်းကို အပြောင်းအလဲမြန်တော့ ဆုံးရှုံးနိုင်တဲ့ ပမာဏထက် ပိုပြီး မရင်းနှီးပါနဲ့ခင်ဗျာ။ ပြီးတော့ ရင်းနှီးမြှုပ်နှံမှု မလုပ်ခင် သေချာလေ့လာတာ အကောင်းဆုံးပါ။ ဒီဆောင်းပါးက ရင်းနှီးမြှုပ်နှံဖို့ အကြံပေးတာ မဟုတ်ပါဘူးနော်။ Crypto ရဲ့ စျေးနှုန်းတွေက အချိန်နဲ့အမျှ ပြောင်းလဲနိုင်ပြီး မမျှော်လင့်တဲ့ အရာတွေလည်း ဖြစ်လာနိုင်လို့ သတိထားပြီး ရင်းနှီးမြှုပ်နှံဖို့ အရေးကြီးပါတယ်။ ရင်းနှီးမြှုပ်နှံမှုတိုင်းမှာ အန္တရာယ်ရှိတယ်ဆိုတာ မမေ့ပါနဲ့။
#Dip #DCA #MarketCrash #Bitcoin
