#Liquidity101

Liquidity ka matlab kya hai?

Liquidity ka matlab hai kisi cheez ko paise (cash) mein kitni jaldi aur aasani se badla ja sakta hai — bina zyada nuksaan ke.

1. Market Liquidity (Bazaar mein asani se khareed-farokht)

Agar koi cheez (jaise shares, crypto) jaldi bik jaye bina price ghataye, to usay kehte hain market mein liquidity achhi hai.

• For example: Bitcoin ya Apple ke shares ko aap jaldi aur aasani se bech sakte ho — yeh high liquidity hai.

• Lekin koi zameen ya purana car model jaldi na bike to uski low liquidity hai.

2. Asset Liquidity (Kisi cheez ki cash banne ki taqat)

Yeh batata hai ke koi cheez kitni jaldi paise mein badli ja skti hai.

3. Business Liquidity (Ek company ke paas kitna cash ya cash-like paisa hai)

Agar kisi company ke paas bill dene ke liye paisa ready hota hai, to kehte hain liquidity strong hai.

Liquidity zaroori kyu hai?

1. Aap jaldi se paisa bana sakte ho jab zarurat ho.

2. Trading mein price zyada change nahi hoti — nukhsan kam hota hai.

3. Company ya aadmi ki financial halat samajhne mein madad milti hai.

👀 Crypto mein kya hota hai?

Crypto duniya mein liquidity ka matlab hai:

• Kitne log us coin ko khareed ya bech rahe hain.

• Liquidity pools hoti hain jahan log paisa daalte hain taake doosre trade kar saken.

• Aap fees kama sakte ho lekin risk bhi hota hai (jaise impermanent loss).

Ek line mein:

Liquidity ka matlab hai kisi bhi asset ko jaldi aur bina nuksan ke cash mein badalna.