Assalam-o-Alaikum dosto!
Aaj hum seekhein gy ke Binance P2P par crypto ko bechnay ka asaan tareeqa kya hai. Pehlay humne P2P buying ka process seekha tha, aaj focus hoga selling process par. Chaliye step by step samajhte hain.
🔹 P2P Selling kya hoti hai?
P2P selling ka matlab hai ke aap apne paas mojood crypto (jaise ke USDT, BTC, ya BNB) kisi doosray user ko seedha bechte hain. Is process mein Binance sirf platform provide karta hai, aur aap aur buyer apas mein deal karte hain.
🔹 P2P Sell karne se pehle tayyari
1. Apni crypto Funding Wallet mein honi chahiye.
2. Aapka KYC verified hona chahiye.
3. Bank account ya JazzCash/EasyPaisa ka sahi se add hona zaroori hai.
🔹 Step-by-Step Selling Process
1. Binance app open karein, P2P section mein jayein.
2. Top par "Sell" tab select karein.
3. Jis coin ko sell karna hai (jaise USDT), usay select karein.
4. List mein se kisi trusted buyer ko select karein jiska price aur payment method aapko suit kare.
5. "Sell" button par click karein.
6. Sell amount enter karein, payment method confirm karein, aur "Sell with 0 Fee" par click karein.
7. Jab buyer payment karega, aapko notification milegi.
8. Payment apne bank/JazzCash mein receive hone ke baad hi “Release” ka button dabayein.
Yaad rahe: bina payment receive kiye kabhi bhi release na karein.
🔹 Tips for Safe P2P Selling
– Sirf verified aur high completion rate walay buyers ko choose karein.
– Har waqt payment ko apne bank ya wallet mein confirm karne ke baad hi crypto release karein.
– Binance chat system ke zariye buyer se zaroorat par baat karein.
– Screen recording ya screenshots zaroor rakhain as backup.
🔹 Aakhri Baat
Binance P2P par crypto sell karna asaan hai agar aap har step ko samajh kar follow karein. Thodi practice aur ehtiyaat se aap daily earning start kar saktay hain.
Agar article pasand aaya ho to like, comment aur follow zaroor karein. Agla article hoga: Trusted Buyers & Sellers kaise pehchaanein?
Milte hain aglay article mein. Shukriya!
#selling #p2ptransactions #P2PScamAwareness #EarnMoney #RanaUmarMinhas🇵🇰