Dosto, aaj hum baat karenge trading ki teen ahem cheezon ke baare mein jo ky hen Limit Order, Market Order aur Stop-Limit Order. Ye terms aapko har trading app mein milengi, khas tor par Binance jese platforms par. Aaiye inko aasaan alfaaz mein samajhtay hain.
Market Order kya hota hai?
Jab aap foran kisi coin ko khareedna ya bechna chahtay hain, to aap Market Order lagate hain. Iska matlab hai ke jis bhi price par market mein coin available ho, system foran aapka order complete kar dega. Ye order fast hota hai lekin price thodi zyada ya kam ho sakti hai. Ye un logon ke liye hota hai jo jaldi trade karna chahte hain.
Limit Order kya hota hai?
Limit Order mein aap apni marzi ka rate lagate hain. Misal ke taur par agar BTC ka rate 61000 chal raha hai lekin aap chahte hain ke aap 60000 par khareedein, to aap 60000 ka limit order laga dete hain. Jab market us rate tak pohanchti hai, tab aapka order complete hota hai. Ye tareeqa un logon ke liye acha hai jo price bdalny ka intezaar karte hain.
Stop-Limit Order kya hota hai?
Ye thodi advanced order type hoti hai. Is mein do prices lagti hain. Ek Stop Price aur doosri Limit Price. Jab coin ka rate Stop Price tak pohanchta hai, tab Limit Price ka order activate hota hai. Iska use zyadatar loss se bachne ke liye hota hai. Isay Stop-Loss bhi kehte hain. Misal ke taur par agar aapke paas coin 100 par hai aur aap chahte hain ke agar rate 95 par aa jaye to coin bech diya jaye, to aap Stop-Limit Order laga sakte hain.
Aakhri Baat
Dosto, in teenon orders ko samajhna har trader ke liye zaroori hai. Market Order speed ke liye hota hai, Limit Order price control ke liye aur Stop-Limit Order risk management ke liye. Mazeed thora saa practice karke aap inko achi tarah samajh sakte hain.
#OrderTypes #TradingSignals #LearnTrading #EarnMoney #RanaUmarMinhas🇵🇰