اجتماع مهم لمجلس الاحتياطي الفيدرالي الأمريكي 🚨🚨
بـ 6 و7 أيار 2025، في اجتماع مهم كتير لمجلس الاحتياطي الفيدرالي بأمريكا والناس كلها ناطرة تشوف شو رح يقرروا بخصوص أسعار الفائدة.
التوقعات: الأغلب متوقعين ما يتغيّر شي بهاد الاجتماع. نسبة احتمال ينزلوا الفائدة 0.25% صغيرة كتير (حوالي 12%)، بس الأغلب بيقولوا يمكن يصير هاد الشي بالصيف، يعني بشهر 6 أو 7، إذا استمرت الأوضاع الاقتصادية هيك.
شو وضع الاقتصاد؟ آخر الأرقام طلعت مو تمام. الاقتصاد الأمريكي انكمش بـ أول 3 شهور من 2025 بنسبة 0.3%، وفيه شوية مشاكل بسبب الضرائب والرسوم الجمركية يلي عاملينها. والتضخم لساتو طالع سجل 2.6% سنويًا بشهر 3 فهاد الشي مخلي الفيدرالي محتار.
وفيه شوية ضغوط سياسية كمان الرئيس ترامب عم يضغط على رئيس الفيدرالي "جيروم باول" ليخفض الفائدة بسرعة بس باول لسا ما ناوي يتسرع وبدو يشوف الأرقام قبل.
مؤتمر صحفي باول رح يطلع مؤتمر صحفي بنفس اليوم، 7 أيار. الأغلب رح يحكي عن التزام البنك بمراقبة الاقتصاد، وحاجة يوازن بين الأسعار والشغل.
الخلاصة:
-ما رح يصير تغيير هالمرة
-السوق متوقعين أول خفض بالصيف
-ترامب عامل شوية ضغوط
-الاقتصاد الأمريكي مو بأحسن حال
إذا مهتمين بالاقتصاد أو بتتابعوا الدولار، لازم تضلوا عينكن ع
هالاجتماع!!