Crypto trading နယ်ပယ်ထဲကို စဝင်လာတော့မယ်ဆိုရင် သိထားသင့်တဲ့ အခြေခံလေးတွေ ရှိပါတယ်။ Crypto ဈေးကွက်အပြောင်းအလဲတွေကို TA (Technical Analysis) နဲ့ FA (Fundamental Analysis) တို့အပေါ် မူတည်ပြီး ရှေ့ဆက်ဘာဖြစ်လာမယ်ဆိုတာကို ခန့်မှန်းလို့ရနိုင်ကြောင်း သိကြပြီးဖြစ်မှာပါ။ FA ကတော့ သတင်းတွေနဲ့ အချက်အလက်တွေအပေါ် မူတည်ပြီး ရှေ့ဆက်ဘာဖြစ်လာမယ်ဆိုတာကို မှန်းဆရတာဖြစ်ပေမယ့် TA ကတော့ ဈေးကွက်ဇယားကြီးပေါ်က အချက်အလက်တွေ၊ ဖြစ်ခဲ့ပြီးတဲ့ ဈေးကွက်အခြေအနေတွေအပေါ်ကို မူတည်ပြီး ရှေ့ဆက်ဘာဖြစ်လာမယ်၊ ဘာဖြစ်လာရင် ဘယ်လိုလုပ်မယ်ဆိုတာကို ကြိုတင်တွက်ချက်လို့ရနိုင်ပါတယ်။
.
TA မှာရော၊ market သဘောတရားကြီးတခုလုံးမှာပါ အခြေခံအကျဆုံးကတော့ Support and Resistance ပါ။ Support က crypto ဝယ်ယူသူတွေကို ကိုယ်စားပြုတယ်လို့ သတ်မှတ်မယ်ဆို Resistance ကတော့ crypto ရောင်းချသူတွေကို ကိုယ်စားပြုပါတယ်။
.
Support and Resistance Zone/Level
ဒီလိုမျိုး ရောင်းသူ၊ ဝယ်သူတွေရှိနေရာကနေ market က အတက်အကျတွေဖြစ်နေတာဖြစ်ပြီး အရှင်းဆုံးပြောရရင်တော့ ဝယ်သူနဲ့ ဝယ်အားများရင် ဈေးတက်ပြီး ရောင်းသူနဲ့ ရောင်းအားများရင် ဈေးကျပါတယ်။
ဒီအခါမှာ ရောင်းသူတွေက တနေရာတည်းမှာ အများကြီးဖြစ်နေသလား၊ ဝယ်သူတွေက တနေရာတည်းမှာ အများကြီးဖြစ်နေသလားဆိုတဲ့ အချက်တွေပေါ် မူတည်ပြီး Support နဲ့ Resistance zone တွေ သတ်မှတ်လို့ရနိုင်ပါတယ်။
.
အရှင်းဆုံးပြောရရင်တော့ ဝယ်လိုအားတွေများနေပြီး ထပ်ကျဖို့ မရှိနိုင်တဲ့ ဈေးတန်းမျိုးကို Support လို့ ခေါ်ပါတယ်။
အလားတူပါပဲ၊ ရောင်းလိုအားတွေ များနေပြီး ဈေးက ကာလတခုအတွင်းမှာ ထပ်တက်ဖို့ မဖြစ်နိုင်တော့တဲ့ ဈေးတန်းမျိုးကိုတော့ Resistance လို့ ခေါ်ပါတယ်။
.
တကယ်လို့ ဈေးက Support level ကို ရောက်သွားခဲ့ရင် ဝယ်သူတွေ များလာနိုင်တာကြောင့် အဲ့ဒီနေရာကနေ ပြန်တက်လေ့ရှိပါတယ်။
ဒါပေမယ့် အကြောင်းအမျိုးမျိုးကြောင့် Support level တွေ တခုပြီးတခုကို ဆက်တိုက်ဖောက်ပြီး ဆင်းသွားခဲ့ရင်တော့ နောက်ထပ် ထပ်ဆင်းနိုင်ခြေရှိပြန်ပါတယ်။
တဖန် ဈေးက Resistance level ကို တက်လာခဲ့ရင် ဒီ level မှာ ရောင်းထုတ်ပြီး အမြတ်ယူသူတွေ ရှိတတ်တာကြောင့် ဈေးပြန်ကျတတ်ပါတယ်။
အကြောင်းအမျိုးမျိုးကြောင့် Resistance level ကို ဖောက်ပြီးတာတောင် ဈေးမကျဘဲ ဆက်တက်သွားခဲ့ရင်တော့ Resistance ဖောက်ပြီဆို ဈေး တောက်လျှောက်ထိုးတက်လေ့ရှိပြန်ပါတယ်။
.
ဒီလိုမျိုး Support နဲ့ Resistance level တွေကို ဖောက်ထွက်ပြီး ဈေးအတက်အကျ ဖြစ်တာမျိုးတွေကို breakout ဖြစ်တယ်လို့ ခေါ်ပြီး breakout ဖြစ်တယ်ဆိုရင် ဈေးအတက််အကျပေါ်မူတည်ပြီး တက်ရင်တက်သလို၊ ကျရင်ကျသလို လှိုင်းလိုက်စီးပြီး trade ကြသူတွေလည်း ရှိပါတယ်။
.
ဒါဆိုရင် Support နဲ့ Resistance level တွေကို ဘယ်လို ရှာကြမလဲ?
ပထမဆုံးနည်းလမ်းကတော့ chart ပေါ်မှာ လတ်တလော အမြင့်ဆုံးနဲ့ အနိမ့်ဆုံးနေရာတွေကို လိုက်ရှာပါ။ အနိမ့်ဆုံးနေရာကနေ ဈေးပြန်တက်တဲ့နေရာတွေက Support ဖြစ်ပြီး အမြင့်ဆုံးနေရာတခုကို မဖောက်နိုင်ဘဲ ဈေးပြန်ပြန်ကျနေတဲ့နေရာက Resistance ပါ။
ဥပမာအနေနဲ့ $BTC ဟာ $98,000 ကနေ ဈေးတက်လိုက်၊ $98,000 ဝန်းကျင်ကို ပြန်ကျလာလိုက် ခဏခဏ ဖြစ်နေမယ်ဆိုရင် $98,000 ဆိုတဲ့ဈေးတန်းဟာ Support ပါ။
.
တဖန် Bitcoin ဟာ ဈေးတက်နေပေမယ့် $100,000 ဆိုတဲ့ဈေးတန်းကို ထိပြီး မကျော်နိုင်ဘဲ ပြန်, ပြန်ကျသွားတယ်ဆိုရင် $100,000 ဆိုတဲ့ ဈေးတန်းဟာ Resistance ပါ။
ဈေးတွေနဲ့တင်မဟုတ်ဘဲ trading volume နဲ့လည်း Support၊ Resistance ကို ခွဲခြား သတ်မှတ်တတ်ကြပါတယ်။
.
Support level တခုကနေ trading volume များများနဲ့ ဈေးတွေ ပြန်ခုန်တက်လာတယ်ဆိုရင် ဝယ်လိုအားများနေတာကို ညွှန်းဆိုပြီး Support level ရဲ့ ခိုင်မာမှုကို ပိုသေချာစေပါတယ်။
တဖန် Resistance level မှာလည်း trading volume တွေများနေပြီး ဈေးတွေ ထိုးဆင်းနေတယ်ဆိုရင် Resistance level ရဲ့ ခိုင်မာမှုကို ပိုသေချာစေပြန်ပါတယ်။
.
ဒါ့အပြင် Support level ရဲ့ အောက်ကို volume များများနဲ့ ထိုးဆင်းသွားတယ်ဆိုရင်လည်း ဆက်ကျဖို့ အလားအလာပိုများသလို Resistance level အပေါ်ကို volume များများနဲ့ ထိုးတက်သွားတယ်ဆိုရင်လည်း ဈေးထပ်တက်နိုင်ခြေများပါတယ်။
ဒါပေမယ့် ဒီလို မှန်းဆချက်တွေဟာ volume များမှသာ အလုပ်ဖြစ်လေ့ရှိပြီး volume နည်းရင်တော့ ယုံကြည်စိတ်ချရမှုနည်းပါတယ်။
.
Psychological level ဆိုတာဘာလဲ
ကျနော်တို့အနေနဲ့ တခုခုကို ဝယ်တော့၊ ရောင်းတော့မယ်ဆိုရင် ကိန်းပြည့်တွေ၊ စုံဂဏန်းတွေနဲ့ အရောင်းအဝယ်လုပ်ဖို့ကို ပိုအားသန်ကြပါတယ်။ ဥပမာ Bitcoin ဝယ်မယ်ဆိုရင် 1 BTC ကို $100,000 မှာ ဝယ်ဖို့နဲ့ $999,984 လိုမျိုး ဈေးမှာ ဝယ်ဖို့ဆို ဈေးကွာနေမှန်းလည်း သိပေမယ့် $100,000 မှာပဲ အတိလေးနဲ့ ဝယ်လိုက်ပါမယ်ဆိုတာမျိုး တွေးမိတတ်ကြပါတယ်။
.
ဒါကြောင့် ဒီလိုမျိုး ကိန်းပြည့်တွေဟာလည်း Support နဲ့ Resistance level တွေဖြစ်နေတတ်ပြီး ဝယ်ဖို့၊ ရောင်းဖို့ ရှိတယ်ဆို ဒီကိန်းပြည့်တွေမှာ ဈေးအလျှော့အတင်း အနည်းငယ် လုပ်ပြီး order ကြိုတင်ထားသင့်ပါတယ်။
.
တကယ်တော့ ဒီလိုသဘောတရားတွေဟာ သဘောတရားသက်သက်၊ သီအိုရီတခုသက်သက်အနေနဲ့သာ ရှိတာဖြစ်ပြီး trader လုပ်တော့မယ်ဆိုရင် အဓိကလုပ်သင့်တာကတော့ ဈေးကွက်ရဲ့ သဘောကို နောကြေနေအောင် များများ trade ကြည့်ဖို့၊ trade မလုပ်ရဲသေးဘူးဆိုရင်လည်း ဒီနေရာမှာ ဒါကြောင့် ဒီလိုသတ်မှတ်ပြီး ဈေးတက်မယ်၊ ကျမယ် ခန့်မှန်းထားတယ်၊ ဈေးက ကိုယ်ခန့်မှန်းထားသလို ဖြစ်သွားရဲ့လားဆိုတာကို လိုက်လေ့လာသင့်ပါတယ်။
.
ဘယ်ပညာရပ်မဆို စာတွေ့မှာကတော့ ဒါပြီးရင် ဒါလာမယ်ဆိုတာ စာရွက်ပေါ်မှာ လွယ်ကူပြီး မှန်ကန်နေနိုင်ပေမယ့် လက်တွေ့ဘဝမှာ နဖူးတွေ့၊ ဒူးတွေ့တွေ့ရတဲ့အခါမှာ စာရွက်ပေါ်ကအတိုင်း လွယ်ကူမှန်ကန်နေမယ်လို့ မျှော်လင့်ထားလို့မရပါဘူး။ ဒါကြောင့် သဘောတရားတခု၊ concept တခုကို များများလေ့ကျင့်၊ များများလေ့လာဖို့ လိုအပ်ပြီး ကိုယ်တိုင်လုပ်ရပါများရင် အတွေ့အကြုံက စကားပြောလာပြီး အဆင်ပြေလာပါလိမ့်မယ်။
.
Trader တစ်ယောက် အတွက် မရှိမဖြစ်လိုအပ်မှာကတော့ 10% discount ရတဲ့ Binance account link ပဲဖြစ်ပါတယ် အဲ့ဒီ link နဲ့ ဖွင့်ထားတဲ့အကောင့် မဟုတ်ဘူးဆိုရင် ဒီ link နဲ့ အကောင့်သစ် ဖွင့်ပြီးမှ Trading ကိုလုပ်သင့်ပါတယ်
https://accounts.binance.com/en/register?ref=SBKZZWWJ
.
Future Trading အတွက် Referral Code: myancrypto
Mining Account အတွက် Referral Code: E381THBL
