Binance Charity နဲ့ CZ တို့ ပေါင်းပြီး မြန်မာနဲ့ ထိုင်းနိုင်ငံတွေက ငလျင်ဘေးသင့်ပြည်သူတွေကို $1.5 million ပေးလှူသွားမယ့်သတင်းကို အတော် များများ သိကြပြီး ဖြစ်ပါတယ်။

လှူသွားမည့်ပုံစံ

March လ 31 ရက်နေ့မတိုင်ခင် Binance KYC အောင်ပြီးသား Active ဖြစ်နေတဲ့ Myanmar account အားလုံးက $5 စာ BNB ရမှာ ဖြစ်ပြီး မြန်မာနိုင်ငံနေရာအများစုမှာ ရှိတဲ့ လိပ်စာ တင်ပြီးသား account တွေကတော့ $50 တန်ဖိုးရှိ BNB ရမှာ ဖြစ်ပါတယ်။ KYC တင်တာကိုတော့ April လ 14 ရက်နေ့အထိ ခွင့်ပြုထားတာ ဖြစ်တဲ့အတွက် KYC မအောင်သေးတဲ့ account တွေအနေနဲ့ KYC တင်ဖို့ အချိန် 2 ပတ် နီးပါး ရမှာ ဖြစ်ပါတယ်။
.
ဒီလို မြန်မာငလျင်ဘေးသင့်ပြည်သူတွေအတွက် အလှူကြီး ပထမဆုံး လုပ်တဲ့ Crypto Exchange ဖြစ်တဲ့ Binance ကို အထူးကျေးဇူးတင်ပါတယ်။ ဒါပေမယ့် မြန်မာနိုင်ငံက Binance user တိုင်းကို BNB airdrop ချပေးလိုက်သလို ဖြစ်သွားတဲ့အခါမှာ ငလျင်ဘေးသင့်ဒေသတွေမှာ Binance account ဖွင့်ထားပြီးသူတွေလည်း အများကြီးရှိမနေနိုင်သလို ရှိနေခဲ့ရင်တောင်မှ လျှပ်စစ်မီးအခက်အခဲတွေ၊ အင်တာနက်အခက်အခဲတွေ၊ ငွေသားစီးဆင်းလည်ပတ်မှုအခက်အခဲတွေကြားမှာ airdrop ရထားတဲ့ BNB တွေကို ငွေသားအဖြစ် ပြောင်းလဲဖို့ရာ စိန်ခေါ်မှုတွေ အများကြီးရှိလာစေနိုင်ကြောင်း ထောက်ပြပြောဆိုမှုတွေရှိပါတယ်။
.

ဘယ်လိုအကောင်အထည်ဖော်ခဲ့တာလဲ

ငလျင်လှုပ်ခတ်မှုပြီးနောက်ပိုင်းမှာ CZ ဆီက 500 BNB နဲ့ Binance ဖက်ကနေ ကူညီထောက်ပံ့မှုတွေ ပေးမယ်ဆိုပြီး ကြေငြာချက်နဲ့အတူ Myan Crypto team အပါအဝင် Binance KOL တွေဖက်ကလည်း လိုအပ်တဲ့ မြေပြင်အချက်အလက်တွေ ကူညီဖြည့်ဆည်းပေးဖို့ ပြင်ဆင်ခဲ့ကြပါတယ်။ Binance နဲ့လည်း တောက်လျှောက် အဆက်အသွယ် ရှိနေပြီးတော့ လိုအပ်တဲ့အချက်တွေ ပေးနေခဲ့ပေမယ့် ဒီ အလှူအစီအစဥ်ကိုတော့ အားလုံးနည်းတူ ကြေညာချက်ထွက်လာတဲ့အခါမှသာ သိခဲ့ရတဲ့အတွက် အံ့အားသင့်စရာ ဖြစ်ခဲ့ပါတယ်။ ဒီအတွက်လည်း အမြန်ဆုံး Binance ဘက်က contact နဲ့ meeting တခု စီစဥ်ပြီး အားလုံးရဲ့ စိုးရိမ်ပူပန်မှုတွေနဲ့အတူ Binance ရဲ့ အခက်အခဲတွေကို ဆွေးနွေးခဲ့ပါတယ်။
.
Binance အနေနဲ့ အခုလို အလောတကြီး အစီအစဉ်‌ အကောင်အထည်ဖော်တဲ့ကိစ္စမှာ ဘာတွေစဥ်းစားခဲ့လဲဆိုတာကို သူတို့ ပြောပြသမျှ ပြန်လည်ဖော်ပြပေးချင်ပါတယ်။
.
စကစ လက်အောက်မှာ ရှိတဲ့ အဖွဲ့တွေကို ရွေးချယ်ဖို့ မသင့်တဲ့အတွက် ဒီအဖွဲ့တွေကို ပယ်ခဲ့ပါတယ်။ နိုင်ငံတကာက NGO အကြီးတွေကလည်း စကစ ခွင့်ပြုချက် ရမှ လှုပ်ရှားနိုင်မှာ ဖြစ်လို့ အလှူငွေကို ထိထိရောက်ရောက်မသုံးနိုင်မှာ စိုးရိမ်ခဲ့တဲ့အတွက် ပြည်သူတွေလက်ထဲ ထည့်ပေးပြီး ပြည်သူရဲ့ စုပေါင်းအင်အားကို အားကိုးမယ်လို့ ဆုံးဖြတ်ချက်ခဲ့ကြောင်း ဝေမျှပါတယ်။
ဒီကိစ္စက CZ ရဲ့ original post မှာ ရေးထားသလို user direct လှူတာမျိုးကို အသားပေး စဥ်းစားထားတာဖြစ်ကြောင်းလည်း သူတို့ဘက်က မျှဝေခဲ့ပါတယ်။
.
နောက်ထပ် စဥ်းစားချက်မှာတော့ April Fool (1st April) မှာ ကြေညာချက်ကို မထုတ်ချင်တဲ့အတွက် KOL တွေနဲ့ Binance Angel တွေရဲ့ Feedback ကိုမယူဘဲ အလောတကြီး ဆုံးဖြတ်ချက်ချ၊ ကြေငြာခဲ့ရကြောင်းရှင်းပြပါတယ်။ အကျဥ်းချုပ်ရရင်တော့ Binance ဖက်က သူတို့ရဲ့ စံချိန်စံညွှန်းတွေ၊ လိုက်နာရမယ့် စည်းကမ်းတွေအရ ဘောင်အတွင်းကနေ လုပ်ရတဲ့ကိစ္စမျိုးဖြစ်နေတာကြောင့် ရွေးချယ်ရခက်ခက်နဲ့ပဲ ဆုံးဖြတ်ခဲ့ကြရတာဖြစ်ကြောင်း ပြန်အသိပေးလာပါတယ်။
.
ဒီနေရာမှာ ကျနော်တို့အနေနဲ့ သူတို့ရဲ့ ရှင်းပြချက်တွေကို မေးခွန်းပြန်မထုတ်တော့ဘဲ ဒုက္ခရောက်နေသူတွေကို ဘယ်လိုအကောင်းဆုံး ဆက်ပြီးကူညီသွားမယ်နိုင်မလဲဆိုတာကိုပဲ ဦးစားပေး ဆွေးနွေးဖြစ်ခဲ့ပါတယ်။
.
ကျနော်တို့အထင်ကတော့ Myanmar user တွေက Binance ဘက်က ပေးထားတဲ့ အလှူငွေကို ယူနိုင်ဖို့ အခက်အခဲများစွာ ရှိမှာ ဖြစ်တဲ့အတွက် Budget ပိုငွေ ထွက်လာပါလိမ့်မယ်။ ဒီပိုငွေကို ထပ်လှူလို့ ရမယ့် ပုံစံတွေကို မြန်မာတွေနဲ့ အတူ ဆက်ပြီး အဖြေရှာဖို့ အကြံပေးခဲ့ပါတယ်။ ဒီအတွက် လိုအပ်သမျှကိုလည်း အကူအညီပေး သွားမှာ ဖြစ်ကြောင်း ပြောခဲ့ပါတယ်။ Binance ဘက်ကလည်း ဒီ BNB Airdrop မှာတင်မရပ်ပဲ တခြား ကူညီနိုင်မယ့် ပုံစံတွေကို ဆက်လက် ရှာဖွေဦးမှာ ဖြစ်ကြောင်း သဘောတူပါတယ်။
.

အလှူငွေကိုဘယ်လိုလက်ခံကြမလဲ

နောက်ထပ်တခုကတော့ ကျနော်တို့အားလုံး အတူတူ ပါဝင်ကြရမယ့် ကိစ္စဖြစ်တဲ့အတွက် Crypto Community ကို အကူအညီ တောင်းပါရစေ။
April လ 14 ရက်နေ့ မှာ Myanmar user အများစုရဲ့ Binance Reward Hub ထဲကို $5 တန်ဖိုးရှိ BNB၊ လူနည်းစုက $50 တန်ဖိုးရှိ BNB Voucher ရရှိမှာ ဖြစ်ပါတယ်။ ဒီ BNB တွေကို နည်း ၂ နည်းနဲ့ ဒုက္ခရောက်နေတဲ့ ငလျင်ဘေးသင့် ပြည်သူတွေအတွက် ပြန်လှူနိုင်ပါတယ်။ ဒီလိုလုပ်နိုင်ဖို့ အရင်ဆုံး BNB ကို USDT ပြောင်းရပါမယ်။ပြီးရင်တော့
.
နည်း ၁ - P2P ကနေ MMK ပြောင်းထုတ်ပြီး ကယ်ဆယ်ရေးလုပ်နေတဲ့ အဖွဲ့တွေဆီ လွှဲပြောင်း ကူညီတာလုပ်နိုင်ပါတယ်။
နည်း ၂ - On-Chain Withdrawal လုပ်ပြီး Spring Development Bank (SDB) သုံးတာဖြစ်ပါတယ်။ Polygon Chain ကနေ USDT ထုတ်ရင် $0.05 သာ ကျသင့်ပါတယ်။ ဒီနေရာမှာတော့ SDB က အနည်းဆုံး $10 မှ Deposit ရတာ ဖြစ်တဲ့အတွက် Binance account 2 ခု၊ 3 ခု ကို SDB accountတခုစီ ထုတ်လို့ ရနိုင်ပါတယ်။ SDB ထဲရောက်ပြီဆိုရင်တော့ Spring CrowdFund - နွေဦးလူထုရန်ပုံငွေ (SCF) သို့မဟုတ် ကယ်ဆယ်ရေးလုပ်နေတဲ့ အဖွဲ့တွေဆီတိုက်ရိုက် ကူညီတာလုပ်နိုင်ပါတယ်။
Binance ကနေ SDB ထဲကို USDT ထုတ်နည်းကိုတော့ https://www.facebook.com/share/p/1KUtFKNjky/ ကနေ ကြည့်နိုင်ပါတယ်။
.
ဒီနေရာမှာ တခု အထူးသတိထားရမှာကတော့ Binance Pay ဒါမှမဟုတ် နည်းလမ်းတခုခုကို သုံးပြီး $5 ရ BNB တွေကို Binance account တခုတည်းကို စုမထည့်ဖို့ ဖြစ်ပါတယ်။ ဒီလိုလုပ်ခဲ့ရင်တော့ Binance ဘက်ကနေ မသမာမှုတွေလုပ်နေတယ်အထင်နဲ့ “အလှူငွေတွေကို တဦးတယောက်တည်းက ရယူနေမှု သံသယ” ဖြစ်ပြီး အကောင့် ပိတ်ခံရတာတွေ၊ စစ်ဆေးခံရတာတွေ ဖြစ်နိုင်ပါတယ်။
.
ကျနော်တို့ MCM အနေနဲ့ Binance ကို ဒီထက်ကောင်းတဲ့ plan တွေနဲ့ တန်းပြီး ထွက်လာအောင် တွန်းအားမပေးနိုင်ခဲ့တဲ့အတွက် ကိုယ့်ကိုကိုယ် အားမရ မကျေနပ်ဖြစ်ပါတယ်။ ဒီအတွက်လည်း ခုထက်ပိုပြီး ငလျင်ဘေးသင့် ပြည်သူတွေအတွက် ကြိုးစားသွားမယ်ဆိုတာကို ကတိပြုချင်ပါတယ်။ အားလုံးပါဝင်မှသာ ဒီအလှူက ပိုမို ထိရောက်မှာ ဖြစ်တဲ့အတွက် Crypto Community တခုလုံးကို လေးစားစွာ အကူအညီတောင်းပါတယ် ခင်ဗျာ။
.
Trader တစ်ယောက် အတွက် မရှိမဖြစ်လိုအပ်မှာကတော့ 10% discount ရတဲ့ Binance account link ပဲဖြစ်ပါတယ် အဲ့ဒီ link နဲ့ ဖွင့်ထားတဲ့အကောင့် မဟုတ်ဘူးဆိုရင် ဒီ link နဲ့ အကောင့်သစ် ဖွင့်ပြီးမှ Trading ကိုလုပ်သင့်ပါတယ်
https://accounts.binance.com/en/register?ref=SBKZZWWJ
.
Future Trading အတွက် Referral Code: myancrypto
Mining Account အတွက် Referral Code: E381THBL