A. Осы тәуекел туралы ескертуді түсіндіру жолы
Binance Kazakhstan пайдалану шарттарында («Пайдалану шарттары») анықталған осы хабарламада қолданылған барлық терминдер Пайдалану шарттарындағы сияқты мағынаға және құрылымға ие.
B. Binance Kazakhstan қызметтері
Бұл хабарламада Binance Kazakhstan қызметтерімен байланысты тәуекелдер туралы ақпарат қамтылған. Әрбір Binance Kazakhstan қызметінің өзіндік тәуекелдері бар. Бұл хабарламада Binance Kazakhstan қызметтерін пайдалану тәуекелдерінің жалпы сипаттамасы беріледі.
Осы хабарламада барлық тәуекел және олардың сіздің жеке жағдайыңызға қалай байланысты екені түсіндірілмейді. Binance Kazakhstan қызметтерін пайдалану туралы шешімді қабылдамас бұрын қатысты тәуекелдерді толық түсіну маңызды.
Тәуекелді мойындау
Binance Kazakhstan веб-сайтын пайдалану және осы келісімге отыру арқылы мен Binance Kazakhstan ұсынатын кез келген өнімге немесе қызметке инвестициялауға байланысты ішкі және ықтимал тәуекелдерді, соның ішінде қаражатым мен инвестициямның толық жоғалуы немесе төлемнің кешігуі мүмкін екенін немесе Астана халықаралық қаржы орталығында жұмыс істейтін Binance Kazakhstan қызметін көрсетуге байланысты пайданы жүзеге асырудың кешігуі мүмкін екенін толығымен түсіндім және олар туралы хабардармын.
Мен осыған байланысты көзделген немесе өзге де ықтимал тәуекелдерді мойындаймын және ОСЫ АРҚЫЛЫ АСТАНА ҚАРЖЫ ҚЫЗМЕТТЕРІ БАСҚАРМАСЫН ЖӘНЕ ОНЫҢ ЛАУАЗЫМДЫ АДАМДАРЫН, СОНДАЙ-АҚ ЖОҒАРЫДА АТАЛҒАНДАРДЫҢ БАРЛЫҒЫН ЖАУАПКЕРШІЛІКТЕН БІРЖАҚТЫ ЖӘНЕ ҚАЙТАРЫМСЫЗ БОСАТАМЫН ЖӘНЕ залалдар, шығындар туралы кез келген шағымдардан, міндеттемелерден, сот талаптарынан, сондай-ақ Binance Kazakhstan ұсынатын қызметтермен немесе өнімдермен тікелей немесе жанама түрде туындайтын немесе қандай да бір жағынан байланысты шығындардан қорғауға келісемін.
Клиент Binance Kazakhstan компаниясың жұмысына, қызметтеріне немесе өнімдеріне, не болмаса осы компанияға қатысты басқа мәселелерге байланысты туындаған қандай да бір шығынның, залалдың және зақымның орнын толтыру туралы шағымдар, міндеттемелер және сотқа талап-арыз бойынша Binance Kazakhstan компаниясын сотқа бере алады.
C. Жеке кеңес берілмейді
Біз өз өнімдеріміз немесе қызметтеріміз бойынша жеке кеңес бермейміз. Кейде біз нақты ақпаратты, транзакция процедуралары туралы ақпаратты және ықтимал тәуекелдер туралы ақпаратты береміз. Алайда біздің өнімдерімізді немесе қызметтерімізді пайдалану туралы кез келген шешімді сіз қабылдайсыз. Binance Kazakhstan сізге ұсынатын ешбір хабарлама немесе ақпарат инвестициялық кеңес, қаржылық кеңес, сауда бойынша кеңес немесе кез келген басқа кеңес ретінде қарастырылмауы немесе түсіндірілмеуі тиіс. Кез келген инвестиция, инвестициялық стратегия немесе қатысты транзакция жеке инвестициялық мақсаттарыңызға, қаржылық жағдайларыңызға және тәуекел шектеріңізге сәйкес деп шешу толықтай сіздің жауапкершілігіңіз болады.
D. Мониторинг жүргізілмейді
Binance Kazakhstan сіздің брокеріңіз, делдалыңыз, агентіңіз немесе кеңесшіңіз болып табылмайды және Binance Kazakhstan қызметтерін пайдалана отырып сіз қабылдаған кез келген саудаға немесе басқа шешімдерге немесе әрекеттерге байланысты сіздің алдыңызда ешқандай сенімгерлік қатынастар немесе міндеттемелер болмайды. Binance Kazakhstan қызметтерін пайдалануыңыз қаржылық мақсаттарыңыз бен міндеттеріңізге сәйкес келетін не келмейтінін бақыламаймыз. Сіз өзіңіздің қаржылық ресурстарыңыздың бізбен бірге қаржылық қызметіңіз үшін жеткілікті екенін, сондай-ақ сіз пайдаланатын өнімдер мен қызметтерге қатысты тәуекелге бейімділігіңізді бағалауыңыз керек.
E. Салықтық, реттеушілік немесе заңгерлік кеңес берілмейді
Цифрлық активтерге салық салу тәртібі белгісіз және сіз Binance Kazakhstan қызметтері арқылы транзакциялар жасау кезінде сізден қандай салықтар алынуы мүмкін екенін және олардың қалай қолданылатынын анықтауға жауаптысыз. Binance Kazakhstan қызметтері бойынша транзакциялар нәтижесінде туындауы мүмкін кез келген салық туралы есеп беру және төлеу сіздің жауапкершілігіңіз және сіз Binance Kazakhstan бұл транзакцияларға қатысты заңгерлік немесе салықтық кеңес бермейтінін мойындайсыз. Егер сізде Binance Kazakhstan қызметтерін пайдалану кезінде немесе Binance Kazakhstan шотыңыздағы цифрлық активтерге қатысты сіздің салық мәртебеңізге немесе міндеттемелеріңізге қатысты қандай да бір күмәніңіз болса, сіз тәуелсіз кеңес алу үшін жүгіне аласыз.
Сіз Binance Kazakhstan сіздің транзакцияларыңыз, аударымдарыңыз, таратуларыңыз немесе төлемдеріңіз туралы ақпаратты салық немесе басқа мемлекеттік органдарға қолданыстағы заңнама талап еткенде хабарлайтынын мойындайсыз. Сол сияқты, қашан, қайда және қолданыстағы заң талап ететіндей, Binance Kazakhstan транзакцияларыңызға, аударымдарыңызға, таратуларыңызға немесе төлемдеріңізге қатысты салық ұстайды. Қолданыстағы заңнама Binance Kazakhstan-ды қосымша салық ақпаратын, мәртебесін, сертификаттарын немесе құжаттамасын сұратуға итермелеуі мүмкін. Бұл сұрауларға талап етілетін мерзімдерде жауап бермеуіңіз Binance Kazakhstan салықтарды ұстап қалуына әкеп соғуы мүмкін екенін мойындайсыз, ол қолданыстағы заңнамаға сәйкес салық органдарына аударылады. Цифрлық активтермен қандай да бір транзакциялар жасамас бұрын жоғарыда аталған мәселе бойынша кәсіби және жеке салық кеңесіне жүгінуге кеңес береміз.
F. Нарық тәуекелдері
Цифрлық актив саудасына жоғары нарық тәуекелі мен баға құбылмалылығы әсер етуі мүмкін. Құнның өзгеруі айтарлықтай, тез және ескертусіз болуы мүмкін. Бұрын болған өнімділік болашақ өнімділіктің көрсеткіші емес. Инвестиция құны және кез келген кірістілік төмендеуі де, өсуі де мүмкін және сіз салған соманы қайтармауыңыз мүмкін.
G. Өтімділік тәуекелі
Цифрлық активтердің өтімділігі шектеулі болуы мүмкін, бұл сізге қажет кезде сатуды немесе одан шығуды қиындатады немесе мүмкін емес етеді. Бұл кез келген уақытта, оның ішінде бағаның жылдам қозғалысы кезінде орын алуы мүмкін.
H. Алымдар мен комиссиялар
Біздің алымдарымыз бен комиссияларымыз осы жерде көрсетілген. Binance Kazakhstan өз қалауы бойынша мезгіл-мезгіл тарифтер мен алымдарды жаңарта алады. Сізге қолданылатын барлық шығыстар мен комиссиялар туралы хабардар болыңыз, себебі мұндай шығыстар мен комиссиялар Binance Kazakhstan қызметтерін пайдаланудан алатын пайдаға әсер етеді.
I. Қолжетімділік тәуекелі
Біз Binance Kazakhstan қызметтерінің белгілі бір уақытта қолжетімді болатынына немесе Binance Kazakhstan қызметтерінің желіге қызмет көрсетуде жоспарланбаған үзілістерге немесе шамадан тыс жүктемелерге ұшырамайтынына кепілдік бермейміз. Сіз қалаған кезде цифрлық активтерді сатып алу, сату, сақтау, аудару, жіберу немесе алу мүмкін болмауы мүмкін.
J. Үшінші тарап тәуекелі
Binance Kazakhstan қызметтерін ұсынуға төлем провайдерлері, депозитарийлер және банк серіктестері сияқты үшінші тұлғалар тартылуы мүмкін. Сіз осы үшінші тараптардың шарттары мен талаптарына бағынасыз және Binance Kazakhstan осы үшінші тараптар сізге келтіруі мүмкін ешбір шығынға жауапты болмауы мүмкін.
K. Қауіпсіздік тәуекелі
Binance Kazakhstan барлық қауіпсіздік тәуекелдерін жоя алмайды. Сіз Binance Kazakhstan шотыңыздың құпиясөзін сақтауға жауаптысыз және рұқсат бергеніңізге немесе бермегеніңізге қарамастан, Binance Kazakhstan шотыңыз арқылы жүзеге асырылатын барлық транзакция үшін жауапты болуыңыз мүмкін. Цифрлық активтерді қамтитын транзакциялар қайтымсыз болуы және алаяқтық немесе рұқсат етілмеген транзакциялардан туындаған шығындар өтелмейтін болуы мүмкін.
L. Цифрлық активтерге қатысты тәуекелдер
Цифрлық активтер мен олардың негізінде жатқан технологиялардың сипатына байланысты бірқатар ішкі тәуекелдер бар, соның ішінде, бірақ олармен шектелместен:
1. цифрлық активке немесе цифрлық актив сүйенетін технологияларға немесе экономикалық жүйелерге қатысты ақаулар, бұзылулар, хакерлік шабуылдар, алаяқтықтар, қателер, протокол ақаулары немесе күтпеген жағдайлар;
2. цифрлық активтердегі транзакциялар қайтымсыз. Сәйкесінше, алаяқтық немесе кездейсоқ транзакциялардан болған шығындар өтелмейді;
3. цифрлық активтің ескіруіне әкелетін технологиялық даму;
4. жоспарланған жеткізу күнінде транзакцияларды төлеу мүмкін болмайтын кешігулер; және
5. цифрлық актив тәуелді болатын протоколға немесе технологияларға шабуылдар, оның ішінде, бірақ олармен шектелместен: i. таратылған қызмет көрсетуден бас тарту; ii. алаяқтық шабуылдары; iii. фишинг; iv. әлеуметтік инженерлік; v. хакерлік шабуылдар; vi. смурфинг; vii. зиянды бағдарлама; viii. қосарланған шығындар; ix. көпшілік майнинг, консенсусқа негізделген немесе басқа да майнинг шабуылдары; x. жалған ақпарат тарату науқандары; xi. форктар; және xii. спуфинг.
M. Мониторинг тәуекелдері
Цифрлық актив нарықтары аптасына 7 күн, тәулігіне 24 сағат ашық. Бағаның жылдам өзгеруі кез келген уақытта, оның ішінде қалыпты жұмыс уақытынан тыс уақытта орын алуы мүмкін.
N. Байланыс тәуекелдері
Электрондық байланыс құралдары арқылы бізбен байланысқан кезде, электрондық байланыс құралдары істен шығуы, кешігуі, қауіпті болуы және/немесе мақсатты адресатқа жетпеуі мүмкін екенін білуіңіз керек.
O. Валюта
Валюта бағамдарының ауытқуы сіздің кірістеріңіз бен шығындарыңызға әсер етеді.
P. Құқықтық тәуекел
Заңдар мен ережелердегі өзгерістер цифрлық активтердің құнына айтарлықтай әсер етуі мүмкін. Бұл тәуекелді болжау мүмкін емес және нарықтан нарыққа қарай өзгеруі мүмкін.
Q. Шағымдану жолы
Binance Kazakhstan немесе оның қызметкерлері ұсынатын қызметтерге немесе өнімдерге қанағаттанбаған тұтынушылар мен жеке тұлғалар біздің Қолдау орталығына (https://www.binance.com/en-KZ/support) кіру арқылы шағым түсіре алады.
Binance Kazakhstan жауабына қанағаттанбасаңыз, Астана халықаралық қаржы орталығының қаржылық реттеушісі Астана қаржы қызметтері басқармасына («АҚҚБ») шағымдана аласыз. Сіз АҚҚБ-ға шағымды онлайн-шағым беру пішінін (https://digitalresident.kz/contact-form) толтыру арқылы немесе мына мекенжайға жіберу арқылы бере аласыз: Астана қаржы қызметтері басқармасы (АҚҚБ), Астана қ., Мәңгілік ел даңғылы, 55/17, С-3.2 павильоны.
