$BNB مش ماشية في خط مستقيم. آه فيه قمة جديدة اتسجلت وده خبر كبير بس في نفس الوقت فيه إشارات لازم ناخد بالنا منها. السوق ككل بيمر بمرحلة حساسة جدًا السيولة داخلة من مستثمرين كبار لكن برضه في حالة توتر مع كل خبر سياسي أو اقتصادي عالمي.
BNB تحديدًا بيلعب على خيط رفيع. من ناحية، قوة الـ ecosystem بتاع Binance وعمليات الحرق المستمرة عاملين ضغط شرائي يخلي الناس متفائلة على المدى الطويل. من ناحية تانية، أي ضغط تنظيمي أو خبر سلبي ممكن يقلب الطاولة بسرعة ويخلّي الحركة التصحيحية عنيفة.
لو بصينا على الشارت هنلاقي إن السعر بيكسر مقاومات وبيثبت فوقها وده كويس. لكن لازم نسأل نفسنا حجم التداول بيأكد الاختراقات دي ولا لأ الحقيقة إن مش كل يوم السيولة بتكون بنفس القوة. فيه جلسات بيبان فيها ضعف، وده معناه إن أي مستثمر محتاج يبقى عامل حسابه إن في احتمال لرجوع السعر يعمل re-test لمستويات الدعم قبل ما يكمل الصعود.
كمان ما ينفعش نغفل إن السوق حالياً متأثر جدًا بأداء باقي الكبار زي BTC و ETH. أي هزة قوية فيهم هتأثر فورًا على BNB حتى لو أساسياته مستقرة.
. $BNB عنده فرص إنه يكمل صعود لو السيولة والمؤشرات فضلت تدعمه، بس في نفس الوقت المخاطرة حاضرة وبقوة. وأي دخول دلوقتي محتاج خطة واضحة إمتى هتدخلو فين هتخرج وإزاي هتتعامل مع التقلبات؟
