Bitcoin and Ethereum are my top choices. ☑️☑️🧸🧸🐂🐂

Ethereum က Bitcoin ကို ကျော်တက်နိုင်မှာလား?
ဒီလိုမျိုး မေးခွန်းတွေက အခုချိန်မှာသာ သိပ်ပြီး အမေးမများကြတော့ပေမယ့် Ethereum စထွက်ခဲ့ချိန်တုန်းက အတော်လေးကို အမေးများခဲ့ကြသလို အငြင်းအခုန်တွေလည်း အတော်လေးရှိခဲ့ပါတယ်။ ဒါပေမယ့် အခုချိန်မှာတော့ အဖြေက ကွဲကွဲပြားပြားဖြစ်သွားပြီဖြစ်တာကြောင့် တကူးတကကြီးမေးနေစရာမလိုတော့ပါဘူး။ Ethereum က DeFi ဖက်ပိုင်းမှာ အကြီးဆုံး ecosystem၊ အကြီးဆုံး NFT base ကြီး ရှိတဲ့ blockchain တခုအဖြစ် ရပ်တည်နေပြီဖြစ်သလို Bitcoin ဟာလည်း cryptocurrency တွေထဲမှာ သက်တမ်းအရင့်ဆုံး၊ တန်ဖိုးထိန်းသိမ်းနိုင်မှုအကြီးဆုံးနဲ့ လူတွေရဲ့ ယုံကြည်မှုအရှိဆုံး blockchain တခုအဖြစ် ခိုင်ခိုင်မာမာရပ်တည်နိုင်နေပါပြီ။
ဒါဆိုရင် အသုံးဝင်ပုံချင်းကျတော့ရော ဘယ်လိုမျိုးကွာခြားသွားသလဲ?
အသုံးဝင်ပုံချင်း နှိုင်းယှဉ်မယ်ဆိုရင်တော့ Ethereum က Bitcoin ထက်ပိုပြီး အသုံးဝင်တယ်လို့ ဆိုနိုင်ပါတယ်။ Bitcoin နဲ့ နှိုင်းယှဉ်ရင် gas fees အရရော၊ transaction speed အရရော ပိုကောင်းနေသလို Ethereum blockchain ပေါ်မှာ dApp တွေ တည်ဆောက်တာတွေ၊ layer 2 network တွေ တည်ဆောက်လို့ရနိုင်တဲ့နေရာတွေမှာလည်း ပိုပြီးသာလွန်ကောင်းမွန်နေပါတယ်။
.
Ethereum ပေါ်မှာ လုပ်နိုင်လို့ရတဲ့အရာတွေ ပိုများတာကြောင့်လည်း Web3 ecosystem ကြီးတခုလုံးရဲ့ ဈေးကွက်ဝေစုအတော်များများဟာ Ethereum ပေါ်မှာ တည်နေတယ်လို့ ဆိုရလောက်အောင် ဝေစုများလွန်းပါတယ်။
.
DeFi platform အတော်များများဟာ Ethereum အပေါ်မှာ အခြေခံထားကြသလို Ethereum ပေါ်မှာ layer 2 blockchain တွေ၊ rollup platform တွေဟာလည်း မနည်းမနောပါ။ NFT ecosystem ကြီးရဲ့ ကောင်းပေ့၊ ညွန့်ပေ့ဆိုတဲ့ Collection တွေဟာလည်း Ethereum ပေါ်ကနေပဲ အခြေပြုခဲ့ကြတာဖြစ်သလို Bitcoin Inscription တွေလည်း ထွက်လာခဲ့ပေမယ့် Ethereum NFT တွေရဲ့ အရှိန်ကိုတော့ မကျော်နိုင်ခဲ့ပါဘူး။
.
နောက်ထပ် blockchain အသစ်အသစ်တွေ ပေါ်လာနေတာလည်း အများကြီးရှိပေမယ့် ecosystem အတော်များများဟာ Ethereum ကိုပဲ အမှီပြုနေကြတုန်းဖြစ်သလို အသစ်ပေါ်လာတဲ့ blockchain တွေဟာလည်း အရင်ရှိပြီးသား ecosystem တွေ၊ blockchain တွေနဲ့ချိတ်ဆက်လို့ လွယ်ကူနိုင်စေဖို့ EVM (Ethereum Virtual Machine) နဲ့ ချိတ်ဆက်သုံးလို့ရနိုင်အောင် ဖန်တီးနေကြရတုန်းပါ။
.
ဒါ့အပြင် Ethereum Core Team ကလည်း Ethereum blockchain အတွက် upgrade တွေ တောက်လျှောက်ထုတ်ပြီး နောက်ပေါက် blockchain တွေနဲ့ ယှဉ်နိုင်ဖို့ အတော်လေးကြိုးစားလာနေတာကိုတွေ့ရပါတယ်။ လက်ရှိအချိန်အထိတော့ နောက်ပေါက် blockchain တွေနဲ့ transaction speed ပိုင်း၊ gas fees ဈေးသက်သာမှုပိုင်းတွေမှာ မယှဉ်နိုင်သေးပေမယ့် ecosystem ပိုင်းနဲ့ community ပိုင်းမှာတော့ စင်ပေါ်ကနေ ကြည့်နေနိုင်ဆဲဖြစ်ပါတယ်။
Ethereum က ဒီအချက်တွေမှာ အားသာချက်ရှိနေတယ်ဆို Bitcoin က ဘာတွေမှာ အားသာနေလဲ?
Bitcoin ဟာ အခုချိန်မှာ တန်ဖိုးထားသိုထိန်းသိမ်းရာ asset တခုအဖြစ် လူတွေရဲ့ ယုံကြည်မှုကို ယူထားနိုင်နေပါပြီ။ Supply ကလည်း 21 million ပဲ ထွက်မှာဖြစ်တဲ့အပြင် 4 နှစ်တခါ Bitcoin mining reward ထွက်နှုန်းကို တဝက်တိတိလျှော့ချမယ့် halving event ကလည်း ရှိနေမှာဖြစ်လို့ supply ဟာ ရှားသထက်ရှားလာဖို့ပဲရှိပါတယ်။ 21 million အထိသာထုတ်မယ့် ငွေကြေးတရပ်မှာ halving event ကလည်း 4 နှစ်တခါ ရှိနေတဲ့အခါမှာတော့ Bitcoin ရဲ့ ရှားပါးမှုစံနှုန်းဟာ မြင့်သထက်မြင့်လာပါတယ်။
.
ဥပမာ ရွှေနဲ့ပဲ နှိုင်းယှဉ်ကြည့်ကြရအောင်ပါ။ ရွှေဟာ အခုချိန်မှာ တန်ဖိုးကြီး asset တခုဖြစ်ပေမယ့် ရွှေရဲ့ supply ဟာ ကန့်သတ်မထားပါဘူး။ ကမ္ဘာမြေကြီးရှိနေသရွေ့ တွင်းထွက်ပစ္စည်းဖြစ်တဲ့ ရွှေဟာ ထွက်နေဦးမှာဖြစ်သလို ကမ္ဘာ့နေရာအနှံ့မှာ ရွှေကြောအသစ်တွေကိုလည်း ရှာတွေ့နေကြတုန်းပါ။ ဒါပေမယ့် Bitcoin ကတော့ ကမ္ဘာမြေကြီးတည်ရှိနေသရွေ့ supply က 21 million Bitcoin ပဲ ထွက်မှာဖြစ်သလို ဒီအချက်ကိုလည်း ပြောင်းလဲလို့မရပါဘူး။ Ethereum နဲ့ ပြန်ယှဉ်မယ်ဆိုရင်လည်း Ethereum ဟာ ဘယ်လောက် ETH ပဲထုတ်ပါမယ်ဆိုတဲ့ max supply မရှိနေသလို အခုလက်ရှိ ဈေးကွက်ထဲမှာတင်ကို 120.7 million ETH အထိ ရှိနေပါပြီ။
.
ဒါ့အပြင် Bitcoin blockchain ပေါ်က data တွေ၊ မှတ်တမ်းတွေအားလုံးဟာ ပြုပြင်ဖျက်ဆီးလို့မရတဲ့ public data တွေအဖြစ် ပွင့်လင်းမြင်သာမှုအပြည့်နဲ့ရှိနေမှာဖြစ်သလို Bitcoin blockchain ကို တိုက်ခိုက်ဖို့ဆိုတာကလည်း တိုက်ခိုက်သူတွေဟာ Bitcoin blockchain ကြီးတခုလုံးရဲ့ hashrate 51% ကို အနည်းဆုံးထိန်းချုပ်နိုင်မှသာ တိုက်ခိုက်လို့ရနိုင်မှာပါ။ ဒီလို တကမ္ဘာလုံးမှာ ပျံ့နှံ့နေပြီးသား Bitcoin hashrate တွေရဲ့ 51% ကို ထိန်းချုပ်နိုင်ဖို့ဆိုတာကလည်း အခုချိန်မှာ အတော်လေးကို မဖြစ်နိုင်သေးတဲ့လုပ်ရပ်တခုပါ။ (မကြာသေးခင်က Monero blockchain ကို 51% Attack လုပ်နိုင်ခဲ့တယ်ဆိုပေမယ့် Monero နဲ့ Bitcoin တို့ရဲ့ blockchain တည်ဆောက်ပုံချင်း မတူညီတာကြောင့် Monero ကို တိုက်ခိုက်လို့ရတိုင်း Bitcoin ကိုလည်း တိုက်ခိုက်လို့ရနိုင်မယ်ဆိုတာမျိုးတော့ မဟုတ်ပါဘူး။ ဒါပေမယ့် လုံးဝမဖြစ်နိုင်တာမဟုတ်ဘဲ မဖြစ်နိုင်သေးတဲ့အဆင့်မှာပဲရှိနေသေးတာပါ။)
.
ဒါကြောင့် ရှားပါးမှုအရ၊ တန်ဖိုးထိန်းချုပ်ထားမှုအရ၊ လုံခြုံရေးပိုင်းအရ Bitcoin ဟာ နှစ်ချို့ဝိုင်လိုမျိုး ကြာလေ၊ တန်ဖိုးရှိလေဖြစ်လာနေတဲ့ အရာတခုဖြစ်လာသလို Donald Trump သမ္မတဖြစ်လာချိန်မှာတော့ Bitcoin အပါအဝင် cryptocurrency တွေကို အတော်လေး အလေးပေးလာမှုနဲ့အတူ Bitcoin ဈေးဟာ $100,000 ကျော် ဈေးတန်းကို အေးအေးဆေးဆေးပဲ တက်လာနိုင်ခဲ့ပါတယ်။
အခုချိန်မှာဆိုရင်တော့ cryptocurrency တွေ အထူးသဖြင့် Bitcoin ဟာ mainstream လုပ်ငန်းစုကြီးတွေရဲ့ စိတ်ဝင်စားမှုရနေပြီဖြစ်ပြီး Bitcoin တွေကို အလုံးအရင်းနဲ့ ဝယ်စုကြဖို့ အစိုးရအချို့အပါအဝင် စီးပွားရေးနဲ့ဘဏ္ဍာရေးအဖွဲ့အစည်းကြီးတွေက ပြင်ဆင်လာနေကြပါပြီ။
.
ဒါကြောင့် Bitcoin ဟာ internet ရဲ့ အမွေအနှစ်တခုအဖြစ် တန်ဖိုးရှိလာနေပြီဖြစ်သလို ယုံကြည်မှုနဲ့ တည်ဆောက်လာတဲ့ တန်ဖိုးကို အခြား ဘယ် cryptocurrency ကမှ ယှဉ်မရနိုင်သေးပါဘူး။ Bull market အတော်များများကိုလည်း Bitcoin ကသာ ဦးဆောင်တာဖြစ်သလို Ethereum အပါအဝင် အခြား altcoin တွေက Bitcoin ထိုးတက်ပြီးမှသာ လိုက်တက်ကြတာမျိုးကိုတွေ့ရပါတယ်။
.
ဒါကြောင့် Bitcoin နဲ့ Ethereum ယှဉ်မယ်ဆိုရင်တော့ Bitcoin ဟာ internet ရဲ့ အမွေအနှစ်တခုအဖြစ် နေရာတခုမှာ ရှိနေပြီဖြစ်ပြီး Ethereum ကတော့ အသုံးဝင်မှုပိုင်းမှာ ထိပ်ဆုံးက ဦးဆောင်နိုင်နေဆဲ blockchain တခုအဖြစ် သီးသန့်နေရာတွေ ကိုယ်စီမှာ ရပ်တည်နိုင်နေပါတယ်။
လူတွေအနေနဲ့ ပြောမယ်ဆိုရင် Bitcoin ဟာ လူရိုသေရှင်ရှိသေနေရာရောက်နေပြီး လူအများတန်ဖိုးထားခံရတဲ့ ပုဂ္ဂိုလ်ကြီးတဦးဖြစ်ပြီး Ethereum ကတော့ စီးပွားရေးနယ်ပယ်မှာ အတော်လေး လုပ်နိုင်ကိုင်နိုင်စွမ်းရှိတဲ့ စီးပွားရေးလုပ်ငန်းရှင်တဦးလို မြင်ကြည့်နိုင်ပါတယ်။
.
Trader တစ်ယောက် အတွက် မရှိမဖြစ်လိုအပ်မှာကတော့ 10% discount ရတဲ့ Binance account link ပဲဖြစ်ပါတယ် အဲ့ဒီ link နဲ့ ဖွင့်ထားတဲ့အကောင့် မဟုတ်ဘူးဆိုရင် ဒီ link နဲ့ အကောင့်သစ် ဖွင့်ပြီးမှ Trading ကိုလုပ်သင့်ပါတယ်
https://accounts.binance.com/en/register?ref=SBKZZWWJ

Future Trading အတွက် Referral Code: myancrypto
Mining Account အတွက် Referral Code: E381THBL