Pakistan mein P2P Crypto Scams: Aam Awam ke liye Warning 🚨

Follow me if you like my article

⚠️ Aam P2P Scams

1️⃣ Fake Screenshot Scam

Fraudi log fake bank transaction ka screenshot bhejte hain aur kehte hain ke payment send kar di hai, lekin asal mein koi paisa nahi bheja hota.

2️⃣ Reversal Scam

Kharidar bank ke zariye paisa bhejne ke baad bank ko call karke transaction ko "galti" bata kar reverse karwa leta hai. Yoon bechnay walay ka nuqsan ho jata hai.

3️⃣ ID aur Account Hacking

Fraud karne walay log fake ya chori shuda CNIC aur bank accounts use karte hain taa ke baad mein sara ilzaam kisi aur par aa jaye.

4️⃣ Fake Escrow ya App Scam

Kuch log fake apps ya websites banate hain jo Binance jaisi lagti hain. Users ko lagta hai ke wo safe platform use kar rahe hain, lekin asal mein wo fraudster ke control mein hoti hain.

5️⃣ Jaldi Decision Karwane wala Fraud

Fraudi kehte hain: “Jaldi confirm karo warna order cancel ho jayega.” Aise mein seller ghair zimmedarana tor par deal complete kar deta hai.

ahtyat

✅ Sirf official platforms jaise Binance P2P par trading karein.

✅ Payment ka bank SMS ya app notification zaroor check karein, sirf screenshot par trust na karein.

✅ Badi amount se pehle ek choti transaction test kar lein.

✅ Hamesha buyer/seller ki rating aur reviews check karein.

✅ Kabhi bhi personal info ya OTP code kisi ke sath share na karein.

---