Spot Trading ဆိုတာက cryptocurrency တွေကို ရိုးရိုးရှင်းရှင်း လက်ရှိဈေးနှုန်း (spot price) နဲ့ ချက်ချင်းလဲလှယ်ရောင်းဝယ်တဲ့ နည်းလမ်းဖြစ်ပါတယ်။ Binance လို platform တွေမှာ trading pair (ဥပမာ - BTC/USDT) ရွေးပြီး ဝယ်မယ်/ရောင်းမယ့် ပမာဏကို ထည့်ကာ order တင်လို့ရပါတယ်။
Spot Trading မှာ သင်က crypto asset ကို တကယ်ပိုင်ဆိုင်ပါတယ်။ ETH ကို spot market ကနေဝယ်ထားရင်၊ သင့် wallet မှာ ETH တကယ်ရှိမှာဖြစ်ပြီး ထုတ်ယူနိုင်တယ်၊ staking လုပ်နိုင်တယ်၊ အခြားသူဆီလွှဲနိုင်တယ်။ Futures ဒါမှမဟုတ် Margin Trading တွေနဲ့မတူတာက leverage (ချေးငွေသုံးပြီးရောင်းဝယ်ခြင်း) မပါဝင်တာပါ။ ဒါကြောင့် အခုမှ crypto ကို စတင်လေ့လာမယ့် သူ beginner တွေအတွက် သင့်တော်ပါတယ်။
---
Spot Trading ကနေ ဘယ်လောက်အမြတ်ရနိုင်လဲ?
Spot Trading ကနေ အမြတ်ရဖို့ဆိုတာ ဈေးကွက်အခြေအနေ၊ ဗျူဟာနဲ့ စည်းကမ်းရှိမှု အပေါ်မူတည်ပါတယ်။ Asset တစ်ခုကို တိုက်ရိုက်ဝယ်ထားပြီး ဈေးနိမ့်တုန်းဝယ်၊ ဈေးမြင့်တုန်းရောင်း ဆိုတဲ့ နည်းနဲ့ အမြတ်ထုတ်ရတာပါ။ Bitcoin ကို $၂၅,၀၀၀ နဲ့ဝယ်ပြီး $၃၅,၀၀၀ မှာရောင်းရင်၊ ဈေးကွာဟချက်ကနေ အမြတ်ရမှာဖြစ်ပါတယ်။
ဒါပေမယ့် သတိထားရမှာတွေက -
Crypto ဈေးကွက်က အလွန်အပြောင်းအလဲမြန်တယ် — ဈေးနှုန်းတွေ မိနစ် ပိုင်းအတွင်းချက်ချင်းပြောင်းနိုင်တယ်။
အချိန်ကိုက်ဝယ်ရောင်းဖို့ အရေးကြီးတယ် — စောလွန်း/နောက်ကျလွန်းရင် အမြတ်နည်းသွားနိုင်တယ်။
Risk Management (အန္တရာယ် စီမံခန့် ခွဲနိုင်စွမ်း) က အဓိကပါ — ဝယ်မယ့်နေရာ၊ ရောင်းမယ့်နေရာကို အရင်သတ်မှတ်ထားပါ။
တချို့ trader တွေက technical analysis (နည်းပညာပိုင်းဆိုင်ရာ ခွဲခြမ်းစိတ်ဖြာမှု)၊ သတင်းတွေရဲ့ အရှိန်အဟုန်၊ on-chain data တွေကို အသုံးပြုပြီး ဆုံးဖြတ်ချက်တွေပိုကောင်းအောင် လုပ်ကြပါတယ်။ တချို့ကလည်း ရေရှည်ရင်းနှီးမြှုပ်နှံမှု (HODL) နည်းလမ်းကို သုံးကြပါတယ်။
---
Spot Market Trading ဥပမာ
Binance ထဲကို ဝင်ကြည့်လိုက်တဲ့အခါ ETH/USDT က $၃,၀၀၀ ဖြစ်နေတယ်ဆိုပါစို့။ Ethereum ဈေးတက်လာမယ်လို့ သင် ယုံကြည်တဲ့အတွက် spot buy order တင်ပြီး ETH ၁ ခုဝယ်လိုက်ပါတယ်။ Order ပြည့်မြောက်သွားရင် သင့် spot wallet မှာ ETH ၁ ခု တကယ်ရောက်လာမှာ ဖြစ်ပါတယ်။
ရက်အနည်းငယ်ကြာတဲ့အခါ Ethereum က $၃,၅၀၀ ဖြစ်သွားပါတယ်။ သင်က ETH ကို spot market မှာပြန်ရောင်းလိုက်တဲ့အခါ၊ ရတဲ့အမြတ်က -
$၃,၅၀၀ (ရောင်းဈေး) – $၃,၀၀၀ (ဝယ်ဈေး) = $၅၀၀
(trading fee မပါသေးပါ)
ဒါက Spot Trading ကနေ အမြတ်ရပုံရဲ့ အခြေခံဥပမာ ဖြစ်ပါတယ်။
---
📌 နိဂုံးချုပ်
Spot Trading က beginners တွေနဲ့ crypto asset တွေကို တကယ်ပိုင်ဆိုင်ချင်သူတွေအတွက် အကောင်းဆုံးရွေးချယ်မှုဖြစ်ပါတယ်။ Leverage သုံးတဲ့ trading တွေလောက် အမြတ်များများမရနိုင်ပေမယ့်၊ အန္တရာယ်လည်း နည်းပါတယ်။ ပိုမိုရှုပ်ထွေးတဲ့ trading ဗျူဟာတွေမစခင် Spot Trading အလုပ်လုပ်ပုံကို နားလည်ထားဖို့ အရေးကြီးပါတယ်။
Binance Spot Market - Click Here
မှတ်ချက်
👉 ပမာဏ အနည်းငယ်နဲ့စပါ၊ ဈေးကွက် အတက်အကျ တွေကို အရင်လေ့လာပါ၊ နားလည်သွားမှ strategy ဗျူဟာကို တစ်ဆင့်ချင်းတည်ဆောက်ပါ။
---
#CryptoTrading #Binance #SpotTrading #LearnCrypto
🔔 ဒီအကြောင်းအရာက ပညာပေးရည်ရွယ်ချက်အတွက်သာဖြစ်ပြီး ဘဏ္ဍာရေးအကြံဉာဏ်မဟုတ်ပါ။ အမြဲတမ်း DYOR (ကိုယ်တိုင် သေချာလေ့လာပါ)။
