Amreeki Sadar Donald Trump ne elaan kiya hai ke unki Chinese President Xi Jinping ke saath ek aham phone call hui jo takriban 1.5 ghante tak jaari rahi.
Is Bat ka markazi nuktah dono mumalik k darmiyan naye trade agreement par baat thi jo haal hi mein finalize hua hai. Trump ne kaha ke meeting donon taraf ke liye positive rahi aur khas tor par rare earths se mutaliq pechida masail ko hal kar liya gaya hai.
Trump ne social media par kaha:
"Meri President Xi ke saath intehai productive call hui. Unki Bat Derh ghante chali, jahan humne naye trade agreement ke sensitive points discuss kiye. Meeting har lehaz se faida mand rahi. Ab rare earth products ke hawale se koi confusion nahi rehni chahiye."
Yeh bhi wazahat ki gai k dono mulkon ke official representatives jaldi hi face-to-face meetings mein shamil honge.
US delegation mein Treasury Secretary Scott Bessent, Commerce Secretary Howard Lutnick aur Trade Representative Ambassador Jamieson Greer shamil honge.
Trump ne yeh bhi bataya k President Xi ne unhein aur Melania Trump ko China ki dawat di, jis ke jawab mein Trump ne Xi aur unki wife Peng Liyuan ko America ka dawat diya. Meeting ka tamam focus trade issues par tha, jabke Russia-Ukraine aur Iran jaise geo-political topics discuss nahi huay.
Yeh call us waqt hui jab Trump ne chand din pehle China par pehle se tay shuda deal torne ka ilzam lagaya tha, aur ek din pehle Truth Social par likha tha ke "Xi ke saath deal karna intehai mushkil hota hai."
Final agreement ke mutabiq:
🇺🇸 US ne Chinese imports par custom duties 145% se kam karke 30% kar di
🇨🇳 China ne US imports par duties 125% se kam karke 10% tak la di
#TRUMP #Xi #TradeDeal #ChinaUS #RareEarths #TrumpTariffs #Geopolitics #EconomicNews