تشتي فلوس ..

تشتي توقع غني ..

تعااااال معي لك مشروع ضخم ..

شوية ورق سدر + كيلو سكر + شوية جلكوز + صحة ماء ومش ضروري تكون مياة معدنيه + حبة ليمون

طبعا هذه المكونات ما اتكلفشش عليك

ولا 2000 ريال يمني

نكمل .. مشروعنا

ونخلط المكونات هذه كلها على نار هادئه وحرك لمدة 5 دقايق ..

وبقدرة قادر راح يوقع لك دبة عسل سدر اصلي عصيمي رقم واحد .. من جبال البوتجاز 🤣

نكمل .. نكمللللل

تشل نفسك وتطير على اقرب صيدلية

وطلبت منه شريط فياجرا واطحنه وحطه

بين العسل العصيمي الي سويته انت ..!!

واي زبون يدخل عندك ضروري تشل ملعقه وتطعمه

الزبون ايشوف جهاز الانذار عنده اشتغل ..👌👌

وهو بدوره ايكلم اصحابة وقت التخزينة ويشعكل جمبه خمسة او سته زباين والدبه الي سويتها با 2000 اتبيعها با 200000

شفتت كيفف حتا لووو انت تاجر مخندرات والله ما تحقق هذه الارباح بهذه السرعه ..

طبعا ..

اذا كنت بتسال ليش العريس يمرض يوم عرسه او قبل عرسة بيوم او بيومين اعرف ان منظومة الدفاع الجوي حقه كظمت وجاله اسهال ومغص .. بسبب هذا العسل المغشوش والذي اصبح منتشر بكثرة في الوقت الحالي$BTC