Dear Binance family, I've noticed that most of my Binance family members are Urdu/Hindi speaking & they want to learn about trading but in native language. So from now on, I'll be sharing most of my content in Urdu for you guys, I hope you get most out of it. That being said, let's begin 💜
So aj mai aap ke saath crypto market ki aik bohat zaroori information share karne wala hun, jise Bitcoin CME Gaps kehte hain. Yeh samjhna aap ki trading analysis mein bohat madad dega.
📉 Bitcoin CME Gap: Ye Kia Hota He?
CME ka matlab hai Chicago Mercantile Exchange.
Simple alfaz mein:
* CME Gap tab banta hai jab Friday ko jab CME futures market band hoti hai (closing price) aur Monday ko jab khulti hai (opening price), to in dono qeemton mein bohat bara farq aa jaye.
* Yeh farq is liye aata hai kyunke weekend par CME band hota hai, lekin Binance aur baaqi exchanges par Bitcoin (BTC) ki trading 24/7 chalti rehti hai.
* Chart par yeh farq aik khali jagah (blank space) ki shakal mein nazar aata hai, jise hum 'Gap' kehte hain.
💰 Ye Gaps Hamare Lye Kyun Zaruri Hain?
Aap soch rahe honge ke CME par kya ho raha hai, humein kyun farq padna chahiye?
* Bari Machliyan (Big Players): CME regulated market hai aur yahan par institutional investors (bare banks, hedge funds) futures trading karte hain. In ke paas bohat zyada capital hota hai.
* Jab itna bara paisa kisi price point ko ignore karke aage nikal jaye, to woh point market ka aik weak spot ban jata hai.
Isi liye, trading analysis mein in gaps ko bohat ahmiyat di jati hai.
📊 Traders K Lye Ye Kia Maani Rakhti He?
CME Gaps ki sabse khaas baat ye hai ki in ki tendency hoti hai 'Fill' hone ki.
* Gap Fill Hoga: Taquiban 98% se zyada gaps der ya sawer fill ho jate hain. Yaani, BTC ki qeemat wapas us khali jagah tak aakar trade karti hai.
* Support & Resistance: Traders in gaps ko ahem Support aur Resistance zones ki tarah dekhte hain.
* Agar gap neeche reh gaya hai, to aksar log expect karte hain ke price wahan tak pullback karegi.
* Agar gap upar reh gaya hai, to woh aik target area ban jata hai.
Lekin Yaad Rakhein!
Gap fill hone mein time lagta hai. Kuch gaps kuch ghanton mein, jab ke kuch ko kai mahine bhi lag sakte hain.
For example:
November 2024 mein $78,000 aur $80,700 ke darmiyan jo gap bana tha, usay taqreeban chaar mahine (nearly four months) lage the fill hone mein.
Is liye hamesha:
* Market context ko dekhein.
* Apna Risk Management hamesha strong rakhein.
* Sirf gap par depend mat karen, baaqi analysis bhi zaroori hai.
I hope, ye information aapko market ko behtar samjhne mein madad degi! Koi sawal ho to pooch sakte hain.
#BTC #UrduExplained #eth #sol $BTC
