Crypto P2P trading mein ek naya aur bohot khatarnak fraud chal raha hai jise Overpayment Scam kehte hain. Haal hi mein hamare ek bhai iska shikar hote hote bache jab unho ne P2P par USDT sale ke liye lagaye. Ek buyer ne un se deal shuru ki aur thodi der baad ek fake edited screenshot bheja jis mein dikhaya gaya ke us ne ghalti se 50 hazar rupaye zyada bhej diye hain. Buyer ne foran rona dhona shuru kar diya ke bhai main ghareeb hoon mujh se ghalti se extra paise transfer ho gaye hain aap please mujhe 50 hazar wapas bhej dein aur deal cancel kar dein.
Is scam ka tariqa-e-wadat bohot simple par dimaghi hota hai. Scammer aap ko dubaara check karne ka mauqa nahi deta aur jazbaati kar ke jaldi mein faisla karwata hai. Asal mein aap ke bank account mein ek rupaya bhi nahi aaya hota balkay wo sirf ek fake text message ya fake bank receipt hoti hai. Agar aap darr kar ya taras kha kar usay apne paas se 50 hazar rupaye refund kar dete hain to aap ka real paisa chala jata hai aur jo USDT order mein hote hain wo alag phanse rehte hain.
Is fraud se bachne ka sab se behtareen hal yeh hai ke github ya bank app par jab bhi koi extra paison ka daawa kare to sab se pehle apna bank account login kar ke real balance check karein. Agar buyer kahe ke paise ghalti se aa gaye hain to usay apne paas se ek rupaya bhi refund hargiz mat karein. Aap ne seedha Binance Support ko report karna hai aur appeal file kar deni hai. Binance ki team khud donon accounts ko check karegi aur faisla karegi. Aap ne khud se koi transaction back nahi karni.
P2P trading ko safe banayein aur aisi mazed chalaakiyon se bachein kyun ke thodi si hoshiyari aap ko baray nuksan se bacha sakti hai. Is series ka agla hissa yani Part 4 kal raat theek 9 baje aayega jis mein hum ek aur baray scam ka parda fash karenge. Tab tak ke liye account ko foran follow kar lein taake aap koi important update miss na karein aur crypto mein safe rahein.
#BinanceP2P #CryptoPakistan #P2PSafety