الفريق المؤسس والخلفية التقنية
اسأل نفسك: مين ورا المشروع؟ هل في أسماء معروفة في مجال الكريبتو؟ هل عندهم مشاريع ناجحة قبل كده؟ ولا مجرد فريق مجهول ومفيش أي شفافية؟ وجود فريق موثوق بيديك أمان وثقة في استمرارية العملة.
و قبل ما تكمل البوست اتاكد انك عملي فولو❤️
2.المشكلة اللي بتحلها العملة
هل العملة دي عندها هدف واضح؟ بتقدّم حل جديد لمشكلة موجودة في السوق؟ ولا مجرد نسخة مكررة من مشاريع تانية؟ كل ما كان عندها حل جديد و قوي وحقيقي، كل ما زادت فرص نجاحها.
3. الرموز (التوكنز) وتوزيعها
اعرف توزيع التوكنز كويس… هل الفريق ماسك نسبة كبيرة؟ هل في فترة قفل (vesting period) تمنعهم يبيعوا بسرعة؟ المشاريع اللي مفيهاش قفل واضحة ممكن يحصل فيها “dump” في أي لحظة.
4. المنصات اللي متاحة عليها
عملة مش موجودة غير في منصات صغيرة وغير مرخصة؟ ده خطر كبير. لازم تتأكد إنها موجودة (أو على الأقل في طريقها) لمنصات موثوقة زي بينانس ، لأن ده بيظهر ثقة في المشروع.
5. السيولة وحجم التداول اليومي
كل ما كانت السيولة قليلة، كل ما كانت مخاطرتك أعلى. لأنك ممكن ما تقدرش تبيع وقت ما تحب. تابع حجم التداول اليومي وشوف هل فيه حركة فعلية؟ ولا العملة نايمة ومفيش اهتمام بيها؟
وأخيرًا…العملات الجديدة فيها فرص، لكن كمان فيها مخاطرة عالية. خد وقتك، اقرأ الـ whitepaper، راقب مجتمعات العملة، وادرس المشروع كويس و اتاكد انك عملي فولو
