شباب، من شهرين وأنا عم بنشر توصيات، والحمدلله النتائج عم تحكي لحالها.

من أول ما دخلت السوق، تابعت مشاهير التحليل، ودَفعت فلوس على كورسات، وضيّعت وقتي على ناس بتحكي أكتر ما بتفهم.

أغلبهم بيرمي توقعات من باب الإحساس، لأن ولا حدا فيهم مستعد يقدّم اللي بيعرفه من عقلية أو استراتيجية أو حتى طريقة تفكير.

والسوق؟ ما بيتعامل مع الإحساس… السوق بده عقل، وصبر، وخطة.

أنا ما عم بحكي إنه عندي سر، بس في شغلة بتفرق:

ما برمي كلمة إلا وأنا شايف إلها سبب، ولو نسيت شو قلت، بيرجعني الشارت.

أنا مش ضد حدا… أنا دايمًا ضد نفسي.

بتحدى حالي كل يوم، وهدفي أكون أحسن من امبارح حتى لو بواحد بالمية.

حابب أختصرها عليك:

لا تشتّت حالك بين محلل ومحلل و بين علاك ومعلاك…تاخد فكرة من هون ونص نظرية من هناك، وتبلّش تنصّح فلان وعلان على إنك فهمان.

هيك بتضيع وقتك وبتضحك على حالك قبل غيرك صدقني، مع احترامي الكامل لكل واحد بلّشها بجدية.

السوق عامل مثل اللغة، إذا ما قرأت، وكتبت، وسمعت، ومارست نفسك بنفسك…ما رح تتقنها، حتى لو حضرت ألف فيديو.

آمن بنفسك، وابدأ تبني أسلوبك خطوة بخطوة،

ودايماً تذكّر: الأشياء العظيمة… بتحتاج وقت.